.
.
انا بقلكم قصة النصبة الي اكلوني اياها المحل المحترم والمشهور هنا في جده"شركة تكنلوجيا دربي"..
الي كل الس شغالين فيها من الجنسيه العربية المة
لمن لاب توبي ضرب وديتلهم الاب توب وجلس عندهم 3 اسابيع
وقالولي اتصلح ودفعت فيه 450 ريال
والمصيبه ماسوو فيه شي ورجعته لهم وقالولي جيب الشاحن
رجعتلهم الاب توب
واسبوع الماضي يوم الخميس استلمت الاب توب وشغال
واليوم اتفاجئ بلمصيبه الشاحن انضرب
واستغربت وحطيت الشاحن في كل افياش البيت والمشكلة هيه هيه
معمن يشحن خير شر ولمن حطيت المحول في الكهرباء سمعت بصوت طرطعه
بس مع دوشة الاهل وامي تتكلم وستي وخالتي وكلهم اصواتهم مرتفعه ماقدرت اميز
وانا جالس اتائمل في الشاحن لقيت تحت استيكر حق الشاحن الibm استيكر
وجيت غامرت وفكيت الاستيكر لقيت الشاحن مو شاحن لاب توبي الاساسي
شاحن ابوكلب تيواني ابو رفسه
وحاطين الحراميه الاسيكر الاصلي تبع الاب توب حقي
كمان شعار الibm شلته لقيت شعار الشاحن ابورفسه Ac-dol
بلامانه ايش اسوي فيهم
اروح اطالب بحقي يقولولي فينك من اول ومن الكلام هدا
واليوم بان الملعوب
ومن جهتي انصح كل الاعضاء انهم لايتعاملو مع محل تكنلوجيا دربي
حرامية ونصابين ومايخافو ربهم
وانا نفسي ارحلهم الان واقلب عاليها واطيها ويانا ياهمو
وودي اروح اشتكي لهم عند الشرطة واوريهم الشاحن المغشوش
وياريت ياخواني تنقلو الموضوع هدا في كل المواقع والمنتديات عشان الناس تعرف المحل النصاب هدا
وطريقة نصبهم
والي مايعرف المحل..المحل في شارع خالد بن الوليد بجده
والله لايوفقهم النصابين حق الليلة الفضيلة هادي
وحسبي الله ونعم الوكيل فيهم...
وهادي الصور
1-هدا بلصق شركة الIBM وكانه اصلي
http://up1.m5zn.com/images-2008-12-7...cixo0i.jpg-jpg
2-وهدا بعد ماشلت الصق وبان الملعوب
http://up1.m5zn.com/images-2008-12-7...7pfhfw.jpg-jpg
3-هدا شعار الIBM في الوجه
http://up1.m5zn.com/images-2008-12-7...hc2enx.jpg-jpg
4-هدا بعد ماطلعته وبان المستور
http://up1.m5zn.com/images-2008-12-7...8bt6my.jpg-jpg
بالله عليكم مو شي يقهر وينرفز
وكح...بس...خلاص...
مواقع النشر (المفضلة)