بعد تغير البواجي بالوكاله...

**و ى ل السعوديه 8 5 5** · 16-01-2008, 10:26 AM

كيف حاكم يا شباب...

المهم انا مشكلتي ...

وديت السياره للوكاله لصيانة 40000كم وطبعا تم تغيير البواجي واشياء كثيره...

المهم بعد ما غيرت البواجي واجي اشغل السياره الصباح...

لما ادق السلف ما تشتغل مثل اول على طول...

تكون مثل لما تقول ان البطاريه ...انا الى الان ما شيكت على البطاريه...

بس بشيك عليها بس تعتقدون انه من تغيير البواجي...

**فهد الشمري** · 16-01-2008, 12:13 PM

انا بالبرد صارت لي نفس المشكله واحتمال يكون ضعف بطريه
لانه تحس دقته ضعيفه واذا دقيت يضعف نور الطبلون

**سلطان 1987** · 16-01-2008, 12:59 PM

البواجي مالها دخل

ممكن البطاريه عطتك عمرها او قربت تنتهي وتبي تسلم عليك:d

الحق عليها وروح شيك عليها لان ماله داعي يجي يوم تبي تطلع فيه وتفلها وفجأه ماتشتغل السياره :p
مادري تبي اقرب سطحه او اقرب لوموزين والعيال في الثمامه وانت بتتحسر عند الكفر

الحق عليها >>ترا صارت لي في الدوام وعند البيت وفي الويك اند بعد ;)

ومع جو الرياض البارد له دور

**و ى ل السعوديه 8 5 5** · 16-01-2008, 01:33 PM

ما قصرتوا شباب وان شاء الله بشيك على البطاريه...

**أبو عــزوز ..** · 16-01-2008, 01:41 PM

طيب كيف صيانة الأربعين ألف معك ..
باقي شوي وأكمل 40 ألف .. وش رايك تنصح فيها ..

كم أخذ عليك مع شغل اليد ؟

**و د ا السعوديـة 1 5 5** · 16-01-2008, 01:49 PM

اخوي شيك على البطاريه
واكيد المشكله منها ولا تنسى البرد تراه له دور في عدم تشغيل السياره

وابو عزوز اذا شفتك ابي اوريك الفواتير وكل شي باتفصيل عن تشييك الاربعين

**و ى ل السعوديه 8 5 5** · 17-01-2008, 03:31 PM

المشاركة الأصلية كتبت بواسطة أبو عــزوز ..

طيب كيف صيانة الأربعين ألف معك ..

باقي شوي وأكمل 40 ألف .. وش رايك تنصح فيها ..

كم أخذ عليك مع شغل اليد ؟

ماكلفت كثير...

766 ريال بس...

بس ...

انا غيرت الفحمات برا الوكاله...

يعني الزبده غيرتها برا اللي هي الفحمات اغلى شيء..

انا كنت مثلك خايف...

ورايح للوكاله ومعاي قرنقش...

على بالي بادفع اللي قدامي واللي وراي...

لكن يوم قال لي 766 قلت ها ...

ودفعت له على طول...بدون اي استفسار...

وبعد كم يوم فتحت الشنطه ولقيت كيس بلاستيك...

قلت عسى ما شر...

واناظر فيه الا واحصل...

البواجي وفلتر الهواء....القديمه...

**Okyesno** · 17-01-2008, 06:39 PM

766 غالي مرة

تدري كم قيمة البواجي

إذا انا مو غلطان قيمتهم 60 ريال

والفلتر يمكن 70

والله لي مده سيارتي عطلانه كان طلعت لك الاسعار

وتبديل البواجي ما يبي لها شئ بس تشتري البواجي والمفك وكان الله غفور رحيم

الوكالة نصابة وبقووووة

وموفقين ان شاء الله

**ملك الـCiViC** · 18-01-2008, 02:24 AM

انا سألت عند الوكاله تشييك 40000 يقولك بـ 550 ريال

**اســــير العيون** · 18-01-2008, 01:35 PM

ياعالم ياناس اسمعو وعووووو افهمو كلامي بليييييييييز ترى الوكاله مالها لزوم اذا انت رجال محافظ على سيارتك صدقوني كنكم تحرقون فلوسكم والله حرااااااام انا معي اكورد 2006 الحمد لله محااااافظ عليها وممشيها الان 120000الف دخلتها صيانة الف كيلو بس وبعدها ما دخلتها الوكاله الا تغير زيت قير مرتين ومره عشان مشكلة لي الدركسون وبدلوه و خرب مره ثانيه المشكله مالي ثلاث شهور من يوم ما بدلوه نصيحه ترى الوكاله يمصوووووووووووون فلوسكم والحمد لله سيارتي ماشيه معي اوكيه ما قد اشتكيت من شي غير لي الدركسون و توه طالع لي وليتني خليته على خلل المصنع. انا اتعامل مع ورشه جيده في الصناعيه القديمه ومتخصصين في هوندا اكورد ركبت عندهم البواجي ب 30 ريال والفحمات شغل يدهم 50 ريال بس اللي ورى بخمسين واللي قدام بخمسين يعني اسعااااااار متوسطه وتوفر عليك وشغلهم والله مضبووووووووووووووووووووووووط واللي يبي الكروكي انا حااااضر وفكو نفوسكم من نصب الوكالات .

**و ى ل السعوديه 8 5 5** · 18-01-2008, 05:03 PM

انا معاك اوكي...

انت ما صار لك الا لي الدركسون...

انا الحين احمد ربي واشكره...اني مستمر مع الوكاله...

انا سيارتي يوم مشت 25000 تقريبا...

كنت اذا موقف السياره والمكيف شغال ...تطفي من نفسها...

وهنا بالحاله هذي لو انت مو متابع عند الوكاله...

كان يقولوا لك احنا مالنا شغل والضمان ما يشملها...

او بالاصح الضمان ملغي لانك ماتابعت معانا...

وايش المشكله...برمجة كمبيوتر...

روح للوكاله واسالهم بكم تسوون برمجة الكمبيوتر...

اذا ما خلوك على بساط الفقر...هذا وجهي...<<من باب التكبير بس...

الله يديم النعمه علينا...

**beam** · 18-01-2008, 08:59 PM

مافيه مشاكل
انا معاي سيارة احتفظ بوكيلها لنفسي ياناس فيه سيارة تهرب صوفة القير وبعدها بيوم تطلع لك صوت بالمكينة ويطلع لك البلوف حقت المكينة
وماكملت 50000 وين قاعدين حنا الله لايعيدها من وكالات
مااقول الا حسبي الله عليهم