رد مع اقتباس
ماشالله شرح وافي عن طريقة صنع العدني :d
كمل معروفك ونزل طريقة صنع قرص الخميره على النار
كيف تسوي لك براد "عـدنـي" محكوووووووووور ;) (بالصور) اهداء الى اخوي B Unique
السلام عليكم
هلا بالحلوين
طبعاً تعرفون جاء الشتاء وجت معه الكشتات والهبقات ،، وطبعاً زي ماانتوا عارفين لازم الواحد في هالأجواء البارده يدفي عمره سواءً بفروه ولا جكيت ولاّ " حليب عدني " هههههههههه
المهم مانطول عليكم .. قبل فتره شبيت الضو عندنا بالمشب اللي في البيت وصلحنا عدني وشوينا ذره عالنار وفي روايه "حبش" << بلغة أهل الجنوب :d
وقلت ليش ماأصور طريقة تظبيط العدني المحكووووووور لأن كثير من الأخوان ودهم يعرفون كيف الطريقه
في البدايه لابد من تجهيز المكان و احضار جميع المتطلبات وهذي صوره لها /
مثل ماشفتوا في الصوره هذي المقادير :d
عدد 2 حليب "أبوقوس" بالهيل << مايظبط العدني الاّ بحليب ابوقوس ولازم يكون بالهيل
براد للتفوير
سكر (ويفضل يكون خشن)
شاي ليبتون (حبيبات) التلقيمه ماينفع ابدن !
ملقاط لتحريك الجمر
واقيه من النار ، وفي روايه "بيزه"
حبش :d
وهذي صوره للمتطلبات عن قرب /
بعد ذلك نضع ماء في البراد ويفضل مايكون مليان يعني ثلاث أرباع البراد حتى يكفي للحليب والسكر والشاي ونضع البراد على النار
بعد مايغلي على النار ، نطلعه ونضع عدد 2 علبة حليب ابوقوس + شاي حبوب "حبيبات" بحجم كف اليد + 3-4 فناجيل سكر وبالمناسبه (العدني مايصلح له الاّ سكر زياااااااااده)
ثم نضع البراد على النار وننتظر حتى يبدأ في الغليان ،، طبعاً في اثناء ماهو يغلي راح تطلع رغوة الحليب وهذا شيء طبيعي مثل تسذا:
بعد ماتطلع الرغوه خلي الحليب يطبخ على النار لمدة 5 - 10 دقائق والأفضل العدني يطبخ كثير حتى يجي طعمه اوووووووكي
بعد ماينتهي طلع البراد وصب لك كاسه وادخل جو ثاااااااااااااني
ولابأس ببعض المقبلات مع العدني مثلاً "قرص" خميره عالنار :d
هذي الطريقه باختصار للي كانوا يسألون عن العدني حبيت اني افيدهم وافرجهم كيف يصنع العدني << حلوه يصنع صح :d
يالله نشوفكم على خير فمان الله :d
الأنس
ماشالله شرح وافي عن طريقة صنع العدني :d
كمل معروفك ونزل طريقة صنع قرص الخميره على النار
يامال الغناة يالأنس .. انا اشهد انك راعي مزاااج ومخمخه ..
واهم شي لامنك عرمشت الذرة المشوية لاتنسى تاخد معك منقاش تنقش به سنونك طول الليل :d
يعطيك العافية يالغالي
والف شكر على الطريقة اللي ادورها من زمان وماخليت خبصة ماسويتها في بيتنا علشانه
الله يعطيك العافية على هيك معلومات بس كيف طريقة قرص الخميرة شكلها يشهي مع الحليب العدني ,,,,,,,,
ما شاء الله عليك يا الأنس طلعت مب هين :d
ومشكوور على وصف العدني
لكن في الأخير لو انت صابه في كاس جبن احس يطلع طعمه غير عن الكوب الهوندا :o
مشكور يا لأنس على الطريقه
ماشاء الله عليك
ايه هذه الناس إلى فاهمه البر
وعلوم الكشتات
ماقصرت يالغلا
:(
والله ابشر اذا توفرت فرصه ;)المشاركة الأصلية كتبت بواسطة عاشق هوندا اكورد
ماشالله شرح وافي عن طريقة صنع العدني :d
كمل معروفك ونزل طريقة صنع قرص الخميره على النار
يامال العافيه يابعدي :d ياعمي ماتدري وش يقول الشاعر:
فل الحجاج وخل عنك الهواجيس * كلن يموت وحاجته ماقضاها
بخصوص المناقيش هذي لابد منها خاصةً اذا كان الحبش اصفر فيلبق في السنون اما اذا كان ابيض فهذا الحلو مايلصق بالسنون
الله يعافيك
ايه يالله هالحين رح حوس المطبخ حوووووس :d
يعافيك ربي
هذا سلمك الله طحين مخلوط بمويه وملح تضعه على النار او فرن او اي شي بعدين يطلع كلام ثاااااااااني :d
اييييييه وش تعرف انت ؟؟
اووووه ياكاشة الجبنه والله انك صادق ياخي والله لها طعم غييييييييييير :d
مشكور يا لأنس على الطريقه
العفو ياقمر
ماشاء الله عليك
ايه هذه الناس إلى فاهمه البر
وعلوم الكشتات
ماقصرت يالغلا
كفو يالسنافي هذي علوم الرجاجيل
خذ لك فنجال وعلوم رجال ;)
ياهلا بكم اخواني كلكم .
الله يرضى عليك اخيرا عرفت اسويه
يعطيك الف عافية امس سويته وضبط
اووووما حبش خخخخخخخخخخخخخخخ:d:d
والله انك رهييييب ومنسم وكفو وكل شي كويس !!!
يعطيك العافيه وما قصرت ويا زين الحليب بالهيل في البرد <<<< احييييه يذكرني بالكشتات في الديره مع برد النماص وباشوت;)
رحلتي إلى الهند;)India trip
الله يرضى عليك اخيرا عرفت اسويه
يعطيك الف عافية امس سويته وضبط
وعليك ياغالي
بالعافيه والهناء واهم شي استانست مع العدني :d
الله يعافيك يالذيب
اييييييييه ياباشوت الأخضر :d
اثرك طلعت خطير ياولد .. الله يسقي هذيك الأيام ;)
الأنس
طالــع الشيف رمـزي على هالوصــفهـ ،، بعديــن شكل المنتدى راح يقلب
من محبي هوندا إلي نادي حواء للهونــــــدا <<يرحم أمكـ لا عــاد تسمـــي
,
,,
,,,
لو ماظبطت الوصفهـ بشوتكـ << يموووون
التعديل الأخير تم بواسطة accord08 4 ever ; 21-11-2008 الساعة 07:32 PM
يعطيك العافية
بس
نسيت حاجة مهمة
وهي اصلا ممنوعة
اللي هي جوزة الطيب
بس تنباع عند العطار بالدس
الأنس
طالــع الشيف رمـزي على هالوصــفهـ ،، بعديــن شكل المنتدى راح يقلب
من محبي هوندا إلي نادي حواء للهونــــــدا <<
,
,,
,,,
لو ماظبطت الوصفهـ بشوتكـ << يموووون
هههههههههه لالا ان شاء الله ماتشوتني على مسؤوليتي :d
اوووووبزتقدر تهرب لنا ؟؟ ;)
ياشيخ تسلم يمينك للمرة الثانية .. طبعآ للي يقول وش سالفة المرة الأولى لأني شكرته قبل
الهم مافي خربط كثير يالمباشر قول المفيد ..
المفيد : والله رحت طقيت لي شاي و2 حليب ابو قوس بالهيل والباقي موجود بالبيت عاد اسالف مع اليماني في البقالة وابيه يقولي احسن شاي يصلح علشان الشغل العدني . المهم قام يخربط علي يقول يبيلك خلطه للشاي ومادري ايش .. قلت شكلة يبي يستهبل علي ، وقلت له يارجال الأنس مسويه وش حلاته والطعم فله قال مين الأنس قلت له واحد من اخوياي فيه عرق يماني عليه شغلات تعجبك :d
المهم ابيه يفكني بس ، مايسوى علي سألته عاد رحت البيت وطبقنا الطريقة وبصراحة الشغل تمام والطعم فله حتى الأهل في البيت عجبهم ، ويضحكني اخوي يقولي يزعط يماني على غفلة ويقول يارجال اروح اقرب مطعم يماني واخذ منه وانتهينا ، قلتله معليه بس لاتجيني بالبر تفقع راسي سوى لي حليب عدني، المهم واليوم الثاني اجي البيت الا الرجال جايب 4 حليب ابو قوس ويقولي شوف شغلك الحليب طعمه فله سوى لنا . هههههههههههه:d
يعطيك العافيه ياخبيري :d
وقت البرد الواحد مايقدر يتحرك عشان يسوي شي مشكله :d
يقول ابليس لله عز وجل
( وعزتك وجلالك لأغوينهم مادامت أرواحهم في أجسادهم )
ويقول الله تعالى
( وعزتي وجلالي لأغفرن لهم مادامو يستغفرونني )
استغفرك ربي واتوب اليك
شاشات ستيل كول قوقل اندرويد 3g - wifi - full hd للاكورد 2008 - 2012 تفضل بالدخول
زنـــون اللكــــزس 4300k 55w خصم 15% وشحن فيديكس مجانا لفترة محدودة
ههههههههههههههههههههههههههههههه الله يقطع ابليسك ياشيخ :d
بس تدري والله انك اكوس واااااااحد
كيف التجربه معك بس ;)
لاتكون احرقت الحليب والاّ الرغوه نزلت على الفرن ووصخت الدنيا :d
لالا تمام كبدايه ماشاء الله عليك همه ونشاط وحيويه
سلم لي على اخوك وقله اذا يجينا تبوك نسوي له احلى براد عدني :d وصلحووووووووووووه
الله يعافيك :d
ماعليك الواحد يسخّن شوي وتزبط الأمور ;)
ابشرك صار ادمان
اليوم شريت اربع علب وعلبه وديتها معي الدوام ضبطت الحليب للشباب والكل انعجب فيه، جالس اتفنن ههههههههههههه
باقي 3 علب جبتهم للبيت
ابشرك صار ادمان
اليوم شريت اربع علب وعلبه وديتها معي الدوام ضبطت الحليب للشباب والكل انعجب فيه، جالس اتفنن ههههههههههههه
باقي 3 علب جبتهم للبيت
كفووووووووو والله
بس الصدق انك جالس تجرب حليب مظبووووط صح ولا لا :d
أي والله مضبوط ونص
<< الظاهر ماعاد يشتري حليب بوني خلاص
بالعافيه على قلبك
اما بخصوص حليب بوني اشررررررد منه يقولون يجيب صرطان :d
اما صرطان :d حدد مصدرك خخخخخخخخخخخخخخخخخخخخ أشبع تشويه سمعه
تدري عاد بوني اصرف من ابو علم . اللي يجيب المغص ;)
طيب وش رايك اسمع واحد ينصح بالحليب البودره مع الشاي ويقول كليم افضلهم
البودره ماجربتهاما صرطان :d حدد مصدرك خخخخخخخخخخخخخخخخخخخخ أشبع تشويه سمعه
تدري عاد بوني اصرف من ابو علم . اللي يجيب المغص ;)
طيب وش رايك اسمع واحد ينصح بالحليب البودره مع الشاي ويقول كليم افضلهم
لكن صحيح قد تكون نفس الاستعمال سيم سيم :d
بصرحه اعجبتني انا قاعد ادور على طريقه الشاي العدني من زمان تصدق اخذت اللابتوب معاي المطبخ وقاعد اطبق نفس الطريقه حقتك والحمد لله طلع احلى عدني والمطبخ صار حفله بس الموقف الطريف قامت زوجتي وشافتني في المطبخ ومعاي اللابتوب قالت لي ايش منتدى هوندا فتحوا قسم للطبخ
وهي رايحه قالت لي سويلي مكرونه بالباشميل للغدا الله يخليك ما دام انت في المطبخ وطلع طريقتها من النت سلام:o:o
مشكور اخوي
ضوابط المشاركة
مواقع النشر (المفضلة)