كرســـــــــــــ ... الاعتراف ...ــــــــــــــي

طيب ليش ما تحب الكورة؟
من الشخصيات المشهورة الي قابلتها وكيف قابلتهم؟
وش كان شعورك يوم قابلتهم؟
طيب تخيل تسولف مع واحد كل يوم واخر شي يقولك وش اسمك؟ وش موقفك منه؟ :d

^^^^^^


هههههههههههههههههههه

حلو اخر سؤال ;)

بسمه نبدأ ..

اقتباس:

---

المشاركة الأصلية كتبت بواسطة فقير الحظ

كم وزنك ؟؟ 80 :d..

هل تهتم بالمظاهر ؟ يس ..

تخيل لو ربحت عشره مليون ريال ,, وش الي بتسويه فيها بالتفصيل ,, بشتري أكورد والباقي بالبنك :d..


ليش تحب اللون البني ؟ يفتح النفس :d..

قبل فتره حكيت باليارس .. وبعدها صدمت بالاكسبلولر ,, ماتشوف شر ,,خبرنا وش قصت هالحادثين من طأطأ لسلام عليكم قصه طويلهـ وماله داعيه أقولها :d..

كم في جيبك الحين ؟ ما لبست ثوب :p .. وبثوبي يمكن 40 ريال ومو حقتي :p..

وش اكثر مبلغ حصلت عليه (غير الفلوس الي تجيك من الوالد علشان تشتري فيها شغلات معينه) 30 ألف ريال كانت بين يدي بس راحت :p..

وش سويت بهذا المبلغ ؟ شريت أكسبلورر :d


هل جوابك الي فوق اكيد ولا تعطينا من الرخيص؟ الي تراهـ :d..


هل انت صادق مع نفسك ؟ وليه ؟ لا .. لآني أكذب عليها دايم :d..

انت تقول انك كذبت واجد ,, طيب ,, متى يكذب صالح ؟ إذا تورط :d..
وليه وكيف ومتى وشلون ؟ لاني توطت .. << معقد هالسؤال

وياليت تعطينا كم سالفه كذا ادري ان الاعضاء يقرأون الحين ومتحمسين ودهم بكم سالفه ! أستر يخوي :d..


عدد لنا كم سالفه كذا كذبت فيها وصادوك (مدرسه بيت اي شي ) ياليت تكون سالفتين يعني كذبه بالبيت وكذبه مع اخوياك وكذبه مع المرشد او المدرس ما يحضرني شئ الحين :d..


ياخي ماتعرف ان الكذب حرام ؟ طيب ليه تكذب ؟ كل الناس يخطون :d..


الله يهديك قول امين .. أمين وإياك إن شاء الله ..


اجمعين ..


باخذ بريك شوي ولي رجعه

---

ننتظر :d

بسمه نبدأ ..

اقتباس:

---

المشاركة الأصلية كتبت بواسطة open window

طيب ليش ما تحب الكورة؟ أتعب وأنا أركض :d.. لآني خفيف الله لا يضرني :d..
من الشخصيات المشهورة الي قابلتها وكيف قابلتهم؟ الشيخ ماهر المعيقلي والشيخ السديس قابلتهم بالحرم والسديس ما قدرت أسلم عليهـ :d .. المصاريه ما يخلون شئ ..
وش كان شعورك يوم قابلتهم؟ فرحان ..
طيب تخيل تسولف مع واحد كل يوم واخر شي يقولك وش اسمك؟ وش موقفك منه؟ :d أقوله أسمي صالح :d..

---

ننتظر :d

وين أبو الريش وأسئلته الصعبهـ ..

وين المشرفين ..

وين الي متوعديني ..

:p:p

ماتوا الرجال :p..

وش رايك بالشباب اليوم؟ بشكل عام
هل ترى ان الزمن الماضي اجمل من الزمن الحالي؟
تخيل لو ان في الرياض بحر تتوقع بيكون فيه زحمه؟
وش رايك بدوري السله الامريكي؟
ماهو أفضل مكان تتردد إليه ؟
كم مره طحت من السرير وانت نايم؟
وش حيوانك المفضل؟
هل تفضل أن تكون زوجتك المستقبليه امرأه عامله ؟؟ ام تفضل ان تكون ربة منزل؟؟
و شو الاسباب ؟؟
كم مرة بتشوف نفسك بالمراية قبل ما تطلع من البيت ؟؟؟
هل النت يؤثر على علاقاتك بالناس ؟؟؟
وش رايك بصداقات النت وهل يمكن ان تكون حقيقية؟
عضو ودك تقوله تكفى خلاص لاعاد تستخف دمك؟
عضو لشفته موجود ودك على طول تطلع من المنتدى؟
مشرف تحس انه ماهو وجه اشراف؟
عضو ودك تفتح راسه و تشوف وش داخله؟

بسمه نبدأ ..

اقتباس:

---

المشاركة الأصلية كتبت بواسطة open window

وش رايك بالشباب اليوم؟ بشكل عام أغلب الشباب هالأيام يقلدون الغرب بشكل كبيرر:(.. يا زين زمان أول << 17 سنه وتخب :p..
هل ترى ان الزمن الماضي اجمل من الزمن الحالي؟ بواجد :d..
تخيل لو ان في الرياض بحر تتوقع بيكون فيه زحمه؟ تخيل معاي بعد بحر وصار مسموح للحريم السواقهـ .. الله تبي تصير فله :p.. ولو صارت الرياض بحر أتوقع بالزحمه الناس ينزلون ويتقهون وسواليف إلين تنفك الزحمه :d..
وش رايك بدوري السله الامريكي؟ ما أتابعه ..
ماهو أفضل مكان تتردد إليه ؟ البر :)..
كم مره طحت من السرير وانت نايم؟ قليل أنام ع السرير :d..
وش حيوانك المفضل؟ القطو :d..
هل تفضل أن تكون زوجتك المستقبليه امرأه عامله ؟؟ ام تفضل ان تكون ربة منزل؟؟
و شو الاسباب ؟؟ الي الله كاتبهـ لي .. وربة منزل أفضل ..
كم مرة بتشوف نفسك بالمراية قبل ما تطلع من البيت ؟؟؟ ما أشوف بالبيت :d .. أشوف بالسيارهـ :p..
هل النت يؤثر على علاقاتك بالناس ؟؟؟ ما فهمت السؤال :d..
وش رايك بصداقات النت وهل يمكن ان تكون حقيقية؟ والله نادر تصير حقيقه ;)..
عضو ودك تقوله تكفى خلاص لاعاد تستخف دمك؟ لو بكيت (( يزيد ))
عضو لشفته موجود ودك على طول تطلع من المنتدى؟ ولا واحد ..
مشرف تحس انه ماهو وجه اشراف؟ كلهم :p..
عضو ودك تفتح راسه و تشوف وش داخله؟ المسافر والبطران :d..

---

ننتظر :d

أهلا و سهلا
أسفرت و أنورت

بقوم أتعشى

بس بعطيك كم سؤال تتسلى فيهم قبل مآتروح المدرسة بكرة


بسم الله


كم مصروفك المدرسي ؟


أحلى رسالة وصلتك على جوالك ؟ ومن مين - لومآكآن يسبب لك إحراج - ؟

لو خيروك بين أكورد فل كآمل 4 سلندر وبين أوريون قرآندي فل كآمل إيش بتختار وليش ؟

متى آخر مره إنطردت فيهآ من الصف وممكن تعطينآ السبب ؟

كم طولك - تقريبا- ؟

لو جآتك 5000 ريال ؛ وش رآح تشتري فيهآ ؟


3 وردآت ؛ تهديهم لمين ؟

لو أقرب أصحآبكـ عمل مآيغضب الله - سرق , خرّب أموال الآخرين .. إلخ - رآح تبلـّغ عنه أو رآح تسكت عن الحق ؟

نوع جوالك ؟

نوع المكيف اللي بغرفتك ؟

نوع المكرويف اللي بمطبخكم ؟

نوع الغساله حقتكم ؟

نوع تلفزيون الصاله اللي عندكم ؟ وكم بوصه ؟

سريرك خشب وإلآ حديد وإلآ خشب وحديد مع بعض ؟ قطن وإلآ إسفنج ؟ سبرنج وإلآ بدون ؟

كم مخدّة تفضّل تحط تحت رآسك لابغيت تنآم ؟

متى آخر مره زعلت ؟ ومن مين ؟ وليش ؟

عد من الـ 1 إلى الـ 1.5 بدون مآتوقّف .. :d

قف ؛ إمشي 3 خطوآت للخلف ؛ وش اللي قدآمك واللي ورآك واللي على جنبينك في هذي الحاله ؟

تآخذ جوالك معاك المدرسه ؟ وليش ؟

تحب فصلك وإلآ ودك تنقل منه ؟ وليش ؟

رآجع لك قريب ...


:rolleyes:

بسمه نبدأ ..

اقتباس:

---

المشاركة الأصلية كتبت بواسطة Mr.CaR

أهلا و سهلا

أسفرت و أنورت

بقوم أتعشى

بس بعطيك كم سؤال تتسلى فيهم قبل مآتروح المدرسة بكرة

بسم الله

كم مصروفك المدرسي ؟ ما أستلم مصروف :d..

أحلى رسالة وصلتك على جوالك ؟ ومن مين - لومآكآن يسبب لك إحراج - ؟ سؤال محرج بعض الشئ أسمح لي مقدر أقولها :o..

لو خيروك بين أكورد فل كآمل 4 سلندر وبين أوريون قرآندي فل كآمل إيش بتختار وليش ؟ أوريون .. أبيعها وأشتري أكورد v6 :d..

متى آخر مره إنطردت فيهآ من الصف وممكن تعطينآ السبب ؟ بثالث إبتدائي .. مظلوم وسوء ظن :d..

كم طولك - تقريبا- ؟ حول 160 :d..

لو جآتك 5000 ريال ؛ وش رآح تشتري فيهآ ؟ أشتري جهاز لاب توب بـ 4550 و 550 ريال بجيبي :d..

3 وردآت ؛ تهديهم لمين ؟ كلهن لآمي :o..

لو أقرب أصحآبكـ عمل مآيغضب الله - سرق , خرّب أموال الآخرين .. إلخ - رآح تبلـّغ عنه أو رآح تسكت عن الحق ؟ أستر عليهـ :d..

نوع جوالك ؟ مكرر :p .. N95 :d..

نوع المكيف اللي بغرفتك ؟ مدري وش أسمه :d.. بس شكله حلو :p..

نوع المكرويف اللي بمطبخكم ؟ ما نستخدم ميكرويف :p..

نوع الغساله حقتكم ؟ ما أدري والله :d..

نوع تلفزيون الصاله اللي عندكم ؟ وكم بوصه ؟ صار تحقيق مو أسئله :d .. ما أدري ..

سريرك خشب وإلآ حديد وإلآ خشب وحديد مع بعض ؟ قطن وإلآ إسفنج ؟ سبرنج وإلآ بدون ؟ خشب .. اسفنج .. سبرنج .. بس ما أحب انام عليه :d..

كم مخدّة تفضّل تحط تحت رآسك لابغيت تنآم ؟ ما أحب المخدات :d..

متى آخر مره زعلت ؟ ومن مين ؟ وليش ؟ اليوم .. من صديقي .. سر بيني وبينه :d..

عد من الـ 1 إلى الـ 1.5 بدون مآتوقّف .. :d ظريف :p..

قف ؛ إمشي 3 خطوآت للخلف ؛ وش اللي قدآمك واللي ورآك واللي على جنبينك في هذي الحاله ؟ مقدر أرجع لآن وراي الجدار :p.. قدامي جدار .. جنبي تلفزيون والجنب الثاني جدار :d..

تآخذ جوالك معاك المدرسه ؟ وليش ؟ بعض الأحيان .. كذا :d..

تحب فصلك وإلآ ودك تنقل منه ؟ وليش ؟ عادي ..ما ودي أنقل منه .. لآني أصدقائ موجودين فيه :d

رآجع لك قريب ... أنتظركـ ..

:rolleyes:

---

ننتظر :d

ههههههههههههه

تعال والله سؤال من قلبي

انت وشلون ترقد بدون سرير ومخده

يعني انت تنام مثلنا ولا وش الوضع عندك؟

طيب تفرش لك قبل لا تنام ولا على البلاط هههههههههه

:d

اعتذار تريد ان تقدمه لمن؟
هل تعتقد ان حظك سيئ؟
هل هزمك حزنك في يوما من الايام؟
((مستحيل انساك)) لمن تقولها ؟
هل من الممكن ان تتحول الصداقه الى حب ؟
هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
هل ملابس الشخص امامك تؤثر فيك لتأخذ عنه انطباع ؟؟
قطعة فحم صغيرة وجدار نظيف ماذا سترسم عليه ...؟؟
ماذا ستكتب تحت الصوره الي رسمتها
إذا كانـت السباحة تحسن القوام وتجعله ممشوقا ، فلماذا الحوت شكله
كذا ؟
حياة الطفولة من كان المؤثر الاول بها؟
هل لازلت تتواصل مع اصدقاء الطفولة؟
هل سوف تربي ابنائك بنفس اسلوب والديك ام تريد ان تغيره؟
ماذا تفعل اذا وصلت لآخر درجااات اليأس ؟
عاده تفعلها دائما تتمنى ان تتركها ؟
لو قال لك المصباح السحري اختر امنيتين في الدنيا واحققها لك . . ماذا تتمنى ؟
ما افضل اسم نال اعجابك في المنتدى ؟
متى اخر مرة ضحكت من قلب؟ وليش ؟
عضو شخصيته مثل شخصيتك ؟
هل انت شخص صعب الوصول اليه؟
هل انت محب للوحده؟
هل يمكنك ان تتسامح مع من اساء يوما اليك؟
هل ابتسمت يوما فى وجه انسان انت لا تطيقه؟
هل انت مدمن تفكير؟

عضو ودك تقوله تكفى خلاص لاعاد تستخف دمك؟ لو بكيت (( يزيد ))

^^^
:mad:
طيب يـا صويلـح شغلـك بعديـن ؟

شخص لاترفض له طلبا ..؟؟

من هو توأم روحك ...؟؟


مالذي يشعرك بأكثر قدر من الحرج...


حمامة زاجل استقرت على نافذتك تحمل رسالة من مجهول فممن تتمنى ان تكون...؟؟


من هو العضو اللي يستحق انه تقول عنه محبوب بين الاعضاء ؟

مين بنظرك بيعمل بجهد بالمنتدى

نوعـ تلفونك ولونه والرنه الحالية ورصيدك الحالي ؟

هل تأيد هذا القول " الشكوى لغير الله مذله " وليش ؟؟

شنو مشروبك المفضل من العصاير والمشروبات الغازية؟

وش الي فخاطرك فهل اللحظة ؟


اكتب جملة بدون حرف الألف ولاتقل الجمله عن 4 كلمات؟

كم مرة جبت ((صفر)) فالمدرسه؟

قول ياخي عاادي مافي انسان معصوم من الدواير....خخ

عندكـ اصدقاء عالنت تعتبرهمـ نفس اخوانكـ ؟

شخصية قيادية تتمنى تلتقي وتسولف وياه ؟

اكثر انسان او انسانه تشكيله همومكـ ؟

س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟


س هل ندمت فحياتك على شي معيّــن ؟؟؟


س مالفـرق بين الحب والصداقة ؟ وهل يمكن ان يسلكا طرق الغيرة 00؟


لي عوده :d

وش الي فخاطرك في هالحظة ؟
الصفحة الرئيسية لمتصفح النت؟
وردة حمراء تهديها لشخص واحد بس فالمنتدى؟وفي حارتكم؟
افضل شهـر بالسنه والسبب ؟
عضو عاجبتك صورته الشخصيه وتوقيعه ؟
عضو واثق من نفسه ... ؟
عضو نفسك تغير اسمه ... ؟
عضو نفسك تعرف معنى اسمه ... ؟
جريمه تتمنى ارتكابها...؟؟
عضو بدك تطلب منه طلب ؟؟ماهو هذا الطلب ؟؟و لماذاهذاالعضو؟
شــئ او عمــل لا تستطيــع مســامحته؟!؟
كلمة تود سماعها كل يوم؟!؟
القمر-الشمس-النجوم...........ايهم تفضل والسبب؟!
كـلمـــة تمنيـــــت ان تسـتطيـــع سحـبهــــا؟!؟
رتب هذه الكلمات على حسب اهميتها عندك المال - الحب - الصديق - المستقبل المهني - العائلة
مارأيك بالغيره ؟
لا اسمع لا ارى لا اتكلم ,, متى تطبق هذه المقوله بحياتك ؟؟
قم بتوجيه نصائح الى خمس اعضاء قم باختيارهم انت ؟؟

اقتباس:

---

المشاركة الأصلية كتبت بواسطة فقير الحظ

ههههههههههههه

تعال والله سؤال من قلبي

انت وشلون ترقد بدون سرير ومخده

يعني انت تنام مثلنا ولا وش الوضع عندك؟

طيب تفرش لك قبل لا تنام ولا على البلاط هههههههههه

:d

---

لا عاد تنكت مرهـ ثانيه :mad:..

لآزم كل الناس يصيرون مثلكـ ؟؟

:mad::mad:

بسمه نبدأ ..

اقتباس:

---

المشاركة الأصلية كتبت بواسطة open window

اعتذار تريد ان تقدمه لمن؟ لآمي :)..
هل تعتقد ان حظك سيئ؟ بعض الأحيان :d..
هل هزمك حزنك في يوما من الايام؟ أيهـ :d..
((مستحيل انساك)) لمن تقولها ؟ أمي :d..
هل من الممكن ان تتحول الصداقه الى حب ؟ ممكن :d..
هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟ لا الحمد للهـ :d..
هل ملابس الشخص امامك تؤثر فيك لتأخذ عنه انطباع ؟؟ أيهـ :d..
قطعة فحم صغيرة وجدار نظيف ماذا سترسم عليه ...؟؟ قلب :d..
ماذا ستكتب تحت الصوره الي رسمتها أحبك يا ماما :d..
إذا كانـت السباحة تحسن القوام وتجعله ممشوقا ، فلماذا الحوت شكله
كذا ؟ هذى خلق الله :d..
حياة الطفولة من كان المؤثر الاول بها؟ الوالدهـ ..
هل لازلت تتواصل مع اصدقاء الطفولة؟ مو كلهم ..
هل سوف تربي ابنائك بنفس اسلوب والديك ام تريد ان تغيره؟ نفس الوالدهـ إن شاء الله ..
ماذا تفعل اذا وصلت لآخر درجااات اليأس ؟ لا حياة مع اليأس ولا يأس مع الحياة :d..
عاده تفعلها دائما تتمنى ان تتركها ؟ الغضب :d..
لو قال لك المصباح السحري اختر امنيتين في الدنيا واحققها لك . . ماذا تتمنى ؟ أصير ريئس مصنع هوندا .. والأمنيه الثانيه أروح للقمر :d..
ما افضل اسم نال اعجابك في المنتدى ؟ أسمي :d..
متى اخر مرة ضحكت من قلب؟ وليش ؟ ما أتذكر :d..
عضو شخصيته مثل شخصيتك ؟ أحس أن أنمار مثلي :d..
هل انت شخص صعب الوصول اليه؟ تقريبا :p..
هل انت محب للوحده؟ لا :d..
هل يمكنك ان تتسامح مع من اساء يوما اليك؟ ما أتوقع :d..
هل ابتسمت يوما فى وجه انسان انت لا تطيقه؟ لا :p..
هل انت مدمن تفكير؟ بكثرهـ :rolleyes:..

---

ننتظر :d..

اقتباس:

---

المشاركة الأصلية كتبت بواسطة لو بكيت

عضو ودك تقوله تكفى خلاص لاعاد تستخف دمك؟ لو بكيت (( يزيد ))

^^^
:mad:
طيب يـا صويلـح شغلـك بعديـن ؟

---

:p:p

بسمه نبدأ ..

اقتباس:

---

المشاركة الأصلية كتبت بواسطة amer09

شخص لاترفض له طلبا ..؟؟ مكرر .. من أحب :d..

من هو توأم روحك ...؟؟ مكرر .. نفسي :p..

مالذي يشعرك بأكثر قدر من الحرج...

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

من هو العضو اللي يستحق انه تقول عنه محبوب بين الاعضاء ؟

مين بنظرك بيعمل بجهد بالمنتدى

نوعـ تلفونك ولونه والرنه الحالية ورصيدك الحالي ؟ n95 ولونه رصاصي وبني او بنفسيجي :d رنة الجوال المعروفهـ وجوالي فاتوره :d..

هل تأيد هذا القول " الشكوى لغير الله مذله " وليش ؟؟ أيه .. لان الجمله صحيحه :d..

شنو مشروبك المفضل من العصاير والمشروبات الغازية؟

وش الي فخاطرك فهل اللحظة ؟ أنام :d..

اكتب جملة بدون حرف الألف ولاتقل الجمله عن 4 كلمات؟ منتدى محبي سيفيك و بنز :p:p..

كم مرة جبت ((صفر)) فالمدرسه؟ ولا مرهـ الحمد لله ..

قول ياخي عاادي مافي انسان معصوم من الدواير....خخ

عندكـ اصدقاء عالنت تعتبرهمـ نفس اخوانكـ ؟ لا :)..

شخصية قيادية تتمنى تلتقي وتسولف وياه ؟ كلهم ميتين :p.. هتلر ..

اكثر انسان او انسانه تشكيله همومكـ ؟ راعي السوناتا (( Mr.CaR )) ..

س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟

س هل ندمت فحياتك على شي معيّــن ؟؟؟

س مالفـرق بين الحب والصداقة ؟ وهل يمكن ان يسلكا طرق الغيرة 00؟

لي عوده :d

---

بعضهن ما جاوبت عليهن لأنهن مكررات :mad:..

ننتظر :d..

بسمه نبدأ ..

اقتباس:

---

المشاركة الأصلية كتبت بواسطة open window

وش الي فخاطرك في هالحظة ؟ أنام :)..
الصفحة الرئيسية لمتصفح النت؟ جوجل :d..
وردة حمراء تهديها لشخص واحد بس فالمنتدى؟وفي حارتكم؟ ما أعرف احد بحارتنا :d.. أما بالمنتدى أقسمها للأعضاء :d..
افضل شهـر بالسنه والسبب ؟ محرم .. لآني مولود فيه :d..
عضو عاجبتك صورته الشخصيه وتوقيعه ؟ أنا :d..
عضو واثق من نفسه ... ؟ كاكاشي :cool:..
عضو نفسك تغير اسمه ... ؟ أنمار :d..
عضو نفسك تعرف معنى اسمه ... ؟ دريشه مفتوحه :p..
جريمه تتمنى ارتكابها...؟؟ أعوذ بالله :d..
عضو بدك تطلب منه طلب ؟؟ماهو هذا الطلب ؟؟و لماذاهذاالعضو؟ المدير .. أصير مشرف .. :d
شــئ او عمــل لا تستطيــع مســامحته؟!؟ ما فهمت ..
كلمة تود سماعها كل يوم؟!؟ أحبكـ :d..
القمر-الشمس-النجوم...........ايهم تفضل والسبب؟! القمر .. لآنه يشبهني :p..
كـلمـــة تمنيـــــت ان تسـتطيـــع سحـبهــــا؟!؟ ........
رتب هذه الكلمات على حسب اهميتها عندك المال - الحب - الصديق - المستقبل المهني - العائلة المال .. المستقبل .. العائله .. الصديق .. الحب .. :d..
مارأيك بالغيره ؟ شئ جميل بس بحدود :d..
لا اسمع لا ارى لا اتكلم ,, متى تطبق هذه المقوله بحياتك ؟؟ وضح أكثر :d..
قم بتوجيه نصائح الى خمس اعضاء قم باختيارهم انت ؟؟ المدير : خلني مشرف .. دريشه مفتوحهـ : غير أسمك .. لو بكيت : لا تبيع الأكورد .. Mr.CaR : حول لطب أحسن لكـ :p.. غضب الأكورد : أرجع من الهند :d..

---

ننتظر :d..

هل تفضل ..
شروق الشمس او غروب الشمس؟
الهدية البسيطه او الغاليـــة؟
أن تحب بجنون او حب عقلاني؟



في الشهر الاخير..هل قمت ( أجب نعم او لا )

اشتريت شي مو محتاجه؟
شعرت بفرح شديد؟
شعرت بحزن شديد؟
قصيت شعرك؟
بكيت؟
كذبت؟


وين انولدت؟
كم تريد عدد اطفالك يكون؟
تعرف تطبخ؟؟؟؟
أطلب منك إعتراف غير مسبوق لشخصك الكريم ؟

عضو محبوب : ( ------------------ )

عضو رايق : ( ------------------ )

عضو عصبي : ( ------------------ )

عضو مواضيعه رهيبه : ( ------------------ )

عضو ردوده جميله : ( ------------------ )

عضو مطنش : ( ------------------ )

عضو ما يعطي وجه : ( ------------------ )

عضو تنتظر رده على مواضيعك : ( ------------------ )

من تريد ليكون ضيف كرسي الاعتراف للاسبوع القادم

بسمه نبدأ ..

اقتباس:

---

المشاركة الأصلية كتبت بواسطة open window

هل تفضل ..
شروق الشمس او غروب الشمس؟ الشروق :d..
الهدية البسيطه او الغاليـــة؟ البسيطه :d..
أن تحب بجنون او حب عقلاني؟ عقلاني :d..



في الشهر الاخير..هل قمت ( أجب نعم او لا )

اشتريت شي مو محتاجه؟ نعم ..
شعرت بفرح شديد؟ لا ..
شعرت بحزن شديد؟ نعم ...
قصيت شعرك؟ لا ..
بكيت؟ لا ..
كذبت؟ مو لازم أجاوب :p..


وين انولدت؟ بالرياض ..
كم تريد عدد اطفالك يكون؟ إذا جاء ذاك الوقت أفكر :d..
تعرف تطبخ؟؟؟؟ أيهـ :d..
أطلب منك إعتراف غير مسبوق لشخصك الكريم ؟ ما فهمت ..

عضو محبوب : ( لو بكيت )

عضو رايق : (مطنشهم )

عضو عصبي : ( أبو الريش )

عضو مواضيعه رهيبه : ( المسافر )

عضو ردوده جميله : ( لو بكيت )

عضو مطنش : (مطنشهم )

عضو ما يعطي وجه : ( أبان الطباع ) << مدير مو عضو :p..

عضو تنتظر رده على مواضيعك : ( كلهم )

من تريد ليكون ضيف كرسي الاعتراف للاسبوع القادم Mr.CaR بقوووهـ

---

ننتظر :d

بسم الله الرحمن الرحيم

نبدا معك يا استاذ صالح :d

1- مدرس ودك تتوطى ببطنه ؟

2- وش طموحك بعد التخرج ؟

3- وش افضل مرحلة دراسية درستها ؟

4- هل قد هربت من المدرسة ؟؟

5- هل قد غبت من المدرسة لعذر مصطنع يعني مثلت انك مريض وانت مثل الحصان ؟؟:d

6- بلد تتمنى انك تسافر لها ؟

7- افضل مكان لك في العالم ؟

8- وش اللي تتمناه يتغير بالمنتدى ؟

وبس بالتوفيق ....,

بسمه نبدأ ..

اقتباس:

---

المشاركة الأصلية كتبت بواسطة مجنون اكورد 07

بسم الله الرحمن الرحيم

نبدا معك يا استاذ صالح :d

1- مدرس ودك تتوطى ببطنه ؟ فيه أستاذ قارهني ودي أتوطى ببطن أم الي جابهـ مدري وش أسمه :mad:..

2- وش طموحك بعد التخرج ؟ طب إن شاء الله .. مكرر :p..

3- وش افضل مرحلة دراسية درستها ؟ ثاني متوسط .. خامس :d..

4- هل قد هربت من المدرسة ؟؟ لا الحمد لله :d..

5- هل قد غبت من المدرسة لعذر مصطنع يعني مثلت انك مريض وانت مثل الحصان ؟؟:d الأسبوع الماضي غايب لعذر طارئ :p..

6- بلد تتمنى انك تسافر لها ؟ ماليزا :d..

7- افضل مكان لك في العالم ؟ السعوديه :d..

8- وش اللي تتمناه يتغير بالمنتدى ؟ طاقم الإشراف :p..

وبس بالتوفيق ....,

---

ننتظر :d..

انت دائم تذكر اسماء اعضاء ودك تشوفهم واغلبهم يحظرون تجمعتنا الاسبوعيه والرسميه ليش ما تحظر التجمعات ؟

بكره فيه تجمع تقدر تحظر ؟

اذا ما تقدر ابغى سبب مقنع ؟

تكره احد من الاعضاء بدون ذكر اسماء؟

بسمه نبدأ ..

اقتباس:

---

المشاركة الأصلية كتبت بواسطة يامطنش

انت دائم تذكر اسماء اعضاء ودك تشوفهم واغلبهم يحظرون تجمعتنا الاسبوعيه والرسميه ليش ما تحظر التجمعات ؟ ما معاي هوندا .. وما أبي أحضر :d..

بكره فيه تجمع تقدر تحظر ؟ لا :d..

اذا ما تقدر ابغى سبب مقنع ؟ كذا :d..

تكره احد من الاعضاء بدون ذكر اسماء؟ لا :d..

---

ننتظر :d..

لو لم يكن هذا لقبك في المنتدى ياترى ماهو الاسم الذي ستختاره؟
ما اخر صورة تم التقاطها ؟
ماهي أعلى فاتوره قد تجاوزتها
آخر بلوتوث استقبلتـه ماهو ؟
رسالة لن تقوم بمسحها أبداً في جوالك ولماذا ؟
وش الاحسن بالنسبة لك الشخص الحزين ولا الفرحان ؟وليش؟
بداخل كل إنسان نقطة ضعف فما نقطة ضعف صالح؟
مرحله من مراحل عمرك تتمنى الرجوع لها؟ ولماذا؟
ما اصعب قرار اتخذته بحياتك؟
وهل كانت نتيجته ايجابيه او سلبيه؟
وش الماده المفضله عندك دراسيا؟وليش؟

بسمه نبدأ ..

اقتباس:

---

المشاركة الأصلية كتبت بواسطة open window

لو لم يكن هذا لقبك في المنتدى ياترى ماهو الاسم الذي ستختاره؟ هوندا وبس :d..
ما اخر صورة تم التقاطها ؟ صورهـ لهوندا سيفكـ 2008 :d..
ماهي أعلى فاتوره قد تجاوزتها 500 :d..
آخر بلوتوث استقبلتـه ماهو ؟ من لاب توبي :d..
رسالة لن تقوم بمسحها أبداً في جوالك ولماذا ؟ مجموعه رسائل .. لآنها جأتني يوم العزاء وفرحتني فأخليها ذكرى :d..
وش الاحسن بالنسبة لك الشخص الحزين ولا الفرحان ؟وليش؟ الفرحان .. عشان يفرحني معاهـ :)..
بداخل كل إنسان نقطة ضعف فما نقطة ضعف صالح؟ .......
مرحله من مراحل عمرك تتمنى الرجوع لها؟ ولماذا؟ الطفولهـ .. أحد ما يبيها :d..
ما اصعب قرار اتخذته بحياتك؟ علمي ولا شرعي :p..
وهل كانت نتيجته ايجابيه او سلبيه؟ إيجابيه إن شاء الله :d..
وش الماده المفضله عندك دراسيا؟وليش؟ القران .. أنام بالحصه :d..

---

ننتظر :d..

ما الذي تذكرك به هذه الابيات هل سبق وان حصل لك موقف وصفه في احد هذه الابيات مع ذكر الموقف بدون تصريف:

ليتني الطبيب اللي يعالجك ******* ليت الشفاء بيدي والله لأعطيك

ليتني وقت المرض أشاركك******* ليتني أبذل لك العمر وأفديك


----------------------
عقب المودة ما ترد على اتصالاتي **** عسى يا الغالي ما جتك منا الخطية

أرجوك تقبل مني كل أعتذاراتي ****** عن كل خطا تراها أخطاء عفوية





------------------------
يا قلب وكلها على الباري تهون ****** وأصبر على الغالي لين ياتيك بعلومه

الرجا بالله أكبر من كل الضنون ****** والله يعوض المعنّى ويجلى همومه



-----------------------

لو بها الدنيا لكل شخص حاجة تستديم

قلت أبي قربك ولا عقب هالحاجة كلام



-----------------------------


ياللي تبكي عسى ما به خلاف **** وش أظهر الدمعة عقب ذيك الضحوك

=============================
:d:d:d:d:d:d:d:d:d:d:d:d

لمن توجه هذه الابيات:

قلبي قبل فرقاك ما ينقص الزيت ** واليوم ازيده في كل مشوار علبه:d


----------------------------------

ومن عجبى ان احن اليهم ...واسال عنهم من لقيت وهم معى.
وتطلبهم عينى وهم فى سوادها ...ويشتاقهم قلبى وهم بين اضلعى.



-------------------------------------
كنت أشوفك "شخص عادي" زي باقي الناس حالك ...
وكنت أجاوب : ((ماشي حالي)) يوم تسال كيف حالك ؟!
لين ما شفت اهتمامك وارتباكك في كلامك .!
وقتها حسيت عيني دوم تشتاق لوصالك ...
------------------------------------------------
فقع قلبي ثقل طينك ومع شينك طويل لسان "" تغلى ليش من زينك تحسبك قايد الغزلان:d

------------------------------------------------------------------

جاوب بكل صراحه وماعليك من احد :d

اقتباس:

---

المشاركة الأصلية كتبت بواسطة open window

ما الذي تذكرك به هذه الابيات هل سبق وان حصل لك موقف وصفه في احد هذه الابيات مع ذكر الموقف بدون تصريف:

ليتني الطبيب اللي يعالجك ******* ليت الشفاء بيدي والله لأعطيك

ليتني وقت المرض أشاركك******* ليتني أبذل لك العمر وأفديك

بجدتي أيام مرضها الله يرحمها :(:(:(..
----------------------
عقب المودة ما ترد على اتصالاتي **** عسى يا الغالي ما جتك منا الخطية

أرجوك تقبل مني كل أعتذاراتي ****** عن كل خطا تراها أخطاء عفوية



راعي السوناتا ((Mr.CaR)) :d..

------------------------
يا قلب وكلها على الباري تهون ****** وأصبر على الغالي لين ياتيك بعلومه

الرجا بالله أكبر من كل الضنون ****** والله يعوض المعنّى ويجلى همومه


ما فهمت الأبيات :d..
-----------------------

لو بها الدنيا لكل شخص حاجة تستديم

قلت أبي قربك ولا عقب هالحاجة كلام


نفس الحاجهـ ما فهمت :d..
-----------------------------


ياللي تبكي عسى ما به خلاف **** وش أظهر الدمعة عقب ذيك الضحوك

دريشه مفتوحه :d..
=============================
:d:d:d:d:d:d:d:d:d:d:d:d

لمن توجه هذه الابيات:

قلبي قبل فرقاك ما ينقص الزيت ** واليوم ازيده في كل مشوار علبه:d

ما تذكرني بأحد ..
----------------------------------

ومن عجبى ان احن اليهم ...واسال عنهم من لقيت وهم معى.
وتطلبهم عينى وهم فى سوادها ...ويشتاقهم قلبى وهم بين اضلعى.

جدي وجدتي الله يرحمهم :(..

-------------------------------------
كنت أشوفك "شخص عادي" زي باقي الناس حالك ...
وكنت أجاوب : ((ماشي حالي)) يوم تسال كيف حالك ؟!
لين ما شفت اهتمامك وارتباكك في كلامك .!
وقتها حسيت عيني دوم تشتاق لوصالك ...

محد :d..
------------------------------------------------
فقع قلبي ثقل طينك ومع شينك طويل لسان "" تغلى ليش من زينك تحسبك قايد الغزلان:d

فقير الحظ :p:p
------------------------------------------------------------------

جاوب بكل صراحه وماعليك من احد :d

---

ننتظر :d

اقتباس:

---

انت دائم تذكر اسماء اعضاء ودك تشوفهم واغلبهم يحظرون تجمعتنا الاسبوعيه والرسميه ليش ما تحظر التجمعات ؟ ما معاي هوندا .. وما أبي أحضر :d..

بكره فيه تجمع تقدر تحظر ؟ لا :d..

اذا ما تقدر ابغى سبب مقنع ؟ كذا :d..

تكره احد من الاعضاء بدون ذكر اسماء؟ لا :d..

---

انا كل يوم جاي بسياره وعادي الدعوه سوالف وسعة صدر هاذي كم سؤال واتمنا اشوفك في اقرب وقت

انت جبان تخاف من المواجها؟

تحس انك تخبي خوفك ورى شاشة النت؟

وش يعنيلك الخجل ؟

الخجل والخوف وجهين لعمله واحده تتوقع؟

شي تنقصك الشجاعه لفعله ؟

تتوقع الشجاعه الزائده نوع من انواع الجنون؟

موقف مخيف غير شي فيك الى الابد؟

انت خوف اذا كنت شجاع سوا شي يثبت شجاعتك؟

كيف تستمتع بحياتك؟

وياليت تكون الاجوبه بشي من الجديه

^^^^^^^
ترى فيه اسئله صيغتها قويه شويه حاول تهدي :d
=======================================
من هو كاتم أسرارك ؟؟
ماهو عطرك الحالي ؟ وماهو عطرك المفضل ؟
متى تلجا للصمــت .. ؟
قد شلت في خاطرك على احد؟؟
كم ايميل عندك ؟
وش المواضيع الي تجذبك لقراءتها؟
موهبة كنت تتمنى لو انك تمتلكها ؟
وش الشي الي ما تقدر تعيش بدونه؟
كلمه قلتها لشخص وتتمنى يرجع الزمن وما تقولها؟
هل تتابع المسرحيات ؟وان كانت الاجابه نعم ماهي مسرحيتك المفضله؟
هل هناك شخص تغيرعليك ..وماكانت ردة فعلك .؟؟
في يوم عيد ميلادك وش الهديه الي تتمناها؟
وش الكلمة الي متعود تقولها ودايم على لسانك؟
لو جا يوم وسويت شي غلط هل يأنبك ضميرك ولا عادي؟
لو فزت بجائزة تذكرتين سفر حول العالم من الشخص اللي تحب يرافقك بهالسفرة ..؟؟
ماهو الشي الذي امامك ولكن يصعب عليك الوصول اليه؟
ماذا علمتك الحياة ؟؟وهل استفدت مما علمتك اياه؟
شي تتمنى أن يحدث، وما زلت تنتظره ؟
ما هو المبدأ اللي مستحيل تتخلى عنه ؟

اقتباس:

---

المشاركة الأصلية كتبت بواسطة open window

^^^^^^^
ترى فيه اسئله صيغتها قويه شويه حاول تهدي :d
=======================================
من هو كاتم أسرارك ؟؟ لا أدري :)..
ماهو عطرك الحالي ؟ وماهو عطرك المفضل ؟ أي عطر قدامي بالبيت أتعطر فيه :p..
متى تلجا للصمــت .. ؟ إذا تورطت :d..
قد شلت في خاطرك على احد؟؟ كثير :)..
كم ايميل عندك ؟ 3 :d..
وش المواضيع الي تجذبك لقراءتها؟ عن الموديلات الجديدهـ :d..
موهبة كنت تتمنى لو انك تمتلكها ؟ الجرءهـ :d..
وش الشي الي ما تقدر تعيش بدونه؟ الأكل والهواء :p..
كلمه قلتها لشخص وتتمنى يرجع الزمن وما تقولها؟ مكرر :p..
هل تتابع المسرحيات ؟وان كانت الاجابه نعم ماهي مسرحيتك المفضله؟ لا :)..
هل هناك شخص تغيرعليك ..وماكانت ردة فعلك .؟؟ كثير .. تركتهـ :d..
في يوم عيد ميلادك وش الهديه الي تتمناها؟ عيد جديد هذى :p..
وش الكلمة الي متعود تقولها ودايم على لسانك؟ هلا :d..
لو جا يوم وسويت شي غلط هل يأنبك ضميرك ولا عادي؟ يس :d..
لو فزت بجائزة تذكرتين سفر حول العالم من الشخص اللي تحب يرافقك بهالسفرة ..؟؟ لحالي :d..
ماهو الشي الذي امامك ولكن يصعب عليك الوصول اليه؟ ولا شئ :)..
ماذا علمتك الحياة ؟؟وهل استفدت مما علمتك اياه؟ تونا طالعين عليها :d..
شي تتمنى أن يحدث، وما زلت تنتظره ؟ أشتري أكورد :)..
ما هو المبدأ اللي مستحيل تتخلى عنه ؟ الإسلام :d..

---

ننتظر :d..

اقتباس:

---

المشاركة الأصلية كتبت بواسطة يامطنش

انا كل يوم جاي بسياره وعادي الدعوه سوالف وسعة صدر هاذي كم سؤال واتمنا اشوفك في اقرب وقت

انت جبان تخاف من المواجها؟ أيه نعم :d..

تحس انك تخبي خوفك ورى شاشة النت؟ يس ..

وش يعنيلك الخجل ؟ شئ أساسي :o..

الخجل والخوف وجهين لعمله واحده تتوقع؟ لا ..

شي تنقصك الشجاعه لفعله ؟ .......

تتوقع الشجاعه الزائده نوع من انواع الجنون؟ لا ..

موقف مخيف غير شي فيك الى الابد؟ القبر :d..

انت خوف اذا كنت شجاع سوا شي يثبت شجاعتك؟ ما فهمت :d..

كيف تستمتع بحياتك؟ لا ادري ..

وياليت تكون الاجوبه بشي من الجديه وليت تكون أسئلتم واضحه أكثر :d

---

ننتظر :d..

ماذا يعني لك النقاش والحوار ؟
ما هو السؤال الذي لا تحب ان يسألك به احد ؟
لو قيل لك اعطي الحياة اسم فماذا سيكون ردك ؟؟؟
ماذا يعني لك فجر كل يوم /وصباحه؟
هل المال اساسي للغايه في حياتك او انه مكمل للحياه؟
بصراحة هل أنت من محبي الجلسات الأسرية ؟
ما هي الفوائد التي خرجت بها من دخولك لعالم المنتديات وماذا أخذت منك ؟ ؟
هل اجبرتِ نفسك او اجبرتك ظروفك ان تتخلي عن احساسك يومـــاً...؟؟!!
هل تطمح بأن يكون لك منتدى خاص بك ؟؟
يقول سولون :أعظم الا سباب لدفع اساءة المسيئ عنك, أن تنسى اساءته اليك انت وش رايك ...؟؟
هل تعتبر ان للأمل في الحياة رصيد لا ينتهي ؟
يقال أن المظهر .. لمعان في الخارج .. وإنهيار في الداخل
هل تؤمن بذلك ؟ وهل صادفت أناس تنطبق عليهم هذه المقولة ؟

ترقب اعصاري القادم غدا :d

بسم الله الرحمن الرحيم

أولا:

في أي مدرسة تدرس؟؟

كم نسبتك السنة اللي راحت؟؟ وهل انت علمي ولا أدبي؟؟

عطيني رأيك بهاذي المواد:

حاسب:

وطنية:

جولوجيا:

بدنية:

تقدر تعدد لنا أيام الأسبوع بالإنجليزي؟؟

هل تعرف مكونات الكمبيوتر ولا بس تشتغل عليه وانت ما تدري من ايش يتركب؟؟؟

لمى تتخرج انشالله وين وإيش رح تدرس؟؟؟

كيف تقييمك لسواقتك؟؟ وهل تعرف تسوق عادي ؟؟

هل تملك رخصة؟؟ طيب بالواسطة ولا اختبار؟؟

وش رايك برجال الهيئة؟؟؟ ولو طلبو منك نصائح وش النصائح اللي بتعطيهم اياها؟؟؟

هل انت مؤيد لسواقة الحريم؟؟؟؟ واذا لا وش السبب؟؟

وش تعليقك على إن السعودية البلد الوحيد اللي ممنوع فيه سواقة الحريم؟؟؟

لو صارت المدارس مختلطة بالسعودية وش تتوقع بيصير؟؟ وهل اللحوج بيصير يترتبو شوي ؟ والزحيفة بيصيرو دوافير ؟؟

وش رايك بجامعة الملك عبدالله اللي بجدة ؟؟؟

لو انت وراك مشوار ضروري ورايح تلبس بسرعه وطلع لك عنكبوت جوة الثوب وش بتسوي؟؟؟

هل تلبس الجنز؟؟ واذا لأ طيب وش رايك باللي يلبسه؟؟

باعتقادك عام كم رح تنحل القضية الفلسطينية وعلى يد مين؟؟

وش رايك بخواطر الأخير وبالمقدم أحمد الشقيري؟؟

لو الأكورد كان لها مسمى ثاني وش تتوقع يكون؟؟

وش الجنسية اللي تتمنى تمتلكها؟؟؟

لو سجنوك لا سمح الله بالسجن مين تتمنى يكون معاك من الذكور ؟؟طيب ومن الإناث ؟؟(طبعا الجواب للشخص اللي تحبه مو اللي تكرهه)

لو جا يوم وأبوك طردك من البيت وش تتوقع السبب؟؟؟

هل تفضل أمك على أبوك أو العكس؟؟

لو عرفت ان من مصادر الدخل للسعودية بعد النفط يجي على طول الجوازات وش يكون تعليقك؟؟

لو عرضو عليك سيارة أودي r8 بتختارها عادي ولا أوتو؟؟

هل مرة حصلت مضاربة بينك وبين شخص عشان الفلوس (من الأهل أو من خارج الأسرة)

لمى رد المراقب عاشق هوندا أكورد وقال

اقتباس:

---

وانا كمان ودي ارشح محمد بن عبد العزيز ... بس فيها مشكلتين

الاولى : انه الى الان شغال على تقرير تجمع الرياض ... وماودنا نشغله بعد ... بعدين يخلينا نردد :d
ثانيا: مشرفنا هو كنج المخارج كلها هههههههههههههه

فالترشيح الى اليارس :cool:

---

هل تعتقد إن المشرف محمد بن عبدالعزيز هو اللي قاله يكتب الرد هذا؟؟؟

وش القسم المفضل عندك بالمنتدى؟؟

وش القسم اللي تتمنى تكون المشرف عليه؟؟

وش رايك بـ (إبان الطباع) ؟؟؟

ولو دخل على الموضوع وشاف إنك تبغى تصير مشرف تعتقد بيعطيك وجه ولا ما كنه شاف شي؟؟

طيب لو قالك رح نفتح قسم جديد يختص باللي انت تبغاه وبتكون المشرف عليه وش الاختصاص اللي بتختاره؟؟

وش الشعب اللي انت معجب فيه؟؟

وش تحب أكثر الكاتشب ولا الميونيز؟؟

كم مرة تاكل كبسة بالشهر؟؟؟ طيب طفشت منها ولا باقي؟؟

هل أكلت الطعام الإطالي ؟؟؟ طيب هل جربت (الفوتوشيني)؟؟؟

بمناسبة الأكل وش الوجبة المفضلة عندك؟؟ طيب والمشروب؟؟

لمى تدخل مطعم هارديز وش الوجبة اللي تطلبها؟؟

هل تعلم أنا مالك مطعم (كودو) من الجنسية الفلسطينية؟؟

وش السبب اللي يخليك تتهاوش؟؟ وهل ممكن في لحظة غضب تقتل العدو؟؟؟

في مقولة طلعوها شباب المنتدى واللي هي:

أبل ماكنتوش + سوني أركسون= أكورد

ويندوز+ نوكيا = كامري

وش رايك في هالمقولة وكم نسبة ايمانك فيها؟؟

في واحد أعرفه عايش بأمريكا دخل دورة (ببلاش) عن عمليات الانقاذ وكيفية التعامل معها وجلس يشرح لي إنهم علموهم جميع أنواع الإنقاذ من سباحة أو في بر أو .....الخ وأخذ شهادة باتقانها وجا هنا على السعودية وسأل عن الموضوع على أساس التبرع فما لقى أي تشجيع ولا حتى عرف يروح وين ولا يسأل مين؟؟
وش تعليقك على القصة الحلوة هاذي؟؟


هل في حياتك سويت خدمة لوطنك؟؟

من هو قدوة العتبان؟؟

طيب مين مؤسسهم؟؟

وهل تعرف وش معناة اسم قبيلتك وليش سموها بهالإسم؟؟

لو صار في حرب قبايل مين أول قبيلتين بالسعودية رح يتقاتلو؟؟ وهل تعتقد الدولة رح تسيطر على الوضع؟؟

لو عرفت انك عقيم (لا سمح الله) وش بتسوي؟؟ وهل بتتغير نظرتك للزواج؟؟ ووش العمر اللي ممكن تتزوج فيه؟؟ ولو جيت بتتزوج بتعلمهم انك عقيم؟؟؟

وش رايك بالجراند شروكي؟؟

اذا سألت واحد وش تشجع ورد عليك:

نصراوي وش بتقوله ؟؟

(هلالي ) بترد عليه وتقوله على الخيل يا شقرا؟؟ أو عندك عبارة ثانية؟؟

لو تقابلت مع شخص لأول مرة من ايش تاخذ انطباع عليه ؟؟ وهل جزمته (الله يكرمك) أحد هاذي الأشياء؟؟

ما هو فلمك المفضل؟؟

حتى لو ماتسمع أغاني أكيد تعرف أسماء مغنيين وحتى ممكن أشكالهم طيب مين المغني اللي ودك تقوله يرحم أبوك اعتزل الفن؟؟ وبالنسبة للمغنيات مين؟؟

هل طفشت من كثر ما يقفل المنتدى؟؟طيب وش تعتقد السبب ؟؟

طيب اذا ماطفشت وش تعليقك على إني جالس أكتب الأسئلة على برنامج الـ word لأن المنتدى مقفل الحين وناوي أنسخ الأسئلة على النادي لمى يفتح؟؟

طيب وش تعليقك على إن هاذي المرة الثانية اللي أكتب الأسئلة لأن الأسئلة انمسحت قبل شوي وراحت عليك أسئلة حللللللللللللوة نسيتها؟؟

هل جدة غير؟؟

مين الشخص اللي يستحق الإعدام؟؟

هل انت متابع للأخبار والسياسة؟؟

لو قمت يوم ولقيت كل الناس كفرو(لا سمح الله) ماعدا شخص واحد مين تتوقع يكون؟؟

لو جيت تركب شاحن الاب توب وانكسرت الفيشة وش بتسوي؟؟ وهل بتصلحها بنفسك؟؟ولو اللي انكسر الحديدة اليمين بس الموجب هل بتجرب تشبك الحديدة الثانية لحالها على أمل إنها تشتغل؟؟

هل عمرك قلدت صوت امرأة على التلفون عشان تجر واحد؟؟

طيب في مرة واحد سواها فيك وجرك؟؟؟؟هههخخ

هل في حياتك حاولت تنتحر واذا كان الجواب نعم وش السبب؟؟

وش السؤال اللي ودك تحذفه من أسئلتي؟؟

هل لو كان في أيقونة اسمها (تبا لك) موجودة جمب أيقونة (شكرا لك) تحت كنت رح تضغطها الحين لي؟؟

لو قلت لك هذا الجزء الأول من أسئلتي وباقي 9 أجزاء وش بتكون ردة فعلك؟؟؟

بسمه نبدأ ..

اقتباس:

---

المشاركة الأصلية كتبت بواسطة open window

ماذا يعني لك النقاش والحوار ؟ ما أعرف عنه شئ :d..
ما هو السؤال الذي لا تحب ان يسألك به احد ؟ ليش ما تبي تجي للتجماعات :p..
لو قيل لك اعطي الحياة اسم فماذا سيكون ردك ؟؟؟ الهواء :d..
ماذا يعني لك فجر كل يوم /وصباحه؟ أروح للمدرسه :d..
هل المال اساسي للغايه في حياتك او انه مكمل للحياه؟ أساسي :d..
بصراحة هل أنت من محبي الجلسات الأسرية ؟ نعم :)..
ما هي الفوائد التي خرجت بها من دخولك لعالم المنتديات وماذا أخذت منك ؟ ؟ الفوائد عرفت ناس وصادقتهم وهم من أخير الناس (( مثلك :d)) .. أما ما أخذت مني فكثير :d.. أولها الوقت :d..
هل اجبرتِ نفسك او اجبرتك ظروفك ان تتخلي عن احساسك يومـــاً...؟؟!! لا :d..
هل تطمح بأن يكون لك منتدى خاص بك ؟؟ ودي هالمنتدى يصير لي :p..
يقول سولون :أعظم الا سباب لدفع اساءة المسيئ عنك, أن تنسى اساءته اليك انت وش رايك ...؟؟ نظريه خاطئه بنظري :d..
هل تعتبر ان للأمل في الحياة رصيد لا ينتهي ؟ اممم لا :d..
يقال أن المظهر .. لمعان في الخارج .. وإنهيار في الداخل
هل تؤمن بذلك ؟ وهل صادفت أناس تنطبق عليهم هذه المقولة ؟غير صحيح :d.. لا ما قابلت :d..

---

ننتظر :d..

اقتباس:

---

المشاركة الأصلية كتبت بواسطة أبو الريش

ترقب اعصاري القادم غدا :d

---

ننتظر :d..

بسمه نبدأ ..

اقتباس:

---

المشاركة الأصلية كتبت بواسطة almaster

بسم الله الرحمن الرحيم

أولا:
كم نسبتك السنة اللي راحت؟؟ وهل انت علمي ولا أدبي؟؟ 95 وشوي :d..

عطيني رأيك بهاذي المواد:

حاسب: حلوه بس المدرس خربها ..

وطنية: سخييييييييفهـ ..

جولوجيا: ما درسته ..

بدنية: أكرهـ حصه ..

تقدر تعدد لنا أيام الأسبوع بالإنجليزي؟؟ ما اعرفها ..

هل تعرف مكونات الكمبيوتر ولا بس تشتغل عليه وانت ما تدري من ايش يتركب؟؟؟ مو خبير فيه بس أعرف أشياء سطحيه :d..

لمى تتخرج انشالله وين وإيش رح تدرس؟؟؟ طب إن شاء الله أو بترول ..

كيف تقييمك لسواقتك؟؟ وهل تعرف تسوق عادي ؟؟ 10 من 10 .. أعرف عادي بطريق فاضي مو زحمه :d..

هل تملك رخصة؟؟ طيب بالواسطة ولا اختبار؟؟ لا أمتلك ..

وش رايك برجال الهيئة؟؟؟ ولو طلبو منك نصائح وش النصائح اللي بتعطيهم اياها؟؟؟ رجال والله .. يطلعون البزارين الي حاطينهم بالهئيه ويجيبون ناس أكبر وأفهم منهم :d..

هل انت مؤيد لسواقة الحريم؟؟؟؟ واذا لا وش السبب؟؟ لا ما أبي الحريم يسوقن .. الرياض زحمه بدونهن كيف معاهن :d..

وش تعليقك على إن السعودية البلد الوحيد اللي ممنوع فيه سواقة الحريم؟؟؟ صحيح .. ولنا الفخر ..

لو صارت المدارس مختلطة بالسعودية وش تتوقع بيصير؟؟ وهل اللحوج بيصير يترتبو شوي ؟ والزحيفة بيصيرو دوافير ؟؟ الزحيف راح يأخذون الأوال وينافسون الأمريكن واليابان :p..

وش رايك بجامعة الملك عبدالله اللي بجدة ؟؟؟ ليتهم يشيلونها :d..

لو انت وراك مشوار ضروري ورايح تلبس بسرعه وطلع لك عنكبوت جوة الثوب وش بتسوي؟؟؟ أول شئ بصرخ :p.. بعدين بروح ارجم الثوب وبأخذ ثوب غيرهـ ..

هل تلبس الجنز؟؟ واذا لأ طيب وش رايك باللي يلبسه؟؟ لا .. كل واحد حر بنفسه والجنز شئ عادي :d..

باعتقادك عام كم رح تنحل القضية الفلسطينية وعلى يد مين؟؟ الله أعلم .. إن شاء الله على يدي :)..

وش رايك بخواطر الأخير وبالمقدم أحمد الشقيري؟؟ ما أعرفها ..

لو الأكورد كان لها مسمى ثاني وش تتوقع يكون؟؟ الملكهـ :d..

وش الجنسية اللي تتمنى تمتلكها؟؟؟ ولا جنسيه :d..

لو سجنوك لا سمح الله بالسجن مين تتمنى يكون معاك من الذكور ؟؟طيب ومن الإناث ؟؟(طبعا الجواب للشخص اللي تحبه مو اللي تكرهه) الذكور أبوي والإناث أمي :d..

لو جا يوم وأبوك طردك من البيت وش تتوقع السبب؟؟؟ سوء تفاهم :d..

هل تفضل أمك على أبوك أو العكس؟؟ ... سؤال ماله داعي :d ...

لو عرفت ان من مصادر الدخل للسعودية بعد النفط يجي على طول الجوازات وش يكون تعليقك؟؟ ما فهمت :confused:

لو عرضو عليك سيارة أودي r8 بتختارها عادي ولا أوتو؟؟ أوتو :d..

هل مرة حصلت مضاربة بينك وبين شخص عشان الفلوس (من الأهل أو من خارج الأسرة) لا ..

لمى رد المراقب عاشق هوندا أكورد وقال



هل تعتقد إن المشرف محمد بن عبدالعزيز هو اللي قاله يكتب الرد هذا؟؟؟ ياليت توضح أكثر :d

وش القسم المفضل عندك بالمنتدى؟؟ مكرر .. المشاركات الجديده :d..

وش القسم اللي تتمنى تكون المشرف عليه؟؟ اكون مشرف عام :d..

وش رايك بـ (إبان الطباع) ؟؟؟ ما يحتاج أتكلم .. يكفي المنتدى الي سواهـ :d..

ولو دخل على الموضوع وشاف إنك تبغى تصير مشرف تعتقد بيعطيك وجه ولا ما كنه شاف شي؟؟ ما كأنه شافه :d..

طيب لو قالك رح نفتح قسم جديد يختص باللي انت تبغاه وبتكون المشرف عليه وش الاختصاص اللي بتختاره؟؟ مشرف عام :d..

وش الشعب اللي انت معجب فيه؟؟ ksa ..

وش تحب أكثر الكاتشب ولا الميونيز؟؟ الكاتشب :d..

كم مرة تاكل كبسة بالشهر؟؟؟ طيب طفشت منها ولا باقي؟؟ قليل .. باقي :d..

هل أكلت الطعام الإطالي ؟؟؟ طيب هل جربت (الفوتوشيني)؟؟؟ كلهن لا :d..

بمناسبة الأكل وش الوجبة المفضلة عندك؟؟ طيب والمشروب؟؟ مكرر 3 مرات .. بيتزا .. حمضيات :d..

لمى تدخل مطعم هارديز وش الوجبة اللي تطلبها؟؟ ولا مرهـ دخلته :d..

هل تعلم أنا مالك مطعم (كودو) من الجنسية الفلسطينية؟؟ وهل تعلم ان مالك مطعم البيك كذالك فلسطيني :p..

وش السبب اللي يخليك تتهاوش؟؟ وهل ممكن في لحظة غضب تقتل العدو؟؟؟ القهر .. لا :d..

في مقولة طلعوها شباب المنتدى واللي هي:

أبل ماكنتوش + سوني أركسون= أكورد

ويندوز+ نوكيا = كامري

وش رايك في هالمقولة وكم نسبة ايمانك فيها؟؟ ما أعجبتني لآن النوكيا أحسن من السوني .. 50% :d..

في واحد أعرفه عايش بأمريكا دخل دورة (ببلاش) عن عمليات الانقاذ وكيفية التعامل معها وجلس يشرح لي إنهم علموهم جميع أنواع الإنقاذ من سباحة أو في بر أو .....الخ وأخذ شهادة باتقانها وجا هنا على السعودية وسأل عن الموضوع على أساس التبرع فما لقى أي تشجيع ولا حتى عرف يروح وين ولا يسأل مين؟؟
وش تعليقك على القصة الحلوة هاذي؟؟ أبتسم أنت في السعوديه :d..


هل في حياتك سويت خدمة لوطنك؟؟ مرهـ وحدهـ :d..

من هو قدوة العتبان؟؟ مدري عنهم :d..

طيب مين مؤسسهم؟؟ الله أعلم :d..

وهل تعرف وش معناة اسم قبيلتك وليش سموها بهالإسم؟؟ لا ما أعرف شئ عنها :d..

لو صار في حرب قبايل مين أول قبيلتين بالسعودية رح يتقاتلو؟؟ وهل تعتقد الدولة رح تسيطر على الوضع؟؟ المسأله صارت قبايل :d .. أتوقع أول قبيله القحاطين بعدهم العتبان .. راح تسيطر عليهم :d..

لو عرفت انك عقيم (لا سمح الله) وش بتسوي؟؟ وهل بتتغير نظرتك للزواج؟؟ ووش العمر اللي ممكن تتزوج فيه؟؟ ولو جيت بتتزوج بتعلمهم انك عقيم؟؟؟ اعووذ بالله .. فأل الله ولا فالك :d..

وش رايك بالجراند شروكي؟؟ حلوو :d..

اذا سألت واحد وش تشجع ورد عليك:

نصراوي وش بتقوله ؟؟ سلمني أن أخذتوا البطوله :d..

(هلالي ) بترد عليه وتقوله على الخيل يا شقرا؟؟ أو عندك عبارة ثانية؟؟ :cool:

لو تقابلت مع شخص لأول مرة من ايش تاخذ انطباع عليه ؟؟ وهل جزمته (الله يكرمك) أحد هاذي الأشياء؟؟ من طريقهـ كلامهـ :d.. لا :d..


ما هو فلمك المفضل؟؟ همتارو :p..

حتى لو ماتسمع أغاني أكيد تعرف أسماء مغنيين وحتى ممكن أشكالهم طيب مين المغني اللي ودك تقوله يرحم أبوك اعتزل الفن؟؟ وبالنسبة للمغنيات مين؟؟ ما أعرف أحد :d..

هل طفشت من كثر ما يقفل المنتدى؟؟طيب وش تعتقد السبب ؟؟ والله طفشت وبقووهـ :mad:.. مدري عن السبب :d..

طيب اذا ماطفشت وش تعليقك على إني جالس أكتب الأسئلة على برنامج الـ word لأن المنتدى مقفل الحين وناوي أنسخ الأسئلة على النادي لمى يفتح؟؟ :p

طيب وش تعليقك على إن هاذي المرة الثانية اللي أكتب الأسئلة لأن الأسئلة انمسحت قبل شوي وراحت عليك أسئلة حللللللللللللوة نسيتها؟؟ هههههههه الحمد لله :d.. نفس دريشه مفتوحهـ يكتب وراحت الأسئله :p..

هل جدة غير؟؟ حر + رطوبه = زحمه :d..

مين الشخص اللي يستحق الإعدام؟؟ بوش :d..

هل انت متابع للأخبار والسياسة؟؟ لا :)..

لو قمت يوم ولقيت كل الناس كفرو(لا سمح الله) ماعدا شخص واحد مين تتوقع يكون؟؟ أنا :d..

لو جيت تركب شاحن الاب توب وانكسرت الفيشة وش بتسوي؟؟ وهل بتصلحها بنفسك؟؟ولو اللي انكسر الحديدة اليمين بس الموجب هل بتجرب تشبك الحديدة الثانية لحالها على أمل إنها تشتغل؟؟ إذا أنكسر راح اوديهـ للمحل على طووووووول :d..

هل عمرك قلدت صوت امرأة على التلفون عشان تجر واحد؟؟ لا ..

طيب في مرة واحد سواها فيك وجرك؟؟؟؟هههخخ كثير بس ما يجروني ..

هل في حياتك حاولت تنتحر واذا كان الجواب نعم وش السبب؟؟ لا ..

وش السؤال اللي ودك تحذفه من أسئلتي؟؟ كلهن حلوات :d..

هل لو كان في أيقونة اسمها (تبا لك) موجودة جمب أيقونة (شكرا لك) تحت كنت رح تضغطها الحين لي؟؟ لا

لو قلت لك هذا الجزء الأول من أسئلتي وباقي 9 أجزاء وش بتكون ردة فعلك؟؟؟ شئ جميل وأنتظرها بفارغ الصبر :d

---

ننتظر :d..

اقتباس:

---

وانا كمان ودي ارشح محمد بن عبد العزيز ... بس فيها مشكلتين

الاولى : انه الى الان شغال على تقرير تجمع الرياض ... وماودنا نشغله بعد ... بعدين يخلينا نردد :d
ثانيا: مشرفنا هو كنج المخارج كلها هههههههههههههه

فالترشيح الى اليارس :cool:

---

الرد هذا كتبه عاشق هوندا أكورد (ارجع للصفحات اللي وره وشوفه)

هل تعتقد المشرف محمد بن عبدالعزيز هو اللي قاله يكتبه عشان ما يدخل بكرسي الاعتراف؟؟