الموضوع: توضيب الجيربوكس ( Accord )

^
^
أنا رحت له و أعتقد يا B Unique تتذكر هذاك اليوم في تجمع جدة إللي بالأوتو مول سيارتي و الصوت إللي كان طالع منها و كنت أحسب إن المشكلة سيور و ما شابه طلع البلى من الجيربوكس .
رحت لهذا الأخ إللي بشارع البلدية ( إسمه شكيل ) و أنا حقيقة بأتعمل معاه من حول السنة و ممتاز و شغله نظيف .
قال إن الشغلة يبغالها حول الـ 10 أيام و السيارة حاليا عنده و بكرة طالعة بإذن الله .

و بالنسبة للأسعار تراه أقل من الوكالة مو مرة كثير لكن يفرق معاك في القير لأن الوكالة طلبوا من واحد صاحبي مبلغ حدود الـ 7000 ريال قام سحب عليهم و راح أشترى قير عادي نظيف من التشليح و ركبه و ماكلفته الشغلة حتى 4000 ريال .

المشاركة الأصلية كتبت بواسطة ACCORD 764

أنا رحت له و أعتقد يا B Unique تتذكر هذاك اليوم في تجمع جدة إللي بالأوتو مول سيارتي و الصوت إللي كان طالع منها و كنت أحسب إن المشكلة سيور و ما شابه طلع البلى من الجيربوكس . رحت لهذا الأخ إللي بشارع البلدية ( إسمه شكيل ) و أنا حقيقة بأتعمل معاه من حول السنة و ممتاز و شغله نظيف . قال إن الشغلة يبغالها حول الـ 10 أيام و السيارة حاليا عنده و بكرة طالعة بإذن الله .

تصدق عاد ما توقعت ان الصوت بيكون من الجيربوكس

تتوقع من المقاومات ؟!

تتوقع من المقاومات ؟!

أعتقد هذا هو السبب , و أبشرك كلفتني السيارة 600 ريال و كان البلى في وضعية الـ N لأنك لما تنزلها على الـ D مالها صوت و طلعت الشغلة كلها بكرة و سير صغير داخل الجيربوكس و الحمد لله عدت على خير , و نفسه شكيل قالي حتى لو ماغيرتها ماراح تضر الجيربوكس لأن الصوت مايطلع إلا على الـ N .

شارع با خشب على ما أظن أسم الورشة ورشة الإتقان !!!

مدري عن هذي الورشة لكن في في الصناعية ورشة الجنوب و متخصصين في الهوندا ( أصلا اللوحة حقتهم عليها علامة هوندا ) .
المهم هذا وصفهم :
طبعا تعرف مقهى ليمو و ريدكاب و الإشارة حقت الصناعية إللي عند شبك المطار ,
شوف لا وصلت الإشارة حتلاقي أعتقد الفوزان و البسامي ( أبو لوحة خضراء ) على يدك اليمين و مقهى الكوخ كمان , المهم خذ من عند الإشارة يمين و خليك في الخدمات , بيجيك على اليمين بنشر إسمع كندا KENDA تاخذ من عنده يمين و تمشي إلين يجيك تقاطع , تعدى التقاطع فيصير المسلخ على اليمين , بعد ماتتعدى التقاطع حتلاقي ورشة الجنوب على يدك اليسار و لون لوحتها أحمر و فيها صور للأكورد و علامة الهوندا .

أتمنى أكون وصلتك و بشرنا و ش يصير معك .

ممكن تعلموني شنو الجيربوكس

الجيربوكس يا طويل العمر هذا هو جهاز ناقل الحركة أو علبة التروس و هو طبعا موجود في الأكورد و مكون من 5 سرعات , يجب العناية و الحفاظ عليه لأنه لو اخترب عز الله بتروح فيها و بتدفع مبلغ و قدره إذا ما لحقت على أي من مشاكله من البداية .
جير الهوندا الأوتوماتيك يعتبر من أقوى الجيربوكسات و صعب إن ينفرط أو يخترب لكن إللي يعدمه المقاومات وكثرت اللعب فيه و عدم استخدام الفرامل في التنقيل من الأوضاع المختلفة فيه مما يؤدي لتآكل أسنان التروس الموجودة فيه .
و تقدر تعتني فيه من خلال التشيك على مستوى زيت الجيربوكس و الحفاظ عليه في وضع جيد .
و شوف هذا موضوع أخونا الهادف عن الجير بوكس و أكيد إنه بيفيدك و على الأقل بيعطيك فكرة عنه .

طريقة تغيير زيت القير للأكورد 4 سلندر

تحياتي لكم و آسف على الإطالة ....