الموضوع: كرســـــــــــــ ... الاعتراف ...ــــــــــــــي

وش فيكم نايمين خلاص دام تبون عمر خلاص عمر موافق :p
بكره بنزل لك قائمة اسئلة من اللي يحبها قلبك :d


برب

أأوووف اثاري الكرسي له رهبـه ما كنت متوقعها !!

بطني قام يعورني ! كأن عندي اختبار بكره .. :(

الله يعين ويستر من اسألتك بسسسس

^^^^^^^^^^^^^^^^^^^^^^^^^^^^^


:p:p:p:p:p:p:p:p:p

السلام عليكم ورحمه الله وبركاته


ـــــــــــــــــــــــــــــ
اولا نرحب بك اخي عمر ونتمنى لك قضاء وقت ممتع على الكرسي

وهذي اسئلة بسيطة نبدأها معاك وان شاء الله تكون خفيفة على البك
ايضا نتمنى نشوف تفاعل من الاعضاء

بسم الله نبدأ.....


بالبداية عرفنا عن نفسك؟

هل انت (طالب او موظف) واذكر مكان وطبيعة ( دراستك او عملك) ؟؟

ما هو لونك المفضل ؟

ما هي هوايتك المفضلة اللي تمارسها بشكل يومي في حياتك؟

من هو قدوتك في الحياة ؟

من هو أعز شخص عندك؟

حلمين فقط - تحقق احدهما - وبانتظار الاخر - ما هما ؟

ماذا يختلف به عمر في عالم النت عن عمر في الواقع ؟

معك خمس ورود لمن تهديهم ؟<<ممكن من الاعضاء وممكن غيرهم ;)

من تشجع .. محليا .... اوربيا ... عالميا ؟

افضل لاعب محليا .... اوربيا ... عالميا ؟

ماهي مواصفات جهازك الكميوتر ؟

القسم المفضل بالمنتدى ؟

اي نوع من السيارات تحب ؟

ليش اخترت الهوندا ؟

مين الصديق بنظرك ؟

توقعاتك لعام 2009 ؟

لو عزمك احد وجابلك اكل ما عجبك او ما تدري وش هو وملزم عليك تاكل وش تسوي؟<<صارت معه:d

ماهو الموقف(محرج او طريف) الذي لن تنساه ابدا؟<<اهم سؤال واذا ماجاوبت اعتبر انك ماجاوبت على الاسئلة <انواع التحجير :p


ويمكن لي عودة بجزء ثاني ....

Good luck

الله يعينك ياعمر اذا هذي الاسئله وبس من الملك اكورد :d

لي رجعه ;)

بسم الله نبدأ.....


بالبداية عرفنا عن نفسك؟

عمر المطيري 23 سنه انسان غامض شوي واحب الفكاهه والبساطه وانجذب لها
من الصعب استغفالي والفكره الي براسي واقتنع فيها اسويها يعني اسويها :p

هل انت (طالب او موظف) واذكر مكان وطبيعة ( دراستك او عملك) ؟؟

موظف بشركة ارامكو وتحديداً بالشرقيه , طبيعة عملي سريّه للأسف ما اقدر اصرّح فيها

ما هو لونك المفضل ؟

هو مو لون واحد فقط يعني تقدر تقول الابيض والاسود وما بينهم احبها :o

ما هي هوايتك المفضلة اللي تمارسها بشكل يومي في حياتك؟

هواياتي متعدده وما فيه شي مُحدد .. نت .. كتابه .. سيارات .. الخ

من هو قدوتك في الحياة ؟

خال لي واعتبره قدوتي لأنه كون نفسه من الصفر وصار إنسان ذو شأن كبير

من هو أعز شخص عندك؟

والله احراااج :o ناس كثير اعزها ولكن اقدر اقول صاحبي خالد يتربع على القمّه

حلمين فقط - تحقق احدهما - وبانتظار الاخر - ما هما ؟

الأول تحقق وهو الوظيفه .. والثاني بإنتظاره ( الزواج ) - بإذن الله -

ماذا يختلف به عمر في عالم النت عن عمر في الواقع ؟

أكيد خلف الكتابات يوجد شخص مختلف تماماً , ببساطه الانترنت لا يعكس إلا جزء بسيط
من شخصيه الإنسان .. المفروض ما يعتبر مقياس ولكن اقدر اقول إني إجتماعي واتقيد بعادات
تعود لنظرتي الخاصه .. اقدّر الشخص ذو المبدأ الصحيح المبني على طيب التربيه والرقيّ بالتعامل
( واقطع يدي من عند الركبه اذا احد فهم شي ) << امزح هههههههه :d

معك خمس ورود لمن تهديهم ؟<<ممكن من الاعضاء وممكن غيرهم ;)

والله ما اقدر احدد لكن اخليها لكل شخص يعزني واعزه بالمنتدى .. < تقاسموها خخخخ :o

من تشجع .. محليا .... اوربيا ... عالميا ؟

هلالي بالفطره .. واحب الارسنال .. وايطاليا تطربني

افضل لاعب محليا .... اوربيا ... عالميا ؟

ياسر القحطاني قمّه .. تيري هنري عجيب .. كواريزما اعشق تسديداته

ماهي مواصفات جهازك الكميوتر ؟

acer Aspire 5570Z with windows vista

القسم المفضل بالمنتدى ؟

قسم الإلكترونيات , بالرغم إني اتمنى وجود قسم تحت مسمى ( DiY )
اختصارات لـ Do It Yourself بالعربي سوها بنفسك يكون محتوى المواضيع
طرق واساليب لأشياء تسويها بنفسك بدون تدخل اي ورشه او شركه او يد آخرى ..
وهذا منتشر بأغلب المنتديات المتخصصه بهوندا وانواع السيارات ..

اي نوع من السيارات تحب ؟

بدون ما أحد يضحك اعشق الـ mini cooper s :o

ليش اخترت الهوندا ؟

أفضل سياره من نواحي كثيره ..
اقتصاديه .. تتحمل الكرف .. تمسك سعرها مقارنةً بأنواع ثانيه .. قابله للتعديل الرياضيه وغير الرياضي
شكل فيه إنفراديه نوعاً ما عن الطقه الي بالشوارع .. < ما يقصد الكامري ابد خخخخخ
اسباب كثيره ما تحضرني الحقيقه ..

مين الصديق بنظرك ؟

الصديق من صدقك وصادقك في جميع احوالك السيئه والجيده .. واكره ما اكره صديق المصلحه

توقعاتك لعام 2009 ؟

تصدق اول ما طرى في بالي هو إن يتغير شي بفلسطين ويصير للعرب كلمه .. قولو آمين

لو عزمك احد وجابلك اكل ما عجبك او ما تدري وش هو وملزم عليك تاكل وش تسوي؟<<صارت معه:d

بأذوقه اذا ما اعجبني بعطيه زبده على كيفك إلا في حاله وحده اذا هو الي طابخه
اتوقع اني بأكل غصب .. وش اسوي لازم اراعي شعوره :d

ماهو الموقف(محرج او طريف) الذي لن تنساه ابدا؟<<اهم سؤال واذا ماجاوبت اعتبر انك ماجاوبت على الاسئلة <انواع التحجير :p

كنت راجع انا وخالد من الشرقيه طبعاً انا كنت قدامه بمسافه لا تقل عن 15 كيلو
وكان هذا اكبر غلط لاني كنت معتمد على الجوال لو حصل -لا قدر الله شي -
الزبده اول ما دخلت شوارع الرياض واتصل فيه إلا جواله مقفل !! هنا عاد تعال دورني
انحست حوسه عجييبه .. وش اسوي يا ربي ؟ ارجع ادوره وإلا انتظر !!
انتظرت 20 دقيقه وكأنها 20 ساعه :( وطول هالوقت وانا اتصل عليه !! جواله مقفل مقفل مقفل
رحت ورجعت كأني متجه للشرقيه مع طريقنا .. وعيني على الخط الثاني متوقع انه متعطل والا فيه شي
وامشي الى ان وصلت للتفتيش مره ثانيه واخذ U turn من عندهم وارجع وانا دااعس طبلون السياره
ما فيه شي !! يا ربي وينه ؟؟
اتصل اتصل !! مرت ساعه كامله بدون اي جواب !!
بالنهايه وفجأه .. طووووووووووووووووط طوووووووووووووووووط .. ما تتصور فرحتي شلون !
الو خالد وينك ؟
قال : بالبيت شفيك ؟؟
قلت : ياخي اتصلت وجوالك مقفل فيك شي ؟
قال وبكل برود : بطاريتي فاضيه ومريت لي مطعم اكلت فيه وتوي راجع للبيت شحنت جوالي ؟!
توقعتك ببيتكم ياخي !!
قلت : ******* ****** ***** *** الشرهه على الي قلقان عشانك

ما يستفاد : اذا تخاويت مع احد بسفر خل عينك عليه .. :d

جااايك جااايك
انا احب المشرفين لما يصيرون على الكرسي :d
معاي انا .. الكرسي يصير خازوق ;)
بس صبرا صبرا يا فتى .. اذا مو اليوم بكره :d

يازينك والله ياعمر

اجابات نموذجيه ..

جاييينك جاييينك ;)

بسم الله و على بركة الله نبتدي جلستنا لهذا اليوم
عمر كيف الحال ؟

اول شي ... عندك هوندا صح ؟ :d .. شنو نوعها ؟ اي موديل ؟ اي لون ..؟ .. لوحة مميزه ؟

الصوره اللي حاطها عند اسمك .. الكرتون .. ليش حاطها ؟ ترمز لشيء معين ؟

تحب اكله معينه ؟ شنو هي ؟ شنو تحب تشرب معاها ؟

من خلال ملاحظتي .. الناس بالاكل نوعين .. نوع ياكل بدون لا يشرب شي و لما يخلص خلاص يبتدي يشرب .. و ناس تشرب اثناء الاكل .. انت اي نوع منهم ؟

تأكل وجبات سريعه ؟ وين تاكل بأي مطعم ؟

تشوف افلام اجنبيه ؟ مسلسلات ؟

تدري انه بريزون بريك خلاص خلص و باقي اخر اربع حلقات راح يحطونهم بشهر ابريل و بعدين خلااااااص مافي شي اسمه بريزون بريك ؟

عندك هوايه معينه ؟ كم ساعه تمارسها بالاسبوع ؟
شنو نوع تلفونك ..؟ .. نوكيا و لا سوني اريكسون و لا غيره ؟
كيف تعرفت على المنتدى ؟
من خلال ردودك عرفت انك زرت الكويت ... كيف شفت الكويت ؟
رحت على البحر ؟
متى زرت الكويت و ليش ما قلت لي ؟

سافرت لدول كثير ؟ عددها لنا
هل نظامك طول الوقت ( جدي ) و رسمي ولا نظامك ضحوك مثلي .. نص اهبل تقريبا :d ؟
بما انك زرت الكويت و شفت قيادة المرأه للسياره ... تايدها و لا ضدها ؟
تفضل كيت كات و لا جالكسي ؟ <<< طرت على باله الدعايه اللي تقول ( عندما تعشق الشوكولاته )
حصل لك موقف حسيت فيه بالاحراج الشديد ؟ اذكره لنا ( ما في احد ما حاشه موقف محرج :o )
تصدق لسبب ما مالي خلق اكتب اسأله زياده بعد .. العاده اخلي العضو يبكي معي .. بس انت ما ادري ليش ما حطيت لك كثير
مصارحه لك و قدام الكل :
ما عرفتك و قمت اركز على نك نيمك الا بعد ما حطوك مشرف ... ما كنت ادري اصلا انك عضو :d
( تقرقع هالكلمتين بداخلي و اخيرا قلتهم لك :d .. اهم شي لا تزعل )

بسم الله و على بركة الله نبتدي جلستنا لهذا اليوم
عمر كيف الحال ؟

بخير يا مال الخير ..

اول شي ... عندك هوندا صح ؟ :d .. شنو نوعها ؟ اي موديل ؟ اي لون ..؟ .. لوحة مميزه ؟

اكورد فل كامل جلد اللون ابيض .. موديل 2008 واللوحه .. ا ى هـ 3332

الصوره اللي حاطها عند اسمك .. الكرتون .. ليش حاطها ؟ ترمز لشيء معين ؟

هذي مجموعة صور لنفس الشخصيات .. حملتها من موقع ناسي والله وشو ..
لكن احبها .. كأني انا وبعض اصحابي النفسيـآت .. :d

تحب اكله معينه ؟ شنو هي ؟ شنو تحب تشرب معاها ؟

أموت بالبيتزا بكل انواعها واحب اشرب معها سبرايت ..

من خلال ملاحظتي .. الناس بالاكل نوعين .. نوع ياكل بدون لا يشرب شي و لما يخلص خلاص يبتدي يشرب .. و ناس تشرب اثناء الاكل .. انت اي نوع منهم ؟

اشرب اثناء الأكل .. احس كذا تنفتح شهيتي أكثر

تأكل وجبات سريعه ؟ وين تاكل بأي مطعم ؟

يآ كثر اسألتك عن الأكل ؟؟ شكلك جوعان ههههههه :d
الوجبات السريعه أكلها لكن مُجبر عليها بحكم إني عزوبي .. وما فيه مطعم محدد أهم شي نظيف وأكون اسأل عنه قبل!

تشوف افلام اجنبيه ؟ مسلسلات ؟

احب افلام ( الاكشن - كوميديا ) .. المسلسلات العربيه .. سيفون ملكي طبعاً
لكن فيه بعض المسلسلات الاجنبيه احبها مثل ..Scrubs و Lostلكن ما كملته .. يعني زي كذا

تدري انه بريزون بريك خلاص خلص و باقي اخر اربع حلقات راح يحطونهم بشهر ابريل و بعدين خلااااااص مافي شي اسمه بريزون بريك ؟

أكره ما أكره هالبريزون بريك .. للأسف :(

عندك هوايه معينه ؟ كم ساعه تمارسها بالاسبوع ؟

هواياتي متعدده وما فيه شي مُحدد .. نت .. كتابه .. سيارات .. الخ

شنو نوع تلفونك ..؟ .. نوكيا و لا سوني اريكسون و لا غيره ؟

nokia E66 عملي وشكله روعه .. :o

كيف تعرفت على المنتدى ؟

الله يخلي الشيخ قوقل .. :p

من خلال ردودك عرفت انك زرت الكويت ... كيف شفت الكويت ؟
رحت على البحر ؟

نعم زرت الكويت مرتين الأولى اثناء عملي بالسفانيه وكانت قريبه من الكويت
رحت فيها للبحر والمارينا والمهلب .. يعني جوله شبابيه .. وزرت واحد من الاقارب
الزياره الثاني عشان تركيب الشاشه وما طولت مجرد يوم واحد ولا كملته بعد!
كيف شفت الكويت؟ ابداً كأني بالسعوديه والحياه عندكم للشباب روعه ولها طعم ثاني بالرغم من صغر الديره
إلا إنك تحس بإحساس غريب .. كل شي فيها إتيكيت وله رونق خاص .. واهلها فيهم وطنيه لها عجيبه
ما الومهم الصراحه .. :o
متى زرت الكويت و ليش ما قلت لي ؟
الاولى قبل سنه ونص والثانيه قبل شهر او اقل ..
والله تمنيت إني على تواصل معك واتشرف بلقائك لكن ابشر إذا كان كذا أقرب طلعه نشوفك فيها - إن شاء الله -
<< نشبه خخخخخخخخ احس انك ندمت على سؤالك :d

سافرت لدول كثير ؟ عددها لنا

الكويت والبحرين وقطر .. وبحكم إرتباطاتي بالعمل والاهل .. وإلا ودي اسافر اكثر

هل نظامك طول الوقت ( جدي ) و رسمي ولا نظامك ضحوك مثلي .. نص اهبل تقريبا :d ؟

بأوقات الجد جدي ولا يمنع إنك تلطف الجو بالمزح والضحك
وبأوقات الضحك والميانه .. أهبل مع مرتبة الشرف :d

بما انك زرت الكويت و شفت قيادة المرأه للسياره ... تايدها و لا ضدها ؟

ودي اقول أأيدها لكن إذا انا ما ارضاها لنفسي شلون أرضاها على غيري ..
وبيني وبينك فيه اوقات أأيد واوقات أعارض .. هالنقاش ترى حساس .. ولا اقدر افصل لك بجواب واحد ..
نخصص لها موضوع بالمنتدى ويكون جدي وإيجابي .. كذا افضل

تفضل كيت كات و لا جالكسي ؟ <<< طرت على باله الدعايه اللي تقول ( عندما تعشق الشوكولاته )

كيت كات وبلا منازع !! احس الجالكسي مثل تويوتا .. :d

حصل لك موقف حسيت فيه بالاحراج الشديد ؟ اذكره لنا ( ما في احد ما حاشه موقف محرج :o )

واحد كبير بالسن بيني وبينه معزّه وتقدير واحترام كبير جداً .. عزمني مره على فطور برمضان ..
وقال ترى بعزم اقاربي وانت الضيف الرسمي يعني .. لااااااااااااااازم تجي ..
انا قلت طيب .. عموماً جاء من بكره واول ما قمت من النوم ويشب عليّ ألم ضروسي ولاهو واحد بالعكس .. اثنين جنب بعض !
ما فيه أمل اتحمل الألم .. صراحه لا يوصف ولا يطاق .. ما فيه حل إلا المستشفى وكان الوقت قريب للأذان
اتصلت اعتذر لكن بعد ايش ؟؟ الناس تنتظرني فـ كانت من أحرج المكالمات الي مرت بحياتي !!
اتكلم وانا متألم ومالي وجه بعد خخخخخخخ صدق من قال هم العرس ولا وجع الضرس .. :(

تصدق لسبب ما مالي خلق اكتب اسأله زياده بعد .. العاده اخلي العضو يبكي معي .. بس انت ما ادري ليش ما حطيت لك كثير
مصارحه لك و قدام الكل :
ما عرفتك و قمت اركز على نك نيمك الا بعد ما حطوك مشرف ... ما كنت ادري اصلا انك عضو :d
( تقرقع هالكلمتين بداخلي و اخيرا قلتهم لك :d .. اهم شي لا تزعل )

اقول شخبآرك ؟؟ :d

عطنا اسمك الثلاثي ؟؟ <<< تراي مشبه :d

شرآيك ارسله لك خاص .. حقناً للدماء :d

وين ساكن ؟ واسم الحي ؟

مالي مكان محدد متوظف بالشرقيه والاهل بالرياض ..

هل انت مواظب على الصلاة بالمسجد ؟

ولله الحمد ، لكن هذا ما يمنع إننا كلنا مقصرين .. وجلّ من لا يسهو

هل انت مدخن ؟ تروح مقاهي ؟

اروح للمقاهي مع الشباب احياناً لكن ما أدخن ولله الحمد

ماهي قنواتك التلفزيونيه المفضلة؟

باقات mbc ..
art 7
فنون
ديسكفري
فوكس موفيز

ماهو برنامجك اليومي ؟

ما فهمت سؤالك ؟ برنامج تلفزيون ؟ والا برنامج يومي لحياتي !

كم ساعة تقضيهاعلى الانترنت ؟

ما بين 3 - 5 ساعات

قولي رأيك بأربع أعضاء من عندك ؟

ACCORD 08 .. صديق عزيز ومن أجمل ما كسبته من المنتدى :o
ميشوو .. CNN النادي :p
gogo .. اتمنى يعود للمنتدى صراحه :(
kakashi-san .. مثل ما يقولون بالكوره : افضل ما انجبت الملاعب
انا اقول : افضل ما انجبت صفحات الانترنت .. :d

من السبت الى الاربعاء كيف نظامك ؟

ما اتقيد بالويكنت يعني احياناً اجازه واحياناً مداوم , نظامي حوسه بالعربي :(

ليلة الخميس الجمعة وين تروح ؟

اروح اداوم والا نايم .. يعني مالهم طعم إلا مره بالشهر .. اروح فيها الرياض

من هو قدوتك بالحياة ؟

تم الجواب سابقاً

كم طولك ووزنك ؟

الطول بحدود الـ 170 والوزن 60 تقريباً

اكلتك المفضلة ؟

السوشي < هههههههههه امزح :d
لا لا احب اكلات كثيره .. بيتزا .. اكلات بحريه .. كبسه لحم

امنيتك التي تتمناها ان تتحقق بالقريب العاجل ؟

ايضاً تم الجواب سابقاً

موقف طريف لاتنساه ؟

للأسف والله اني اكتب والساعه 3 ونص الفجر , ما يحضرني موقف :(

متى العرس ان شاءالله ؟ :d

يبي له وقت إن شاء الله تتيسر الامور

سؤااال اخير ..

وشرايك فيني ؟ :d

اطلق عضو بالدنيا < عنصريه هههههههههه :p

المشاركة الأصلية كتبت بواسطة O m a r

-
<<نشبه خخخخخخخخ احس انك ندمت على سؤالك :d


اقول شخبآرك ؟؟ :d

افا عليك ... انت بس تعال و لا يهمك
بس اقولك من اللحين .. تعال بعطله .. علشان احللها :d

المشاركة الأصلية كتبت بواسطة كامري مجنونة

عطنا اسمك الثلاثي ؟؟ <<< تراي مشبه :d

وين ساكن ؟ واسم الحي ؟

هل انت مواظب على الصلاة بالمسجد ؟

تحياتي لك : ناصر المطيري

اسـألتك كلها حاطها علشان مشبه عليه .. شكله اللي مشبه عليه يصلي معاك بمسجد الحي :d
و اخر شي حاط اسمك علشان اذا طلع هو اللي مشبه عليه .. يعرف منو انت :d

^^^^

هههههههههههههههههه

انا قلت لك ياعمر الله يعينك :p

1 هل تفضل البدل ولا الثياب ؟( بس من كلامك استنتجت شكلك (انت تحب البدل صح ))

افضل الثياب لكن بعض الاوقات البس بدل ..:d

2هل تلعب اكس بوكس ولا ps3؟اذا كان الجواب بنعم اذكر الايبي حقك ؟

الفكره براسي لكن الى الآن ما تم شراء الجهاز ..

3تحب تصير متصل باخوياك ولا دون اتصال (وحداني)؟

اصلاً انا وحداني غصبن عني .. لكن هذا ما يمنع إني اكون متصل بكل الي اعرفهم .. واجتماعي بطبعي :o

4 تسلك بعض الاحيان ولا الصراحه مقطعتك ؟

أكيد احياناً تسلك .. التسليك أو المجاملات .. لابد منها ببعض الاوقات .. لكن فيه ناس ما ينفع معها إلا تكون صريح

س/ هل تعرف الادارة من قبل المنتدى(معرفة شخصية) ؟

لا أبداً , لكن اتشرف بذلك :o

س/ لاني اشوفهم حطوك مشرف وانت منت مسجل يدري؟

لكل مجتهدٍ نصيب وانا حبيت المنتدى بالي فيـه .. واعتقد ليست من شيمي أن أرد طلب الإداره بتكليفي ..

س/ في اي حي ساكن في المدينة؟

ما فيه مكان مُحدد .. للأسف

السلام عليكم :d

بصراحه مو رايق حق اسئله .. بس خايف اطول وتروح علي الفرصه ههههههههه

نقول بسم الله :

1- عبر عن نفسك .. مرتاح او يتصنع قلبك الراحه ؟

2- لو جاتك الفرصه لتبديل سيارتك اللي تحبها :d بسياره احلى من الفئه الرافهة .. وبحكم مكانك العملي .. الشركه راح تقدم لك حل مالي كويس .. شنو راح تختار ؟ بالله لاتقول لي اكورد ثانيه كوبيه او سته سلندر هع هع

3- رايك في الهوندا اكورد 2008 .. هل ابدعت الشركه فيها .. ام انها تسرعت وانتجت سياره قد تفتقد الى بعض الضروريات ؟

4- ليش ماقلت لنا كم عمرك ؟ :d

5- كيف المنتدى معاك ؟ وهل تعتبر دخولك المنتدى طابع وروتين يومي ؟

6- هل انت من متابعي الافلام الاجنبيه ؟

7- طيب العربيه المصريه ؟

8- متابع للرياضه ولا لا ؟

9 - اذا نعم .. كيف مباراة المنتخب مع عمان في رأيك ؟

10- بما انك انسان رحال " فشنو رايك في المنطقه الشرقيه .. بحكم انك من الرياض وساكن في الشرقيه :d

11- شنو الاشياء اللي تنفه عن نفسك بها ؟ في يومك العادي مثلا .

12- من مؤيدي السرعه او لا ؟

13- طيب طيب .. تقول تعبت من السفر .. وضح هذه النقطه :d يعني ليش ماتستقر ؟

14- انت من محبي الميني كوبر .. ممكن تشرح لي ليش :d .. مع اني من محبينها ايضا

15- في رايك ليش الميني كوبر مو ماشي سوقها في الشرقيه ؟

16- ليش اشتريت هوندا اكورد ؟ ولماذا وكيف ولعل ؟ :o

17- عاجبك الجو في الشرقيه او لا ؟

18 - تروح البحرين او لا :d .. ( للسياحه قصدي لحد يفهم غلط !!)

19- طبعا انت زرت الكويت اكثر من مره .. وش عجبك ووش كرهت فيها ؟ السموحه عقيل هع

20 - لو استلمت مركز مهم في ادارة شركه ارامكو .. فشنو الاشياء اللي ناوي تصلحها ؟

21- سؤال يحتاج علوم فيزيائيه وعقل .. السموحه ياملك منفوحه ;)
سيارتين .. وحده بي ام دبليو وزنها حدود 2 طن .. والسياره الثانيه .. هوندا اكورد .. وزنها تقريبا 1200 كيلو .
الهوندا واقفه وصاحبها مروق اخر روقان هع هع ..
البي ام جا طااااااااااااااير فوق ال100 كم .. وطرررررراخ دخل في الاكورد من الخلف ..
وش النتيجه راح تصير ؟

22- زعلان الحين ولا راضي عني :d
وسلامتك