الموضوع: افتوني في اسئلتي بعلم رجاءً

ما أدري الشباب راح يفيدونك

ثانكس

ياهوة وين العباقرة وين محبي الهندا
وين الردود القوية
وقصدي مقاسات الجنط من ناحية العرض 6.5 انش ولا 7 انش
ومشكور اخوي امير وكوكو

هلا والله أخوي

إذا تبي تبرد شغل زر max ac وبالعربي max يعني أقصى ac يقصدون التبريد
يعني أقصى تبريد

أو بمعنى أخر عشان تعرف كل واحد وش وظيفته
إذا ضغطت على max ac يسكر الهوايه اللي برى ويجيب لك هوا من داخل وهذا الأفضل عشان ما تتوسخ عندك الثلاجه وتشفط الأوساخ ويبرد أكثر خصوصا إذا جاك الحررر والسموم

أما الزر الثاني مدري وش أسمه يفتح لك الهوايه ويجيب لك هوا من برى

زي السيارات القديمه ما تذكر فيه حاجه توديها يمين راسم لك صوره سياره بداخلها سهم ملتف داخل السياره من جوا
والجهه الثانيه راسمين سياره وسهم جايك من برى داخل على جوا السياره
السهم هذا يقصدون فيه الهوا ويقولك إذا هو من برى ولا من جوى

هذا اللي أعرفه

أما بالنسبه للجنط إذا بتخربها وبتركب جنوط ركب زي حقت الفل اللي هي 16 لا تركب أكبر عشان ما تكره حياتك

تحياتي