الموضوع: للنقاش :: افضل جوال مر عليك من سمنز ابو انتل الى n95

السلام عليكم ورحمة الله وبركاتهـ ,,,

كيف حالكم،،، ان شالله طيبين ,,

اليوم فيه موضوع حاب اناقشهـ معكم ,,,

هو (( وش افـضل جوال مر عليكـ ..؟؟ وليه ؟؟ ))
طبعاً مو شرط يكون الجوال من الجوالات الجديدهـ

بعطيكم مثال

لو ترجعون بالذاكرهـ شوي للوراء

كان فيه على ايام الجوالات ام شاشه صفراء خخخخ

مثلاً الرهيب _ العنيد _ النورس << كشخه ابو شاشه زينون خخخـخخخ

المهم وش افضلهم

الرهيب كان حلو لكن كانت عندي مشاكل معه منها انه ثقيل على الجيب وازارهـ مدري وشلون قايلهـ ههههه تقول متاهه ياشيخ :d

اما الرهيب كان شي واحلى مافيه الشبكهـ وللمعلوميهـ تراهـ غالي بالجنوب لأن مناطقهم جبال ولا فيها شبكهـ ,,,
;)
اما النورس مافيهـ مثلهـ خخخخخ يالبى قلبهـ بس يكفيكم ان فيه ميزت تسجيل الصوت لمدة 30 ثانيهـ :d:d

بس الفيصليهـ شي ثاااااااااااني:o

هذا الي عندي والباقي ان شاللهـ منكم مانبي مشكور ويعطيك العافيهـ

ومافيهـ مانع يشارك العضو مرتين بهالموضوع ..
يعني متى ما شفت نفسكـ فاضي وحاب تتفلسف شوي :d
او يعني تسترجع ذكرياتكـ مع الجوالات القديمهـ
تعال هنا
ياليت تحذفوا تواقيعكم عند المشاركه هنا

[b]تقبلوا تحياتي ,,,[/b]

المشاركة الأصلية كتبت بواسطة 92.500

اول جوال استلمته العنيد .. مهوب لي لأمي .. بس اخذه اكشخ به عند العيال على وقت محد يقدر يطلع جوال ..
خخخخخ حركات اووول واذا سألك احد هذا جوالك تقووول والله مهب حق امي انا شاريه من زماااااان :d
لمين جت طفرة الجوالات واول جوال اطخه المسكت واكثر جوال فرحت فيه فرحة مهيب طبيعية يمكن افرح من فرحة يوم اشري الاكورد
المسكت ؟؟ مار علي هالاسم تصدق! لايكون الي يسمونه كتكات ؟
السماعة حقت الاذان اللي تجي معه ماتنزل عن اذني من زود التفشخر

ماطول معي وانسرق .. واطق عقبه النورس همن بعته وشريت موتو هذا الصغير مرررة واللي شاشته دائرية وفتح على شكل دائري

هالموتو هذا هو اطلق جوال اخذته بحياتي واكثر جوال جلس معي .. كنت احس اني راكب بنز لاكلمت به ..
اما راكب بنز خخخخ يعني عندي مثل الي راكب فورد سبورت 2008:o
عاد عقبينن شريت معه جوال سهام هذاك المعدني النحاسي اللي ترعصه مع الجنبين ويطلع لك على فوق مجنون هذاك الجوال على وقته
لا يكون الي فبالي ؟؟ الي يجيك لونه مثل المرايه او نيكل وينفتح مثل الان 95 هذاك للمعلوميه كان غالي يمكن اغلى من الان 95 على ايامنا اخبر كان عندنا واحد خربان ابوي معطيني اياه هديه وين ماااروح ارز فيه والعالم دايم يسألون ورا جوالك مقفل على طوول :dاقول والله مانزل الشاحن للحين تعرف الجوال جديد << مخرج:d
ثم جاء المملكة من نوكيا اللي غير مفهوم الجوالات وصار يجي ملون وماله حدود بعدد الرسايل شي شي .. وكنت اول واحد يشريه بالعالم بعد مابعت موتو وسهام وزدت عليهن وشريته << ماله خاتمه

يوووووه عاد من قدي هاك الوقت .. جوال ملون ونغمات واقعية .. كل مارن التفتوا علي كل الشباب

طاح بجخر الحمام وخرب .. وشريت عقبه الفصيلية الرسمي
ههههههههههههههههههه والله نهايه خايسه:d
عقبها خلصت طفتي بالجوالات وقضت فتره المراهقة وخيس معي الجوال سنه ونص لمين جاء الاباتشي وشريته وبرضه خيس سنه ونص معي لمين شريت N73
اجل عندك الجوال بعد سنه ونص يخيس هههههه اجل جوالي معفن الحين :p
والى الحين وهو معي .. لكن الشهادة لله موتو اطلق جوال قد شريته على الاطلاق .. كان سابق لعصره رحمه الله

قضت القصة :d
شكراً على حسن المتابعه والانصات

.....

جوالاتي
1-كوبرا انجليزي مافيه عربي للاسف <كح كح

2-النورس ابو شاشة زرقه:d

3-جوال من ال جي <ماعرف اسمه بس كان رهيب
(لايوجد صورة)

4-الفيصلية

5-القرص<<حركات ايام الذاكرة 16 ميجا بس ههههههه:d

6-n-gage<مادري صح السبيل ولا غلط المهم هو جوال اللي فيه العاب

7-الفيصليه مره ثانية
الصورة فوق

8-n70

9-n73

10-جوال من نوكيا رخيص ماعرف اسمه للاسف<<كنت مطفر وقتها << :o
(لايوجد صورة)

11-الوليد 6300

12-جوال 5610 اكسبريس ميوزك <<قبل اسبوعين شريته وبعته بعدها ب5 ايام <بايخ لاحد يشتريه ;)

13-وحاليا جوال الوليد مطور 6120 كلاسيك <وهو الافضل :d

بس انتهينا ويمكن اكون نسيت شي لاني عصرت مخي على ماتذكرت اللي ذكرته فوق:d

شكرا لك يافقير الحظ والله افكارك حلوه
وياليت تكون فكره الموضوع كما اضفت انا والعضو 92500

حيث يذكر نوع الاجهزه اللي مرت عليه
والافضل من بينها كما ذكرت انت

تحياتي

المشاركة الأصلية كتبت بواسطة 92.500

هذا هو الماخوذ اللي اعانيه




وهــــ ياحبي له .. خطير وبس

الى الحين اشوفه مطنوووووووخ شكله وتصميمه .. مشكلته ماهنا مميزات !

عليك جوالات الله يجزاك خير مدري وش تبي:d:d

بالله هذا جوال كنه من الي ينباع بمحلات الالعاب بالبطحااء :p:p

مالك الا النوكيا وناخووك

الفيصليه من نوكيا s700iسوني اركسون من افضل الجولات صراحه مايخرب مهما تسوي فيه:d وبعده عشقت سوني اركسون k800i روعه k850i اتمنى اجربه ابداع في كل شي
اتكلم عن الاجهزه الي حبيتها

لني مريت على انواع الجولات

وناسيها

s700

k800

k850 قمة التطور

المشاركة الأصلية كتبت بواسطة @اكورد وبس@

والله احسن جوال مر علي 6120 مر علي بعض الجوالات بس هذا احسن بكثيررررررررررررر

مر علي n70 n80 n95 n73 بس هذا احسنت منهم كلهم

من ناحيه كل شئ

طيب بالله تذكرلنا ميزاتهـ ولا عليك امر لان الصراحه ودي اشتري جوال صغير مثل هالجوال
تسلم علمرور

انا الجوااالات الي استلمتهم:

1- العنيد الساااابع والله كان رهيب بس ضااع من عندي

2- سوني اركسن ماصار عندي الا سبوع وخترب:(

3- الفيصليه وما ادراك ما الفيصليه مسكين حتى كوره لعبت به:d

4-برج العرب(يمكن له اسم ثاني وانا ما اعرف) بس مو حليو اصلاً:p

5-الدمعه: اخته لان برج العرب ما عجبني والى الحين عندي بس عطيته اخوووووي

6- n70 ضل عندي خمسه شهور وانسرق اكيد محسود لاني اول سبووع نزل اخته;)
7- المدمر وهو مو حقي اصلاً بس صار عندي سبوووع

8-العنيد 13 اخته بعد ما انسرق الـn70 امشي به الحاال على ما الوالد ياخد لي ثاني:p

9: بعدين عودنا الى الدمعه لاني استمليت من العنيد حتى amr مايشغل

10- واخيراً وليس اخراً الي هو عندي الحين وانا ناوي ااغيره هوn73 صار له تقريبا وانا مو متاكد سنه لاني اخته من اول ما نزل يعني احسب متى نزل الى يوم هدا:d

المشاركة الأصلية كتبت بواسطة فقير الحظ

هههههههههه وش قصتك مع الجوالات نصهم انسرقوا والباقي ضاعوا ولا خربوا

ماشالله عشر جوالات خلال كم سنه ؟؟

هدا حظي ولازم كل جوااال ابيعه مو بغلافه الاصلي لو ويش يصير الحين الي عندي بدلت له غلاف 6 مراااات 3تجاري و3 اصلي وبعد كم يوم ببدل بعد

وصااار من يوم انا في اول متوسط ليومك هدا وانا عمري 14 يعتبر 15

يالله حيهم

بالنسبة لي مافيه جوال ماجربته وآخر شي صفيت على القيصر من افضل جوالات البوكيت بي سي

ولا عندي نيه ارجع للنوكيا :p

الجوالات الي صارت عندي ...

1- نوكيا 6610 المسمى بالفيصلية .. شراه ابوي لي هدية بـ 1500 ريال جوال اعجوبة في وقته .. شاشة ملونة ونغمات صوتها غير .. صار له عندي سنة ونصف تقريباً
[IMG]file:///C:/Users/MOHAMM%7E1/AppData/Local/Temp/moz-screenshot.jpg[/IMG]

2- نوكيا6600 بصراحة كان اسطورة في وقته .. صار عندي على ايام الممنوع .. اخذته من عند امي لأن ما عرفت تستعمله :d صار له عندي تقريباً سنة وعليها شوي

3- نوكيا N70 بصراحة كان جوال جيد ولكن للأسف ما كان في تطور كبير ... حاله من حال 6600 بفرق تغييرات طفيفة ... ما طول عندي شهر وبعته

4- نجي لتغيير من عالم النوكيا حيث انتقلنا الى السوني اريكسون وجوالهم الروعة المبدع W900i جوال تصويرة ممتاز لأبعد حد في ةقته مع كاميرا سابقة لعصرها بتقنية Autofoces وبصوت عالي و واضح .. شريته بـ 2200 ريال ينطح ريال ... صار له تقريباً عندي سنة وسته اشهر ولين الحين موجود ولا بعته ..

5- ونعود مرة أخرى للنوكيا بعد ان قاموا بطرح جوالهم الخارق في السوق الذي يحتوي على جميع المواصفات والأمكانيات الجبارة .. كاميرا 5 ميجا بكسل بتقنية Autofoces وبصوت mp3 عالي وبسماعات جبارة وبخاصية الملاحة عن طريق الأقمار الصناعية .. للأسف كان به عيب بسماعة الأذن حيث أنها كانت تصدر صوت مزعج .. جلس الجهاز شهر عندي وبعدها جلس بالضمان شهر وبعدها تم استبداله لأن الشركة خربته وفي الأخير استلمت جهاز آخر به نفس العيب وتم في الأخير بيعه ..

6- جوال نوكيا الخارق الآخر والخالي من العيوب بنفس المواصفات اعلاه وبشاشة أكبر وذاكرة خيالية تساوي 8 جيجا بايت بالأضافة لذلك تمت مضاعفة ذاكرة الرام من 64 بالنسبة للقديم الى 128 بالنسبة للجديد .. لين الحين هذا الجهاز عندي ولا افكر ابيعه ابداً .. شريته على بداياته بـ 2700 ريال ينطح ريال ..

هذا حياااااااااااااتي

بس...................... الزر إلي في النص خرباااااااان

جولاتي

1- نحووووول المطور من قدي اول ما طقيته شاشة ملونه و حركتات جلس تقريبا معي سنة و ما جاز لي

2- الساهر المطور ابو كاميرا الله تكنولوجيا مو طبيعية صراحة خاصة الكشاف اللي تحت

3- بعدين الباندا ااااااه يا الباندا اسطورة هالجوال

4- الفارس و ما ادرك ما الفارس جوال خطير صراحة بس للأسف ما طول يمكن جلس 6 شهور .. طاح بسطل الكاسات بأحد العزايم و على ذيك الطيحة ما اشتغل ..

5- N70 افضل جوال بالتاريخ كله شريته اول ما نزل بـ2200 ريال و خرب و شريت ثاني و خرب و شريت ثالث و جلس تقريبا معي سنتين لين نزل الجوال الاسطورة N95 المطور

6- N95 المطور حتى الان وهـ بس يا قلبي هو:o



ملاحظة
أي جوال يعجبني يصير أسطورة:d
لين ينزل جوال افضل منه

اول جهاز كان هذا



وكان جوال بن كلللللب ..
ويكفيك انه حق فزعات وضرب ومضارب :d

----------

ثاني جوال بعد ماطلع روحي اللي فوق ..



وخويه الثاني اللي لونه فضي .. تعبت وانا ادور اسمه :d

-----------------------

بعدين .. اخذت الا N95 :(



معليييش ,.., جوال وقف في عقلي :p
وهو مع الاكورد مايتماشون مع بعض :d

-------------------

بعدها .. انتقلت مرحله عنيفه شوي .. طلبت ايفون من امريكا :d



جهاااااااز روعه غير انه يستغرق وقت الى ان ترتبه ويكون جاهز للاستعمال ..

---------------------------------

بعد فتره انكسر صبعي ههههههههههههه
حسيت بالملل من الجهاز اللي فوق .. فيه غباء ماحد شافه في البشريه ..
قررت الرجوع الى النوكيا ..


^^^^^

اهم شي هاللعبه فيه .. وخاصه لما تدخل اللفه عرض وتسمع صوت الكفرات وتفقد السيطره على السياره هع هع هع

-----------

لو ما عدم توفر العربي في هذا الجوال ^^^^ كان كملت العيشه عليه فقط .. لان جوال ممتاز وعملي

لكن بدون عربي ... يخليني مع الايفون حتى الموت :d


وسلامتكم

المشاركة الأصلية كتبت بواسطة عاشق هوندا اكورد

بعدها .. انتقلت مرحله عنيفه شوي .. طلبت ايفون من امريكا :d



جهاااااااز روعه غير انه يستغرق وقت الى ان ترتبه ويكون جاهز للاستعمال ..

---------------------------------

بعد فتره انكسر صبعي ههههههههههههه
حسيت بالملل من الجهاز اللي فوق .. فيه غباء ماحد شافه في البشريه ..

نصيحة مجرب، هل لك أن تخبرني من فضلك عن أوجه الغباء فيه ورأيك به بشكل عام :o؟

بدايتي كانت مع اريكسون ... اول ما طلع اريكسون .. كنت يمكن الوحيد اللي بعمري و معاه تلفون ...خخخخخ
ما لقيت له صوره ... بس الموديل اللي نزل بعده كان هذا :

الفرق ان اللي كان عندي شاشته سطرين و هذا شاشته 3 اسطر !



و بعده :



بعده على طول :
سااااااااااااحق الهواتف ... وسبب انتشار نوكيا .... المستشاااااااااااااااااااااااااار




و بعده :

الجوال اللي عمل مشاااكل لباقي الشركات .... ضد الماي ... 5120 !!


و بعده ابو رنات بوليفينيه شبه حقيقيه !



و بعده نزل الاي منه ... ملون :


و بعده :

اسطوره الهواتف ... تقريبا ثاني تلفون مع كامره نزل



و بعده اللي كرف معي سنتين و للحين موجود :




و بعده اسطوره الهواتف ... سوني اريكسون K800i اشتريته من الامارات اول ما نزل فيها و قبل ما ينزل الكويت بست اشهر <<< و الله من الدجه
و حرقوني بالسعر .. بس يستاهل ( 2080 ريال )



و اللي بيحل محله بعد شهر او شهر و نص :




(( كل ما سبق من الجوالات موجود عندي حتى الان ... و يعمل بكامل قواه العقليه ))

( في هذا العرض لم يتعرض اي جوال للاسائه ) <<< نفس الاعلانات اللي يحطوها بنهاية الافلام !

انا اول جوال استخدمته الـN-GAGE جيد لكن مره في الاسبوع لازم يتفرمت



ظل معاي حول السنه وكم شهر وبعدها

الاسطوره S700



وكان اول جوال بـ
كاميرا 1.3 ميجابكسل
فلاش LED
وميزته اني لعنت الطيب فيه ولا اخترب ظل معاي سنتين تقريبا وبعدها الاسطوره الثانيه K800



وكان ولايزال من افضل الاجهزه الموجوده بالسوق
ولا يعيبه شي الا صوته ضعيف نسبيا لكن بعد تركيب الباتشات صار صوته ممتاز جدا
ومن اول مانزل اشتريته وبعته قبل اقل من شهر ومتحسف عليه وجاءوا بعده اثنين
W880




S500



والاول ميزته حجمه والثاني تصميمه الرائع ( يركب مع اكورد 2008 اسود)وصوته عالي وتقدر تخصص لون للمتصلين و جدا تاثيرات الثيم مجنونه
تتغير اوتوماتيك بالنهار الخلفيه فاتحه وفي فراشات وفي الليل يظلم وتطلع حشرات وعيون ذيابه !!
وبالشهور على حسب الشهر في مايو اللي احنا فيه قلبت الخلفيه بني فاتح وورق الشجر بدايطيح وبعض الايام يطيح مطر
والشهر الجا ما ادري اش بيطلع لي