22 سؤال و تقولي خفيفه ؟
س1/عرف عن نفسك؟ وش قصة الاسم الي في خاصية العضو معشي الجن؟
شلون يعني اعرف عن نفسي ؟
اسمي عقيل و عمري توه كامل 20
اذا تبي تعرف سالفة معشي الجن لازم تشوف مسرحية حامي الديار
و بالمعني يعني واحد لما يطلع البحر "بطراد" "قارب" و يصيد سمك كثير و يلاحظ ان الطراد صار ثقيل حيل يقط السمك الصغار و اللي ما يحتاجه بالبحر و يصير وراه طيور الجن " يسمونهم نورس" اللي تقعد تاكل هذا السمك
فيعني اهوا عطا عشا لطيور الجن من كثر صيده و انه اهو صياد محترف او نسيمها بالكويتي حداق بتشديد الحاء
س2/شنو ترتيبك من اخوانك؟
الاول
س3/انت تحب اسم عقيل؟وليه؟
اي احب الاسم ... اولا ابوي سماني هالاسم لانه نادر و حلو .. و 3 من ربعي اسمهم على اسمي
س4/لونك المفضل؟
الازرق السماوي و الاسود
س5/اكلتك المفضله؟
مجبوس دياي ... اظن تسمونه بالسعوديه كبسة دجاج
س6/ماهي تجربتك بالحياة واستفدت منها؟
ما فهمت السؤال بس راح احاول اكتب على اللي فهمته
اذا كنت تقصد الحكمه اللي امشي عليها في حياتي فهي :
"عامل الناس كما تحب ان يعاملوك "
س7/هل تحب الاكل؟
حييييييييييييييييييييييل.... :d
س8/ماهو وجهة نظرك في المرأة ؟
عنصر مهم في العائله بس عقلها دايما ناقص في شيء او في اخر...
س9/كما تعودنا ان ناخذ راي الجميع بكرسي الاعتراف فمارايك اخي بكرسي الاعتراف؟
كرسي حلو و مريح و انا اشك انه صناعه سويديه "ايكيا"
و يخليك تعرف العضو من غير ما تقابله
س10/هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي؟
اي تفاجأت لاني كنت حذر اني ما اوطوط الموضوع علشان لا اصير هدف للكرسي بس يالله اللي صار صار
شعوري مثل شعور اي مسلم بالعيد
س11/-كل انسان وله أمنيات وأمال .. يا ريت تخبرنا عن الحلم اللي تتمناه يتحقق؟
اتمنى اني اخلص دراستي على خير
س12/و شو أصعب المواقف اللي مريت بها ؟
لما توفى اثنين من اعز عيال عمي علي بنفس الاسبوع
الله يرحمهم و يرحم موتى المسلمين
س13/وشو موقفك من الحب ؟؟ وهل جربته ؟؟ هل تأمن بوجوده؟
الحب شي جميل جدا جدا و له معاني خاصه بالنفس ... جربته ........... اكيد موجود
س14/أي قرار تتخذه هل ..... تحكم بي عقلك أم قلبك فيه ... ؟؟
للاسف كثير من قراراتي حكمت فيها قلبي و اكتشفت اني غلطان
س15/هل ندمت فحياتك على شي معيّــن؟
كثيييييييييييييييير ..... و اولها اني ضيعت سنه و نص من عمري بالجامعه في التخصص اللي ما كنت احبه و الحمدالله اني غيرته بس راحت سنه و نص من عمري
س16/ما رأيك بهذه الكلمات ..
الخيانة .. وحده من افضع الكلمات و اشنعها
المرأه.. عنصر مهم و فعال بالمجتمع
الصداقة ..شي ما اقدر اعيش بدونه
النميمة .. شي ما اعرفه
النفاق .. صفه مذمومه
س17/ما هو تعرفك للمجنون؟؟ اللي يقول ان الهوندا سياره استراليه :mad:
العاقل؟؟ اللي معه هوندا :d
المتكبر؟؟ مدري ؟؟
المتواضع؟؟ بعد مدري !!
س18/هل انت راض عن نفسك ..؟؟وما هي المجالات التي تتمنى ان تأخذها منهاجا في حياتك ؟؟
اي راضي عن نفسي ......... اتمنى اخذ مجال رجال الاعمال الناجحين و اخذها منهج لحياتي
س19/انت عاجبك شكلك اخ عقيل ؟ اذا كانت الاجابة( ب لا ) تفكر تسوي عملية تجميل ؟
لا ......................... بعد لا ما افكر اني اسوي عملية تجميل لان الريجيم نافع معاي
س20/انت قلت انك متخصص في ادارة الاعمال قسم محاسبه،فشو رايك لو انك ملزوم تدرس انسان غبي (الله ما خلق في غباءه اثنين)مجبور ،مجبور تدرسه لسبب من الاسباب؟
ما ادرسه ... يمكن افهمه نقطه او نقطيتين بس انا مو مستعد ادرس احد لاني مالي خلق ادرس نفسي بالاول
س21/ايش بتسوي لو انك ماشي في الشارع و شفت رجل قزم و شكله يفطس من الضحك(استغفر الله) بس انت ابتسمت ، وجاء يقولك يا اخي لييش تبتسم ؟ تقوله السبب و لا ( لا )؟
لا ما اقوله ... ما احب اجرح شعور الاخرين
س22/اخرسؤال كيف هي حياتك خاارج المنتدى ؟
حياتي .. كمبيوتر X كمبيوتر X سيارات X سيارات
اخيراً كلمات لي اعضاء المنتدى بحلول العيد المبارك امنيه تتحق وتغير اشياء ادع لولديك
تقبل مروري ونشالله تكون الاساله سهله واسف على الاطاله
^^^^ هذا سؤال ؟؟ ^^^
انشالله تكون اساله خفيفه ومافيها لقافه