Ho2s (a/f Sensor) B1 S1 No Activity

**LOve SOul** · 09-12-2007, 05:09 PM

مساء الخير لكل أعضاء محبي هوندا

شباب يمكن عنوان الموضوع تقني شوي ، لأني أعاني من مشكلة مدري ودي أخذ رأيكم فيها أنا أشتريت من شهرين تقريبا أكورد 2007 v6 وظهرت قبل الألف الأول عبارة Check engine ورحت الوكالة وقالوا ان السيارة طبيعة :o وظهرت مرة ثانية ولما رحت للوكالة بقوة قادر اختفت العبارة وقالوا ان السيارة طبيعة طبعا عارفيين الوكالة ما فتحوا كرت صيانة يبون يمشونها على وقفت زي الشوكة لهم وفنحوا كرت وقالي المهندس ان السيارة اوكيه

وبعدها ما ظهرت لي بالمرة.

بس اللي رفع ضغطي ان اليوم الظهر اشغل السيارة تطلع العبارة مرة ثانية ومباشرة توجهت للوكالة ودخلوها على الكمبيوتر وظهر الخطأ اللي فوق زي ما قالوا HO2S (A/F SENSOR) B1 S1 NO ACTIVITY ولما سألت ليش ما ظهر من أول قالوا حاجة غريبة طبعا كالعادة نشبت لهم واجتمعوا المهندسين على السيارة بالورشة وبعدها قالوا أن هناك حساس في القزوز ما يشتغل وش رأيكم شباب ....

سألت المهندس وقالي بأنها أول حالة تمر عليه في موديل 2007 ، والمهندس الثاني قال لي أنها صارت معاه في موديل 2005 وغيره لسيارتين...

أخوكم طلعت للمدير العام وقلت له إذا كان في السيارة عيب مصنعي مو ذنبي ما طلعت منه بفائدة ... فيه واحدد بالورشة شباب سعودي قال لي أرسل ايميل ألى دبي أو اليابان والعن خيرهم تنصحون ومن ناحية تقنية هل الموضوع قد مر على أحد فيكم وهل هو عادي أبي شوركم يا أخواني...........

**The Stig** · 09-12-2007, 05:28 PM

اذا كان عيب مصنعي لازم بيتصل من الوكاله !

ارسال الايميل قد يطووول جدا نظرا لانه لازم يشيكو على السيارة ترسل لهم نسخه من العطل ..

افضل الك تتوجه الى الوكاله وتفحط هناك وتوقفها قدام الباب وتروح الى المدير وقوله هذي السياره وهذي المفتاح وخد معاك صديق الك وقوله هذا الصحفي ..

واذا السياره تصلحت كلموني !!!

باذن الله لازمم تتصلح .. اذا مامشت معاك ابدأ ايميل الى الامارات .. مع انها صعبه شوي .. نظرا لانه بو هاشم ماله علاقه بالامارات !

بالتوفيق

**LOve SOul** · 10-12-2007, 12:57 AM

شاكر مرورك يا عاشق
بس تعليقا على ردك بأنه ما تمشي للإمارات كأنك تقول أني كذاب يعني
هذا كلام اللي بالوكالة ، عموما راح أكتب أيميل وارسله للشركة الأم في اليابان عشان ترتاح

**S c O r P i O n** · 10-12-2007, 01:15 AM

يعني معقولة المشكلة مالها حل ؟؟ والله قهر شهالمعاملة ؟ سيارة 2007 فيها حساس هوى وماتتصلح ؟
عزيزي لاتسكت عن حقك وروحلهم الوكالة ومثل ماقالو الشباب احذف المفتاح بوجيهم وروح بيتكم وقولهم مااستلمها الا اذا صلحتو السيارة
واضح وضوح الشمس انة الخطأ مصنعي وغصبن عليهم يصلحونها
وترى اذا ماتصلحة بالوكالة عمرها ماراح تتصلح خارج الوكالة لأنة هالخراب مايكشفة الا كمبيوتر الوكالة المخصص لسيارات الهوندا ولاتهملة لأنة راح يلعب بكمبيوتر السيارة الحين الارقام اللي توصل للكمبيوتر خاطئة

**The Stig** · 10-12-2007, 01:53 AM

المشاركة الأصلية كتبت بواسطة LOve SOul

شاكر مرورك يا عاشق
بس تعليقا على ردك بأنه ما تمشي للإمارات كأنك تقول أني كذاب يعني
هذا كلام اللي بالوكالة ، عموما راح أكتب أيميل وارسله للشركة الأم في اليابان عشان ترتاح

انا قلت انك كذاب ؟!!

شوف عزيزي ....

انا اقولك المشاكل اللي تصير بالسيارات مايقبلوها فرع الشرق الاوسط بالامارات الا بكشف من الوكاله .... هل تقدر توفر لهم هذا من فرع الوكاله ... اسمح لي اذا الوكاله عطتك هذا الشي .. مشكلتك انحلت ...

بس ماحد يقدر يقولهم هذا الشي بدون اثبات ّّ!!!
طبعا ما بيقولون كذاب ... ولكن ما ياخدو الامر بالاهميه المطلوووبه !!

انا اقولك اذا الايميل اللي تتكلم عنه بدون اثبات او شي من الوكاله ... ماراح تستفيد منه شي !

واسف على الازعاج ... والرجاء التدقيق في الكلام اولا قبل الرد .. لان بعض الظن اثم

المشاركة الأصلية كتبت بواسطة S c O r P i O n

يعني معقولة المشكلة مالها حل ؟؟ والله قهر شهالمعاملة ؟ سيارة 2007 فيها حساس هوى وماتتصلح ؟
عزيزي لاتسكت عن حقك وروحلهم الوكالة ومثل ماقالو الشباب احذف المفتاح بوجيهم وروح بيتكم وقولهم مااستلمها الا اذا صلحتو السيارة

مثل رأي الاخ

**و د ا السعوديـة 1 5 5** · 10-12-2007, 02:23 AM

اهم شي لا تسكت عن حقك سياره 2007 وفيها حساس خربان
ياخوي لو توصل تفل فراشك عند باب الوكاله وتنام هيناك:d اهم شي يدخلون السياره ويصلحون العيب الي فيها انت وش ذنبك سياره جديده والله حرام وقهر

<=== متحمس معاك

**B Unique** · 10-12-2007, 03:06 AM

حسب ما فهمت الحساس الخربان في سيارتك هو حساس الاوكسجين وهذا موجود في معظم السيارات ومكانه في القزوز مثل ما قالوا لك في الوكالة

ما ادري صراحة وش شغلة الحساس بالضبط ووش الاسباب اللي تخليه يخرب لكن احمد ربك ان الاكورد تمشي وهو خربان وهذا دليل على انه ما يضر السيارة بإذن الله . بعكس بعض السيارات الامريكية اللي ما فيه امل تشغلها او تحركها شبر وهو خربان >> يمكن هذا من اهتمامهم بالمحافظة على البيئة من التلوث (الله اعلم)

دام السيارة على الضمان .. مثل ما تفضلوا الشباب مالك الا تنشب للوكالة وتخليهم يغيرونه . وما يمنع انك تمر قطع الغيار وتسأل عن قيمته فإذا كانت شي بسيط الله يعينك تغيره على حسابك وتريح مخك او على الاقل يكون عندك فكرة

**Black Arrow** · 10-12-2007, 02:01 PM

تحتاج تغير الحساس

Heated Oxygen Sensor

**LOve SOul** · 11-12-2007, 04:10 AM

عاشق هوندا اكورد ، أنا آسف وأعتذر على الرد بس والله من القهر اللي فيني ....

شباب غيروا الحساس أمس وأخذت السيارة العصر وأنا رايح للدوام المغرب ظهرت اللمبة مرة ثانية من جد حسيت بقهر .....

أشكر الكل على المرور والتعليقات الحلوة عموما عندي تقرير عن العطل واللي ظهر في الكمبيوتر وعندي تقرير ثاني عن أن كل الحساسات تشتغل بعد التركيب لكن وش تنصحون يا شباب ..

عموما اليوم الصباح راح اروح والأيميل كتبته ( مو أنا صديقي محترف لغة إنجليزية ) أيميل محترم وفيه من القوة التي راح تهزهم يارب وبرسله للمصنع الأم في اليابان. وأنتظر رد منهم...

على فكرة الإرسال لليابان يجيب مفعوله خصوصا في واحد من الفنيين قال لي أن مرة واحد ظهرت مشكلة في القير وارسل ايميل لهناك ودقوا عليه وصلحوا السيارة وعطوه 15 الف كيلو صيانة مجانية وكان التصليح والقطع مجاناً وش رايكم .......ززززز

شكرا لرحابة صدروكم...

الموضوع: Ho2s (a/f Sensor) B1 S1 No Activity

أدوات الموضوع

عرض

Ho2s (a/f Sensor) B1 S1 No Activity

مواقع النشر (المفضلة)

مواقع النشر (المفضلة)

ضوابط المشاركة