بالتوفيق وشكرا على المعلومات
السلام عليكم ورحمة الله وبركاته
اليوم جايب لكم تجربتي مع حل مشكلة ارتفاع الحراره اثناء الوقوف !
في البدايه حبيت اقولكم ممشى السياره الحالي 135 الف كيلومتر
بداية القصه ان حراره المؤشر ارتفعت الى اكثر من 3 ارباع
و انا كنت مشغل المكيف و واقف بجانب احد البقالات عندنا في عُمان ومكيف السياره صار يطلع هواء ساخن !
فتحت الكبوت و اكتشفت ان احد المراوح ما تشتغل ، وعلى حسب خبرتي بإن الي تصادفة حركة توقف مروحة المبرد يضربها بإستبنه او حجر وراح تشتغل على طول
المهم اني ضربت مكينة المروحه بحجر و اشتغلت ورجعت الحرارة طبيعيه الى تحت نص المؤشر بشي قليل
ورجعت المروحه تشتغل طبيعي لمدة اسبوع ، وبعد اسبوع رجعت المشكله مره ثانيه بس الحين في المروحتين !
نصحوني اني اروح اغير المراوح من التشليح
بس انا رحت الوكاله و استفسرت عن مكينة المروحة فقط وقالو لي انها موجوده و بسعر 62 ريال عماني يعني بحدود 620 ريال سعودي للمكينه (الدينمو) الواحده ، بس انا اشتريت مكينتين ب124 ريال عماني من الوكاله بدون تركيب
ورحت الى اقرب كهربائي وغيرت المكائن (الدينمو) بـ10 ريال عماني
صادفتني المشكله من بعد ما نظفت السيارة من المكينه بالماء و الصابون بإسبوع !! ولا اعلم المشكلة كانت بهذا السبب او لا !
المهم من اسباب ارتفاع الحراره
1-نقص مستوى الماء في الراديتر
2- غطاء الراديتر عطلان
3- مستوى الماء في المطاره اقل او اكثر من الماكس او الطبيعي
5-ضعف المراوح او توقفها
6-واتربمب او مضخة الماء
و في الأخير انصح وبشده استخدام ماء التبريد من الوكاله ، سعره 7 ريال عماني او 70 ريال سعودي
وفي الختام عتذر على الإطاله ولاتنسوني من دعائكم
سبحانك اللهم وبحمدك استغفرك و اتوب اليك
بالتوفيق وشكرا على المعلومات
السلام عليكم
اسعدالله اوقاتكم أخواني بكل خير
شكراً ي غالي ع المعلومااات وأنا عندي نفس المشكله بخصووص ارتفاع الحرارة وطلع عندي المرواح فيها عطل
سؤالي كيف أوفر القطع الأصلية بإقل سعر لاني حصلت محل عندنا وقالي تكلف عليك القطعتين 600 ريال مثل اسعار الوكالة
إذا فيه أحد يفيدني يستعجل الله يسعده
مواقع النشر (المفضلة)