الفزعة يا اخوان ،،، مشكلة بأكورد 2008

**يُسرين** · 14-04-2008, 12:37 AM

السلام عليكم

اول شي اشكركم على المنتدى الرائع :d

اليوم طلعت سيارتي من المعرض

ادعوا لي الله يبارك لي فيها

لكن فيها مشكلة

لمبة الـ ABS مولعة ما تطفي

ولمبة الجلنط >> الهاند بريك

كل الثنتين مايطفون

ما ادري وش السبب

هل أحد صار له نفس مشكلتي ؟؟

الأمر الثاني

لمبة القير تأشر بالأخضر على الدي

واذا حطيته بالدي تستمر تأشر

يعني تولع وتطفي

هل هذا شي طبيعي ولا لا ؟؟

الأمر الثالث

اقدر انزل الفتحة والدرايش بالريموت

بس ما اقدر اسكرهم :o

علموني وشلون اسكرهم

متشكرين أوي أوي

والمعذرة على الإطالة

**B Useful** · 14-04-2008, 12:53 AM

يا حبيبي ..

رجع موترك الوكالة ..

سالفة لمبة الـ D اللي تأشر صارت لي بعد حادث بشع جداً جداً ... هذا وموترك جديد وكذا صايرة فية ؟؟

وبرضوا سالفة البريك ... صارت معالي اللمبة والعة على طول بعد تصليحها من الحادث !!

الـ abs والعة معناتة ان النظام عندك مررررة مايشتغل ... نفس سالفتي بعد الحادث ...

للمعلومية .. كان معاي 2006

على العموم ..

انا بسألك ..

انت مطلعة من الوكالة مصدوم ولا وش السالفة ..!!

اذا جديد .. مستحيل تكون هالشغلات ما شيكو عليها قبل تسليمك السيارة ...

ارجع لهم .. ورجع لهم السيارة ..

وانشب في حلوقهم

ولا تسكت عن حقك ..

هذي فلوسك ان دافعها على موتر جديد .. موب موتر كان فية 100 مليون سالفة ..
!!!

وقبل كل شي ... جرب تفصل البطارية وارجع اشبكها ..

**يُسرين** · 14-04-2008, 01:03 AM

خرشتني :'(

الموتر جديد

ما مشى الا 4 كيلو يوم اطلعه

مطلعه من معرض مو وكالة

بكرة إن شاء الله أصبح عند الصيانة

الله يعين

مشكور على الرد

**B Useful** · 14-04-2008, 01:05 AM

والله معليش يا اخوي ...

موترك هذا حاول تروح تكلم المعرض قبل الوكالة .. لو اني منك يا شيخ استبدلة ... حرام عليك انك طلعتة من المعرض وهذا كلة فية ولا طرى لك تسأل عنها !!

**يُسرين** · 14-04-2008, 01:51 AM

ما انتبهت الا بعد ما مشيت

قدر الله وماشاء فعل

الحمدلله

خيرة : )

بكرة بإذن الله أروح للصيانة ويحلون المشكلة

مشكور على مرورك ومساعدتك

**Unlimit** · 14-04-2008, 02:41 AM

ياساتر السياره جديده

انصحك ترجع للوكاله او تشوف حل مع المعرض تره مشكله لمبه الفرامل لو شغاله
الله يعينك

**Accord Black 08** · 14-04-2008, 03:23 PM

يبيلك تراجع الوكاله في اسرع وقت وبنسبه للدرايش تنفتح بالرموت حتى الفتحه معاهم
الله يباركلك فيها .......

**accord08 4 ever** · 15-04-2008, 02:44 AM

يمكن فيه بروبلم في أحد أسلاك الطبلون

بس من جد لاتسكت

وأنصحك بفتح عزبه عند باب الوكاله لين تشوف لك حل

**الاخطبوط** · 15-04-2008, 04:21 PM

تأكد ان فيوز الـ abs بحالة سليمة >>> من علبة الفيوزات بالكبوت

**يُسرين** · 15-04-2008, 05:56 PM

أشكر الجميع على التفاعل

وجزاكم الله خير

السيارة وديتها للصيانة

وادخلوها مباشرة للفحص

وحقيقة كان استقبالهم واصلاحهم للخلل بسرعة مع انه الزحمة شديدة عندهم :d

لكن لأن السيارة جديدة وتوها ماكملت 100 كيلو

واصلحوا الخلل واعادوا برمجة كمبيوتر السيارة مع تغيير بعض القطع

واستلمتها في نفس اليوم والحمدلله الآن مافيها أي مشاكل

والله يبعد عنا وعنكم المشاكل :d

**B Useful** · 15-04-2008, 07:32 PM

^^^ الحمد لله ... الله يهنيك فيها دوم .. ^^^

**أبوكرم** · 16-04-2008, 01:32 PM

مبروووووووووووووووووووووووووووووك
والحمدلله عدت على خير
والله يكفيك شرها ويعطيك خيرها

**رايح لـ رابح** · 16-04-2008, 04:17 PM

مبروووووووووك اخوي
بسئلك شلون تقدر تنزل الدرايش بالريموت؟؟؟

**هـــوندا وبـــس** · 16-04-2008, 04:44 PM

المشاركة الأصلية كتبت بواسطة رايح لـ رابح

مبروووووووووك اخوي

بسئلك شلون تقدر تنزل الدرايش بالريموت؟؟؟

تفتح الابواب بالرموت ثم تفتح مره ثانيه وتكون معلق عليه

تنزل الدرايش والفتحه

ومبروك اخوي على تصليح الموتر وجعلها اخر المصايب يارب

**migo** · 20-04-2008, 08:06 AM

يالله مبروك و الله يعيك خيرها و يكفيك شرها

و موضوع بعض السيارات فيها خراب الظاهر صاير شي طبيعي اول ما تنزل السياره

انا مطلع كوبيه و فيها صوت عند العجله الخلفيه على اليمين ..... الظاهر السسبنشن