فصلة الأكورد 2006 على 220

**مزاجي** · 25-02-2008, 10:00 PM

انا والله افكر بفصلة الأكورد 2006 اربعة سلندر وش رايكم

ناس قالو ب900 واللي قال 600 ابغى نصايحك قبل ما اتوهق

**الـمـسـافـر** · 25-02-2008, 11:41 PM

نصيحه خلك على 220 لا تعدم نفسك ولا موترك لانه يأثر على القير

**B free** · 25-02-2008, 11:58 PM

شف حبيبي ترى بتكره نفسك اذا طق عليك القير ولا خبطت المكينه

لان الاكورد مبرمجه على 220 فقط

اصلا الضغط حق المكينه وانت ماشي 200 على خمسه

اجل على 240 كم 7 نصيحه ترى بيطق قييييييييييييرك انتبه لعمرك <<< قاعد ينصح ولده

**accord 06** · 26-02-2008, 11:52 AM

المشاركة الأصلية كتبت بواسطة ACCORD i-VTEC

شف حبيبي ترى بتكره نفسك اذا طق عليك القير ولا خبطت المكينه

لان الاكورد مبرمجه على 220 فقط

اصلا الضغط حق المكينه وانت ماشي 200 على خمسه

اجل على 240 كم 7 نصيحه ترى بيطق قييييييييييييرك انتبه لعمرك <<< قاعد ينصح ولده

الضغط بالاربعه سلندر على 220 يكون 4.5

على الـ 240 بيكون على 5 او اقل

بعدين اللي يقول تعدم القير و المكينه

يعني بتفرق زياده 20 كم و 0.25 - 0.5 بالضغط ؟؟

اذا هي بتنعدم من الـ 240 فنفس الشي بتنعدم من الـ 220

**أبو الريش** · 26-02-2008, 12:11 AM

^^^^

انا اؤيدك الرأي

**ه و ط/467** · 26-02-2008, 01:10 AM

اذكرر اخوي فيه موضوع وحد في بريده كاتب عن فصل الكورد

بس ابحث عنه وتحصله انشالله وللمعلوميه كان يقول فيه فلبيني يسوي حركه

دون مايفصل او يجرح السلاك يخليه تمشي 240

وانت ابحث عن الموضوع وتحصله انشالله

تحياااااااااااااتي

**اكورد 343** · 26-02-2008, 05:56 AM

اقوووم عمرك يا رجال ..

وش راح تفيدك السرعه ,,

نصيحتي خلها ع حالها ..

<< 140 160 القلب يطربق شلون 240 ..

**دحوم** · 26-02-2008, 10:26 AM

طيب ياشباب بالنسبة لي ستة سلندر مو حرام اني ماامشي إلا 215 مو 220 والمفروض انا اللي يطالب بـ240كم/ساعة , والله من جد قهر .

**مزاجي** · 26-02-2008, 08:00 PM

المشاركة الأصلية كتبت بواسطة دحوم

طيب ياشباب بالنسبة لي ستة سلندر مو حرام اني ماامشي إلا 215 مو 220 والمفروض انا اللي يطالب بـ240كم/ساعة , والله من جد قهر .

عفوا اخوي انا اللي اعرفة ان 6 سلندر تمشي 250 2005 مدري عن 2006

وبعدين خوي خويي شراء اكورد من المعارض مصفرة

وما عمرة وداها الوكالة وتمشي 240 اربعة سلندر

اتوقع الوكالة تبرمج خلال ا1000 كم

**هوندا قوه الاحلام** · 26-02-2008, 01:49 PM

انا اقول خلك على مجنونك لا يجيك الي اجن منه
انا فتحت الفصله حق كابرس 94 وكهرت عيشتي معاها لان كل شوي اركب لها قير
وانت براحتك

**دحوم** · 26-02-2008, 02:17 PM

بعدين ياجماعة مع احترامي لمالكي 4سلندر إذا كانت الضغط مايتحمل هذي السرعة فأكيد ان الستة سلندر تتحمل خاصة انها 3.0لتر و250حصان يعني مهما حاولتوا تقنعوني ماراح اقتنع وبعدين على فكرة ترا ضغط ستة سلندر سبعة إلا ربع يعني يفرق ربع ونصف عن 4سلندر .

تحياتي ،،،

**MOHAMMED SS** · 29-02-2008, 03:28 PM

المشاركة الأصلية كتبت بواسطة دحوم

بعدين ياجماعة مع احترامي لمالكي 4سلندر إذا كانت الضغط مايتحمل هذي السرعة فأكيد ان الستة سلندر تتحمل خاصة انها 3.0لتر و250حصان يعني مهما حاولتوا تقنعوني ماراح اقتنع وبعدين على فكرة ترا ضغط ستة سلندر سبعة إلا ربع يعني يفرق ربع ونصف عن 4سلندر .

تحياتي ،،،

انت اخوي عندك السته سلندر نظام VTEC يعني الخظر عندك ممكن اكون اكثر من 4 سلندر يعني حاول اتخلي الضغظ 3.5 بالكثير في الخط

**$$الدولار$$** · 26-02-2008, 03:01 PM

تبغي تقنع نفسك انك ماشي طبلون .........................:d:d

كم الفرق 20 كم زياده والله ما تسوي السالفة كلها من الاساس ......

**اكورد999** · 26-02-2008, 03:48 PM

السلام عليكم
ترا انصحك ما تفك الفصله انا كان عندي جيب وفكيت الفصله
وظرب القير من ثاني اسبوع

**قوه أكورد** · 26-02-2008, 05:02 PM

مع التمرين تمشي معك السياره

قوه أكورد

**مزاجي** · 26-02-2008, 08:08 PM

المشاركة الأصلية كتبت بواسطة قوه أكورد

مع التمرين تمشي معك السياره

قوه أكورد

بس المشكلة ما يعلق الطبلون على 220 ينتق ويرجع الى 218 يعنى ما فية امل

:d

**كورد** · 27-02-2008, 04:42 AM

أنا اللي عندي أكورد سبيشل 2007

طلعتها من الوكاله وطبلونها 220 كيلو على خط الرياض
ورايح جاي

بس الضغط ما يوصل لين4.5 قبلها

كيف أنت يوصل الضغط عندك ل5

شكلها تكون بالرابع

**B Useful** · 27-02-2008, 05:59 AM

انا ودي اعرف حاجة ..

الحين الشباب اللي قاعدين يردون بردود ما تقبل الكتابة الا بعد تجربة ..
هل تم تجربة الامر فعلا ولا بس .... كلة ضغط ع الكيبورد وتعبئة ردود؟؟

مثلا اللي يقول مع التمرين تتعود وتصير ................................. هل جربت ؟
يطق المكينة او القير .................................................. ....... هل جربت على هوندا اكورد ؟

الكلام الصحيح والي حسيت انة منطقي لانة من واقع تجربة و كان يصير بحياتي اليومية ..
هو كلام accord 06 انة نسبة الضغط تزيد بنسبة معينة كل ما زادت السرعة ...
انتو شيكو بأنفسكم ..
شوفوا الضغط على سرعة 120 - 130 -140 -150 -160 -170 -180 190 - 200 بتلاحظ تقريباً ان تغير الضغط يصير بنسبة معينة ..

**عاشق Accord** · 28-02-2008, 03:52 AM

والله لاتمرين ولاشي السياره مبرمجه على 220 لو ايش تسوي
انا شفنش كل اسبوع رايح جاي للشرقيه والموتر ماينزل عن 220 واحاول فيه وشفه يفصل مع العلم ان الموتر ماشي 106000 يعني خلاص اذا كان فيه تمرين بيطلع في اول 20الف مو بعد 100 الف
وانا من رايي ((خلك على قردك لايجيك اقرد منه ))<<<<<<<<<< مالها دخل صح:d

**دحوم** · 28-02-2008, 04:15 AM

عاشق اكورد كلامك : صحيح تصك الطبلون حتى لو نزلت على دحدرة وانت ماسك على 220 ماراح تنزل اكثر من كذا الوضع ومافيه البرمجة والله مسببة قلق من جد ، الالتيما تجيب تحت 260 والاكورد 220 وبالطقاق ،

**اتــشـــــ** · 28-02-2008, 07:25 AM

المشاركة الأصلية كتبت بواسطة سواد اكورد

انا والله افكر بفصلة الأكورد 2006 اربعة سلندر وش رايكم

وانا والله خايف عليك

**مزاجي** · 29-02-2008, 02:21 PM

في واحد من اخوياي معهم كامري قراندي وتحرشوا باكورد 6 سلندر وشطفوه على 240

يقلى اقل من 15 ثانية الا وهو شاطفنا واحنا الطبلون نازل عن 240 ؟؟؟؟؟؟؟؟؟؟؟؟؟؟

**ملك مملكة جدة** · 29-02-2008, 06:47 PM

ياخي انت صاحي ؟!

220 ؟! فين تبغى تتطير الله يرحم والديك ؟!

ترا فيه ناس ماشين معاك في الشارع انت مو لحالك ؟! و الله هل يومين الـ 140 ينخاف منها مع كثرة الناس الي ما يعرفوا يسوقوا ؟!

سلام

**Unlimit** · 01-03-2008, 01:45 AM

في جها ز يبناع في النت ب650 ريال بالتوصيل الدولي اسمه سبيد ستبلايزر اوف

يفك جميع فصلات السيارات اليابانيه خصوصا الهوندا والسوبارو والمتسبيشي لكن ياشباب ماانصح فيه اصحاب القير الاتو لانه ممكن يسخن القير وتنخدش الكلتشات خصوصا الكلتش الرابع

سلام

**accord2oo7** · 01-03-2008, 09:58 PM

طيب الاكورد العادي تفصل او لا
ولو طفينا rbm
هل ممكن تنفك الفصله وكيف نقدر نفصل rbm
وصراحه غريبه الحركه لاكن مثلا لو خرب العداد الكيلو هل القير مايعشق نفس ما يسير اذا فصلنا العداد غير كذا مستحيل مافيه طريقه لاكن كيف