تكفوون ياجماعة الخير !!!

**فهوودي** · 26-04-2008, 02:04 PM

السلام عليكم ورحمة الله وبركاته

انا مدري وش لقفني وجا وراي شايب

المهم انا برجع وهم بيمشي ويصدمني على الصدام حقي وجته دقشات وراحت البويه حقته

بس اللي ابيه منكم مع جزيل الشكر

وووين القى صداام للاكوورد 2006 اللي ورا وبكم وشلون اشتريه مرشوش ولا انا ارشه واللون لؤلؤي

تكفووون مساعدتكم وباسرع مدهـ لان فيه وواحد في الرياض بوصيه يجب لي

**ثــلــج مــشــوي** · 26-04-2008, 02:27 PM

اذا الصدام ماتعفط بس البويه راحت ليه تغيره

وده طال عمرك لورشه محترمه ورشه ...!

مايكلفك واجد...واذا انت ملزم صدام جديد اتوقع تشتريه انت وترشه ...الا اذا بتصلح بالوكاله..

احسن حل لك وده ورشه محترمه ورشه ...وكان الله غفور رحيما..

ارجو اني ساعدتك..;)

**فهوودي** · 26-04-2008, 07:06 PM

لا يا طويل العمر والسلامه انا بشتري واحد تجاري بحدود كم ؟؟

هل يجي جاهز مرشوش ولا انا ارشه ؟؟ وباي مكان ؟؟

تكفوون اخواني همتكم ساعدووني!!!

**هوندا2004** · 26-04-2008, 07:10 PM

سعره من 300 الى 350

واتوقع الا اكيد انت ترشه

والمكان ما ادري وين

**B Useful** · 26-04-2008, 07:24 PM

الحين بتشتري تجاري بحدود بحدود 300 وترشة بحدود 300 !!
وتخلي الاصلي اللي تقشرت بويتة فقط ؟؟؟ روح رشة بـ300 وريح نفسك ..

**فهوودي** · 26-04-2008, 07:59 PM

يامال العافيه ماقصرتوا بس الاصلي جا فيه عفطات قويه شوي وتكسر جزء منه

بس اللي ابيه وين احصل الصدام التجاري ؟؟ ومن وين اجيب الرشه ؟

**اتــشـــــ** · 26-04-2008, 07:59 PM

^^^
كلااااااااااااام سليم

**ل م س 3 3 4** · 26-04-2008, 10:25 PM

المشاركة الأصلية كتبت بواسطة فهوودي

يامال العافيه ماقصرتوا بس الاصلي جا فيه عفطات قويه شوي وتكسر جزء منه

بس اللي ابيه وين احصل الصدام التجاري ؟؟ ومن وين اجيب الرشه ؟

معليش اخوي الصدام تقدر تصلح الكسور اللي فيه بمحلات الفيبرقلاس ويطلع زي اول ان شاء الله ،بعدين لاتتوقع ان الصدام التجاري بجوده الصدام الاصلي يعني ممكن تكون الوزنية زفت وانا جربت الصدام التجاري وماانصحك فيه ابداً..

واذا تبي محلات قطع غيار عندك النعماني -السبيع