المشاركة الأصلية كتبت بواسطة يامطنش
حبيب قلبك الاخطبوط
حبيب قلبك الاخطبوط
وين انت ماهي مثل وين إنت دايم;) يالشوشه
سلاماتبالغصب هو اقعد على الكرسي :d
يمكن فيه ناس ماتبيني على الكرسي :o
وأنا انسان ديمقراطي >>> لازم يصوت سبعة أشخاص لي بالجلوس على الكرسي وقيادة الأمه >>>> اخص يالكونجرس :d
بعدين نتفاهم
الاخطبوط كان هنا
سلامات
يمكن فيه ناس ماتبيني على الكرسي :o
وأنا انسان ديمقراطي >>> لازم يصوت سبعة أشخاص لي بالجلوس على الكرسي وقيادة الأمه >>>> اخص يالكونجرس :d
بعدين نتفاهم
من حقك ترفض بس علمنا عشان نشوف واحد غيرك
لا عادي والله الكرسي مريح ماتوقعته كذامن حقك ترفض بس علمنا عشان نشوف واحد غيرك
اذا مايبي خلاص أوكي
نكودي حط أسئلة بعد من زود الحماس
طيب غدا نجاوب على الأسئلة أو نحولها لـ accord 06
الاخطبوط كان هنا
8
8
لا اجلس انت
و انا لاحق ان شاء الله
الأخطبوط طوط طوووووووط ..
بس انتبه لاتتشبك يدك بالكرسي;)
يالله جاوب على أسئلة نكد ,,
ان شاء الله بأجاوب على كل الأسئلة بس خلنا نلقى نكد مختفي
جوال مايرد والثاني طافي >>> ولا خبر
الاخطبوط كان هنا
ونا معك اخطبوط اذا رجع نكد نكمل الاساله
اخطبوط :d نكد رجع ونت على الكرسي جاوب على الاسئله على ما اجهزلك كم سؤال من الي يحبها قلبك بس مشكله الحين الكرسي غبر وبرد انفضه وحط دفايه تحتك عشان يسخن على طول
يا ويلي على الفلة توني ادري انه دووور الاخطبووووط
بحاول اظبطله اسئلة اخلى راسة يطلع دخان من قوتها :d
يا انا ناوي عليه نية, من كثر ما ينساق صرت احبه ;)
جهز نفسك يا اخطبوطي العزيز للاسئلة اللي بتجيك :p .
وش ذولا الاعضاء اللي مايفقدون الامل ابد :d
اصلا محد استقعدلي بذا الكرسي الا انت يامطنش من اول مافتح وانت ناوي علي :p
م م و هات أسألتك من زمان ادور واحد فيه حرش عشان اشغل المضادات عليه
الاخطبوط كان هنا
ترى هذي اول مرة اشارك في الموضوووع لعيوووونك واغلب اسئلتي علشان اتعرف على شخصيتك زيادة وبعدها اضبطلك الاسئلة اللي تحجرك في زاوية ;) .
أمنييتك في الحياة؟
حكمة تردها بينك وبين نفسك؟
بيت شعر يروق لك؟
موقف لاتنساه (طريف/ محرج/ مؤلم )؟
هل تؤمن بالمستحيل ؟
هل تختار اصدقاءك أم هم الذين يختارونك؟
أيهما الأقرب لديك الأخ ام الصديق؟
ماذا تطلب من الآخرين ؟
هل تؤمن بالحظ؟
ماهي مواصفات( شريكة) حياتك <<<عمرك 25 ترى ;) ؟
ماهو الذنب الذي لايغتفر عندك؟
عضو او مشرف تعجبك شخصيتة؟
عندك خمس ورود لمن تهديهم ؟
هل لديك ما تود إضافته ؟
كم نسبة الصراحة في إجاباتك السابقة :p ؟
التعديل الأخير تم بواسطة م م و السعوديه 5 5 7 ; 23-04-2007 الساعة 07:03 PM
حبيب قلبي
س1/ عرف عن نفسك ؟
س2/ وش تحب؟
س3/ مجال دراستك وليش اخترتها؟
س4/ راضي عن نفسك وعملك الي الحين؟
س5/ من وحي اغنية عيال حارتنا في واحد كان يعز عليك ونقل من الحاره او انتو نقلتو ودك تشوفه وليش واذا لقيته وش تبي تقوله؟
س6/ اكلتك المفضله لا تقولي حبر طابعه اتش بي ؟
س7/ من فقرتين السؤال
أ-- أيهما أصح بنظركـ..
أ- أكتب بما تحس..او..حــس بما تكتب..
ب- تزوج بمن أحببت..أو..أحـب بمن ستتزوج
س8/ من الشخص الي له دور في حياتك ولوله لكنت متصعلك يعني ما عندك الى الدجه؟
س9/ اي وقت تفضل في اليوم وش رايك بشاهي والقهوه بعد صلاة المغرب؟
س10/ لو ما اختاروك مشرف من كان تفضل يكون مشرف مكانك؟
س11/ راضي عن اسمك ولا ودك تغيره؟
س12/ المطر .. بكاء السماء .. ما الأثر الذي يتركه في نفسك عندما يحل ويرتحل ؟
س13/ دايد تعدد الزواجة اذا ما تيده ليش واذا ايدته ليش برضو >>>>عني انا ايده هاه وش دخلني ؟
س14/ صفة تتحلي بها...لا يراها الناس دائما بك..... ما هي؟
س 15/وصفة ليست منك....ولكن هناك من يراها ويصفك بها...ما هي؟
س16/ ماذا تعني لك الكلمات التاليه .
الحب ....الحياة...الدموع...
س17/ مقلب صار فيك...ولن تنساه؟ ومقلب سويته في غيرك...وغيرك ناوي عليك بسببه؟
س18/ افضل دوله سافرتلها او دلوه ودك تروحلها؟
س19/ وش رايك في المنتدى والشباب الي فيه؟
س20/ امنيه تتمناها ان تصير تغير حياتك او العالم من حوالك وتتمناها من كل قلب؟
اخيرأً ادع لولديك بلجنه وانهم يرضون عنك
الدفعه الأولى من أسألة مطنش >>> اختبار وزاره
اخطبوط بنفسجي حبوب طيب على نياته لا بيهش ولا بينش بس اذا كنت صاحي من النوم وخر عنيس1/ عرف عن نفسك ؟
المفروض تقول وش ماتحب :pس2/ وش تحب؟
خلاص خلصنا ليه ترجعنا للماضيس3/ مجال دراستك وليش اخترتها؟
بس اخترت مجال دراستي لسبب وجيه وهو اني كنت مبدع في اهم متطلب لها ;)
نعم والحمد للهس4/ راضي عن نفسك وعملك الي الحين؟
كان فيه بس يوم قابلته بعدها بسنين لقيته طبعا تغير عن أول يعني طلعت السالفه كلها ذكريات وانتهى الموضوع وبعدين كل واحد مسك طريقه :(س5/ من وحي اغنية عيال حارتنا في واحد كان يعز عليك ونقل من الحاره او انتو نقلتو ودك تشوفه وليش واذا لقيته وش تبي تقوله؟
البروستد >>> ياولد كني سمعت ان البيك بيفتح بالرياض :d:pس6/ اكلتك المفضله لا تقولي حبر طابعه اتش بي ؟
س7/ من فقرتين السؤال
أ-- أيهما أصح بنظركـ..
أ- أكتب بما تحس..او..حــس بما تكتب..
ب- تزوج بمن أحببت..أو..أحـب بمن ستتزوج
هذا كرسي الإعتراف ولا إختبار القدرات :d >>> أقول جاوب ولا يكثر بس
أ- أكتب بما تحس تعبر عن الصدق والكلام اللي بيوصل بيكون أصدق
اما اذا كان ماعندك احساس أصلا عشان تكتبه خلاص روح اكتب خرابيط وبعدين حاول تحس فيها :p
ب- الحب يذبل ولا يدوم ومبني على العاطفه غالبا >>> تعرف العاطفه يامطنش
افرض تزوجت بمن احببت >> يعني الزواج مبني على الحب فقط
طيب الحب بيروح بعد كم سنه وش بيبقى غير البزران والرجه وتروح تسوي مثل أبو ريان حب له وحده ثانية وتزوجها
اختياري حب بمن تتزوج >>> هذا اذا كنت ناوي تتزوج اصلا
الوالدس8/ من الشخص الي له دور في حياتك ولوله لكنت متصعلك يعني ما عندك الى الدجه؟
احلى وقت واحاول غالبا انها ماتضيع فترة بين المغرب والعشاء الشاهي والقهوة مع الوالده والاخوان والسواليف والمهاوش مع البزران وهذا ضربني وهذا اخذ عصيري وهذاك مايبي يذاكرس9/ اي وقت تفضل في اليوم وش رايك بشاهي والقهوه بعد صلاة المغرب؟
الاخطبوط كان هنا
س14/ صفة تتحلي بها...لا يراها الناس دائما بك..... ما هي؟
فنان كوره بس الناس ماتقدر >>> ايه خلها مستوره بس
س 15/وصفة ليست منك....ولكن هناك من يراها ويصفك بها...ما هي؟
مدري والله الناس وش تفكر فيه >>> بس تراني ماني بملقوف :d
س16/ ماذا تعني لك الكلمات التاليه .
الحب ....الحياة...الدموع...
الحب =الفصفص :d
الحب = وش هي الحياة بدونه >>> لازلت مصر انه بعد الزواج بس يمكن تحب أبوك أمك أخوك صديقك وممكن تحب الحياة نفسها
الحياة = جريدة :p
الحياة = مرحلة انتقالية لما بعدها
الدموع = المطر >>> كنك قلت يامطنش ان المطر هي دموع السماء
الدموع = اذا شفت واحد يدمع فاعرف انه حزن شديد لكن عندي اعرف اني سمعت نكتة قوية فمن شدة الضحك تلقى الدموع تطلع
الزبده انه مثل دفتر أبووجهين :p
مقلب صار فيني ايام الجامعه من زميلي بالسكنس17/ مقلب صار فيك...ولن تنساه؟ ومقلب سويته في غيرك...وغيرك ناوي عليك بسببه؟
المهم دخل علي ذاك اليوم ومعه تولة عود يقوللي شف العود الأصلي شارية بالمبلغ الفلاني ومدري وش يمدح فيه, المهم قام يطيبنا أبو الشباب أنا واثنين معي واحنا على نياتنا
الحمد لله انا طلعت سليم الكمية اللي اخذتها كانت قليلة لكن خويي الثاني اخذ كمية وحط بلحيته بعد
الا الان ندور مقلب صح نسويه فيه >>> الايام بيننا يابو رمت :p
س18/ افضل دوله سافرتلها او دلوه ودك تروحلها؟
تركيا
س19/ وش رايك في المنتدى والشباب الي فيه؟
أصلا اللي محليه الشباب اللي فيه
بعدين جامعين الفائدة والمتعه
يعني مثل ماتقول التعلم بالاستمتاع
س20/ امنيه تتمناها ان تصير تغير حياتك او العالم من حوالك وتتمناها من كل قلب؟
ان الله يوفقني ببنت الحلال >>> اهم شيء بعد الدين انها ماتكثر كلام :p
اخيرأً ادع لولديك بلجنه وانهم يرضون عنك
آميـــــــــــــــــــــــــــــــــــــــــــــــ ن رضاهم غاية لي
الاخطبوط كان هنا
هات القسط الأول يالله احسن من التاجير المنتهي بالتمليك
أن يعم السلام في البر والبحر >>> وش رايكأمنييتك في الحياة؟
حكمه وقالها حكيم غلطان يامعاند زعيم :dحكمة تردها بينك وبين نفسك؟
اللي ارددها دائما بيني وبين نفسي هي ليست في كل مره تسلم الجره
مدري ليه كل ماقالي واحد عطني بيت شعر قلتله الخيل والليل والبيداء تعرفني والسيف والرمح والقرطاس والقلمبيت شعر يروق لك؟
اذكر كنت حافظ القصيدة كاملة من حلاوتها لكن نسيتها ومابقى براسي الا كذا بيت
سؤال مكرر واذا حضرني شيء قلتهموقف لاتنساه (طريف/ محرج/ مؤلم )؟
مافيه شيء اسمه مستحيلهل تؤمن بالمستحيل ؟
كل الثنتين تصير في بداية التعارف لكن بالاخير انا اللي اختارهم بعد ان اتعرف عليهم اكثرهل تختار اصدقاءك أم هم الذين يختارونك؟
والله حسب أي واحد من أخواني وأي واحد من أصدقائيأيهما الأقرب لديك الأخ ام الصديق؟
بس لو تقوللي إختار واحد منهم فقط في حياتك أقولك الأخ بدون تفكير
أن يكونوا راضيين علي واذا فيه اي ملاحظه علي يقولونها لي وان يكونوا صريحين معيماذا تطلب من الآخرين ؟
اذا كانوا كل الناس مجاملين معك بالله كيف بتعرف عيوبك
نعم الحظ والصدفه وممكن تكون مسألة توفيق من اللههل تؤمن بالحظ؟
مسويلي قلق بعمري انت خخخخخخخخخخخخخخخ :dماهي مواصفات( شريكة) حياتك <<<عمرك 25 ترى ؟
عمري 25 وفي رواية أخرى 26 >>> احترنا بين نظام الحكومه الهجري ونظام الشركة الميلادي :p
مواصفات شريكة حياتي انها تكون بنت
الخيـــــــــــــــانةماهو الذنب الذي لايغتفر عندك؟
والله حسب كل واحد يعجبني فيه شيء معينعضو او مشرف تعجبك شخصيتة؟
اتشـ أكورداوي نكود blk >>> تلاحظ ان نكود أخضر :d
بس اذا بختار واحد تعبته معي في وحده من المرات ماأنساها له
accord 06 مهجد عرابجة امريكا
اقطع اوراقهم واوزعهم لكل اعضاء المنتدىعندك خمس ورود لمن تهديهم ؟
انتظر تحجيركهل لديك ما تود إضافته ؟
انا صريح بنسبة كبيرة وكثير من أصدقائي يزعلون مني بسبب صراحتي بس بالاخير يعرفون انه الصح ;)كم نسبة الصراحة في إجاباتك السابقة ؟
اذا جيت أجامل ماأعرف ويوضح اني نصاب :d
وزي ماقلت انا مااطلب الا رضاء الناس >>> لكنها غاية لاتدرك
الاخطبوط كان هنا
اول شي هاردلك الهزيمه اليوم
و ان شاء الله تعوضونها بالدوري موب حباً بكم قد ما هو كره لتشلسي :p
بس وش سالفة الشوالي اليوم يستهبل عليك ؟ :d
يقول ميلان اليوم مثل الاخطبوط :d
راجع لك ان شاء الله
الممـلكة الـعربية السـعوديه
وزارة المواصلات والحفريات
سعادة الأستاذ / الأخطبوط الموقر
السلام عليكم ورحمة الله وبركاته ..
بما أن الشباب ثقلوا عليك بالأسئله والإحراجات فما ودي بصراحه أزعجك بالأسئله الغبيه لكن بمناسبة زيارتكم الميمونه لمدينة الأحساء الجميله ( باريس العرب :p ) فبودنا أن نسألك عدة أسئله طبعا بعد رضاك وتفضلك بالموافقه ..
س1/ ليش تجي الحسا ولا تدق ولاتسلم ؟
س2/ موقف حلو مع تسعاوي ..
س3/ ماهي اجمل المناظر والمعالم التي أعجبتك في الأحساء .. هل هو شارع الرياض الجميل الذي يبدأ من مدينة الرياض وينتهي في سور بيت في مدينة الأحساء .. أم الدوار الي قريب من جبل قاره الي لو تطلب من غوزي حبه على الفحم يعطونك صحن أكبر من الدوار ؟ .. أم وأم من المناظر الخلابه في مدينتنا الحبيبه ..
شاكرين لكم حسن تعاونكم معنا
التعديل الأخير تم بواسطة أكورداوي ; 03-05-2007 الساعة 11:10 AM
شكرا لحسن استقبالكم في مدينة الأحساء والله كان ودي أقعد فيها أكثر لكن الدوام حادني
س1/ ليش تجي الحسا ولا تدق ولاتسلم ؟والله ياخوي أكورداوي ودي اني أشوفكم وأتسلى معكم بس أدري ان عندكم دراسة وأشغال وماودي أعطلكم وأزعجكميكفي الرجه والإزعاج اللي سويته قبل الرحلة بأسبوعوتراني ماطولت كلها ثلاث أيام يوم منها رحت للدوحة واليومين الثانية يا بالخط أو نوم أو في مداعبات مع التسعاوي
س2/ موقف حلو مع تسعاوي ..خخخخخخخخخخخخخخخخخخخخخخخأول شيء لاحظتة من دخلت الحسا هو هجوم مباغت وقاتل من تسعاوي لطيف :d طبعا اخوك بالله عندي الحزام الأسود في التعامل مع التسعاوي يعني لاتوصي حريصتلقى التسعاوي يتحرش ويتلزق ويساقط ويقاوم لكن مع شوية مسايسه بيمشي الحالحالها حال الكامري بالرياض مثلا وانت ماشيء بالدايري ماتدري الا كامري تشطفك من اليسار وكامري تسقط عليك من اليمين شوي تفتح الدرج تلقى كامري بالدرج داق الفليشر
س3/ ماهي اجمل المناظر والمعالم التي أعجبتك في الأحساء .. هل هو شارع الرياض الجميل الذي يبدأ من مدينة الرياض وينتهي في سور بيت في مدينة الأحساء .. أم الدوار الي قريب من جبل قاره الي لو تطلب من غوزي حبه على الفحم يعطونك صحن أكبر من الدوار ؟ .. أم وأم من المناظر الخلابه في مدينتنا الحبيبه ..والله انا مدري وشهي السالفه بس الحمد لله الـGPS ماقصر والا كان ضعت بالمبرز والهفوف >>> ترا مدري وشهو اللي يفصل بينهم
سويت بالجهاز بحث عن معلم تاريخي قال هناك قلعة صاهود على بعد 2 كيلو قلت ياولد خلني أمر عليها
شفتها وسبحان الله طلعت بنت عم المصمك اللي بالرياض
بعدين جبل قاره والله مدري كيف وصلتله لو تقللي ارجعله ماعرفت داخل بوسط المزارع بس والله براد داخل الجبل شيء عجيب
وفيه بعد عندكم الظاهر مشروع جسر مدري نفق بس سوالي حوسه عشان اروح من جهه الى الجهه الثانية >>> ممكن نبذه عن المشروع أخ أكورداوي
روح اختم الخطاب وراحعنا بعد أسبوعشاكرين لكم حسن تعاونكم معنا
وين الختم لاهنت
التعديل الأخير تم بواسطة الاخطبوط ; 03-05-2007 الساعة 09:32 PM
الاخطبوط كان هنا
والله ياني مقهووووووووور بس يالله هي كلها كورة لاتودي ولا تجيب
بس الدوري لنا اكيد اكره فريقين عندي تشيلسي وميلان >> ماودي اقول النصر تراهم حبايب :d
والشوالي مدري وش فيه شاب علي
ميلان فريق الاخطبوط >>> لايكون مسجل معنا بالمنتدى :d
ياخي قول مانشستر فريق الاخطبوط :d
الاخطبوط كان هنا
تعجبني مطنش اسئلتك تخدمني في اللي ابيه وااااجد .
أ- أكتب بما تحس..او..حــس بما تكتب.. اخطبوطي اعتبر السؤال هذا مني !
اخطبوط تحس ان ابو رايش ولا الاقرع مستقعدين لحسام الحب الحقيقي:d
حرااااااام عليكم يا شباب
ارحموا الرجال !!!!!!!!!!!!!!!!!!!!!!!!!!!!!!!!!
الى الآن وصل عدد الاسئله الى 10000000000
بس هو مو راضي يجاوب
هذه اول مشاركه لي في هذا الموضوع
اللهم اغفر له وارحمه، وعافه واعف عنه، واكرم نزله ووسع مدخله، واغسله بالماء والثلج والبرد، ونقه من خطاياه كما نقيت الثوب الأبيض من الدنس، وابدله داراً خيراً من داره وأهلاً خيراً من أهله وأدخله الجنة، واعذه من عذاب القبر وعذاب النار.
اللهم آمين .. الله يرحمك ياصلاح الغامدي
9 اسأله من نكد
15 سؤال من م م و
20 سؤال من مطنش
وشهو مزاد علني هو >>> طيب جاوب وخلصنا :o
خلاص خلونا نجاوب >>> ماحولك أحد أصلا
الاخطبوط كان هنا
ضوابط المشاركة
رد مع اقتباس
مواقع النشر (المفضلة)