الموضوع: أفضل بنك في المملكة العربية السعودية

كم الرقم المجاني حق الاهلي

مشكور وماقصرت

الراجحي ميزته الانتشار لكن عيوبه كثيرة وهذي بعضها :
1- زحام غير طبيعي .
2- يوم الرواتب صرافاته متعطلة .
3- مستحيل تودع بآخر الاسبوع لان جميع المكائن مليانة .
4- بنك موسوس ويغثك بتحديث البيانات وتعديلها .
5- تعامل الموظفين اسوء من تعامل الدوائر الحكومية .
6- يحسم ان قل الرصيد عن 1000 ريال مبلغ 2.5 وان قل عن 5000 مبلغ 5 ريال تحت اسم رسوم بطاقة صراف الي .

ساب : تعامل معقول ويوم حطوني من الرواد صرت اشوفه ازين بنك ولو ان كثرت الاتصالات من مسؤولات خدمة العملاء تغث .

البلاد : مافيه تميز الا ان الناس كارهته .

الاهلي : بأمور الفيزا والتقسيط تحس عندهم لف ودوران وبالمدينة المنورة ينافس الراجحي بالزحام والتعامل السيء وفروعه قليلة .

الله يعطيكم العافية يا شباب وما قصرتوا وشاكر لكم من أعماق قلبي على مشاركاتكم :o

بس الظاهر بعد الدراسة والبحث والتطوير وأخذ شهادة الماجستير :d
يبدو أن أفضل بنك في الرياض هو بنك الأهلي ,,

ومشكورين وماقصرتوا

المشاركة الأصلية كتبت بواسطة الهادف

نقلت حسابي لبنك Sabb البنك هذا من احسن البنوك بالنسبة لي اول ما اروح له اسحب رقم وادخل على طول .. واذا كان في احد جالس انتظره واروح بعده مباشرة .. البنك عاطيني فيزا وماستر كارد مجاناً طول العمر .. وفوق كل هذا مشترك عندهم في نظام اسمه نظام الأدخار الميسر ممتاز جداً للي يبغى يضمن مستقبله ومستقبل عياله ويضمن بناء بيته بشكل ميسر ..

طبعاً انا عميل رواد عندهم .. ممكن لهذا السبب مرتاح لهم ..

كفووو واهنيك واحسنت الاختيار

انا اشوف الناس ماقالت ساب واجد

ماادري ليه اشوف الشباب يقولون بنك فاشل لمثل بنك الرياض او غيره
يمكن عشان موقف صارله من البنك قال فاشل والبنوك كلها تخطأ مافيه ولا بنك مايخطي


انا اقول ساب وبسسسس
<< عشانه موظف فيه

وشكرا

المشاركة الأصلية كتبت بواسطة سم العقارب

ساب افشل بنك حراميه من جد

قفلوا حسابي عندهم مرتين

بعدين ياخذ 13 ريال شهريا عموله رصيد منخفض

انحاشوا منه ،،

وراك زعلان يابوي :d ..
بعدين ياخذ 15 ريال موب 13 بس شكله ماكان برصيدك وقتها الا 13 ولقطوها .. وياخذونا اذا كان اقل من 1000 ريال وكل البنوك تاخذ عموله حتى بنكالراجحي اللي كنه بقاله ياخذ .. بس ساب ياخذ منك 15 اذا اقل من 1000 بس يعطيك خدمه ولاتقولي لا البنك الوحيد اللي لها تعاملات دوليه
الراجحي ولا الرياض لارحت برا وضاعت بطاقتك حفر
لكن ساب عندك hsbc واذا مسافر برا بتشوف هالبنك حتى في الفندق اللي انت فيه وساب لادخلت ماهو زي الراجحي تجلس يوم ونص عشان يجي دورك وتشوف ابو بكس (باكستاني) بجنبك روقنا وتقولي بنك ..

المشاركة الأصلية كتبت بواسطة يحياتوووو

على حسب غرضك

مجرد سحب وايداع وتحويل مالك الا سامبا خاصة بتحويل الهاتف المجاني واسأل مجرب
تداول واسهم بيع شراء مالك الا بنك الرياض تنزل فلوسك مباشرة
تبي قروض مالك الا بنك الجزيرة اقل عمولة ومزايا جدا روعة

العميلات البنكيه الهاتفيه كل البنوك عندها وتسوي كل شي حتى حواله للهند لو تبي ..
والتداول فيه بنوك عندها حساب شخصي وحساب استثماري وماتنزل الفلوس بجسابك الشخصي الا من بكره
مثل العربي وسامبا والاهلي وغيره
اما الرياض وساب على طول تنزل بحسابك
بالنسبه للقروض الجحزيره يعطيك اقل نسبه بس يشترط عليك عدد السنوات سنه وحده
سنه وش تسوي مايعطونك الا طفسه ..

الله يعننا على الراجحي . . وش نسوي أخوي إنسان
والمشاكل في كل البنوك

الواحد وده يبعد ماله عن الربا والحرام

وكما تعلم
(كل لحم نبت من سحت النار أولى به ) . . . أو كما قال صلى الله عليه وسلم

.

يا شباب سمعتوا الخبر عن الإختلاس الي حصل في بنك العربي من قبل كم يوم

معقولة إختلاااااااااس مرة وحدة

الراجحي
والاهلي
وسامبا

اطلق بنوك عندي
\/\/\/
ومجربهم وعندي حساب فيهم

N $ A
مشكووور على النصيحة :d