ضحكوا علي حقين الصيانة

**abo aziz** · 09-03-2008, 07:06 PM

والله يا شباب انا سويت صيانة 40 الف عند فرع هوندا طريق خريص

والشهادة لله انهم ممتازين وسليسين في التعامل معي
والسيارة كان فيها خدش في الصدام الامامي وسوها لي تمام التمام

ولا انسى النظافة ايضاً (اعني السيارة من الزيوت ولطخات الايدي )

ولكن فيه شي قهرني
اللي هو استبدال اماكن الكفرات
هما مؤشرين في الفاتورة على انهم سووها
ولكني اكتشفت ان هذا الشي ما حصل
تقول كيف عرفت............ اقولك كيف
عندي واحد من الجنوط فيه خدش
ويوم طلعتها من الوكالة لقيت الكفر في مكانه ما تغير يعني

.......!!!!!!!!!!!!!

وبصراحة ابليس بداء يوسوس لي ويقول لي
هل فعلا قاموا بصيانة الـ 36 نقطة كما يجب... ام لا؟؟؟ مجرد سؤال ليس اتهام

والسلام عليكم

**امبراطور الاكورد** · 10-03-2008, 01:34 AM

عسى ان تكرهوا شي وهو خير لكم
تبديل الكفرات يطلع صوت

**ككتان** · 10-03-2008, 04:03 AM

مشكلة

**ملك مملكة جدة** · 10-03-2008, 04:11 PM

شوف يا حبيبي صيانة هوندا ما تاخذ منهم خير

صيانة 1000 كيلو حكوا لي السيارة و ما طلعتها الين صلحوها

و انت لو تجلس و تشوف ايش يصير في السيارات و الله تحزن .. يشغلوا السيارات و يحركوها بدون تحمية

ياخي فرع جدة بعاني منهم

خرطوا لي الهوبات و سارت السيارة ما تمسك فرامل اصلا << عارف انه الهوب لما ينخرط يصير في فراغ بين الهوب و الاقمشة ... لكن هذا خير شر مافي فراميل امس بس كنت راح اسوي حدثين

روح و اتوطي ببطنهم و خليهم يسوا لك كل شي << و مثل ما اقول دايم " خذ حقك من فم الاسد "

سلام

**اتــشـــــ** · 10-03-2008, 05:13 PM

المشاركة الأصلية كتبت بواسطة ملك مملكة جدة

و انت لو تجلس و تشوف ايش يصير في السيارات و الله تحزن .. يشغلوا السيارات و يحركوها بدون تحمية

في هذي صدقت :(

**abo aziz** · 10-03-2008, 10:56 PM

لا وازيدكم من الشعر بيت
انا يوم طلعت سيارتي فحص الـ 1000 كيلو
ورحت للبيت ودخلتها البايكة (خايف عليها طبعا توها جديده)
المهم يوم قمت الصبح لقيت بقعة زيت ماهي قليلة تحت السيارة
والله واندعس تحت السيارة واشوف التهريب جاي من السرة
قلت يمكن الاخوان نسوا يشدون السرة زين
قلت خلني اشيك بيدي............ اثاريهم رابطينها باليد شي بسيط
يعني شوي وتطيح السرة......

بصراحة فار دمي ذاك اليوم......وبلعتها واسكت يوم جت سليمة

والبارح ولعت لنبة بالطبلون بشكل سريع ثم اختفت الله يستر بس

ما اقول الا ليتني سالمن من الوكالة ......

**The Stig** · 10-03-2008, 11:51 PM

انا مره رحت لهم .. وخلصت صيانه .. وجاي استلم السياره .. قلت له البريكات فيها رجه ..

طلع المهندس معاي ...

يسوق السياره ويضرب بريك بقوه

ويكررها ..

قلت له سلامات الظاهر تبني ابدل قماشات ..
يقول لازم نجرب ;)

خذ حقك اول ماياخذوه

**CiviC VIP** · 11-03-2008, 06:01 AM

الموضوع هذا بالذات ما أبغى اتكلم فيه خاصة ان الكيبورد جديد

بس ملك مملكة جده قال بعض الي على لساني
( يشغلوا السيارات و يحركوها بدون تحمية )

وقوة جلافه في استخدام الجربكس
(يشغل السياره ويرمي النمره على D وعلى طول دعس ) والله عمري ماقد سويتها حتى لو سيارة غيري
( ويحط النمره على R ويرجع للخلف ويرمي القير على P وممكن بدون بريك يوقف السياره ولو رفع البريك
يوصله لفتحة السقف لابارك الله فيهم )

طيب بعد الكلام هذا ( نبغى حل مع الصيانه )