مشكلة في طرمبة الدركسيون ؟؟؟

**البدررر** · 28-12-2007, 08:23 PM

عندي مشكلة في طرمبة الدركسيون أكورد 20003 تهريب زيت
رحت للورشة وسألتهم عن الإصلاح قالوا حتى لو سويت لها إصلاح راح تخرب ثاني مرة خلال فترة بسيطة (علماً بأن قطع الإصلاح قيمتها حوالي 150 ريال ) وقالي أشتر طرمبة جديدة أو دورلك في التشليح عن وحدة مستعملة ارخص لك علماً بان سعر الجديدة فوق 2000 ريال والمستعملة حوالي 500 ريال
السؤال : هل لو سويت إصلاح للطرمبة راح تسلك معي، إذا أحد مرت عليه هذي المشكلة يفيدني فيها.

**يامطنش** · 28-12-2007, 08:29 PM

قبل فتره ما ادري هل سويتها او لا

الوكاله سوت استدعا لسيارت هوندا اكورد من مديل 2003 الى 2006 بخصوص ليات الدركسون

لن فيها خطا تصنيعي وتغير كان مجناً هل انت سويتها

اتوقع اذا سويت اصلاح راح يظبط معك اذا كان اليت مغير الي فيها خطا تصنيعا وعلى فكره ترها خطيره وما تنظمن الطرمبه لن مشرفنا بيونك صار له حادث وكانت هي المشكله

**البدررر** · 28-12-2007, 08:34 PM

تهريب الزيت من نفس الطرمبة فقط ... الليات سليمة

**يامطنش** · 28-12-2007, 08:42 PM

طيب انت غيرت اليت في الوكاله؟؟

اذا كان من الطربها سويله اصلاح وهم شي القطع تكون اصليه وتوكل على الله

**beam** · 28-12-2007, 08:43 PM

المشاركة الأصلية كتبت بواسطة البدررر

تهريب الزيت من نفس الطرمبة فقط ... الليات سليمة

طبعا تعتبر اكبر مشكلة اذا كنت من نفس الطرمبة نصيحة غييييييييير ترا ممكن تجلب مشاكل اكثر من ذلك بس غير وخوذ المستعمل وراح تلاقي عليه ضمان كمان

**البدررر** · 28-12-2007, 08:55 PM

مشكورين على المرور
اخوي beam ممكن تفيدني عن القطع المستعملة وين تنباع ... إذا عليها ضمان شي حلو
ولك الشكر

**البدررر** · 29-12-2007, 10:06 AM

ياشباب ما فيه إفادة عن الموضوع ؟؟

**ل م س 3 3 4** · 29-12-2007, 07:04 PM

تقصد بطرمبه الدركسون اللي عند سير المكينه ؟؟؟؟

اذا كانت هي انا قد صلحتها من حدود سنه والحمد لله ماشيه تمام التمام

**البدررر** · 30-12-2007, 12:25 PM

مشكور اخوي ل م س 433 على الافادة سويتلها اصلاح وراح اجرب وإذا ما ضبطت مالي غير الجديدة والشكوى لله على الظالم .
المشكلة رحت لتشليح الحاير لفيت على أكثر من محل مختص بسيارات هوندا جميع الطرمبات مبيوعة !!! وإذا عندهم شي تلقاها مدمورة

**الهادف** · 02-01-2008, 12:11 AM

شوف هذا الموضوع .. بفيدك كثير ..
http://www.hondaarabia.com/club/show...D1%DF%D3%E6%E4

**Acc** · 02-01-2008, 08:33 AM

السلام عليكم

افضل حل هو كبس هوز الطرمبة ... انا سويته قبل سنه ونص تقريبا كلف الكبس 5 دنانير

**الهادف** · 02-01-2008, 08:51 AM

المشاركة الأصلية كتبت بواسطة Acc

السلام عليكم

افضل حل هو كبس هوز الطرمبة ... انا سويته قبل سنه ونص تقريبا كلف الكبس 5 دنانير

المشكلة انك برى موضوعنا

**Acc** · 02-01-2008, 09:13 AM

^^

هو مو يتكلم عن تسريب بزيت الطرمبة .... انا صارت معاي وكبست الهوز وانتهت المشكلة

**أحلى سبيشللل** · 02-01-2008, 01:22 PM

[quote=البدررر;84685]

عندي مشكلة في طرمبة الدركسيون أكورد 20003 تهريب زيت

كم قلتلي موديل سيارتك ؟؟؟؟؟؟؟؟؟؟؟؟؟

المهم مثل ماقالوا أتوقع له دخل في الخطأ المصنعي ألي من 2003-2006 ..

**أكورداوي** · 02-01-2008, 06:13 PM

يا أخوان الخطأ المصنعي كان في الليات وليس في الطرمبه ..

و مشكلة الطرمبه مشكله في أغلب الأكوردات وهي ماهي هينه لكن الله يعينك تدور عليها في الورش المتخصصه للهوندا لأنها تبيع مستعمل هذا بالنسبه للي في الدمام أما في الرياض ما ادري والله ..

**beam** · 02-01-2008, 07:05 PM

المشاركة الأصلية كتبت بواسطة البدررر

مشكورين على المرور
اخوي beam ممكن تفيدني عن القطع المستعملة وين تنباع ... إذا عليها ضمان شي حلو
ولك الشكر

اسف اسف اسف والله لي كم يوم مادخلت المنتدى بس حبيبي روح لاقرب تشليح معروف عندكم بمدينتكم اوكي
اطلب القطعه اللي تبغاها بعدها راحيقدمها لك مع ضمان تقريبا شهر وان شاء تتصلح السيارة

**الهادف** · 03-01-2008, 04:02 AM

المشاركة الأصلية كتبت بواسطة Acc

^^

هو مو يتكلم عن تسريب بزيت الطرمبة .... انا صارت معاي وكبست الهوز وانتهت المشكلة

فيه فرق بين الأهواز وفيه فرق بين الطرمبة .. الطرمبة اذا هربت ما بنفع معاها الا القيام بإصلاح لها وتغيير عدة واشرات

بالنسبة للي ناوي ياخذ له طربمة ما التشليح ..
للمرة الثانية .. راجعوا هذا الموضوع .. الطرمبة شي يخدم في السيارة طول عمرها ولا يخترب ..
http://www.hondaarabia.com/club/show...D1%DF%D3%E6%E4

**البدررر** · 05-01-2008, 08:54 AM

مشكورين على الردود
أنا لفيت تشليح الحاير بالرياض كله ما فيه ولا طرمبة ، ولقيت عند بعض الورش المتخصصة في هوندا يبيعون طرمبات مستعملة بسعر 600 ريال (بس شكلهم مسوين لها إصلاح) فقلت ليش ادفع 600 والشغلة كلها إصلاح صلحت اللي عندي بــ 200 ريال
وإذا رجع العطل مره ثانية ما عن وعن الجديدة
أحلى سبيشللل يا حبك للتدقيق (موديل سيارتي 2000003

)

**تيم** · 20-01-2008, 12:37 PM

يا شباب انا عندي نفس مشكلة راعي الموضوع بالضبط ابي ورشة مضمونه تسوي اصلاح للطرمبه ياليت الاخوان يفيدوني

**abusadeem** · 21-01-2008, 01:15 AM

انا صارت لي نفس المشكلة وصلحتها قبل شهرين والى الان والحمد لله تمام.

عندك ورشة الجنوب بصناعية ام الحمام بالرياض

**البدررر** · 21-01-2008, 11:10 AM

أنا لي شهر مصلحها ولحد الآن ما لاحظت أي شي
وصلحتها في ورشة الجنوب 2 (صناعية طريق الخرج ــ مقابل قطع غيار السبيع )

**البدررر** · 27-04-2008, 11:41 AM

للرفع
الحمدلله مرت حوالي 6 شهور ومازال الوضع تمام بعد الاصلاح

**accord05** · 27-04-2008, 05:13 PM

8888888888888888

دوووم ان شاء الله والله يوفقك على اهتمامك بالمنتدى وافادتنا

**اكوردي...** · 27-04-2008, 11:25 PM

اخوي معاه 2003 راح للوكاله قالو ه فوق 2000 ريال وراح لورشة الجنوب بحدود

300 ريال والى الان ولله الحمد تمام وانا معي 2004 ونفس الحكايه اصلاح ولله الحمد

كلووووو تمام