تم تحطيم الرقم القياسي!

**أبو روز** · 24-03-2008, 07:54 PM

سلام يا أحلى شباب ... شخباركم .. ويني عنكم من زمان ... كنت مظلوم قبل ماعرفكم

عندي استفسار صغير :

سيارتي اكورد 2005 من اشتريتهـا لحـد الآن ما غيرت لهـا :
1- زيت جربكس .
2- أقمشة .
ولا شيء ...

بس اغير الزيت واعبي بنزين ويـالله توكل ... على بالي انهـا جديده للان لاني محافظ عليهـا (ما شاء الله تبارك الله ) اللي يبي يشتري ترى بـ 55 الف بس .

الزبـدة اليوم : رحت الوكالة ويوم شاف المهندس ما قـد سويت فيها شيء وهو يطير علي ( تقول اصغر اخوانه ) ويعصب وش هالكلام.

موية الاديتر مافيه و تقعـد 3 سنوات وما سويت فيهـا شيء وانا اهدي فيه ياراجل والله ما عاد اعيدهـا واخر مره ... قالي عطني 1250 ريال . قلت ابشر بس اهم شيء لاتزعل .;)

المشكلة : قال لي اخرط لك الهوبات ... فاقلت سوي اللي يعجبك لو تقلبها تشليح !

بعدين يوم طلعت من عندهـ قال واحد من الشباب خرط الهوبات يضر بالسيارة ومدري ايش وسوى لي سالفة ... :o

فااشرايكم ... وش هالحل ... عطوني نصايحكم ! :(

**B Unique** · 24-03-2008, 08:38 PM

خرط الهوبات شي عادي ويصير في احسن السيارات
الهدف منه ان سطح الهوب يصير متساوي عشان تمسك الفرامل صح

واهنيك على اهتمامك ومحافظتك على سيارتك
من طلعتها من الوكالة ما سويت لها اي صيانة يالظالم !!

**أبو روز** · 24-03-2008, 09:04 PM

اشكرك اخوي تصدق انك ريحت بالي ... الله يريحك بالك ولا يوريك مكروه .

**فقير الحظ** · 24-03-2008, 09:47 PM

يقولون ان بعد الخرط الفرامل ماترجع مثل شد بلدها ؟؟

**الـمـسـافـر** · 24-03-2008, 10:17 PM

^^^^^^^^^^

لا توسوس بالرجال :d

**B Useful** · 25-03-2008, 12:03 AM

ودي احرق وكالة يقولون !!

**Zero Cold** · 26-03-2008, 03:02 AM

أنا عندي أكورد 2005 وغيرت الأقمشة أكثر من مرة
الظاهر إنك تمشي وما تضغط على الفرامل:d
وغيرت زيت الجير من نصيحة الفلبيني في محطة قلف
مع إني ماشي 75 الف كم ويقولوا يتغير كل 40.000 كم والله أعلم
تحياتي;)

**ammml** · 26-03-2008, 09:50 AM

خرط الهوبات يجعل السطح املس وبالتالي يساعد الفرامل على الامساك بشكل متساوي وهو امر عادي جدا
في حال عدم خرطك الهوبات وركبت فحمات جديدة راح ترج السيارة وإذا فكرت انك تخرط لازم تغير الفحمات ولو انها جديدة
للمعلومية فقط وشكراً