نصايحكم شباب الأكورد

**خالد22** · 04-04-2008, 11:00 AM

السلام عليكم

كيف حالكم انشاءالله بخير

اخواني انا شريت اكورد والحمدلله ماشاءالله 2008

وابيكم تعلموني عن افضل الزيوت ومتى تتغير والكفرات ومتى اغيرها وعند مين

وهل لازم بعد الالف اشيك عند الوكالة

ونصائح عامة من فضلكم

اخوكم خالد

**وهـمـ** · 04-04-2008, 02:05 PM

الله يعطيك خيرهآ ويكفيك شرهـآ ..

بعـد الـ 1000 كيلـو تروح عند الوكاله عشآن صيآنة الالف كيلو ..

اما عن البآفي والله مدري أنتظر الاغضآء يفيدونكـ ..

**الـمـسـافـر** · 04-04-2008, 02:32 PM

وعليكم السلام

على البركه الهنادي الجديده

اول 1000 كيلو تمرنها ولا تتعدى سرعتك 100 ك/س

بعد الـ 1000 كيلو توديها الوكاله تشييك مجاني

الكفرات لا تفكر فيها الا بعد 50 الف كيلو

الزيت غيره بالوكاله كل 5000 بـ 91 ريال

وصل الله وبارك على نبينا محمد

**فيصل500** · 04-04-2008, 02:52 PM

الله يعطيك خيرها ويكفيك شرها

مثل ماقالوا الشباب لاتتعدى 100 وحبذا لو ماتتعدى 80
لان الزيت اللي فيها يسمونه زيت تمرين تكون لزوجته خفيفه مره

عشان كذا اشوي اشوي :d
ولاتحركها الا اذا وصلت حرارتها النصف الحراراه العاديه

والمكيف لاتشغله الا بعد 1000 كيلوا

واذا اظطريت خله على اخف شئ

و100000 مبروك على السياره

تقبل مروري

**خالد22** · 04-04-2008, 06:58 PM

الله يعطيكم الف عافية شباب

وبإنتظار مزيد من النصائح

اخوكم خالد

**AL5FY** · 04-04-2008, 10:25 PM

اماااا بهالصيف مايشغل المكيف كثر منها

المكيف عادي تشغله ومافيها اي مشاكل

والسرعه لاتتعدى 110 والامبير لايتعدى 2

والكفرات يبيلها اكثر شي سنتين وتتغير

والزيت + السيفون يتغير كل 5000

والزيت انصحك بزيت حيلو اسمه الترا7

وفيه زيت يمدحه كوكو كورد تلقا الموضوع بقسم البيع والشراء

عارض زيت يقول انه كويس

وكوكو كورد ابخص بهالأمور:d

والف مبروكـ

**خالد22** · 05-04-2008, 08:50 PM

وش تقصد بالأمبير؟؟

**كيف الهوندا** · 05-04-2008, 09:48 PM

بالنسبه للزيت كل 5000كم مع السيفون والأفضل زيت سوبر بترومين الأبيض
اما اذا مشيت 40000 تغير زيت القير وفلتر الهوا
وبالنسبه للكفرات يعني لك الى 70 أو 80 ألف تغيرها
أما الامبير المقصود فيه الضغط الي بجنب العداد
ومبروك على الموتر والله يعطيك خيره ويكفيك شره
تقبل مروووري

**الـمـسـافـر** · 05-04-2008, 10:25 PM

الامبير= عداد دوران المكينه RPM

الافضل ما يتعدى 2,5 الى 3 فتره التمرين

**خالد22** · 05-04-2008, 10:38 PM

الله يعطيكم العافية يا عيال واللي عنده نصايح زيادة لا يبخل علينا

**عبودي 9009** · 09-04-2008, 02:27 PM

الف الف مبروك والله يعطيك خيرها ويكفيك شرها ....

انا كنت عند الوكاله وسألتهم عن الزيت قالولي اول الف تغيره عندهم ومجاني وبعدها 5000 كيلو .
سئلتهم عن الزيت قالولي اذا بتغير زيت هوندا الاصلي كل 5000 كيلو اما اذا بتغير غير هوندا كل 3000 كيلو لان زيت هوندا لزوجته والله اعلم 15 دبليو 30 واهو ينصح فيه بس تاكدو من اللزوجه قبل ماتجربونه واما زيت القير كل 40 الف كيلو لان هوندا مالها فلتر قير .
ويعطيكم العافيه ...