هل يوجد ورشة شفط بودي بمدينة الرياض؟؟

**أكورد Accord** · 18-04-2008, 12:16 AM

السلام عليكم ورحمة الله و بركاته

والله مدري وش أقول يا شباب السيارة واقفة قدام الباب وفي أمان الله و الشارع كبر إستاد الملك فهد بس ما أدري وشلون يجيك ذاك الـ و يدقش البودي ولا ومن زين الطبايع (هاج بعد ) المهم ، إن الضربة ماغيرت البوية (خفيفة) وقريت في مكان ما بالمنتدى إن فيه جهاز يشفط البودي ويرجعه مثل ما كان :d (هين) ، فياريت و حبذا و تكفون (وعقالي عندكم) وجميع أنواع التوسل و الترجي :d أبي اللي يعرف ورشة عندها ذا الجهاز أو حل بدون سمكرة يسعفني به وله دعوة بالجنة إن شاء الله وياريت يقولي كم تكلف عشان ماينصبون علي لأن ماعندكم أحد في المكاسر :d

للمعلومية الضربة في البودي فوق الكفر الأيمن الخلفي :( (قسم بالله صار لي عقدة ما عاد اقدر افر من الجنب اليمين عشان ماشوف الصدمة الله لا يوفق من صدمني توي ما تهنيت بالموتر )

عموما مشكورين مقدمااااااااااااا

**accord08 4 ever** · 18-04-2008, 12:56 AM

الله يعينك

ناس ماعندها ذمه صراحه ...والله قهر

الحل ياطيب هو قلم البويه إذا كان المكان صغير

وتلاقيه عند العليان

وإن كانه كبير للأسف ماعندي أي خلفيه

THANKS

**محمد بن عبد العزيز** · 18-04-2008, 01:55 AM

ممكن صوره لموترك

بعض الضربات تحتاج تعديل بدون بويه وبعضها يحتاج تنقيط وبعضها يحتاج تلميع وبعضها يحتاج رش كامل

ممكن وصف افضل او صوره بارك الله فيك

موديل السياره واللون اهم شي

**Cyber-Intruder** · 20-04-2008, 03:46 AM

ياجماعه الرجال يقول يبي شفط بس مو تلميع وصنفره وسمكره وبويات

السياره على مافهمت انا انها تبي شفط بس يعني تعديل بسيط بس

برب

**just 4 u** · 21-04-2008, 12:55 AM

والله حسب علمي ماعاد فيه في الرياض ..
كان فيه بعض مراكز التلميع المشهورة ومركز السليماني طريق الملك عبدالله وواحد قريب من المعارض
لكن كلهم استغنوا عن هالأجهزة أو بالأصح مامنها فائدة على كلامهم ..
وتعبت ودوّرت بكل مكان ولا حصلت وزينتها عند ورشة وبدون سمكرة وبدون بوية
دقدقها بشكل بسيط إلين رجعت مثل ما كانت ولا أقول إنه شغله 100% لكن جيد

**أكورد Accord** · 21-04-2008, 03:47 PM

السلام عليكم جميعا

وأنا آسف يا شباب على التأخر في الرد نظرا لظروف عملي (الملخبط :d)

أرفقت لكم يا اخواني صورة الضربة لتوضح لكم الصورة :(

أخوي Just 4 u

مافيه حل طيب ؟
سمعت إن الجهاز بالوكالة !! ممكن أحد عنده خبر عن هالشيء ؟

والله يرزقكم جميع الجنة قولوا آمين

**ل م س 3 3 4** · 21-04-2008, 10:00 PM

من رأي انك تخليها على حالها لانك لوسمكرتها راح توضح ،وماراح تضبط الا اذا تسمكرت ورشيتها بويه .

**المـــــلكـ اكـــــورد** · 21-04-2008, 11:26 PM

انا كنت بقولك عن تعديل يدوي لكن مايصلح لان الرفرف المضروب عندك خلفي
مشكة الضربات في الرفرف الخلفي مايقدر يتحكم فيها السمكري الا انه يسمكرها لانها تجي طبقتين
اما الرفرف الامامي بامكانه التعديل عليه لانه طبقة واحده

ونصيحه خليها على حالها لاتفكر ترشها

بالنسبة للشفط حتى لو حصلت ماتصلح لان الضربه جايه على حرف

**انت لاتاخذ على كلامنا ومر الوكاله وشوف وش يقولون لك **

سيارة بلا حوادث في الرياض اصبح شبه مستحيل<<:(
الله المستعان :(

تحياتي

**أكورد Accord** · 21-04-2008, 11:51 PM

/\
/\
/\
/\

يعني خلاص يا شباب سيارتي الجديدة ما أقدر أصلحها أبد

إنا لله و إنا إليه لراجعون..
اللهم إني لا أحلل ولا أبيح من صدم سيارتي لا دنيا و لا آخرة ، اللهم إني أسألك بعدلك الذي لا أشك فيه أن تحرمه الفرحة مثلما حرمني إياها

**ل م س 3 3 4** · 22-04-2008, 01:41 AM

^^^^^

يرجال ناس سيارتها راحت تشليح ،،،قل الحمد لله وان شاء الله انها دفعة بلا وربي يعوضك عليك ان شاء الله

**أكورد Accord** · 22-04-2008, 02:02 AM

^^^^^

إي والله صدقت..أستغفر الله العظيم

جزاك الله خير على توضيح ماغاب عن بالي

**Black Accord 2008** · 22-04-2008, 02:07 AM

لالالالالالالالاااااااااااا ..

وين ياشباب حرام عليكم حطمتوا الرجال ..

رح لأقرب ورشه وخله يفك لك الصاج الي عالكفر الي ورا ..

ويدقها او انت بيدق .. ترجع مثل أول ..

مع احترامي للي ردوا قبلي .. لكن سو الي قلتلك ..

تحياتي

**أكورد Accord** · 22-04-2008, 02:17 AM

المشاركة الأصلية كتبت بواسطة Black Accord 2008

لالالالالالالالاااااااااااا ..

وين ياشباب حرام عليكم حطمتوا الرجال ..

رح لأقرب ورشه وخله يفك لك الصاج الي عالكفر الي ورا ..

ويدقها او انت بيدق .. ترجع مثل أول ..

مع احترامي للي ردوا قبلي .. لكن سو الي قلتلك ..

تحياتي

هلا بك أخوي (وشكرا على المواساه والله لا يوريك مكروه بموترك ..اللهم آمين..

يوم إني رحت ولمعت بوية الحـقـ.. اللي صدمني سألت الفلبيني اللي بالورشة (وهي ورشة على مستوى كلها مرسيدس و بي أم وسيارات فارهه سألته عن إمكانية التعديل بدون سمكرة !! فقالي مثل رد أخوي الغالي

المشاركة الأصلية كتبت بواسطة الملكـــــةاكـــــورد

انا كنت بقولك عن تعديل يدوي لكن مايصلح لان الرفرف المضروب عندك خلفي

مشكة الضربات في الرفرف الخلفي مايقدر يتحكم فيها السمكري الا انه يسمكرها لانها تجي طبقتين
اما الرفرف الامامي بامكانه التعديل عليه لانه طبقة واحده

عشان كذا قالي مالك إلا شفط بس ما يدل محلات بالرياض لأنه جديد (توه جاي من جدة :( )

عموما مشكور يالغالي على مرورك (وللمعلومية :dتراني مغير لوحتي من عادي لملكي نفس اليوم اللي غيرتها فيه (عرفتك من صورة جنوطك :d ماشاء الله تبارك الله)

تحياتي

**محمد بن عبد العزيز** · 22-04-2008, 02:18 AM

شوف ردي ياصالح ^_^

وبعدين ياخوي

اذا انت بالرياض فيه ورشات تصلح الموتر
تعديل بدون سمكره

واقرب مثال سيارت اخوي تويتي صلحتها بدون رش

يعني طلعت له الطقه ووسمكرتها بدون بويه

التعديل بالاكسجين وشاكوش ناعم
ترا لكل مشكله لها حل وفكرت انت وشوووووووووف

اذا انت بالرياض انتظرني على الاحد او الاثنين وراسلني ع الخاص ابشوف الورشه الي تصلح السياره

ويمكن تكون سيارتك من نصيب التعديل بدون بويه

**أكورد Accord** · 22-04-2008, 02:25 AM

المشاركة الأصلية كتبت بواسطة accord2002

شوف ردي ياصالح ^_^

وبعدين ياخوي

اذا انت بالرياض فيه ورشات تصلح الموتر
تعديل بدون سمكره

واقرب مثال سيارت اخوي تويتي صلحتها بدون رش

يعني طلعت له الطقه ووسمكرتها بدون بويه

التعديل بالاكسجين وشاكوش ناعم
ترا لكل مشكله لها حل وفكرت انت وشوووووووووف

اذا انت بالرياض انتظرني على الاحد او الاثنين وراسلني ع الخاص ابشوف الورشه الي تصلح السياره

ويمكن تكون سيارتك من نصيب التعديل بدون بويه

ياشيخ أبصبر لين الربوع بس يسترد موتري بريقة و جاذبيته (دعاية أوليه صايره :d) خذ راحتك يا الغالي ومالنا إلا الصبر

**أكورد Accord** · 25-04-2008, 11:27 PM

للرفع يا جماعة الربع :d

**اكوردي...** · 26-04-2008, 03:34 PM

الله يعينك يالغالي بس اذا بتطلع فيها بروز وانخفاض اللي يعدلها خلها على كذا احسن

والحمدلله خفيفه ماجت عل كامل الرفرف ... ونصيحتي حلل اللي صدمها يرزقك الله على نيتك

ان شاءالله