السلام عليكم ..

فعلا عندي نفس المشكله وسيارتي فل لكن شوف صحيح يفصل كل خمسه ثواني ..

سبحان الله قريت موضوعك قبل مااتعدى الالف وقبل لا اشغل المكيف ولما دخلتها صيانة الالف كلمت المهندس ع اساس اني شوفت سيارات الكومبرسر يفصل كل 5 ثواني قلي مامرت عليا سيارة زي كدا ..

قولت اجرب واشوف ...

والله صرت اعد 5 ثواني ويفصل واعد كمان 5 ثواني ويشتغل :(

لكن بصراحه ومع ذلك المكيف باااااارد وبدون ريحه حتى لو كان يفصل ..
وانا لاحاط تضليل ولا هم يحزنون وموقف السياره في الكليه في عز الشمس ..
ويبرد ماشاء الله تمام التمام ...

ومايفصل الا ادا كنت واقف بس

لكن اقسم بالله لو كان مايبرد تمام كان شوفتني من الليل واقف عند باب الوكاله :d


عموما بكره ولابعدو رايح الوكاله واقلب امها عليهم واسويهم فيلم ماحصل

لانو كانت عندي مشكلة الحذفه وروحت على صيانة الــ 1000 وسويتلهم قلق وخليتهم يطلعوها مو بس في نفس اليوم لا ... بس قعدت عندهم تقريبا 5 ساعات وهم مخلصين ;)

صراحه ماينفع معاهم الا العين الحمرا

لكن المهندس كان جدا محترم ومقدر لظروف الواحد

رغم اني مو راعي مشاكل لكن مااحب اسكت عن حقي ...

واصلا انا جاي ومشحون على الوكاله من الكلام الي سمعتوا من الشباب << جاي وفي راسي شر


حبيبي اتوقع دي المشكله في كل الاكوردات لكن قليل الي يلاحظها

يعني المكيف لما يفصل ماتسمعوا الا لما تكوون مقفل المسجل وفاتح اذنك كويس عاد تسمعو
او بالاصح تحس فيه ..

روح الوكاله وارميلهم المفتاح في وجههم ياحبيبي دا حقك ..
يعني لمتى الواحد يقعد ساكت عن حقو

ولايضحك عليك المهندس ويقولك عادي وطبيعي ويمشيها عليك ..

قولو مكيف كرسيدا 89 مايفصل فيها المكيف زي كدا :d بالاضافه الا انو الاكورد 2007 مكيفها مايفصل بدي الطريقه السخيفه ...

ولو انك من جده نروح انا وانتا سوا واوريك فيهم عشان مااحد يتفلسف علينا ..

دمت بود