أكثر ما يخرب في سيارات الهوندا .. علبة الدركسون ؟؟

**سحآآب** · 01-12-2007, 09:43 PM

السلام عليكم ..

هل صحيح يا شباب ان أغلب الخرابات في جميع أنواع سيارت هوندا تكون في علبة الدركسون ؟

**الاخطبوط** · 01-12-2007, 10:19 PM

انا موجوده عندي أكورد 96 وهلكتها خطوط ولا عمري عانيت من مشكلة بعلبة الدركسون

مين اللي أعطاك هالمعلومه؟؟

ينقل لقسم الصيانة للاختصاص

**just 4 u** · 01-12-2007, 10:28 PM

مشكلة علبة الدركسون موجودة في السيارات الأمريكية أكثر من اليابانية ..
والهونـدا من النادر جداً وأنا شخصياً ما مر علي مثل هالمشكلة ولا سمعت عنها

**ل م س 3 3 4** · 01-12-2007, 10:51 PM

انا خربت على الدوده وبعد فتره جاء شق بسيط في علبة الدركسون كيف ؟؟الله العالم

**ad_jafree** · 03-12-2007, 01:10 AM

على حسب علمي أن الدودة او لي الدركسون فيها الخرابات الاكثر من علبة الدركسون (لانها خربت علي ومن كثر ما أشوفهم يغيرونها في ورشة الجنوب)

وتراهى وجهة نظري .....والله اعلم

**هنادي والناس تنادي** · 03-12-2007, 01:59 PM

انا نفس الشي خربت علي
صارت تهرب زيت وتصلع صوت إذا لفيت الدركسون
وغيرتها من التشليح لانها في الوكاله غاااااااااليه 1700 تقريباً,,,,

**الهادف** · 03-12-2007, 05:50 PM

خلني اعطيك الجواب المفيد لأن اجوبة الشباب غير دقيقة ..

طرمبة زيت الدركسون او Power steering Pump

صورتها

طبعاً علبة مضخة زيت الدركسون كم ترونها بالصورة أعلاه غير معرضة للخراب الكامل بإذن الله
ولكن هناك عدة شغلات يبغالها تغيير فيها ..
مثلاُ الواشرات رقم 16+17+14+15+12+13+11
الصوفة او الـ Seal رقمها 8
البيرنج : رقمه 7

قيمة القطع في الوكالة 101 ريال

تقدر تطلبها من الوكالة على بالسؤال عن اغراض اصلاح الدركسون واذا ما فهموا عليك تقدر تزور الصقحة التالية وتاخذ رقم البارت حق القطع الي ذكرتها فوق ..

مع العلم أن الشباب الي غيروا ليات الدركسون يحتاجون الواشرات رقم 16+17+ الصوفة + البيرنج

سؤال يطرح نفسه ..
وش الا يسبب خراب طرمبة الباور او الدركسون ؟؟
السبب الأول : تركيب زي خاطئ مثل ACDelco وطقته .. هذا الزيت مخصص لسيارات الـ GMC والـشفر

السبب الثاني : اهمال مستوى سائل الدركسون وعدم التشييك على التسربات بين فترة وأخرى .. حيث أنه توجد شفرات مراوح صغيرة جداً داخل طرمبة الباور معرضة للخراب بسهولة في حال انخفاض مستوى السائل
لاحظ الصورة وشوف الشفرة الصغيرة .. طبعأ توجد حوالي 10 شفرات وضياع واحد منها مشكلة كبيرة ..

**S c O r P i O n** · 06-12-2007, 12:30 AM

شرحك حلو ..
بس الرجال يقول انها حساسة وفعلا انا عندي 2006 وسويت حادث بسيط جدا واخترب علي السكان انعوج مجمع السكان كامل واختربت الطرمبة يعني ماينفع لها طقم اصلاح والمشكلة سعرة نار بالوكالة كامل خذيناه من التشليح
+
قبل الاكورد الـ2006 كان عندي اكورد كوبية 2002 واختربت علي الطرمبة بدون سبب وللأمانة هملتها وأخترب على المجمع كامل بعد فترة وبدلتة كامل

المجمع = العمود اللي يتوصل من السكان للكفرين اليمين واليسار الامامي ومعى عدتة يعني الموضوع موبسيط

**ad_jafree** · 06-12-2007, 02:40 AM

الف شكر اخوي الهادف صراحة رد مسكت (مسكت والا N70)

**ل م س 3 3 4** · 06-12-2007, 03:28 AM

طيب ياشباب انا قد خربت على الدودة وشريت لها قطع اصلاح ،،والحمد لله ضبطت
بعدها بفتره لقيت علبة الزيت حق الدركسون فيها شق بسيط ويهرب منها الزيت ،صرت اعبيها كل يومين الين غيرت العلبه ،،،الان بعض الساعات يطلع صوت وانا لاف بالدركسون ... وش تتوقعون السبب منه ووش الحل ،،مع العلم اني لون زيت الدركسون احمر مو اصفر زي الوكاله؟

**S c O r P i O n** · 06-12-2007, 03:39 AM

^
^
اذا ماعندك تهريب تلاحق عمرك وصلحها
المشكلة هنا

1-بالبكرة يمكن معوجة عندك افحصها وانت واقف
2-هوزات الطرمبة اللي يمشي فيها زبت السكان يمكن يبيلها تبديل
3-الطرمبة كاملة خربانة عليك .. لاتهملها لأنها راح تكبر
4-وهذي ماعتقد لأنة السكان راح يكون ثقيل عندك المجمع مضروب ضربة خفيفة من تحت .. في حال ماكان فية تهريب بالسيارة
5-لون دهن السكان احمر مواصفر
والله يوفقك

**الهادف** · 06-12-2007, 11:11 AM

المشاركة الأصلية كتبت بواسطة S c O r P i O n

1-بالبكرة يمكن معوجة عندك افحصها وانت واقف

ما تنعوج البكرة يا بو الشباب ؟؟ وش الي يعوجها ؟؟

المشاركة الأصلية كتبت بواسطة S c O r P i O n

2-هوزات الطرمبة اللي يمشي فيها زبت السكان يمكن يبيلها تبديل

ممكن فيها انسداد .. ولكن حتى هذا الأحتمال بعيد الا اذا كان الزيت لونه احمر

المشاركة الأصلية كتبت بواسطة S c O r P i O n

3-الطرمبة كاملة خربانة عليك .. لاتهملها لأنها راح تكبر

الطرمبة ما تخرب كاملة .. في العادة حاجة بسيطة فيها الا تخرب ولكن بما ان صاحب السيارة يجهل ماهو الشيء المعطوب فيها فيغيرها بأكملها ..
على السبيل المثال .. في حال انكسرت احدى شفرات المراوح يخبرك الفني بضرورة شراء طرمبة جديدة ولكن هناك حلول بديلة .. تستطيع طلب القطعة من ورشة تشكيل المعادن بإعطائه الطول والعرض والأرتفاع او قطعة جيدة ليقوم هو بدورة بعمل نسخة منها ..

المشاركة الأصلية كتبت بواسطة S c O r P i O n

5-لون دهن السكان احمر مواصفر
والله يوفقك

زيت احمر يعني .. زيت دركسون بلزوجة خاطئة او زيت قير ..
زيت الدركسون للهوندا مستحيل يكون أحمر

**ل م س 3 3 4** · 06-12-2007, 04:03 AM

الله يعطيك العافيه اخوي

بس اكذب عليك اذا قلت لك فهمت شيء

**S c O r P i O n** · 06-12-2007, 02:05 PM

حبيبي الهادف انت شكلك تحب القراءة ترى التجربة غير والقراءة غير انا مبدل الطرمبة 7 مرات كاملة وعند محل متخصص والهوز اذا كان تجاري ماراح يوصل الزيت بالشكل المطلوب وراح تلاحظ حركتة اذا لفيت السكان وبتسمع صوت والبكرة تنعوج ادري فهمة الكلمة غلط اقصد ماتكون مستقيمة ودورانها مستقيم (اكثر قطعة بالمجمع عرضة للخراب) والبكرة طبعا تتبدل
ومعاك حق يمكن في قطع بالطرمبة تتبدل بس هذا يمكن بالخارج يهتمون بأدق التفاصيل عندنا يقولك خربانة جيب طرمبة جديدة وسعرها موغالي واريح نفسيــاا

**سحآآب** · 07-12-2007, 06:35 PM

شكرا لجميع من شارك في الموضوع .. فعلا استفدت من الطرح الجميل ..

**youssef_gte_3** · 08-12-2007, 08:40 PM

مرحبا ياشباب انا عندي هوندا اكوورد 2001 امريكي
عندي صوط في علبة الباور لكن مافي تهريب الف الدركسون يمون ويسار يطلع الصوت و كمان في الريوس لكن لما تمشي السياره يطلع صوت خفيف وبي حل كل ورشه اروح ليها يقول حاجه تانيه ؟

وش الحال بليسسسسسسس؟