.
.

شباب صبايا

انا عندي اقتراح في مشكلة الترقيم والمعاكسات

وكمان الحل هدا ينفع لبعض المطاعم الي يغشو الناس ويجيبو ارداء انواع اللحوم والاشياء هادي

الا وهي التشهير...

1-في ظاهرة المعاكسات والترقيم في المولات:

لو تدخلت الجهات المختصة ربي يخليها ويحميها ولمن يلقو القبض على المتهم القليل الادب

الي يعاكس المفروض مايكتفو ياخدوه لمركز بس

ايش الفايدة يكتب تعهد اسبوع ويرجع زي اول "تي تي تي تي رحتي متل ماجيتي"

لازم يكون هناك عقوبة مادية"يدفع غرامة"+جلد+تشهير

والتشهير يكون في المول الي عاكس او الي رقم وكمان في الصحف والمجلات

عشان الناس تعرف الفلان الفلاني نسونجي كبير وقليل ادب

وفي حكاية الجلد يتجلد في نص المول قدام الله وخلقه عشان يكون عبرة لمن اعتبر

واما البنااااات ااااااه من البنات

هدول الان غلبو الشباب وصارو يغرو الشباب

مني عارف ايش اقول عنهم

بس يستاهلو الجلد و التشهير عشان يكونو عبرة لغيرهم من البنات

ولا انتم ايش رائيكم

وعندي سؤال بسيط

ليش ماعندنا تشهير لمطاعم الي ينصبو في خلق والي يجيبو ارداء انواع اللحوم والاشياء هادي

دايم يكفشو محلات البلدية يجزاهم خير بس في الصحف والمجلات مايشهرو اسم المطعم

بس يكفو باختصار لاسم المطعم زي على سبيل المثال"البيك"

يخلوها بعد الأختصار"ب ك"

وعشان نوقف الأسهتار هدا لابد من ان نطبق الحلول الي قلتها

ولا انتم ايش رائيكم في القضية هادي