خرب المسجل وش السوـات ؟

[هوندا اكورد 2006]

السلام عليكم

بدون مقدمات :o

المسجل خربـ عندي وانا اتنقل بين السي ديات

طعلي ايرور وخليته يوم كامل وجيت من بكرا وشغلته وطلع معي لووود

وطولت فجئه ما اشتغل شي حطيت على الاف ام اشتغل عـادي

بس اضغط على CD الي يشغل السي ديات ما يشغله ولا كاني ضغطت اصلا ..!! :(

وكانه معلق الي يبدل بين السي ديات لاني كنت اسمع صوته ...

ولا ادري وش المحلات الي تشوفون انها كويسه

انا ودي بالوكاله بس الي اعرفه انها غاليه و وراي سفره :p مو رايق ياخذون الي معي

بس مدري كم سعرها ؟؟

ياريت احد يقولي سعرها بالوكاله او ينصحني على محلات مضمونه ( انا بالرياض )

[B Useful]

اذا السيارة ع الضمان ... يغيرونة ببلاش .. <<< تغيير كامل .. نفس مشكلتك حصلت لي سابقاً ..

اذا ميب ع الضمان ..

ودها الغرابي محل : الحوشاني للمسجلات المشهور في الزاوية عند الاشارة .

[هوندا اكورد 2006]

اذا السيارة ع الضمان ... يغيرونة ببلاش .. <<< تغيير كامل .. نفس مشكلتك حصلت لي سابقاً ..

اذا ميب ع الضمان ..

ودها الغرابي محل : الحوشاني للمسجلات المشهور في الزاوية عند الاشارة .

اجل شكله على الضمان الحمدلله الضمان باقي عليه 4 شهور

والكيلواات باقي عليها 10.000 كيلو

يعطيك العافيه اخــوي وماقصرت

[أكورداوي]

وللمعلوميه فقط ..

الوكاله ماتصلح .. اذا ماغيرت لك افهي تصلح برى أصلا .. وتتعامل مع محلات معروفه ,,

[هوندا اكورد 2006]

اها

انا سئلته قلت تصلحونه ولا تغيرونه قال بنصلحه ..!!

لو اني شايف رددك قبل ما ادخلها كان سحبت عليهم

بس يلا خيره لاني دخلتها عليهم صيانة الـ 50.000

بس قالي اليوم تطلع 6 المغرب اتصلت عليه قالي شوي واتصل عليك وسحب علي اتصل ثانيه يرد علي عامل ويقول الصيانه طالعين

وش هالخربطه !

[momo]

العن جدهم مو لعبه هي يورطك :d

[هوندا اكورد 2006]

رحت لهــم واخذت الموتر اليوم بس كســــرو لي 6 سي ديااااااااات ؟!

[mshtag]

انا نفس مشكلتك ,,, علق علي ووقف والله كانك تشكي حالتي ,, وديتها يوم السبت الي فات والى اليوم ماطلعت رحت لهم امس قالو لقينا سي دي معلق وداخل في الدرج تبع السيديات الداخليه ,, وطلعوه مكسور بس واحد


والصيانه برضو 50000<< مااقول لك كانك تشكي حالي خخخ


بياخذون عليه 150 ريال ,,, قال لي فني الصيانه ان الخراب مايشمله الضمان !!! تكفون اذا احد صارت له المشكله وصلحه الضمان اروح اطالبهم << كافي فلوس الفحص

[هوندا اكورد 2006]

هلا اخووي
mshtag

اجل الحال من بعضه ...

الله يعين

شكلهم موقتين خراب المسجل خخخخخخ

بالنسبه لي صلحوه على الضمان

الضمان معي باقي عليه 4 شهور و يكمل 3 سنوات

والكيلوات توني داخل الـ 50.000 مالي كم يوم

غريبه انت كم باقي على ضمانك ؟؟؟

و ليش مايضمنه ؟ غريبه انا بس سئلني كم باقي على الضمان .. وقال اوكـي

[mshtag]

والله قاهرييني ,, سيارتي باقي لها سنه ع الظمان او 9000 كيلو

انت في اي فرع سويت الصيانه ؟؟؟


انا صارت لي سوالف معاهم امس عشان شغلات ماسووها


رفعو ضغطي

[هوندا اكورد 2006]

والله غريبه

انا سويتها بخريص ............


حسبي الله عليـهم الوكاله ترفع الضغط ولا تخدم العميل ابداااااااا