الموضوع: دائماً محتار فكو حيرتي ياشباب

انا قبل اسبوع كنت محتار مثلك ... انا بقولك الي سويته وانت بكيفك

شوف ياعزيزي اذا انت تبغى جنوط وكاله وتقدر تدفع 4000 اقل شي ركب << من التشليح

اذا ما تقدر تدفع اربع وزود طال عمرك لا تركب الاجنوط وكاله بس تجاريه الي يبيعوها عند البناشر ومحلات الزينه لأنها ما تسوا اذا بتشتري جنط شكل الوكاله اشتر اصلي احسن

ااذا ما تقدر تشتري اصلي اشتر زينه افضل لك بس انتبه لا يلعبون عليك ابو يمن

اذا مقاس الجنط 17 لا تزود عن الـ 1600 ريال << بدون الكفرات

اذا مقاس الجنط 18 لا تزود عن 2000 ريال

وعلى فكره اذا تبي تشتري جنوط زينه اشترها من الغرابي بالرياض ترا اكثر محلات الشرقيه ياخذون من الرياض وبعدين اسعار الرياض ارخص

وبعدين ملاحظه مهمه جداً اذا شريت جنط وقالك اشتر معه بلوط صغار ماتبين ولا تشمخ الجنط وضد السرقه ومدري ايش لا تصدق هالخرابيط ترا البلوط تجي مع الجنوط اصلاً بس هم يتكسبون منها يعني فوق 30 ريال لا تزودها <<< هذي المعلومه قالي اياها صاحب محل جنوط

صرت خبره توني شاري جنوووووووووووووط ههههههههههه
اتمنى اكون افدتك يا عزيزي