السلام عليكم ورحمة الله وبركاته

كتبت موضوع سابق عن إصلاح الدودة والتهريب العلوي لها بالصور

تقرير مفصل عن اصلاح الدودة هوندا اكورد بالصور

.
.

بعد فترة جت للسيارة ضربة من تحت وصار فيه تهريب للدودة السفلية ..
وسالت عن إصلاحها وجت التوصية على ورشة الجنوب في الصناعية القديمة


ورشة الجنوب - هوندا



ولقيت المدير هذا




وهذا معه




وتم الاتفاق على اصلاح الدودة بالكامل بقيمة 950 ريال قطع أصلية وكالة
310 طقم إصلاح وزيت
350 مخرطة للدودة
290 ريال شغل يدل

.
.
وبدا الشغل مع هالعامل



بدا بفك الدودة












وهذا شكل الدودة بعد الفك



بعد فكها أخذ القطعة وأعطوها عامل خارج الورشة .. سالت وين قالوا للمخرطة ..
المهم رحت أسال عن قطع الغيار ولقيت طقم اصلاح الدودة كامل مع الزيت 260 ريال
.
.

شريت القطع ورجعت للورشة وقلت هذي القطع ..
قال المدير حقهم خلاص ركبنا القطع .. ( خلال أقل من نص ساعه )

رفضت كلامه وقلت هذي القطع اصلية بأرخص من القيمة اللي اتفقنا عليها
المهم أرسل معي عامل للمخرطة وهنا الصدمة ..

مافيه مخرطة أساسا ..

ورشة ثانية و عامل هندي في غرفة 2*2
شغلته بس الدودة والقطع عنده كلها تجارية ..
الورشة إسمها ميزان السيارات على شارعين قريبة من الورشة

سالته عن شغل يده قال اتفاق بينه وبين صاحب الورشة 150 ريال
سالته تحتاج مخرطة قال تركيب الدودة وإصلاحها مايحتاج مخرطة فقط تركيب قطع ..

رجعنا الورشة إلا نفوسهم صايرة شينه ..

سالت المحلات اللي حوله وقالوا إن إصلاح الدودة مع القطع مايكلف 400 ريال

واذا القطع من عندك فـ شغل يده 200 ريال الى 300 بالكثير ..

ماراح أحكي وش صار معهم بعدين ..

لكن عطيته مبلغ أقل من المتفق عليه وما قال ولا كلمة ..

وقلت بنزل تقرير كامل عن اللي صار ..

دعواتكم ..