اول جوال استلمته العنيد .. مهوب لي لأمي .. بس اخذه اكشخ به عند العيال على وقت محد يقدر يطلع جوال ..

لمين جت طفرة الجوالات واول جوال اطخه المسكت واكثر جوال فرحت فيه فرحة مهيب طبيعية يمكن افرح من فرحة يوم اشري الاكورد

السماعة حقت الاذان اللي تجي معه ماتنزل عن اذني من زود التفشخر

ماطول معي وانسرق .. واطق عقبه النورس همن بعته وشريت موتو هذا الصغير مرررة واللي شاشته دائرية وفتح على شكل دائري

هالموتو هذا هو اطلق جوال اخذته بحياتي واكثر جوال جلس معي .. كنت احس اني راكب بنز لاكلمت به ..

عاد عقبينن شريت معه جوال سهام هذاك المعدني النحاسي اللي ترعصه مع الجنبين ويطلع لك على فوق مجنون هذاك الجوال على وقته

ثم جاء المملكة من نوكيا اللي غير مفهوم الجوالات وصار يجي ملون وماله حدود بعدد الرسايل شي شي .. وكنت اول واحد يشريه بالعالم بعد مابعت موتو وسهام وزدت عليهن وشريته << ماله خاتمه

يوووووه عاد من قدي هاك الوقت .. جوال ملون ونغمات واقعية .. كل مارن التفتوا علي كل الشباب

طاح بجخر الحمام وخرب .. وشريت عقبه الفصيلية الرسمي

عقبها خلصت طفتي بالجوالات وقضت فتره المراهقة وخيس معي الجوال سنه ونص لمين جاء الاباتشي وشريته وبرضه خيس سنه ونص معي لمين شريت N73

والى الحين وهو معي .. لكن الشهادة لله موتو اطلق جوال قد شريته على الاطلاق .. كان سابق لعصره رحمه الله

قضت القصة