وعليكم السلام ورحمه الله وبركاته
الزيت أخوي هذا من كراسي المكينه يعني يبيلها تغير
سلام,,
السلام عليكم ورحمة الله وبركاته
مساكم الله بالخير شباب... سيارتي اكورد 2004..البارح بالليل قبل ما اغسل السيارة فتح غطاء المحرك وجالس امسح المحرك من الغبار واشيك الزيت... المهم وانا جالس انتفحص وجدت زيت متجع حول كرسي المحرك الامامي مقابل الراديتر مباشرة ... لمسته ولقيته اسوووود ومافيه لزوجه وبدون ريحة ( اقصد ريحة زيت المحرك لانه له ريحه مميزة ).
جلست اشوف تحت السيارة مافي شي!!.. دورت من وين جاي ما أدري
المهم غسلت المحرك بالماء وغسلت مكان الزيت... وراح رحت لميكانيكي اعرفه فلبيني جلس يدور وماعرف من وين جاي... قلت يمكن اني غلطان اتوهم.
اليوم بعد ما رجعت من الدوام لقيت نفس الزيت متجمع مرة ثانية حول كرسي المحرك الامامي!!! وكان لسه توه نازل ومتجمع ولونه اسود!!!
فما ادري وش السالفة؟!
علما تفحصت زيت المحرك مافيه شي.
فحصت زيت الباور ومافيه شي.
زيت البريك لقيته ناقص شوي وزدته... بس وييين زيت البريك حول الكرسي...بعيد عنه
آخر مرة دخلتها الصيانة كانت 140ألف كم وغيروا لي خرطوم الباور على حسابهم.
والحين سيارتي ماشية 155ألف كم بس بدخلها على 160ألف كم
ارجوا الافادة؟
تحياتي
a_ya7ya
وعليكم السلام ورحمه الله وبركاته
الزيت أخوي هذا من كراسي المكينه يعني يبيلها تغير
سلام,,
كـلام أخونا أبـو درب صحيح ..
هذا كرسي المكينة الأمـامي مكسور ومعروف إن الكرسي قطعتين متطابقين بينهم زيت ..
يا ليت الأخوان يضيفون لنا من تجاربهم هل فيه أضرار في ترك الكرسي فترة طويلة دون تغيير ؟
والله شكلها السالفة قلبت جد... هلا اخوي just 4 u
طيب الحين اروح للوكالة على طول او اصبر للصيانة الجاية(160الف كم)؟
والله اني خايف مررررة لايكون المحرك يصير فيه شي... انا عمري ما اشتكيت من اعطال ميكانيكية مع ان سيارتي ماشالله تبارك الله ماشية 155ألف كم مع الصيانة الدورية.
طمنوني شباب الله لا يهينكم.
ومشكور يالغالي على المرور
تحياتي
انت تاكد ان الزيت من الكرسي نفسه
واذا صحيح منه ما يضر تمشي عليه اذا السياره ما فيها رجه واضحه بسبب الكرسي فتره للصيانه القادمه
..
....
انشا الله متشوف باس يا الغالي وش الي يمنعك ماتروح للوكالة وتسال وترييح بالك
اشووف لو تسال الوكالة احسن لك وتردلنا خبر وتسوي تقرير عن هذا الي جااك وتصيد اجر في الي بيسالون بعدين عن نفس المشكلة
هذا رأيي
اخي العزيز المسافر
اخي العزيز accord05
انا كلمت الوكالة...وكلمت مهندس الصيانة اعرفه زين.
وقلت له عن السالفة بالظبط
قالي: لاتخاف هذا شي عادي كون السيارة مشت 155ألف كم والزيت هذا من الكرسي ولازم يتغير.
قلت له: طيب هل في خطر على السيارة لحد ما اجيكم للصيانة الجاية؟ قالي: لا مافي اي خطر ان شالله.
قلت له: كم سعر الكرسي؟
قال: مممممم ماني متأكد بس تقريبا 500 ريال اقل اكثر شوي.
وانتهت المحادثة
اشكركم جميعا شباب على التعاون والمشاركة
تحياتي لكم جميعاِ
كانت عندي نفس مشكلتك في السيفيك وطلع انها من صوفة القير وغيرتها على الضمان..>>> ايام ما كانت السيارة على الضمان :d
هلا وغلا فيكم
انا بصراحه مرت على هالحاله ، وكانت فيه رجفه بسيطه اذا وقفت بالسيارة وحاطها بـ D واروح لمواحد بالصناعيه قال هذا كرسي الماكينه منفقع ووراني الزيت اللي طالع من الكرسي ( بس سالته هل له تأثير على اشياء ثانيه. قال ترا الكراسي الثانيه بتنفقع ), عاد انا ماسمعت كلامه وغيرت الكراسي كامله حقت الماكينه وحقت القير واللي على الجوانب عند ورشة السبيع .
وعلى فكرة ترا فيه مستعمل .
هذا يا سيدي كرسي المكينه الامامي مكسور ونازل زيته لاتخاف بسيطه
اشتريه من برا الوكاله واي واحد يسويه بسيط تركيبه
قيمته الظاهر 190 وسغل اليد 50 ريال
مواقع النشر (المفضلة)