أكورد 2008 - صيانة الألف - بعض الملاحظات

[aL_aSeeR]

توني جاي من مركز الصيانة وكنت عندهم لصيانة الألف طبعا ..

ملاحظاتي كالتالي:
1. الصيانة استغرقت ساعة بالضبط (شي طيب بس ما ندري الجايات كيف؟!)
2. سلموني السيارة وراشين عالواجهيه زي المويه بدون ما يمسحوها فصارت زي البقع عالبودي - طبعا شكلها تروح مع الغسيل بس مستغرب يعني ماهو شغل ناس بوفيشنال الصراحة (عالأقل سلموا السيارة زي ما كانت لا تغسلوها بس لا توسخوها زياده) بعدين الجو حار وهم صابين مويه عالسيارة ولا مسحوها يعني هالشي ما يخرب البويه؟! شي عجيب الصراحة.
3. فتحت المكينه ونفس الشي لأنهم ما نفخوها بالهوا كويس الظاهر بقعت المويه عالمكينه برضو وصار الواحد ما يشتهي يشوفها (كأن واحد فيه عنقز الله يكفينا الشر وحاطين له كريم خخخ).
4. زيت الباور زايد عن (الماكس) بأقل من سانتي بشوي (مادري طبيعي ولا لا .. بس اللي أخبره إنه إذا كان زايد يعدم الدنيا؟!)
5. قربة المويه حقة الراديتر زايده فوق الماكس برضو .. وما أدري إذا لهالشي مضار ولا لا؟!

طبعاً سالفة الحنه اللي أول ما تمشي السيارة ما كلمتهم عنها لأني عارف انهم بعفسوا علي وازنيات السيارة ففضلت أتغنى بصوت الحنه على اني أخليهم يطلعولي بفناتق من راسهم ويلعبولي بالسيارة؟!

والعجيب وأنا كنت جالس عندهم .. كان في واحد جايب سيارته وكانت 6 سلندر وكان يشكيلهم نفس الحاله؟! (بدون تعليق) ..

عموما شرايكم بالملاحظات .. وانصحوني بخصوص الزيت والمويه .. أخليهم ولا لازم أسوي لهم شي .. مقارنة بسياراتكم كيف تشوفون كمية الزيت والمويه؟! وهل استلمتوا سياراتكم بهالشكل؟؟

طبعا مركز الصيانة اللي بالدمام ..

وسؤال عام للي عندهم سيارات بمشغل اسطوانات (6 سيديات) .. هل حصلتم على كود المسكل بدرج الطبلون .. وهل يضر ترك السيديات فيه 24 ساعة / 24 ساعة يعني أخليهم بالحر بعز الظهر والسيارة واقفه ولا ممكن تذوب السيديات داخ ل المشغل وتعفس الدنيا علي؟!


تحياتي

[B Useful]

^^^^ بأختصار .. ريح مخك .. كل الكلام اللي قلتة عادي جداً جدً جداً ^^^^
ودي اقول لك لا توسوس زيادة عن اللزوم بس كلمة توسوس ( بايخة ) .
( بخصوص الوقت .. ساعة لأنهم ماسوو اشياء كثير ... صيانة الـ10 - 20 .... تستغرق 12 ساعة ... واكثر من شخص طلعو سيارتة وحاكين الصدام الخلفي <<<< حالة من بين 500 سيارة ... يعني .. تعرف البطيخ الصيفي :d

[92.500]

اما تغسيل السيارة هذي حكاية ثانية !

بصيانة الخمسة الاف قلت لهم ياويلكم يقرب السياره نقطة من مويتكم !

[Pink Dream]

بالنسبة للحنه خلاص اتعودنا عليها ..

واما غسيل السياره امممممم صحيح ماغسلوها ليا لكن المهندس اعتذرلي وقلي معليش ماغسلنالك السياره لاني كنت مستعجل

وحتى لو اشتريت لكزس بتشوف نفس الخدمه ونفس المشاكل ..

ياما غيرو جنوط وكفرات وحكوا الصدام وكل شي تتوقعوا

الله يستر بس

لاتزعل نفسك وخليها ع ربك


دمت بود

[CIVICORD]

وحتى لو اشتريت لكزس بتشوف نفس الخدمه ونفس المشاكل ..

حرام عليك في صيانة الهوندا عاملوا الاكورد احسن من معاملة تويوتا للكزس

[فــــهــــودي]

الله يستر بس

و الله انكم خوفوتوني

أنا توني شاري أكورد 2008

الى الان ماشيه 700 كم

و الله يعيني على صيانة الـ 1000 كم

الله يستر بس :(

[aL_aSeeR]

شباب بعد فترة بسيطة من الصيانة لاحظت ان الطاره (الدركسون) صارت مضبوطه (ثقيله) ، أول ما طلعت السيارة كان خفيفه مرره وفيها نوع من الخطوره ، بس الحين عال العال ، والحنه خفت كثير بشكل ما تتصوروه حتى انها شبه اختفت (احتمال يكون زيت التمرين السبب) ، بس من جهة ثانيه أحس العزم كأنه قل يعني انطلاقيتها مو زي قبل مادري شالسبب؟!

[M-53]

مررررحبا

قبل فتره سويت صيانت 1000 على V6 2008 وكالة خريص والسياره ماكملت نص ساعه عندهم
تغير زيت مع الفلتر فحص هوا الكفرات نظره سريعه على السياره + غسيل بس مويه
مجانا

اي حنه قصدك يوم تدوس على دواسة البنزين

[اتــشـــــ]

طيب ليه ماكلمت مدير الصيانه ع المشكال اللي لاحظتها ؟؟

[migo]

اما حكت الصدام جدا طبيعيه الظاهر معهم لانها صارت معي ......

[kakashi-san]

السلام عليكم ،

هلا فيك أخويْ ،

أنا أعتقد أن صيانة الـ 1000 ما تطوّل كثير أصلاً ،

لأنه يبي لهم يشيّكون على الزيت اللي حق التمرينْ ،

و كم شيء و كان الله غفوراً رحيماً ،

أنا سيارتي توني شاريها ما مشت غير 500 و أشويْ ، ~> ما شاء الله ، ^^

بس انصحوني اني أروح البحرين حق التشييك كل 5 آلالاف ،

ما أدري انتوا وش رآيكمْ ، ؟!

.,’~