أفضل بنك في المملكة العربية السعودية

**AcCo7rD** · 08-09-2008, 05:38 PM

السلام عليكم ورحمة الله وبركاته

كيفكم ياشباب عساكم بخير

تقبل الله منا ومنكم الصيام والقيام ,,

ياخوان عندي استفسار بسيط ؟؟
* ماهو أفضل بنك في المملكة العربية السعودية ولماذا ؟؟

وأتمنى أن تكون الردود من أصجاب التجربة

وشكرا ,,

**accord05** · 08-09-2008, 05:43 PM

بنك البلاد لانه ماياخذ عليك شي ولاياخذ بدل رصيد منخفض ..

**أبو الريش** · 08-09-2008, 05:48 PM

والله عندك الأهلي و الغرنسي

**meshoo** · 08-09-2008, 05:48 PM

البنك الاهلي

1- حسن التعامل

2- اخلاق

3- تحس براحه في التعامل معهم

4- الهاتف المصرفي يرد وانت باقي ماضغطت صفر سرعه الرد ماشاء الله

5 - الاهلي تداول مجاني اما الاهلي تداول بلس برسوم

والله بنك لايعلى عليه ومن كثر مارتحت لهم ودي اشتغل معهم :d

**O m a r** · 08-09-2008, 09:26 PM

الأهلي .. بنك قوي في خدماته لكن يعيبه لا يوجد به تسديد الفواتير الحكوميه !
يعني من مخالفات ورسوم نقل ملكيه و و .. الخ

وإلا البـــــــــاقي عن تجربه الأهلي .. اكثر من رائع

تعامل وسهوله وسرعه خدمــــــــــه ! ناهيك عن هاتفه المصرفي فوق القمه

**abu khaled** · 08-09-2008, 10:13 PM

أنا والله ما ادري عن الأهلي بس اعرف اثنين يقربون لي يمدحونه لكن لاتروح للراجحي غثيث

**meshoo** · 08-09-2008, 10:27 PM

اي والله الراجحي اعوذ بالله

**قـف و نـاظـر** · 09-09-2008, 12:08 AM

أنــا جــربــت تــعــامل ثــلاث بنـــوكـ
1/بــنـكـ الرياض فااااشل بلامنــاازع
2/بــنـكـ الرااحجــي والـلـه فاااتح الحـســاب مـن شـأن أكـثــر خــويــااااي راجحي لغرض التحوويل بس...
3/بــنـكـ الأهـــلــي زي الــفــل تــعــامــل رائـــع وأكــثــر مــن رائـــع الأهــلـي تـداااول مـجــاانـي بــع أسـهـمـكـ عـلـى كـيـفــكـ الهــاااااتـف المــصــرفـي التـــعــامــل زي الــعــســـل وأكثــر بــاااالــمـخــتــصــر بــنــكـ لا يــعــلــى عــلــيـه....

**ابو سراج** · 09-09-2008, 02:01 AM

البنك الاهلي بلا منازع

**رعودي** · 09-09-2008, 04:26 AM

انا افضل بنك الرياض
اهم شئ ابعد عن الراجحي

**أبووليد** · 09-09-2008, 05:21 AM

سامبا

**راعى الموتر** · 09-09-2008, 05:47 AM

الجزيره قادم بقوه...............

**meshoo** · 09-09-2008, 05:50 AM

اعوذ بالله سامبا اقرف بنك :d

والله غير الاهلي لاتدور

وعن تجربه ومجرب اغلبيه البنوك

**Black Heart** · 09-09-2008, 06:00 AM

ما اوصيك الفرنسي لا اتقرب منه ولا اتفكر انك اطالع فيه او اتمر جمبه
والله اقعد بدون بطاقه ولا تروح لهم

**الهادف** · 09-09-2008, 04:21 PM

على حسب الغرض الا تبغاه من البنك ..

على حسب توافر البنك بالقرب منك او لا ..

على حسب مناسبة البنك لظروفك المادية ودخلك و وظيفتك ..

بالنسبة لي .. لما اروح البنك الأهلي في ديرتي كأني داخل دائرة حكومية .. زحمة بشكل رهيب .. تخيل مرة ظليت من الساعة 4:30 العصر حتى الساعة 6:30 الليل .. انتظرت فترة طويلة جداً .. مافيه الا خدمة العملاء اثنين ومافيه الا صرافين اثنين

كرهت البنك حزتها قفلت حسابي فيه ولا عمري طبيت له مره ثانية ..

نقلت حسابي لبنك Sabb البنك هذا من احسن البنوك بالنسبة لي اول ما اروح له اسحب رقم وادخل على طول .. واذا كان في احد جالس انتظره واروح بعده مباشرة .. البنك عاطيني فيزا وماستر كارد مجاناً طول العمر .. وفوق كل هذا مشترك عندهم في نظام اسمه نظام الأدخار الميسر ممتاز جداً للي يبغى يضمن مستقبله ومستقبل عياله ويضمن بناء بيته بشكل ميسر ..

طبعاً انا عميل رواد عندهم .. ممكن لهذا السبب مرتاح لهم ..

**AcCo7rD** · 10-09-2008, 04:13 AM

أشكر الجميع من أعماق قلبي :o
شكرا لكم يا شباب وما قصرتوا

المشاركة الأصلية كتبت بواسطة أبووليد

سامبا

كيف سامبا يبو وليد هل في أسباب زي اللي قالوه الشباب ؟؟

المشاركة الأصلية كتبت بواسطة راعى الموتر

الجزيره قادم بقوه...............

ممكن أسباب لكلامك

شباب حتى لو واحد يقدر يفيدني منكم أكون شاكر لكم وآسفين طولنا عليكم

**يحياتوووو** · 10-09-2008, 07:11 AM

على حسب غرضك

مجرد سحب وايداع وتحويل مالك الا سامبا خاصة بتحويل الهاتف المجاني واسأل مجرب
تداول واسهم بيع شراء مالك الا بنك الرياض تنزل فلوسك مباشرة
تبي قروض مالك الا بنك الجزيرة اقل عمولة ومزايا جدا روعة

**meshoo** · 10-09-2008, 08:48 PM

اخوي يحياتووو كل البنوك فيها سحب وايداع وتحويل بالهاتف

التداول خدمه الرياض جيده بالتداول تنزل الفلوس في اللحظه لكنه اكبر بنك ربوي

الجزيره ماعندي علم فيه

وبالاول وبالاخير والله ماتحصل مثل خدمه البنك الاهلي سواء في حسن المعامله و الرد الزين عبر الهاتف المصرفي و سهوله الخدمه

**AcCo7rD** · 11-09-2008, 03:26 AM

مشكورين ياشباااب وماقصرتوا :o

وأخص بالشكر للعضو meshoo لتفاعله مع الموضوع

**just ACCORD** · 11-09-2008, 03:43 AM

السلام عليكم

انا الحمد لله مجرب اغلب بنوك السعوديه وبدا لكم بأول بنك فتحت حساب عنده لحد اخر حساب

البنك الأول / الراجحي : مشكلته شغله وحده زحمه الناس وقلقهم وبعدين هو ماخذ افضل موقع بنوك في السعوديه بحيث افتح حساب في الأنترنت وروح اقرب فرع وخلص اجراتك وكل شي

البنك الثاني / الجزيره : رحت بفتح عندهم حساب قالي كم معك قلت 5 الاف قالي حط جمبهم صفر وتعال مره ثانيه :d

انا وجهي انسفط مع العلم يا شبااب كان هناك هندي قاعد يشرب شاهي :p >> ولله قهر

البنك الثالث / الأهلي : البنك الأهلي زي ما قالو الشبااب ما فيه سداد فواتير حكوميه إلخ بس الزين الي فيه بسرعه يخلص معاملتك

البنك الرابع / الفرنسي : آآآآآآآآآآآآآخ يا شبااب بتعب ونا اقول آآآآآآآآآآآخ

هل البنك انا اسميه بنك الشياب لانه لحد الحين ما بعد يتطور الأيداع مافي با الصراف ويا شبااب في مشكله كبيره

اذا بعت اسهم لازم تمسك سرا على شان تحول الفلوس من الحساب الأستثماري إلى الحساب الجاري :p
والله يقهر

البنك الخامس / سامبا : البنك رائع ولا عليه كلام من ناحيه المعالمه وكل شي بس يا شبااب تبغا تصير اووكي خل يصير عندك حساب ماسي عندهم او على لاقل ذهبي :d>> يعني مليون وفوق خلف الله علينا طلاب

البنك السادس /الرياض : الحمد لله من دخلت هل البنك ونا مرتاااااااااااااح من جد يا شبااب كل اشغالي با النت

التحويل الأيداع قريب مني الحمد لله الصرافات الرياض في الأحساء في كل مكان >>خصوصا الرياض

والي يعجبني اكثر اني ذاك اليوم كان عندي مخالف وقالي روح سددها وتعال ورح صرافه وشوف عليها زحمه

ودق من الجوال وسدد وخلص :d ونا واقف عند العسكري >> واسطات

والي يعجبني اكثر اول ما ابيع الأسهم اشوف الفلوس في حسابي مو زي الفرنسي :p

اما عن بنك البلاد وساب والأستثماري >> للأسف ما بعد افتح حساب فيهم :d لاكن ان شاء الله فتح فيهم حساب

**سم العقارب** · 11-09-2008, 03:46 AM

ساب افشل بنك حراميه من جد

قفلوا حسابي عندهم مرتين

بعدين ياخذ 13 ريال شهريا عموله رصيد منخفض

انحاشوا منه ،،

**AL5FY** · 11-09-2008, 04:16 AM

أفضلهم الاهلي وافشلهم الرياض

**CIVICORD** · 11-09-2008, 08:24 AM

يؤ يؤ يؤ يؤ ..

ممممممممممممممممممــ أنا ما عندي غير - سامبا - ::

معك 500,000 ريال .. تصير مدير البنك .. :d .. معك أقل من 1000 ريال تصير فراش .. :p <<< مثلي ..

والله زرف .. قهروني من جد .. وشكلي باروح للبلاد دام ما عندهم الزرف حق الرصيد المنخفض .. ;)

**AcCo7rD** · 11-09-2008, 08:07 PM

مشكورين ياشباب كلكم من أولكم لآخركم :o
والله ماقصرتوا

وأتمنى الموضوع يستفيد منه أعضاء النادي والزوار يا رب

**اكوردي 2004** · 14-09-2008, 12:39 AM

صراحة أنا متبهذل مع هالبنوك لابارك الله فيهم...

بدايتي معهم يوم طفرة الأكتتابات رحت لكم بنك وأنواع التصريف ..ورافضين يفتحون لي حساب..

لكن عرفت لي قريب يشتغل بالهولندي وفتح لي عندهم.

ولكم مع مرور الأيام أحسست بأن ها البنك.. متخلف جدا تقنيا!

1-اذا بغيت تودع أمسك سرا ..

2-إذا بغيت تبيع أسهم روح لصالة التداول وسوي بيع ومن بكرا تعال حول من حساب الاسهم الى حساب جاري..

ومليت منهم ..وقبل كم يوم

رحت للرياض أبغى أفتح حساب ..> وقال لي لازم صندوق بريد بأسمك أو تكون مضاف فيه..> وسحبت عليهم.

ورحت لسامبا وقال جب لي تعريف من الجامعه > يبغاني أدق مشوار عشان أجيب له تعريف..

وأسحب عليهم:p..

ورحت للراجحي > أكره كره لاكن مشكلته عنده كل حاجة ..

ودخلت على أحد الفروع وقال مقفلين الحسابات ..راح نفتحها بعد العيد> حسيت أنها تصريفة منه ولد ال..!!

ودخلت لفرع ثاني وقال جب لي تعريف من العمل <ينكت؟..

وبعدها طلعتمن عندهم وتلعين بالمصرف ..> ماصارت يذلنا عشان حساب!

ورحت للأهلي يوم شفت الشباب مدح فيه:d..

وأدخل يجي الموظف بوجهك تأمر على حاجة ياخوي< معقووولة أنا بالسعودية..

وقلت له أبغى فتح الحسابات وين..

وذهب بي للموظف ..> وقال لي: سم ياخوي أي خدمة> الى الحين ماني مصدق..

أبغى أفتح حساب ..
> عطاني الرقم المجاني وقال أتصل عليهم وهم يفتحووون لك حساب وتعال خذ البطاقة من عندنا !>والله وتطورنا:d..

ودقيت عليهم ..وأخذ معلوماتي .. وبعدها قال لي :السبت راجع البنك وخذ بطاقتك!..

بس عندهم تعامل ولا أرووووع
ومريتهم اليوم وأخذت البطاقة ووجهي تملؤوه تعابير التعجب والسرور..

(الأهلي كلنا واحـــــــد:p)

وأنتهت الحكاية :d