الموضوع: نريد رفع شكوى لصيانة هوندا ((مشاكل مصنعية بالاكورد عموووما ))

السلام عليكم
شباب انا اخوكم من الكويت
اول شي اشكركم جزيل الشكر على هالجهود اللي تبذلونها
بالنسبه للموضوع كلامكم في الصحيح
بالنسبه للانوار فهذي المشكله بسبب تشغيل النور العالي بشكل متكرر وبصوره سريعه
وبالنسبه للرجفه فكلامكم صحيح وهذا مش عيب بالسياره هذي شغلة طبيعيه
ومشكوري وجزاكم الله خير على المجهود الكبير

السلام عليكم ورحمته الله وبركاته.........

أنا كذلك أعاني مثل مشكلتكم ولكن لن نجد حلا إلا إذا حددنا موعد ونلتقي بالوكاله ونتفاهم معهم على هالمشاكل...وأنا أشاهد من الأعضاء 17أو أكثر يعانون من هذه المشاكل فلنتفق ونذهب فالرجاء أخذ الموضوع بجد وأشكر صاحب الموضوع .

معكم قدام الله يلعن ابو ورا

ياشباب انا عندي مشكله مادري اذا عندكم او لا

المشكله في الباور يطلع منه اصوات لمن الف غريبه مثل الوزوزه

تخووفني صراحه ماادري اذا احد يقدر يفيدني مع العلم اني مدخلها ثلاث مرات متتاليه والسبب الصوت ومالقو لها حل . . هل هناك طريقه ؟!؟

السلام عليكم


أنا عندي مشكلة الرجة إذا هديت وأنا مسرع

مع إن سيارتي أكورد 2008

عساكم على القووووووه

كان معي ياشباب اكورد 98م على ايام الشكل الاول والله زي اللوز بس فيها سالفت الهوبات الي لين ضغطت فرامل غلى سرعه رج الدركسون ويبدولي ان هالمشكله من الجنط التجاري انا بالنسبه لكراسي المكينه مارجت الى بعد ماجاها حقها مني وعيال العم بصفت موتري سبيل العائله ومن ثم انختمت عليها بسرقه محترمه همن بدت ترج كراسي المكينه وثالثا رجت الموتر ب الدي والار طبيعيه في كل الهوندا وسلامتكم
شايل الظبي

************************************* محذوف من الإدارة، راجع سياسة النادي، ونرجوا عدم تكرر الردود المشابهة

انا يا شباب موتري ماشي 19 الف ويرج في D ولاكن مشكله اهتزاز الدركسون على سرعه عاليه اللومينا والاتيما فيها المشكله هاذي من الهوبات احترت مرررره

الأخواني كرام السلام عليكم ورحمة الله وبركاته
افيدكم عندي اكورد 2007 من 20000 كيلو عندي مشكلة في المكينة ذايد شكمان وطرمبة المياء
ولكن حاليا سيارة في الشركة بخصوص مكينة طلبة منهم بتغير السيارة ولكن رفضو باه وكالة اكبر حرامي اتحدثة مع المدير عام للاسف مارد علية بكليمات المدير شركة
ولكم خالص الشكر

السلام عليكم ورحمة الله
أعزائي أعضاء نادي محبي هوندا: لنصل إلى الغرض من الموضوع ولنستفيد يجب أن تكون الردود واقعية وتذكر العيوب المصنعية التي تتكرر لدى أغلبية ملاك الهوندا أو الأكورد خصوصاً، مع عدم الإسائة بأي شكل لوكيل هوندا شركة عبد الله هاشم أو أي من وكلاء هوندا في العالم، لأن ذلك سيتسبب في طرد العضو وإغلاق الموضوع دون الوصول إلى الغرض.

إن تابعتم بالموضوع بالشكل الصحيح سأقوم بإيصال العيوب المشتركة لدى أكثر الأعضاء إلى شركة عبد الله هاشم لمسؤولي الصيانة مع إرفاق نسخة من هذا الموضوع، لكن المهم الآن أن تكون الردود في صلب الموضوع دون الإسائة لأحد ودون ذكر اسم أي من الموظفين في الوكالة.

السلام عليكم

بالنسبة للي اتوقع انها عيوب وموجودة عندي...
1- السنتر لوك
2- النور العالي يعلق
3- لمبات السقف سريعه العطب

ومشكور يا صاحب الموضوع

واشكر الادارة على تشجيعها للموضوع ،،،

شف معقدتني ذي شغله النور يعلق معي احيانا وبقوهـ

والفحمات هين مايبيلها على طول تروح ..

تبي الصراحه الموتر كويس بس فيه عيوب ودنا نقضي عليها بس مانقدر

خلها على ربكـ بس

أرجو أن تكتب جميع الردود بالتنسيق التالي:
نوع السيارة:.... (أكورد أو سيفيك أو..)
تاريخ الصنع:....
طبيعة التملك:...(مستعملة بالأصل، جديدة من الوكالة، جديدة من المعارض)
وصف المشاكل الموجودة:
1-.....
2-.....
3-.....

حتى تعم الفائدة أكثر ويكون العمل منظماً، ونحصل على مرادنا بإذن الله (إيصال الرسالة إلى المعنيين بالوكالة في السعودية ومنهم إلى شركة هوندا الأم)

اجل لو اقول لك انهم خذوا مني حق الهوبات والفحمات وانا ماتعديت 31000كم .

دحوم اتبع التنسيق الذي وضعته رجاءً!

المشكلة إلي تضايقني هي التنسيم في باب السائق
غير كدا حمد لله مافي مشكلة في النور أو المكينة
و سيارتي أكورد 2005<<يمكن عشان حقتي سياحي:d
تحياتي;)

أرجو أن تكتب جميع الردود بالتنسيق التالي:
نوع السيارة:.... (أكورد أو سيفيك أو..)
تاريخ الصنع:....
طبيعة التملك:...(مستعملة بالأصل، جديدة من الوكالة، جديدة من المعارض)
وصف المشاكل الموجودة:
1-.....
2-.....
3-.....

حتى تعم الفائدة أكثر ويكون العمل منظماً، ونحصل على مرادنا بإذن الله (إيصال الرسالة إلى المعنيين بالوكالة في السعودية ومنهم إلى شركة هوندا الأم)

ياشباب نبي عشره بس الي عندهم المشكله

ياللله انا عندي الثنين موديل السياره اكورد 2006 شرينه وكاله

ونفس العيوب الي طرحتوه

تحياااااااااااتي

تحياتي للجميع
نوع السيارة:.... (أكورد )
تاريخ الصنع:2005
طبيعة التملك:...(مستعملة بالأصل )
وصف المشاكل الموجودة:
1رجة المكينة
2ضغط السيارة (في ناس تقول لي الضغط حق سيارتك عالي لازم تروح الوكالة تنزلة )

نوع السيارة:أكورد
تاريخ الصنع:2005
وصف المشاكل الموجودة:
1-تعليق النورالعالي
2-السنتر لوك لباب السائق والراكب
3-صوت مزعج لما اكون ماشي بسرعه ثابته في حدود 80 كم/س

كل هذي العيوب في الأكورد !!!!
عندي ملاحظة بسيطة يا شباب على شركة الأم ...
مو معقولة ما تهتم بالعميل لهذي الدرجة!!!
أذكر واحد من ربعي من أهل الظهران عنده Bmw الفئة الثالثة موديل 325 سنة 2006 كان فيها خلل في نظام الثبات الإلكتروني
راح لناغي و قالوا له ((مافيه مشكلة ... تبي تصلح إدفع فلوس)) المفروض على ضمان بس رفضوا
رفع إيميل للشركة الإم و بعد 3 أيام اتصلوا به الشركة الإم يسألوا عن المشكلة
و بعد ساعة من المكالمة اتصلوا به ناغي و طبلوا منه يجي يبدل السيارة بالكامل و صيانة دورية مجانية إلى 100 الف!!!! الله أكبر
شفتوا كيف الشركات الكيبر تخاف على سمعتها؟!
أما هوندا فلا تحترم المستهلك !!

اللي يشوف العيوب اللي تقولونها

وهو يفكر انه يشتري هوندا على طوووووول يبي يهون



على العموم انا ماعندي ولا مشكله من اللي تقولونها

وشكراً