اريد مساعده من اهل الخبره ومجانين الاكوورردداات

**ACCORDY** · 20-01-2008, 12:45 AM

السلام عليكم كيفكم يا شباب
الصراحه جاتني شويه فلوس وحبيت العب بالسياره شويه
انا عندي اكورد2006 لوؤلئي. من جده و مكه
وابغى اركب
1/فيابر ودقين رياضيه (مستعمله او جديده)
2/جناح
3/جنط 18 كروم رياضي (مستعمل او جديد بس يكون رياضي)
4/اصطبات اماميه رياضيه (مستعمله او جديده)
5/زنون ثلجي
6/شكمان ثاني
من يقدر يساعدني ويدلني ع اماكن القى هدي الشياء

سمعت الجناح موجود بالمنتدى واقدر اشتريه حبيت اعرف هل يجي مرشوش او لا وكم سعره ومشكوووووووووورين
وهدا يميل استطيع التواصل معكم
white-lion9@hotmail.com

**S c O r P i O n** · 20-01-2008, 01:37 AM

اوكي انا بعطيك نصيحة من واقع تجربة
حلو شغلك ومظبوط جناح زوايد شكمان ثاني جنوط اسطابات .. بس السؤال كم بدوم معاك هالاغراض ؟؟
الجنوط ركبت 18 تعيشك 6 شهور وبعدين بتمرمرك وثقيلة حيل على السيارة
الشكمان الثاني ركبتة وليتني ماركبتة لأنة مايظبط بالسانتي معى الشكمان الثاني مستحيل يكون متساوي وآخرة شنو انكسر اللحيم لأنة مصدي ومايوصلة هوى حار وطاح بالارض وراحت قطعة الكروم
هذا اللي انا جربتهم على سيارتي والباقي مادري عنهم
الجناح حلو وممتاز اذا بتركبة وسعرة مناسب
والله يوفقك

**HONDA BOY** · 20-01-2008, 01:45 AM

انا عندي فكره حلوه وهي مجرد رأي يعني ليه ماتقطبها تقطيب رياضي بس يكون تقطيب خفيف يعني جنوط رياضيه مقاس 17 والفيابر مايكون فيها قص ومعجون كثير وحاجات زي كذا وكنداسه رياضيه والجناح والاصطبات مو حلو كذا وكم استكر على جمب السياره وعده وشوف كيف تطلع السياره ولو تبغاني اروح معاك الاكسسورارات الي اعرفها في جده برضو ماعندي مانع ونسيت اقول كمان كم شغله ترى عندي كم تصميم للاكوردات الرياضيه افرجك عليها لو حبيت وشوف ايش الي يريحك وانا حاضر

**ملك مملكة جدة** · 20-01-2008, 02:30 PM

اخوي اسمع مني

الفيابر : ما تتحمل واي دقة راح تلاقية تكسرت مو انشطبت او ممكن تصليحها ... لا تركب انا شغال في الحاجات هذه وعارف انها تعبانة

الزنون : الحين صار الزنون صنيني و ابو كلب ما ينفع في شي ... يعني اول ما تركبة يا راح ينحق او راح يحرق لك سيارتك

شمعات : انا عندي اسطبات امامية فيها عدسات و نواعس bmw جايبها طلبيه من امريكا .. و بـ 850 ريال .

الجناح : الجناح بـ 250 ريال مع الرش و كل شي ... وحتي التركيب صار الحين يركبوا بالسيلكون مو تخريم ... علشان لما تبغى تنزل الجناح و ترجع السيارة وكالة ما تلاقي انك خرمت في الشنطة و تتحنب و السيلكون يطلع بالتلميع .

جنوط : الجنوط في كـيلو 2 ... بس لا تنسي تاخذ الكفر دعسة 40 علشان ما يحك لك في السيارة

الشكمان : اصلا انت لو رفعت السيارة راح تلاقي السيارة اصلا فيه محل للكنداسة الثانية .. بس لا توصلها في الماصورة الاصلية ( لا تلعب فيها ) بس ركبها شكل

كل هذه الحاجات تلاقية في كـيلو 2 اما الكنداسة انصحك خذها من التشليح ..

سلام