عين ولا من المصنع؟ مشاااكل

**moh-moh** · 24-02-2008, 01:43 PM

السلام عليكم ورحمة الله وبركاته

انا شريت هوندا 2008 فل اربعه سلندر مخمل

من يوم طلعتها وانا اسمع صوت بالفرامل خفيف

بس الحين فيه صرصرة قويه جداً وانا ما مشيت الا 1500 وعند فحص الالف قلت لهم المشكله قالو اذا جتك مره ثانيه تعال

السماعات عندي فيها صوت غبي ما ادري وشو هو صوت المضخمات ولا وش؟؟ صوت وشوشه تخرب ام الاغنيه وتحوس على كل شي

البنزين اذا عبيت فل احس ان معي جيب ومركب تانكي مويه صوت عجيب

المساعدات احس فيها بلا

وش الحل تكفون ؟؟ وقد صار لاحد مشاكلي؟
ووش اسوي الحين ارجع لهم . وبأي اسلوب اجيهم؟

**أبو سليمان** · 24-02-2008, 02:02 PM

رجعها للوكاله واننننننننننننشب بحلوقهم

**moh-moh** · 24-02-2008, 02:08 PM

وش لن انشب وش اقوووووول

**aydw5** · 24-02-2008, 02:24 PM

السيارة على الضمان وإذا فيها أي عيب مصنعي بيصلحوا لك السيارة مجانا وإذا في الاستقبال ما عطوك وجه روح على مدير الصيانة

**أبو سليمان** · 24-02-2008, 02:35 PM

شوف يا أخوي

مشكله الفرامل اللي عندك هذي عيب مصنعي يعني غصبن عليهم يصلحونه

أما السماعات فـ يمكنك مشغل سي دي مو اصلي

انا مثلك اشغل سي دي مو اصلي ويطلع عندي اصوات واذا شغلت سي دي اصلي تروح هذي الأصوات

أما البنزين مدري وش دخله بالصوت !! إذا كنت معبي 91 جرب عبي 95 وشف يروح هذا الصوت ولا لا !!!!!

المساعدات وش فيها ؟؟ وش اللي تحسه ؟؟!!

الحل انك تروح للوكاله وتقولهم مشاكلك ويصلحونها لك على الضمااان

**تويتي** · 24-02-2008, 03:11 PM

يا حبيبي رح انشب لوالديهم لان سيارتك على الضمااان والسياره جديده على طول يطلع في اصواااات
نصيحه لاتسكت عن حقك وروح الوكاااااااله

**accord05** · 24-02-2008, 03:19 PM

88888
سيم سيم كلام

**$$الدولار$$** · 24-02-2008, 05:39 PM

انشب للمدير وكل واحد في الوكالة

.....ولاتسكت حتى لو الموتر ما فيه شي ...نذاله :d:d وين رضى العميل هو هدفنا :p

**Black Heart** · 24-02-2008, 09:01 PM

يا طويل العمر انا مثلك لما اخذت السياره كان صوت السماعات مو بواضح
ولكن طلع انه من الكيس المحطوط في الباب ==> ( قص الطرف الموجود على السماعه وبيروح الصوت)

**الشهاب** · 24-02-2008, 10:03 PM

المشاركة الأصلية كتبت بواسطة Black Heart

يا طويل العمر انا مثلك لما اخذت السياره كان صوت السماعات مو بواضح
ولكن طلع انه من الكيس المحطوط في الباب ==> ( قص الطرف الموجود على السماعه وبيروح الصوت)

أما بخصوص البنزين فأظنه يقصد صوت رجة البنزين اللي بالتانكي <<<< أحسن من التعبير هذا مافيه :d

**moh-moh** · 26-02-2008, 11:41 AM

رحت وسألت الفراامل قالو مشكله وخذو سيارتي وقالو نغيرها لك والبنزين يقولون انهم غيرو التانكي خلوه فيبر ومش حديد فلذلك بتسمع صوت اذا عبيته فل واذا نقص شوي يروح
السماعات انا ما اشغل عليها الا الايبود والقى المشكله هذي طبعا شايل الاكيلس وفيه صوت وشوشه خفيف بس طبعا لو فيه الاكياس اكيد بيكون مزعج المساعدات قالو بنشيك لك عليها ولقيت كثير عندهم تنسيم بالسياة قلت اكيد عندي كل شي مجتمع عندي شيكو يمكن موجوده بعد .... واليوم ان شاء الله بروح استلمها واشوف وش صار

**FaNTaSTiC** · 02-03-2008, 02:02 AM

برضه انا مطلع وحده سبشل ولله الحمد لا يوجد اي مشاكل من اللي ذكرتهاا غير البنزين فعلا اذا عبيت فل تحس ان هوا الكفرات ناقص ولا تحس فيه الا اذا كنت على خط سريع

الشي الثاني يمكن الصوت اللي تقول حق السماعات بسبب البلاستك اللي على الابواب نفس الشي لاحضته بداية ما طلعت السيارة بس قصيته من على حدود السماعات والحمدلله الحين كل شي تمام

**ككتان** · 02-03-2008, 02:42 AM

^^^^^^^^^^^^^^^^^^^^^^^^^^^^^^^^^^^

**ammml** · 02-03-2008, 08:47 AM

السماعات من الاكياس المحطوطة في الباب وسو وزنية للمضخمات ، واما للبنزين فهذا عادي لان التانكي صار في النص تحت المراتب الخلفية ، واما صوت الفحمات فهذا عيب مصنعي ارجع لهم مع اني عارف راح يقولون لك تشييك 5000 كم بس لا يهمونك اصر عليهم ،
انا سألت واحد اعرفة في الوكالة وقال ان الفنيين الموجودين في هوندا ماعندك احد لانهم من خريجي الموسسة العامة وانا والله شايف مندوب المؤسسة جاي يبغى فنيين في المؤسسة
وشكراً