الموضوع: قير سيّارتي إختـــــــرب ..!! ماصار للسياره شهرين 2007

يكفي إنّك تقرأ الموضوع وتعرف المشكله ...

كانت بداية مشكلتي يوم رصّيت على السيّاره ولا حظت انها ما تفحّط (( ضغط المكينة على النمره الأولى لا يتعدا الـ 2 ونص ..rbm )) عاد أنا استغربت حيل ...

رغم ان سيارتي جديده ..
ماكمّلت حتى الـ 15 ألف كم ..!!

طيب ما قلنا شي ... بسيطه مانفحّط ...

وبعد كم يوم .. دخّلت سيارتي الكراج (( موقف السياره اللي داخل البيت ))
يوم حطّيت الـقير على الـ P إستغربت من صوووت طقّه (( طراااخ ..!! ))

قلبي وقف مع دقّة القير ..!!

قلت بسم الله الرحمن الرحيم ..

طفّيت السياره رحت طالعت تحت السياره ..

قلت يمكن (( قطو )) ولا شي داخل في المكينه وضرب بالمروحه ...

دوّرت يمين ... يساااار ... مافي شي


رحت وحطّيت راسي ونمت نومه ما بعدها نومه ...

وكالعاده .. جات العصريه وجا وقت التمشّي بالسياره ..

قمت وغسّلتها ... ونظّفتها ... ورتّبتها ... من أحسن ما يكون ...

وعاد يوم خلّصت ..

رحت وتكشّخت وجيت أشغّل السياره ...

شغّلتها ... وانتظرت دقايق لين ما حمّت السياره ...

يوم جيت أعشّق القير ..
حطيته على الـ D >>
سمعت صوت من تحت السياره .. (( عييييع طخ ...))

هنا وقّف قلبي ..
سيّارتي ما تعشّق ... !!!


رحت و جبت سطحه تشيل السيّاره ..

على طول دون تفكير بودّيها الوكاله ..

انزين وديتها الوكاله على السطحه ..

ودخّلناها الصيانه ...

وبعد هذا كلّه جا العامل أو المهندس أو مادري من .. المهم اللي بالصيانه ..

قالّي (( قيرك خربان ..!! ))

قلتله سلامات ..!!

سيارة جديده ..!!

وأنا واحد محافظ جداً جداً للسياره ..!!

قلتله السياره الحين على الضمان طيّب ..

يعني صلحوها لي ..... ;)

قالولي :: :( الضمان ما يشمل القير ..
وقالولي هذا مو خطأ مصنعي عشان نصلحه ..
هذا سوووووء استخداااام ...ّّّّ!ّ!ّ!ّ!ّ!



والحين وش اسوي ؟
ماظل أحد هناك ماكلمته وفهّمته ..

انشاالله ألقى عندكم حل ...

وأنا لو وش ماصار مستحيل أدفع هذيك القيمه عشان قير أنا أصلاً ماسويت فيه شي عشان يخترب ..

علماً بأنّي بظل أطارد وراهم وأرفعها لأكبر واحد في وكالة هوندا حتّى آخذ حقّي ..

وبشتكي عليهم ..

وبسوي كل اللي في راسي ..

لكن ابيكم انتم تفيدوني ..

:( وش اسوّي ؟؟

والله متورّط ..

سنه ونص أجمّع قيمة السياره ..

وفي الأخير أخسرها ؟؟

أتمنى تفيدوني ..

وأنا شاكر لكم ..

أتمنّى إنّي ما طوّلت عليكم ..

دُمتُم بِوِدْ ..