الموضوع: عاشق الهنادي والقلب ينادي

السلام عليكم ورحمه الله وبركاته

أخواني أعضاء المنتدى عندي سؤالين ياريت لو تجاوبوني عليها أنا معايه هوندا أكورد موديل 2003

4 سلندر السياره ماشيه 230 ألف كيلو السياره نظيفه بس أنا أهملتها فتره طويله ماسويتلها صيانه المهم أنه عزم السياره أختلف 180 درجه صار عزمها مره تعبان والسياره أول بس أشممها
ريحه البنزين ماشاء الله كانت تنطلق زي الريح أما الأن السياره أدعسلها مره ماتقبل دعسه فرحت دخلتها الصيانه فجده فرع طريق المدينه وقالولي لازم نسوليها تقرير بحاله السياره ونشوف أيش فيها ونكلمك وبعدها بكم يوم أتصلت عليه الشركه وقالولي سيارتك تكلف صيانتها 13 ألف ريال
طبعا أنا لما سمعت المبلغ صعقت وما صدقت المهم أني قلتلهم يصلحوا الأشياء الأساسيه والأشياء اللي ماهي ضروريه بلاش منها المهم أنهم صلحوها وطلع المبلغ 6505 ريال
المهم أني قررت أنه هذه أخر مره أدخلها الصيانه.......

1_أبيكم تساعدوني والكلام هذا لشباب جده أبغا ورشه فجده تكون متخصصه فسيارت هوندا
ويكون شغلهم ممتاز..

2_ عندي بخاخات السياره رايحه فيها اللي يعرف أحد فنان فيها تكفووون ياشباب دلوني...

3_السياره معي لها 5 سنوات وأنا طالع جده قبل شهر جاء جنبي واحد راعي مكسيما يتحرش
فيني ومشيت معاه الى سرعه 220 فصلت الدعسه أول مره أكتشف أنها تفصل أبي أعرف مافي طريقه أسويها بحيث أنها تمشي طبلونها بدون ماتفصل....

ملحوظه: صحيح أنه سيارات هوندا ممتازه وملكه السيارات بس أول 3 سنوات لأنه 90% من الأعطال والصيانات بيشملها الضمان بس أول ماينتهي ضمانها الله يعينك على المبالغ الي حتسمعها...

وتحياتي وسلامي لجميع الشباب والأعضاء اللي في المنتدى وسلام خاص جدا للشباب جده
وسامحوني على التطويل ....... واللي ما حيشارك فموضوعي ياويله

ماجد: ينبع الصناعيه/الهيئه الملكيه