السلام عليكم
عندي هوندا اكورد 2003 , فجأة طفت السماعات , وديتها لمحل الألكترونيات سوا لحام لقطه الايسي واشتغلت تمام , بس طلع لي مشكلة ثانية
إذا سويت بحث للترددات على Fm الرقم اللي على اليمين بعد الفاصلة مايطلع عدد زوجي يطلع فردي مع العلم قبل كان زوجي
مثال :
ابي إذاعة القرآن في الرياض
ترددها : 100,0 بس الحين مايوقف عليها , يعطيني 100,1 او 99,9
هل فيه حل لذي المشكله !!؟
سؤال اضافي : انا استخدم للمكينة زيت GTX على ما اضن لزوجتة 20 دبليو 50 , وش رايكم فيه ؟
التعديل الأخير تم بواسطة نعنوش ; 24-02-2008 الساعة 01:35 PM
الوكاله تقول ماله برمجه ورحت لمحل يقول الوكاله تبرمجه انا ما اعرفيا الغالي بالنسبة للمسجل اتوقع يبيله برمجه ..
ياليت اللي يعرف محل في الرياض يبرمج يدلني عليه ,, واكون شاكر
88888888
يا ليت اقدر افيدك يا الغالي لكن انت في الرياض وانا في الجنوب
لكن مر عند اهل المسجلات ان شا الله يشوفون لك حل ..
روح الغرابي ..
محل اسمة الحوشاني للمسجلات ... يمدحونة وتراة خبير ..
الزيت ... انصحك تستخدم كاسترول ماجناتيك .. وراح تدعيلي
المسجل سي دي واحد و لا 6 ؟
السي دي الواحد مصنوع من شركة الباين
و الـ 6 سيديات من شركة باناسونيك
رح لوكالة هالشركتين حسب نوعية مسجلك
و ان شاء الله تلقى الحل عندهم
اما وكالة هوندا عندهم تغيير بس ما يصلحون ابد
يعطيك العافية اخوي accord05
كان الصوت عندي متعطل ورحت لذا المحل وزينه بس تحولت الترددات من سعودي لأمريكي , وراعي المحل يقول مايزينه إلا الوكالة !!روح الغرابي ..
محل اسمة الحوشاني للمسجلات ... يمدحونة وتراة خبير ..
ورحت للوكالة وصرفتني تقول الاكورد مالها برمجه عندنا !!
يعطيك العافية اخوي كوكو
المسجل سي دي واحد و لا 6 ؟
السي دي الواحد مصنوع من شركة الباين
و الـ 6 سيديات من شركة باناسونيك
رح لوكالة هالشركتين حسب نوعية مسجلك
و ان شاء الله تلقى الحل عندهم
اما وكالة هوندا عندهم تغيير بس ما يصلحون ابد
6 سيديات ,, وين مقر شركة باناسونيك فيه !؟
فعلاً الوكالة قالت ماعندنا برمجة بس نغيرة كامل
مشكور اخوي accord 06
اخوي
وين مكان صيانة باناسونيك !!؟
^^^
معليش اخوي
ما ادري وين مكانهم بالضبط
لكن اعتقد وكيل باناسونيك هو العيسائي للاكترونيات
فيه لهم معرض على طريق الملك عبدالعزيز .. اسألهم عن مركز الصيانه
معقولة الوكالة ما تعرف له
..
مواقع النشر (المفضلة)