هلا حبيبي و الله يباركلك في السيارة و يعطيك خيرها و يكفيك شرها .
بالنسبة للجنوط ماشالله ماعليها كلام و عرفت تختار , ناقصك بس تنزيل خفيف و تطلع من برى تمام .
بالنسبة للجلد في عندك محل مقبول بالصناعية يسويلك الجلد تفصيل مثل الوكالة , نفس النقشات و الطعجات بـ 1500 ريال . و في ورشة المراد برضو تفصلك جلد و تقدر تجيب الجلد من عندك و هم يفصلوه على السيارة و برضو سعرهم 1500 ريال .
بالنسبة للزينون , يا مكثر الأجهزة في السوق , لكن أنصحك تاخذ الجهاز بوش أو فيليبس , لا يضحك عليك إللي يقولك ألماني و يوريك الإستكر ترا كله تجميع صيني .
سعر الطقم ( شمعتين و جهازين ) بـ 450 ريال و إن كثرت 500 ريال بالتركيب . و أحسن محل يركبها هو بن مرضاح أو موتر X وكلهم محل واحد بس واحد فيهم داخل السوق حق كيلو 2 و الثاني برى .
و في عندهم نوعية زينون جديدة إسمها ديجيتال و صناعتها ماليزي و ميزتها إن الشمعة ما تحتاج تسخين إلين تحمى شغل و يطلع النور قوي على طول و سعر الهاز لحاله 500 ريال و الشمعات الإثنين بـ 150 ريال .
السيستم عند محل الخليج للإليكترونيات بشارع الستين و هو أفضل محل بجدة .
إنت ركب .
أوفرين كينوود 1000 واط للواحد و سماعتين كينوود 320 واط .
و ركب إمبلي فايرين , بس شوف الإملي فاير في عندك AKAI جيد و حلو وسعره كويس قوته 1200 واط وسعره أعتقد 450 ريال الواحد إنت تحتاج 2 و ميزة الـ AKAI هذا إنه محل الخليج هو يمكن الوحيد إللي يبيعه بجدة و النوعية إللي عنده تعيش و ماتفصل معاك .
تحتاج كمان كابستر و هو عبارة عن منظم لكهرباء السيستم و تراوح أسعاره بين الـ 350 و الـ 500 ريال .
طبع تحتاج أسلاك توصيل للسيستم و تكلفك 150 ريال , ويمكن السيستم يكلفك حدود الـ 2000 ريال طبعا مع التركيب .
تحياتي لك حبيبي ...
مواقع النشر (المفضلة)