الموضوع: الحاقاً لموضوعي السابق بخصوص الزيوت المكينه

بسم الله الرحمن الرحيم

السلام عليكم ورحمة الله وبركاته

في ليلة البارحه واعدت واحد من عيال عمتي في بيتهم قال عطني عشر دقايق اباخذلي شور على السريع وطالعلك قلت اوكيه ابروح اجل اشوف محل الزيوت الي وراهم لأني منغبن من المبلغ الي دفعته بذات اني دافع المبلغ من غير قناعه وأسعر الزيتطلع ياطويلين العمر بايعني زيت المكينه بـ55 وسعره /25ريال والله فرق فوق النص والفلتر بـ70 وبايعني اياه بـ115 والله غبنه وبايعني زيت القير بـ90وسعره برا بـ50 والله فرق 40 ريال بكل علبه يعني بس من زيت القير خذ علي 160من غير مكسبه ويبدا والله جسمي يحتر من الغبنه واروح لم ولد عمتي واخذه من بيتهم واتوجه لم المصيف المحطه الي غيرت فيها الزيت ويتوجه ابو خالد واول ماوصلت قلت ياحبيبي تنصب على مين بكل اختصار فلوسي الي زرفتها رجعها لي قال والله ماسرقتك ومني عارف ايش قلت اوكيه اركب معي الان واروح انا وياك ونسعر الزيوت ونشوف من النصاب قال هيا يوم قعد يبولع ريقه وقعد يتعذر المهم قلت زيت المكينه قيمته برى بـ25ريال وتبعيني اياه بـ55قال لاوالله واتحدى و الوكيل مايبيعه بالقيمه هذي قلت اوكيه بكم الوكيل على سبيل المثال بـ30انا ابجيبه لك بـ27ريال وانا بيطلع علي بـ25 ريال كم علبه تبي بأملك العدد الي تبيه والله يوم الخم ابويمن قلت حبيبي عندك خيارين الخيار الاول اني اجيبلك كل الي ركبته وتاخذ حق شغلك انا ابعطيك 50وبرى ياخذون 15ريال وتعطيني ال800ريال الباقيه ولا عندك الخيار الثاني الي هو تاخذ مكسبك مني بالمعقول قال خلاص ياعلي جيب من الدرج 200ريال قلت امعصي والناس مجتمعه علينا والحاله حاله قال خلاص جيب 50ريال زياده يعني بيعطيني 250ريال بيطلع شغله كله بـ600ريال الي سواه يوم قال ولد عمتي خلاص بس ازين من لاشئ ولا انا حاط فبالي اني اباخذ من ال350ريال وفيها المهم خذيت ال250وقصرنا الشر وطلع علي الأجمالي حق غيار الزيت 600ريال وش رايكم ياشباب تعليقكم والف اسف على الاطاله .