الموضوع: كرســـــــــــــ ... الاعتراف ...ــــــــــــــي

نبدي نسأل و لا ننتظر بعد اصوات ؟؟؟؟

^^^^^^^
والله مادري ,,,

بس اذا بديتو تسألو عطوني خبر ههههههههههه

ما عاد يبيلها تصويت بالعكس يستاهل الترحيب عاشق هوندا اكورد

تفضل طال عمرك
وش تحب تشرب ؟

ها ها ها والله وطحت في شر اعمالك


ربطووووه يا رجال وقريباً سيصعق بالأسئلة الكهربائية

عاااااشق الحين ما ينفع وين ابو عزوز خلاااص هو اول من ورطك :p

^^^^^^^
عاشئن ايش ياولد الحلال :d

خلاص اذا انا على الكرسي الان ههههههه:d

انا بانتظار الاسئله على احر من الجمر

وانا ماخاف

من البدايه تخويف خخخخخخخخخخ

نبدي اشأله و نقول بسم الله

ماراح اقول انهم خفيفين لاني بحط لك اسأله ماراثونيه

1- البطاقه الشخصيه .. اسمك .. عمرك ... وظيفتك او دراستك و يمكن ثنتينهم مع بعض !

2- ليش ساكن بالمملكه المتحده .. دراسه ؟ عمل ؟ سكن مع الاهل ؟

3- ليش حطيت اسمك عاشق هوندا اكورد مع انك ما تميل لها كثير ؟

4 - ماذا يعني لك الحب ؟؟ جربته من قبل ؟؟

5- هل انت متزوج ؟؟؟ تفكر بالزواج ؟؟ متى ؟؟

6- ترتيبك بين اخوانك و عددهم ؟؟

7- هواياتك ؟؟ و شكثر تمارسهم ؟

8- هل انت رياضي + طولك + وزنك + الرياضات المحببه لك والتي تمارسها؟؟

9- اي لون تحب ؟

10- تحب تاكل ؟؟ شنو الاكله المحببه لك ؟

11- سافرت كثير من قبل ؟ كم دوله سافرت ؟؟ اذكرهم لنا ؟

12- اي دوله ودك تزور ؟؟ ليش ؟؟

13- وش رايك بالاعضاء التاليين :
- Honda
-الاخطبوط
- الشاويش فريد
- ابو عزوز..
- يوفينتوس
- انا
- يا مطنش
- (حط رايك بعضو من عندك )

14- اذا اتصلو عليك اللحين و قالو لك انت ربحت مليون يورو .. شنو تسوي فيهم و لا تقول تتبرع فيهم !!

15- انت عصبي ... هاديء .. ملقوف .... اشرح مزاجك

16- شنو تتابع .. رياضه .. مسلسلات .... افلام.... ؟

17- من هو :
العاقل

المخبول

الغبي

18- من تشجع .. محليا ... اقليميا .... اوربيا ... عالميا ؟

19 - حادثه طريفه صارت لك ؟

20- حادثه محرجه صارت لك ؟

21- شنو موقفك من الاسلحه ؟؟

22- اوصف لي يومك .. ايام العمل .. ايام اجازة نهاية الاسبوع .. ايام الاجازات الطويله !

23- شنو مواصفات جهازك ؟

24- شنو تستعمل تلفون ؟

25- اي واحد من الاعضاء تفضل ؟

26- لو عرض عليك انك تشتغل براتب مغري بوسط اهلك بس بشرط انك ما تكمل دراستك .. شنو تسوي ؟

27- صار معاك حادث من قبل ؟ كم واحد ؟ .. تعورت ؟ كم كلفك ؟

28- اي نوع من السيارات تحب ؟

28 - سيارة احلامك ؟

29 - امنياتك ؟

30- شنو من امنياتك تحقق ؟

31- الجريدة المفضلة ؟

32- المجلة المفضلة ؟

33- المطعم المفضل ؟

34- القسم المفضل بالمنتدى ؟

35- اليوم المفضل ؟

36- الرقم المفضل ؟

37- القناة المفضلة ؟

38- الكميرا المفضلة ؟

39- توقعاتك لعام 2008 ؟

40- كرهتني على هالاسأله ؟

41 - عسى ما طولت عليك ؟

42- كلمة لاعضاء المنتدى ؟

و السلام عليكم و رحمة الله و بركاته

المشاركة الأصلية كتبت بواسطة BLACK_ACCORD

نبدي اشأله و نقول بسم الله

ماراح اقول انهم خفيفين لاني بحط لك اسأله ماراثونيه
كل هذا حقد
1- البطاقه الشخصيه .. اسمك .. عمرك ... وظيفتك او دراستك و يمكن ثنتينهم مع بعض !
الاسم : حسين الابراهيم
عمري 19 سنه
وظيفه : نائب مدير عام في مؤسسة الوالد
دراستي في بريطانيا :هندسة كهربائيه الكترونيه
2- ليش ساكن بالمملكه المتحده .. دراسه ؟ عمل ؟ سكن مع الاهل ؟
انا ادرس في بريطانيا فقط !!
الله لايقولها سكن بعد:d
3- ليش حطيت اسمك عاشق هوندا اكورد مع انك ما تميل لها كثير ؟
من اللي قال لك اني ماميل لها كثير ,, بالعكس ,, عشت معاها احلى ايام حياتي ’’
ولكن لم تلبي رغباتي ;)
4 - ماذا يعني لك الحب ؟؟ جربته من قبل ؟؟
Love isn't for Fun
تقريبا :d
5- هل انت متزوج ؟؟؟ تفكر بالزواج ؟؟ متى ؟؟
لا ؟؟؟ لا ؟؟؟ بعد زمن طويل ,,
عندما اشوف شريكة حياتي او اتفاهم معاه اول شي :d
6- ترتيبك بين اخوانك و عددهم ؟؟
انا الاول من بين 4
2 اولاد و2 بنات
طبعا اخوي صغير في الروضه بس هو مستشاري الخاص في السيارات
7- هواياتك ؟؟ و شكثر تمارسهم ؟
هوايتي الوحيده هي التعرف على كل ماهو جديد في عالم السيارات ,,
وهذا يعني اني احب السفر كثيرا ,, واحب تجربه السيارات ,, طبعا السيارات اللي اشتروها الاقارب مثلا :d
بس تقدر تقول فاهم في السيارات زين !!!
8- هل انت رياضي + طولك + وزنك + الرياضات المحببه لك والتي تمارسها؟؟
انا لست رياضي لكني احاول ان اكون رياضي هنا ,, استخدم المشي اكثر من التنقل بالباصات او ... او ..
طولي 170 ووزني 80 ,,
امارس السباحه لوجود البركه في البيت :d
9- اي لون تحب ؟
احب اللون الاحمر ,,
طالما حلمت باني اخذ لي سيارة سبورت حمراء اللون ,,
بس اقدر الفضي والاخضر :d
10- تحب تاكل ؟؟ شنو الاكله المحببه لك ؟
افضل الاكل اللي من البيت ,,
ولكن اميل الى المشويات بشده
11- سافرت كثير من قبل ؟ كم دوله سافرت ؟؟ اذكرهم لنا ؟
من هواياتي السفر ,, ولكن هذ الهوايه تعتبر قليله نسبيا بعد استقراري في يو كي ,,
سافرت الى :
البحرين :p
الامارات ( اكثر من شعر راسي )
الكويت
قطر
عمان
سوريا
الاردن
لبنان
سنغافوره
نيوزيلاند
بريطانيا:p
12- اي دوله ودك تزور ؟؟ ليش ؟؟
الامارات ,, لوجود الذكريات الرائعه:o
13- وش رايك بالاعضاء التاليين :
- Honda
مدير النادي
-الاخطبوط
انسان رائع اتمنى اقابله
- الشاويش فريد
رحال ,, اتمنى اقابله بشده !!

- ابو عزوز..
والله محترم ايضا بس عليه طلعات
- يوفينتوس
متعصب للرياضه ,,
- انا
انت مادري من وين طلعت لي
- يا مطنش
انسان مزاجي بس اتوقع قاعدته في الحياه طنش تعش

- (حط رايك بعضو من عندك )
ن ك د ,,, والحكايه لها بقيه

14- اذا اتصلو عليك اللحين و قالو لك انت ربحت مليون يورو .. شنو تسوي فيهم و لا تقول تتبرع فيهم !!

اكيد مابتبرع كلهم فيهم
بس لازم بسوي كم حركه حلوة ,,,
باخذ لي سيارة مميزة .. وقد اتجه الى البي ام ( ام 6)
برجع السعوديه ,,
بشتري الى ابوي ام 5 على شان لا يزعل
باحول ملفي للدراسه في احدى الجامعات في قطر ..
لكثرة انتشار الجامعات الامريكيه ,,
او اتمنى اني ادرس في الجامعه الامريكيه وارجع ذكرياتي في دبي !:o
15- انت عصبي ... هاديء .. ملقوف .... اشرح مزاجك
هادئ الطباع , هذا وجهي اذا تكلمت مع احد ماعرف ,, بس اذا تمت المعرفه زين ,, رحت عليه
16- شنو تتابع .. رياضه .. مسلسلات .... افلام.... ؟
والله حاليا احب البرامج الخاصه بالسيارات ومن ضمنها حبيبي جيرمي كلاركسون
17- من هو :
العاقل
الذي يمسك نفسه عند الغطب
المخبول
اللي يرتكب خطأ فادح في حياته بدون التفكير
الغبي
اعتقد نفس المخبول

18- من تشجع .. محليا ... اقليميا .... اوربيا ... عالميا ؟
ماشجع احد ابد
19 - حادثه طريفه صارت لك ؟
والله اكثر شي صار مطرف معي ,,
كنت في الكليه مع ولد عمي ,, المهم سيارتي في الصيانه ,, اخذت سيارته ,, قال اذا طلعت مر عليي في السكن ,, قلت اوكي ,,
قبل لا اطلع رسل لي رساله قال تعال لي عند المكان الفلاني ,,
طلعت وبالصدفه نسيت ورحت مشي خخخخخخ
20- حادثه محرجه صارت لك ؟
الحادثه المحرجه ,, واحد عزيز علي جدا ,, رسلت له رساله بالعيد ,, وبالغلط ماوصلت ,, وفجأة رسل لي رساله قال مااستاهل رساله عيد :o
واضطريت افهمه السالفه
21- شنو موقفك من الاسلحه ؟؟
موقف الشرطي من الجريمه
22- اوصف لي يومك .. ايام العمل .. ايام اجازة نهاية الاسبوع .. ايام الاجازات الطويله !
يوم الشغل عندي يكون من 9 الى 4 العصر والباقي فراغ
الفراغ او مايسمى الويكند كله فراغ والعياذ بالله
23- شنو مواصفات جهازك ؟
توشيبا 1.8 والهارديسك 80 جيجا ,, الرام 1 ميجا
24- شنو تستعمل تلفون ؟
نوكيا ان 95
وقريبا ابل ايفون
25- اي واحد من الاعضاء تفضل ؟
ن ك د الله يرجعه بالسلامه
26- لو عرض عليك انك تشتغل براتب مغري بوسط اهلك بس بشرط انك ما تكمل دراستك .. شنو تسوي ؟
المال مو مهم ,, الدراسه اهم
27- صار معاك حادث من قبل ؟ كم واحد ؟ .. تعورت ؟ كم كلفك ؟
صار معي حادث بالجبيل الصناعيه ,, كنت ماشي 160 ودخلت في مرسيدس شبح
بس جت سليمه وكل شي تمام
التكلفه تقريبا 2000
28- اي نوع من السيارات تحب ؟
السيارة اللي تقدر توديك وين ماتبي
28 - سيارة احلامك ؟
بي ام ام 5
29 - امنياتك ؟
الاستقرار في الحياه
30- شنو من امنياتك تحقق ؟
والله حاليا ماذكر شي
31- كرهتني على هالاسأله ؟
تقدر تقول :d
32 - عسى ما طولت عليك ؟
لا ابد حاشاك
33- كلمة لاعضاء المنتدى ؟
الله يعينكم عليه ;)

و السلام عليكم و رحمة الله و بركاته

الله يسلمك يالغلا ,, تم الاجابه وانتظر الباقي

خخخخخخخخخخخخخخخخخ

بالانتظار :d


_-----------

ابو عزوز وينك

شنو تنتظر ... شوف فوق

في تسع اسأله ضفتهم انا بعد ما حطيت الاسأله بدقيقه
بحطهم لك هني :

31- الجريدة المفضلة ؟

32- المجلة المفضلة ؟

33- المطعم المفضل ؟

34- القسم المفضل بالمنتدى ؟

35- اليوم المفضل ؟

36- الرقم المفضل ؟

37- القناة المفضلة ؟

38- الكميرا المفضلة ؟

39- توقعاتك لعام 2008

المشاركة الأصلية كتبت بواسطة BLACK_ACCORD

في تسع اسأله ضفتهم انا بعد ما حطيت الاسأله بدقيقه
بحطهم لك هني :

وش فيك متحمس معشي الجن ههههههه:d
31- الجريدة المفضلة ؟

32- المجلة المفضلة ؟
مجلة اماراتيه تدعى اوتو دايلر ..
احب اعرف اسعار السيارات بشكل عام في كل اسبوع او شهر !!

33- المطعم المفضل ؟
مافي مطعم مفضل ,,,
بس احب المطعم الهندي هههاي

34- القسم المفضل بالمنتدى ؟
يكاد يكون القسم العام + الاستراحه ,,
لان طبيعتي تكون الفرفشه غالبا

35- اليوم المفضل ؟
بصراحه كل يوم ماعدى الويكند ,,

بس في المملكه يكون الاربعاء ,, لانه نهاية العمل والدراسه ووقت الراحه !!

36- الرقم المفضل ؟
11
بس مادري ليش

37- القناة المفضلة ؟
ام بي سي اكشن ,,
والله هالايام ماسكه غلط على بي بي سي الاخبار :d

38- الكميرا المفضلة ؟
حاليا استخدم كاسيو ,,
ولكن اتوقع اني راح اغير الى كانون ذات زووووم هذي قده ,,
لاني احب اصور المناظر الطبيعيه الفارغه من البشر :p
39- توقعاتك لعام 2008
اتمنى ان يكون عام خير علي وعلى المسلمين جميعا ,,
واتمنى فيه التوفيق والنجاح ,, واتمنى ان يحقق اللي في بالي وابدأ سنه جديده في 2008

اتمنى انك مانسيت اسأله بعد دقيقه او اي شي :d

تحياتي

المشاركة الأصلية كتبت بواسطة يامطنش

خليها بكره الاسئله على رواقه
عقيل ما خللنا شي

اي والله عقيل ماخلى شي هههههههه

خلاني اجاوب على اسئلة البشر كلها

بانتظار اسئلتكم بكره !!!:d

^^^^^^^^^^^^^^^
خايف اقولك بنزل المجموعه الثانيه من الاسئله تقوم تضربني

انا قايل ماراثونيه و كانت النيه للاميه
بس تدري شلون ........... نخليهم للي وراك

المشاركة الأصلية كتبت بواسطة BLACK_ACCORD

^^^^^^^^^^^^^^^
خايف اقولك بنزل المجموعه الثانيه من الاسئله تقوم تضربني

انا قايل ماراثونيه و كانت النيه للاميه
بس تدري شلون ........... نخليهم للي وراك

لا خذ راحتك @@@@ :d

وينكم خفتو


الظاهر يبغالكم مثل الولد هذا
هههههههههههه :d

سؤال على الطااااااير

يوم ميلادك بالهجري و الميلادي
و اذا ممكن الساعه
و المكان بعد

و تقدر تقول لقافه مني

المشاركة الأصلية كتبت بواسطة BLACK_ACCORD

سؤال على الطااااااير

يوم ميلادك بالهجري و الميلادي
و اذا ممكن الساعه
و المكان بعد

و تقدر تقول لقافه مني

معشي الجن مافي الا انت في هالكرسي ,,, وين الباقي :d

جواب على الطاير !!!
1/12/1988
22/4/1409 ايهما اول :d

الساعه والله مادري ,, بس اعتقد الفجر يمكن !!
المكان مستشفى ارامكو الظهران
:p