مشكلة بالاكورد بعد ما قطعت 20 الف ... الفزعة يا الربع

**bu_rashed** · 09-12-2007, 02:37 PM

مساكم الله بالخير ,,,

انا بحمد الله سيارتي الهوندا اكورد 2006كملت معاي الحين 35 الف والحمد الله بدون مشاكل تذكر , ولكن لاحظت ان بعد ما عدت 20 الف فيه هزة(رجة) في السكان (الدركسون) وفي مقعد السائق عند الوقوف التام للسيارة وتخف الهزة اذا حطيتها على N ولكن ما تروح 100 % تبقى هزة خفيفة احس فيها في المقعد وكأني في كرسي تدليك , وطبعا الوكالة كذا مرة وديتها وكل مرة يقولون لي شيء وآخر شي قالوا لي ان الموضوع طبيعي .

فياريت تفيدوني يا جماعة الخير , لأن الهزة نرفزتني

وما كانت موجودة قبل ...

**الـمـسـافـر** · 09-12-2007, 05:07 PM

بو راشد الهزه تقريبا من كراسي المكينه

تغيرها الوكاله على الضمان بس انشب لهم انت لا تخليهم

<< ارجع واقول الشباب يفيدونك اكثر

**ياسر الشمراني** · 09-12-2007, 05:33 PM

والله اعتقد انها طبيعيه ياغالي هالرجه
لأنك لما تحطها في الـ D بتكون المكينه في كامل قوتها لكي تستلم الأوامر بتنفيذها فبالتالي اكيد راح يكون هناك هزه زي ماتقول
وهي موجوده عندي (2003) واعتقد انها عادية جداً ،،

لكن مادامها تحت الضمان خليهم يغيرون جميييييع كراسي المكينه وشوف اذا المشكلة راحت ولا بعدها ؟

موفق .

**ل م س 3 3 4** · 09-12-2007, 06:23 PM

الاكورد فيها هزه بطبيعتها ... لاكن اذا صارت الهزة واااضحه معناها عندك مشكله بكراسي المكينه

**The Stig** · 09-12-2007, 07:02 PM

طبيعيه والحمد لله

**B Useful** · 09-12-2007, 07:41 PM

يا صديقي دام السيارة على الضمان ما يحتاج تكتب موضوع ...

**امبراطور الاكورد** · 10-12-2007, 03:54 AM

انا سيارتي بعد اذا وقفت عند الاشاره كنها تبي تقوم او تفز وانا 2007

**الـمـسـافـر** · 10-12-2007, 07:53 AM

ابو محمد طبيعي القير الاوتو كذا مستعد للانطلاق

**ACCORD 747** · 10-12-2007, 09:12 AM

واللـه يا شبااااب تراااهااااعاااديـة الهـزة .. لكـن إذا زاااادت فتكووون من كرااااسي الماكينـة مثل كلاااام أخـوي المساااافر ...

تحيـاتـي لكـم . . .

**كورد** · 10-12-2007, 11:28 AM

اللي أنا متأكد منه أذا كانت هزه زي النفضه تصير معي بعض الأحيان وأنا معي 2007 ماكملت ال15000 كيلو

بس اللي لاحظته أنه من البنزين الأخضر ولا تطلع ألا اذا كنت ما سك خط ودخلت المنطقه اللي ابيها وقعدت أمشي على مهلي تطلع كذا حتى أني مره حسيت أن السياره بتطفى تقول قير عادي
ولاحظتها كذا مره لما اروح من الشرقيه للرياض وخليت العداد لين يصفر وعبيته اوكتين95 ومسكت الخط وولا طلع لي شي وخليته كم من مره
بعدين رجعت للأخضر بعد ما خليت السياره تصفر وسافرت رجعت هالنفضه الغريبه تقول قير عادي وما قومت السياره صح
ورجعت على الاحمر وسافرت ولا طلع لي شي
أنا بالأسبوع أروح مرتين ولا ثلاثه الرياض ولا حظت هالشي خصوصا لما تكون مسرع تبين معك على طول
وعلى فكره ياشباب بالنسبه لمشي السياره على أوكتين 95 نفسه بالكيلو بعد أوكتين91
وعلى نفس الممشى والسرعه مجرب

بس اذا كانت النفضه او الرجه زي ما ذكرت كأنها قير عادي وما قومتها زين زي كذا

أما اذا كانت جامده كراسي مكينه والله أعلم

**مسافر للرحيل** · 10-12-2007, 03:01 PM

المشاركة الأصلية كتبت بواسطة ACCORD 747

واللـه يا شبااااب تراااهااااعاااديـة الهـزة .. لكـن إذا زاااادت فتكووون من كرااااسي الماكينـة مثل كلاااام أخـوي المساااافر ...

تحيـاتـي لكـم . . .

يالبىىىىىىىىىىىىىىىى رحيمه واللي فيها ;)

والله ياخوي انا اقول انك تروح وتنشب لأم ام الوكاله وماعليك منهم خلهم يشيكونها مره ومرتين وثلاث

**و د ا السعوديـة 1 5 5** · 10-12-2007, 05:15 PM

عادي يالغالي الهزه

**bu_rashed** · 12-12-2007, 11:04 AM

يعطيكم العافية شباب ع الردود والتجاوب

لكن اذا كانت الرجة عااادية ليش ما كانت موجودة قبل 20 الف , هذا سؤالي باختصار ؟؟

والوكالة قالوا ان السيارة بعد ما تقطع 20 تبدأ فيها هالزة عااادي , هل هذا الكلام صحيح ..؟؟

ادري اسألتي كثيرة ... بس ترى آنه ثقيلة طينة ;)

تحياتي للجميع ...
بوراشد

**92.500** · 12-12-2007, 11:45 AM

إسأل الوكاله قل لهم هل في مشكله بكراسي المكينه ؟

اذا قالوا لا .. معناته طبيعي يارجل واستمتع بالمساج ! :d

**[ أبو سلمان ]** · 14-12-2007, 10:19 PM

حبيبي ، السياره باقيه على الضمان ، وأي مشكله بالسياره لايردك ألا جدار الوكاله ، بس لاتصدمه وقف تحته عشان الظلال :D

ترا الحبيب مايمشي بهالدنيا ، وراعي اللسان هو الي يمشي العالم بلسانه قبل يدينه ..!

**هوندا قوه الاحلام** · 14-12-2007, 10:27 PM

انا من راى انهي طبيعي ان سياره تفرق اذا مشيت عليها كثير ولا وهم على حسب مشيك مثل اذا كنت طالع خط على 170 و180 تسمع صوت المكينه غير منو تمشي طبيعي

ومثل ماقالو الاخوان وده الوكاله