مشكله في الأكورد 2004 ؟؟

**Moh** · 05-03-2008, 04:20 PM

السلام عليكم ورحمة الله وبركاته

انا محمد اخوكم من السعوديه ...

عندي اكورد 2004 فل كامل 4 سلندر فاكها على يدي وكاله

السيارة ماشيه الحين 225000 كم ..

من مده حصلت لي مشكله وهي اني اذا شغلت السياره خصوصا اذا كانت بارده وحتى وهي ساخنه بس لما تكون بارده اقوى ..يصير فيه ارتعاد بالسياره وكأنا موديل 74 م:( واذا مشيت شوي كأنها بتطفى علي ..؟ ولاعاد صارت تجيب سرعة 220 كم زي اول ؟؟

عرضتها على مهندس هوندا في وكالة خريص بالرياض وقال : هذي الكويلات الألكترونيه لازم تغير فيهم ؟؟

وناس تقول منظم البخ وقيمته فوق الف ريال !

ارجو الحل من اخواني فأنا متابع لكم من زمان وقريبا اكون عضو فاعل ان شاء الله ..

بقى سوال اخير ؟؟

الى اهل الرياض وين افضل ورشه بالرياض خاصه بصيانة الهوندا ؟؟

اجدد شكري لجميع مسبّقاً والسلام عليكم ورحمة الله وبركاته

**nassermoh6890** · 05-03-2008, 09:31 PM

اذا بتسالني بقولك عندنا في عمان واحد يطلع لك اي عيب فني او ميكانيكي او كهربائي طبعآ في صناعية صحار ويكون في علمك كان في في وكالة الهوندا وفتح كراجوترك الوكالة
نصيحة من
اخوك ناصر المرزوقي

**ل م س 3 3 4** · 06-03-2008, 12:56 AM

وعليكم السلام ورحمه الله وبركاته :-)

اخوي المشكله هذي والله اعلم من منظم الهواء ويبيله تنظيف ،،عندي زي مشكلتك بسيارتي بس على خفيف وقدوديتهالورشه قال اسوي لها تنظيف وتضبط ان شاء الله ،،

على العموم ياغالي فيه عندك ورشه الجنوب يمدحونها

**Moh** · 06-03-2008, 04:37 AM

اخوي ناصر ..الله يعطيك العافيه وشاكر لك على المشاركه الرائعه اللي تعكس شخصيتك المهذبه ..واهل عمان حبايبي والله بس بعيييييييييييييد ...اشكر لك التواصل وابداء الراي

اخوي لمس433 :الله لايهينك على المرور بس اي منظم حق الهواء ؟؟ ياليت توضح اكثر الله يبارك فيك..وبخصوص ورشة الجنوب ياخوي فيهم شوفة نفس مدري هعلى ويش ..وبعدين غالين مره ..الله لايهينك مره ثايه