انا عندي صوت يطلع اذا السياره بارده الصبح نفسك
وعلى طول يروح
اتوقع عادي الصوت
السلام عليكم ورحمة الله وبركاته ..
صبحكم الله بالخير والسعادهـ ..
اخباركم .. << طولتها :p
انا عندي مشكله ما ادري وش سالفتها ..
انتم تخبرون الجو بالشمال هاليومين برد وتشطبنا من البرد بحايل ..
فأنا ما لاحظت هـ الشي الا يووم صار الجو البارد ..
لما اشغل السياره ..
واحميها وامشي ..
يطلع عندي صووت بالدركسون اثناء الف يمين او يسار .. لاحظو بس اذا لفيت ..
صووت مثل الصفير .. ولما اطول بالمشي بالسياره اغلب الاحيان يرووح ..
والصوت اذا طلع احس فيه وانا ماسك الدركسون ..
ما ادري وش سالفته ..
الصراحه مضيق صدري ..
وكاله حايل ماعند احد بالعربي ولا رحت لهم ..
فياليت اللي عندهـ خبرهـ بالشي هـذا يساعدني ..
سيارتي ..
هوندا اكوورد 2007 ..
انا عندي صوت يطلع اذا السياره بارده الصبح نفسك
وعلى طول يروح
اتوقع عادي الصوت
..
....
يعني مو خلل وا خراب ..
انا صراحه مضيق صدري ولا لاحظته الا بالبر ..
الف شكر لك ع الرد يا عزوتي ..
وما قصرت .. وان شاء الله نشووف ردود الاخوان علينا ..
جاوبني على كم سؤال حق اقدر افيدك ..
كيف خشونة الدركسون معاك .. هل الدركسون طبيعي او صار فيه خشونة ؟
هل الصوت يختفي لما تكون السيارة ساخنة ؟
افتح كبوت السيارة .. ولاحظ الطرمبة على اليسار المتصلة بسير المكينة وهي تصير فوق وتشفوفها بشكل واضح .. هل عليها آثار زيت حديث او آثار تسرب ؟؟
هل مستوى زيت الدركسون عندك جيد او فيه نقص ؟؟ تقدر تتأكد بالنظر إلى العلبة في الجهة اليسرى بجانب خزان مياه غسيل الزجاج الأمامي .. توجد علبة غطاها أحمر .. تأكد من مستوى الزيت .. المستوى الصحيح يكون أعلى من النصف بشوي ..
وش نوع الزيت الي تستخدمه ؟
اسمح لي كثرت عليك اسئلة ولكن احتاج دي الأجوبة ..
Honda Inspire : The other face for German Currency
هلا اخوي
حبي السبب والخراب كتالي ...
روح اقرب ميكانيكي وقله في صوت خله يحدد امرين فقط يا صوفة بكرة الدركسون او صوفة الشداد افهمني زين زين الشداد بس خله يفك لك الصوفة الي هي تطلع صوت اذا فك الصوفه بيجي عليها رقم معروف الي هو مقاس الصوفه ولا يشطرت بان تكون من هوندا اي صوفة من اي محل قطع غيار لان هوندا بيصلخك خذ الصوفة نفس المقاس وروح للميكانيكي وقله يالله اكبس الصوفه وركبها وبس وعطه بلكثير خمسين ريال ولا يفتح فمه والصوفه سعرها اذا مرة طار 40
بس حبي قبل كل شي شوف قبل ما تسوي ذا الكلام تاكد من سير المكينه زين ويكون شاد على البكرات اذا كله سليم سو الي قلت لك عليه وبالتوفيق وانشاء الله يطلع الخراب منها ؟؟؟
(الاخ الهادف تحياتي لك ترى التهريب او اي عيب في العلبه ما يطلع صوت صفير ويختفي يطلع صوت يختلف عن الصفير ومعروف ومستمر ؟
التعديل الأخير تم بواسطة بوثين ; 28-11-2007 الساعة 02:35 AM
كيف خشونة الدركسون معاك .. هل الدركسون طبيعي او صار فيه خشونة ؟
الحمد لله كل شي طبيعي .. بس لما يطلع الصوت وانا الف .. احسه بالدركسون .. على فكره ترا الصوت لما الف ماهو متواصل .. يعني متقطع مو مع الفه كلها ..
هل الصوت يختفي لما تكون السيارة ساخنة ؟
ما احس فيها نهائيا ..
افتح كبوت السيارة .. ولاحظ الطرمبة على اليسار المتصلة بسير المكينة وهي تصير فوق وتشفوفها بشكل واضح .. هل عليها آثار زيت حديث او آثار تسرب ؟؟
ابشر وان شاء الله افتح واتأكد لاني الحين فوق سريري وابي انام .. هههههه
وش نوع الزيت الي تستخدمه ؟
هل تقصد زيت المكينه .. اذا هذا مقصدك .. فهو زيت كاسترول ..
اسمح لي كثرت عليك اسئلة ولكن احتاج دي الأجوبة ..
يا بعد حيي والله ما قصرت .. اعذرني انا ازعجتكم ..
مواقع النشر (المفضلة)