الموضوع: كرســـــــــــــ ... الاعتراف ...ــــــــــــــي

الدفعه الأولى من أسألة مطنش >>> اختبار وزاره

س1/ عرف عن نفسك ؟

اخطبوط بنفسجي حبوب طيب على نياته لا بيهش ولا بينش بس اذا كنت صاحي من النوم وخر عني

س2/ وش تحب؟

المفروض تقول وش ماتحب :p

س3/ مجال دراستك وليش اخترتها؟

خلاص خلصنا ليه ترجعنا للماضي ماعاد ينفع الكلام بالماضي
بس اخترت مجال دراستي لسبب وجيه وهو اني كنت مبدع في اهم متطلب لها ;)

س4/ راضي عن نفسك وعملك الي الحين؟

نعم والحمد لله

س5/ من وحي اغنية عيال حارتنا في واحد كان يعز عليك ونقل من الحاره او انتو نقلتو ودك تشوفه وليش واذا لقيته وش تبي تقوله؟

كان فيه بس يوم قابلته بعدها بسنين لقيته طبعا تغير عن أول يعني طلعت السالفه كلها ذكريات وانتهى الموضوع وبعدين كل واحد مسك طريقه :(

س6/ اكلتك المفضله لا تقولي حبر طابعه اتش بي ؟

البروستد >>> ياولد كني سمعت ان البيك بيفتح بالرياض :d:p

س7/ من فقرتين السؤال
أ-- أيهما أصح بنظركـ..
أ- أكتب بما تحس..او..حــس بما تكتب..
ب- تزوج بمن أحببت..أو..أحـب بمن ستتزوج

هذا كرسي الإعتراف ولا إختبار القدرات :d >>> أقول جاوب ولا يكثر بس

أ- أكتب بما تحس تعبر عن الصدق والكلام اللي بيوصل بيكون أصدق
اما اذا كان ماعندك احساس أصلا عشان تكتبه خلاص روح اكتب خرابيط وبعدين حاول تحس فيها :p

ب- الحب يذبل ولا يدوم ومبني على العاطفه غالبا >>> تعرف العاطفه يامطنش
افرض تزوجت بمن احببت >> يعني الزواج مبني على الحب فقط
طيب الحب بيروح بعد كم سنه وش بيبقى غير البزران والرجه وتروح تسوي مثل أبو ريان حب له وحده ثانية وتزوجها

اختياري حب بمن تتزوج >>> هذا اذا كنت ناوي تتزوج اصلا

س8/ من الشخص الي له دور في حياتك ولوله لكنت متصعلك يعني ما عندك الى الدجه؟

الوالد

س9/ اي وقت تفضل في اليوم وش رايك بشاهي والقهوه بعد صلاة المغرب؟

احلى وقت واحاول غالبا انها ماتضيع فترة بين المغرب والعشاء الشاهي والقهوة مع الوالده والاخوان والسواليف والمهاوش مع البزران وهذا ضربني وهذا اخذ عصيري وهذاك مايبي يذاكر

س10/ لو ما اختاروك مشرف من كان تفضل يكون مشرف مكانك؟

باقي لي دوره 45 يوم في اليابان في مصنع هوندا عشان اصير مشرف ومكاني نكد

س11/ راضي عن اسمك ولا ودك تغيره؟

نعم اسمي مميز وليس غريب ومعناه رهيب ومافيه نيه اغيره

س12/ المطر .. بكاء السماء .. ما الأثر الذي يتركه في نفسك عندما يحل ويرتحل ؟

المطر = كشته = طلعة بر = فله = تمصلح مع خويانك راعيين الجيوب :d

س13/ دايد تعدد الزواجة اذا ما تيده ليش واذا ايدته ليش برضو >>>>عني انا ايده هاه وش دخلني ؟

يامطنش ياخي اكتب بما تحس :d
بما ان المنتدى كله تماسيح فانا اؤيده :d >> ولو المنتدى فيه سحالي يكون هناك تفصيل
عن نفسي بأرضى بوحده بس أعيش معها طول عمري >>> تعلمت من تجارب أبوريان
لأني أحبيت من تزوجت وماأقدر أزعل من حبيتها بعد أن تزوجتها ;)
لذلك أنا لا أؤيده لنفسي لكن لا أعارضه لغيري

باقي اسألتك بيلها جلسة خاصة مع الشاهي بعد المغرب

الممـلكة الـعربية السـعوديه

وزارة المواصلات والحفريات

سعادة الأستاذ / الأخطبوط الموقر

السلام عليكم ورحمة الله وبركاته ..

بما أن الشباب ثقلوا عليك بالأسئله والإحراجات فما ودي بصراحه أزعجك بالأسئله الغبيه لكن بمناسبة زيارتكم الميمونه لمدينة الأحساء الجميله ( باريس العرب :p ) فبودنا أن نسألك عدة أسئله طبعا بعد رضاك وتفضلك بالموافقه ..

س1/ ليش تجي الحسا ولا تدق ولاتسلم ؟

س2/ موقف حلو مع تسعاوي ..

س3/ ماهي اجمل المناظر والمعالم التي أعجبتك في الأحساء .. هل هو شارع الرياض الجميل الذي يبدأ من مدينة الرياض وينتهي في سور بيت في مدينة الأحساء .. أم الدوار الي قريب من جبل قاره الي لو تطلب من غوزي حبه على الفحم يعطونك صحن أكبر من الدوار ؟ .. أم وأم من المناظر الخلابه في مدينتنا الحبيبه ..

شاكرين لكم حسن تعاونكم معنا

س14/ صفة تتحلي بها...لا يراها الناس دائما بك..... ما هي؟

فنان كوره بس الناس ماتقدر >>> ايه خلها مستوره بس

س 15/وصفة ليست منك....ولكن هناك من يراها ويصفك بها...ما هي؟

مدري والله الناس وش تفكر فيه >>> بس تراني ماني بملقوف :d

س16/ ماذا تعني لك الكلمات التاليه .
الحب ....الحياة...الدموع...

الحب =الفصفص :d
الحب = وش هي الحياة بدونه >>> لازلت مصر انه بعد الزواج بس يمكن تحب أبوك أمك أخوك صديقك وممكن تحب الحياة نفسها

الحياة = جريدة :p
الحياة = مرحلة انتقالية لما بعدها

الدموع = المطر >>> كنك قلت يامطنش ان المطر هي دموع السماء
الدموع = اذا شفت واحد يدمع فاعرف انه حزن شديد لكن عندي اعرف اني سمعت نكتة قوية فمن شدة الضحك تلقى الدموع تطلع
الزبده انه مثل دفتر أبووجهين :p

س17/ مقلب صار فيك...ولن تنساه؟ ومقلب سويته في غيرك...وغيرك ناوي عليك بسببه؟

مقلب صار فيني ايام الجامعه من زميلي بالسكن
المهم دخل علي ذاك اليوم ومعه تولة عود يقوللي شف العود الأصلي شارية بالمبلغ الفلاني ومدري وش يمدح فيه, المهم قام يطيبنا أبو الشباب أنا واثنين معي واحنا على نياتنا شوي ونكتشف انه اللي معه ماهو طيب شيء ثاني واحنا ماغير طردي وراه مامسكناه الا ثاني يوم اللي صار بعدها مشفر طبعا ;)
الحمد لله انا طلعت سليم الكمية اللي اخذتها كانت قليلة لكن خويي الثاني اخذ كمية وحط بلحيته بعد
الا الان ندور مقلب صح نسويه فيه >>> الايام بيننا يابو رمت :p

س18/ افضل دوله سافرتلها او دلوه ودك تروحلها؟

تركيا

س19/ وش رايك في المنتدى والشباب الي فيه؟

أصلا اللي محليه الشباب اللي فيه
بعدين جامعين الفائدة والمتعه
يعني مثل ماتقول التعلم بالاستمتاع

س20/ امنيه تتمناها ان تصير تغير حياتك او العالم من حوالك وتتمناها من كل قلب؟

ان الله يوفقني ببنت الحلال >>> اهم شيء بعد الدين انها ماتكثر كلام :p

اخيرأً ادع لولديك بلجنه وانهم يرضون عنك

آميـــــــــــــــــــــــــــــــــــــــــــــــ ن رضاهم غاية لي

المشاركة الأصلية كتبت بواسطة accord 06

اول شي هاردلك الهزيمه اليوم
و ان شاء الله تعوضونها بالدوري موب حباً بكم قد ما هو كره لتشلسي :p

بس وش سالفة الشوالي اليوم يستهبل عليك ؟ :d


يقول ميلان اليوم مثل الاخطبوط :d



راجع لك ان شاء الله

والله ياني مقهووووووووور بس يالله هي كلها كورة لاتودي ولا تجيب >>> تصريفة مهزوم

بس الدوري لنا اكيد اكره فريقين عندي تشيلسي وميلان >> ماودي اقول النصر تراهم حبايب :d

والشوالي مدري وش فيه شاب علي

ميلان فريق الاخطبوط >>> لايكون مسجل معنا بالمنتدى :d

ياخي قول مانشستر فريق الاخطبوط :d

المشاركة الأصلية كتبت بواسطة أكورداوي

الممـلكة الـعربية السـعوديه

وزارة المواصلات والحفريات

سعادة الأستاذ / الأخطبوط الموقر

السلام عليكم ورحمة الله وبركاته ..

بما أن الشباب ثقلوا عليك بالأسئله والإحراجات فما ودي بصراحه أزعجك بالأسئله الغبيه لكن بمناسبة زيارتكم الميمونه لمدينة الأحساء الجميله ( باريس العرب :p ) فبودنا أن نسألك عدة أسئله طبعا بعد رضاك وتفضلك بالموافقه ..

شكرا لحسن استقبالكم في مدينة الأحساء والله كان ودي أقعد فيها أكثر لكن الدوام حادني

س1/ ليش تجي الحسا ولا تدق ولاتسلم ؟

والله ياخوي أكورداوي ودي اني أشوفكم وأتسلى معكم بس أدري ان عندكم دراسة وأشغال وماودي أعطلكم وأزعجكم

يكفي الرجه والإزعاج اللي سويته قبل الرحلة بأسبوع

وتراني ماطولت كلها ثلاث أيام يوم منها رحت للدوحة واليومين الثانية يا بالخط أو نوم أو في مداعبات مع التسعاوي

س2/ موقف حلو مع تسعاوي ..

خخخخخخخخخخخخخخخخخخخخخخخ

أول شيء لاحظتة من دخلت الحسا هو هجوم مباغت وقاتل من تسعاوي لطيف :d طبعا اخوك بالله عندي الحزام الأسود في التعامل مع التسعاوي يعني لاتوصي حريص

تلقى التسعاوي يتحرش ويتلزق ويساقط ويقاوم لكن مع شوية مسايسه بيمشي الحال

حالها حال الكامري بالرياض مثلا وانت ماشيء بالدايري ماتدري الا كامري تشطفك من اليسار وكامري تسقط عليك من اليمين شوي تفتح الدرج تلقى كامري بالدرج داق الفليشر

س3/ ماهي اجمل المناظر والمعالم التي أعجبتك في الأحساء .. هل هو شارع الرياض الجميل الذي يبدأ من مدينة الرياض وينتهي في سور بيت في مدينة الأحساء .. أم الدوار الي قريب من جبل قاره الي لو تطلب من غوزي حبه على الفحم يعطونك صحن أكبر من الدوار ؟ .. أم وأم من المناظر الخلابه في مدينتنا الحبيبه ..

والله انا مدري وشهي السالفه بس الحمد لله الـGPS ماقصر والا كان ضعت بالمبرز والهفوف >>> ترا مدري وشهو اللي يفصل بينهم

سويت بالجهاز بحث عن معلم تاريخي قال هناك قلعة صاهود على بعد 2 كيلو قلت ياولد خلني أمر عليها
شفتها وسبحان الله طلعت بنت عم المصمك اللي بالرياض بس وش قصة القلعه وحقت من والله مدري
بعدين جبل قاره والله مدري كيف وصلتله لو تقللي ارجعله ماعرفت داخل بوسط المزارع بس والله براد داخل الجبل شيء عجيب
وفيه بعد عندكم الظاهر مشروع جسر مدري نفق بس سوالي حوسه عشان اروح من جهه الى الجهه الثانية >>> ممكن نبذه عن المشروع أخ أكورداوي

شاكرين لكم حسن تعاونكم معنا

وين الختم لاهنت

روح اختم الخطاب وراحعنا بعد أسبوع

اقترحوا عضو

المشاركة الأصلية كتبت بواسطة أبو عــزوز ..

اقترحوا عضو

لا تبحلق بعيونك
اكيد انت !!

;)

المشاركة الأصلية كتبت بواسطة B Unique

لا تبحلق بعيونك
اكيد انت !!

;)

لا فكنا الله يرحم أبوك .. فيه ناس ..تسألك وماترحمك

المشاركة الأصلية كتبت بواسطة يامطنش

B Unique
لايش ما يكون انت وخصوصن انت من المشرفين:d

من زمان حجرناه باحد زوايا المنتدى .. والله يا سألوه الشباب اسألة يشتعل الرأس منها شيبا
اسئلة بعمري ماقد شفتها ... فاتك نص عمرك ...

ابوعزوز يالله مافيه فكه

الدور عليك فريد خلصنا منه نييييياااااااهاهاهاها >>> تأثير الفطور

خصوصا انك الحين عضو نشبه عفوا قصدي عضو نخبه :d

هاه نقول تم

أنت اقترحت أنت تبدأ

السؤال الأول: هل تريد أن تجلس على الكرسي أم أنني وهقتك يا "يامطنش" :d؟

ابو عزوز .. انت اليوم عريس ووجهك غبر ومو ناقصك الا تكشخ على الكرسي

:d

تعال انسدح ولا يكثر !!

أبو عزوز خائف من الناس الذي ليس عندهم "يمه ارحميني" :p

طيب شباب ليه أنتم على :(
يعني خلصوا كل الاعضاء ..

طيب م م و كان آخر واحد قبل الاختراق .. ولاتنسون أكورداوي مجهز له أسألة ..
خلونا نكمل مع م م و وبعدها .... يعين الله :(

المشاركة الأصلية كتبت بواسطة يامطنش

معاك يبو عزوز وخصوصن ممو حبيب قلبي هو الي بي يجلس على الكرسي وصراحه الاعضاء كلهم يحبونه بس اكيد انت بعده بس ممو مسافر والظاهر ما جاء لا الحين

تعجبني .. ننتظر م م و .. إلى ان يجي من السفر .. الله يوصله سالم ..

ابوعزوز معك عشرة ايام باستلمك بعدها ان شاء الله خلك جاهز ;)