وين راح الضغط ....!!!! معقوله توني الاحظ ؟

**The Godfather** · 02-12-2007, 03:54 PM

السلام عليكم
اليوم و انا راجع البيت و كنت ماشي بمعدل 160 .. وصلت لاشاره ... ضغطت بريك ووقفت
و انا بالاشاره اشوف الضغط ناااااااازل .. اطالع الا الضغط نص
و واقف على النص و بالاشاره اللي اللي بعدها الاحظ انه يرتفع ثواني فوق النص و يرجع ينزل للنص

طبعا الحاله هاذي و انا حاطه على الدي ,,, يوم حطيت على N او P اشوفه يرتفع حبتين فوق النص
بس لما احط D و اضغط بريك ينزل للنص
انا اول مره الاحظ الضغط جذي نازل ..... هل هي مشكله او انه طبيعي ؟

صوره للضغط :

طمنوني .... محتاج اروح الوكاله ؟

**i-vtec2005** · 02-12-2007, 04:17 PM

انا اول شي بسألك .... مركب حاجة على السيارة ؟؟؟ رامير مثلا او هدرز او دبة او اي شي يتعلق بالمكينة ؟؟؟
....
اذا كنت مركب شي يمكن يأثر على ضغط المكينة ...فيخليه يرتفع وينزل ..ويمكن انه فيه مشكلة بحساس من الحساسات ... احسن شي انه اذا المشكلة ماراحت وعلى طول كذا روح الوكالة
..
تحياتي

**The Godfather** · 02-12-2007, 04:22 PM

مو مركب اي على المكينه

فقط الشوته مكسوره و لا بدلتها .... الشوته = فلتر الهوا .... مكسور كسر صغير و لا بدلتها
ما اظن منها و لا جان بين معاي لانها مكسوره من رمضان

**مرتي اكورد** · 02-12-2007, 04:31 PM

حــبــيـب قلبي اتوقع انه

فيه مشكله عندكـ بحساس الضغط .....

ويمكن الاعضاء يفيدونك اكثر مني ,,,؟؟؟؟

**The Stig** · 02-12-2007, 04:53 PM

انا مافهم في الميكانيكا بس بقولك الاسباب المحتمله

اولا : اذا سيارتك تمشي تمام التمام .. فهذا يعني بان حساس الضغط عطاك عمره

ثانيا : وهو الاهم والاخطر ... اذا حسيت السياره ضعف عزمها .. وحسيت انه ضغط المكينه خف صج مثل مايطلع بالعداد ..
فهذا يعني انه المكينه فيها مكان يسرب منه

طبعا هذا صحيح .. وصار مره مع قريب الي ..شفته داخل الورشه مسرع والسياره لها صوت ومافيها ضغط ... والمشكله كانت بسبب انه مستلم الشوارع يوميا و 220

هذي احتمالات تناسب سيكلوجيه العقل المعاصر ;)

**The Godfather** · 02-12-2007, 05:04 PM

مستلم الشوارع يوميا و 220

يرحم والديك لا تقول هذا الكلام :(

اذا حسيت السياره ضعف عزمها

ابدا ابدا ..... احسه زاد

طيب توني ذكرت .. قبل يومين و انا نازل من نزله .. سيارتي حاشت النزله من تحت
و حسيتها اكلت هوا
بس يومها كان عيني على الضغط و الحراره خوفا من الحكه اللي صارت .. و ما لاحظت اي تغيير على مدى الساعتين اللي قعدتهم بالسياره
و امس السياره يوم كامل واقفه و ماشغلتها بحكم اني ما طلعت
و اليوم وانا رايح الدوام على سرعة 140 - 160 ماكان فيها شي

و انا راجع و قريب البيت و ما بينه و بينه الا كيلو لاحظت ان الضغط نزل لما وقفت بالاشاره
يعني الضغط ما قاعد يلعب .. بس واقف على النص .. و لما امشي كلو تمام بالنسبه للضغط
و حتى لما احطه على الـ N , P السياره ضغطها طبيعي ... بس لما يكون على D و ماسك بريك اشوفه على النص :(

**الـــظـــل** · 02-12-2007, 05:33 PM

المشاركة الأصلية كتبت بواسطة BLACK_ACCORD

السلام عليكم
اليوم و انا راجع البيت و كنت ماشي بمعدل 160 .. وصلت لاشاره ... ضغطت بريك ووقفت
و انا بالاشاره اشوف الضغط ناااااااازل .. اطالع الا الضغط نص
و واقف على النص و بالاشاره اللي اللي بعدها الاحظ انه يرتفع ثواني فوق النص و يرجع ينزل للنص
طبعا الحاله هاذي و انا حاطه على الدي ,,, يوم حطيت على N او P اشوفه يرتفع حبتين فوق النص
بس لما احط D و اضغط بريك ينزل للنص
انا اول مره الاحظ الضغط جذي نازل ..... هل هي مشكله او انه طبيعي ؟
صوره للضغط :

طمنوني .... محتاج اروح الوكاله ؟

شوف خيي ... شغلة إنك واقف على الدي و الضغط نازل هذي شغله عاديه و لا حظتها بكل سياراتي الأوتوماتك .
طول بالك ولا تصير جذي وسواسي و تهويس وايد .
يخليك ربي .

**B Unique** · 02-12-2007, 06:17 PM

الضغط طبيعي انه ينزل وانت حاط السيارة على الـ D لانك حملت المكينة وزن السيارة وانت موقف وداعس بريك

على العموم اذا كان الضغط ثابت وما تحس برجّه في المكينة تطمن ولا توسوس مثل ما قال لك الظل
اكيد هذا حال السيارة من اول بس توك تنتبه للـ RPM

**محجوب** · 02-12-2007, 06:45 PM

^^^^^^

نفس الكلام ... انا عندي الضغط مثلك من زمان ولا في عندي اي مشكلة وعلشان اطمنك اكثر ... وديتها للوكالة فحص ال70000 وال80000 وهي بنفس الحاله ولا قالو عنها شي

سلاااااام..

**The Godfather** · 02-12-2007, 07:44 PM

خلاص تطمنت ... مع اني بالفحص الجاي بسألهم عنها تحسبا للمشاكل مستقبلا

**الـمـسـافـر** · 02-12-2007, 08:28 PM

<<<<< راح يجرب ضغط السياره

طبيعي جدا زي الصوره اللي حطيتها انت

**i know you** · 02-12-2007, 08:52 PM

ابد مافيه شي انا وديت الوكالة مرتين وكان عنددي هوا الماكينة ناقص وكل مرة اسئل عن معدل الظغط عادي والف عادي تطمن يالطيب

**Black Accord 2008** · 03-12-2007, 01:54 AM

انا بالبداية فلت حساس الضغط

بعدين بجد لاحظت ان الموضوع طبيعي ..

ما ادري وين المشكلة ..

عالعموم الله الله يحفظها لك من كل مكروه انشالله ..

تحياتي للجميع

**Black Arrow** · 04-12-2007, 01:12 PM

السالفة يا طويل العمر أن السيارة ارتفعت حرارتها وهذا شي طبيعي

علشان كذا مروحة السيارة تشتغل ويرتفع معاها الضغط واذا طفت ينزل الضغط...

**و د ا السعوديـة 1 5 5** · 04-12-2007, 03:24 PM

سويت مثلك ونزل الضغط

اتوقع شي عادي بس تصدق توي انتبه عليها :d

**عابر بحور الخوف** · 04-12-2007, 06:33 PM

اشوفها طبيعيه وخصوصاً ان السياره على ( D ) حط القير على ( N ) واتوقع ان الوضع بيرجع طبيعي ... وما يمنع انك تتأكد من الوكاله اذا سويت الصيانه ... لك تحياتي ....

**العــاشــق** · 05-12-2007, 12:42 AM

شوف يا حبيبي

انا عانيت من نفس المشكله

انت اذا حطيت على الــD تحس ان السياره تتفتف خفيف

فهذا من منظم الهوا

انا رحت وسويت كشف على جميع الحساسات وطلعت مظبوطه

صارت المشكله من منظم الهوا

الله يسلمك انا شريته بــ 2700 وتزيد قليلا:d

طبعا V6

الأربعه تختلف عن السعر

انت روح الوكاله وخلهم يسون لك فحص لمنظم الهوا

ارجو اني افدتك

تحياتـــي...

**The Godfather** · 05-12-2007, 12:49 AM

شكرا ... سوف يتم زيارة الصيانه بوقت قريب لاختلاف رأي الاعضاء .. و حرصا على عدم ظهور مشاكل مستقبلا

**accord2008** · 05-12-2007, 11:00 AM

يابن الحلال لا تروح للصيانة ولا شي

انا اكورد 2008 اذا وقفت وحاطه على D الضغط نص

ماهي مشكله ولا شي ريح بالك واشرب شاهي:d

**S c O r P i O n** · 06-12-2007, 12:22 AM

خذها مني :( ترى الشوتة لاعبة بمكينتك شلون مخليها مكسورة وتمشي عليها ؟؟
انا متأكد انها صوت مكينتك مرتفع والصورة واضحة وضوح الشمس انة ممشى السيارة موطبيعي وفية غلط
انا مريب بهالمشكلة ركبت شوتة واستعملتها فترة طويلة بدون مشاكل وبعدها اشتغل علي الضغط نازل طالع ومشاكل بعزم السيارة وخصوصا وانا عند الاشارة والسيارة على الدي الضغط ينزل ويرتفع وألف بالامية من الشوتة مخربطة عليك تنظيم الهوى رجع شوتة الوكالة وافصل البطارية خمس دقايق ورجعها وشغل السيارة واذا ماحسيت بعزم اقوى باول وثاني وثالث قولي انا مافهم
وراجع الوكالة تأكد

**هوندا قوه الاحلام** · 06-12-2007, 12:49 AM

المشاركة الأصلية كتبت بواسطة S c O r P i O n

خذها مني :( ترى الشوتة لاعبة بمكينتك شلون مخليها مكسورة وتمشي عليها ؟؟
انا متأكد انها صوت مكينتك مرتفع والصورة واضحة وضوح الشمس انة ممشى السيارة موطبيعي وفية غلط
انا مريب بهالمشكلة ركبت شوتة واستعملتها فترة طويلة بدون مشاكل وبعدها اشتغل علي الضغط نازل طالع ومشاكل بعزم السيارة وخصوصا وانا عند الاشارة والسيارة على الدي الضغط ينزل ويرتفع وألف بالامية من الشوتة مخربطة عليك تنظيم الهوى رجع شوتة الوكالة وافصل البطارية خمس دقايق ورجعها وشغل السيارة واذا ماحسيت بعزم اقوى باول وثاني وثالث قولي انا مافهم
وراجع الوكالة تأكد

رديت عني انا مره غيرت فلتر الهوا والهندي ماركبه مضبوط وصار الموتر يكتم وريس طالع نازل