أما قبل:
السلام عليكم فكرت وييين احط الموضوع فقلت اكيد الواحد بعد الحادث يستريح ويرتاح وعشان كذ جيت لهذا القسم
====
في مساء الأربعاء 3 محرم 1430 وكما هو المعتاد نجتمع نحن شباب حي النسيم لنسفيد وتسمر ونلعب طايررة ونشوي و... وبينما نحن منطلقون الى دوار الصقر/الطير وهو عند بوابة مستشفى جامعة الملك عبدالعزيز بجدة .. المهم وبعد أخذ الدوار حتى نذهب الى منطقة “فوق النفق” اللي مايعرف يشوق الخريطة تحت …واذا مافهم يسأل أهل جدة ... المهم قدامي باص مايكرو فيه الشباب وسيارتي معاي اثنين وعلى اساس تلحقنا سيارتين أخرى المهم والحمد الله على كل حال معطي فلشر يمين وقدامي الباص عكس الطريق ودخل الجانبي جيت ابا اسوي زيه وأنا في أقصى اليمين ورحت شوية يسار عشان أكبر اللفة وأنا في خطي وبعدين مع لفتي يمين شووفوا ايش اللي صار
طيب ايش اللي صار وممكن تقول وايش اللي ماصار …
طيب نرجع للكروكي وموقع الحادث والتفاصيل وأخيراً مواقف وعبر وفوائد من الحادث … تحت تفصيل المكان والحادث
هذا مخطط عام للمكان
اكبر اللفة كان واحد في الدوار في المسار الاوسط حسبني ابا اروح يسار فحاول يتجاوز من اليمين ودبج … حادث
طبعا حسيت برعب في البداية وخوفي من انقلاب السيارة بس بعدين قاعد افكر قلت نحن خفنا 5 دقايق لكن اهلنا في غزة صواريخ 24 ساعة وعندهم صبر وإيمان وفرح بالشهادةوثانيا الله يعطينا عشان يختبرنا نشكر ولا نكفر ويبتلينا عشان يختبرنا نصبر او نكفر وهذا للمؤمن كله خير فلك الحمد يارب
… طبعا الحمد لله على سلامتي والركاب واللي صار الحادث معاه مافيش حاجة الا كدمة بسيطة لي راحت بعد يومين والحمد لله … بعدين صارت قصص المرور والوكالة وووو أشياء كثيرة اختم هذا الموقف بأننا تنازلنا واتسامحنا ومن عفا وأصلح فأجره على الله … أقدر أحمل الرجال الحادث ولكن راح يأنبني ضميري لأني كنت ابا اعكس ولو شاف اي ضابط الكروريكي راح يحسبني ابا اجنب يمين مو اعكس وربنا يعين ومن الفوائد لازم التامين ولو ضد الغير لأني لا أنا ولا صاحب الكامري"كامري 2003 اتعدمت صح يعني تكلفه بالورش ولا 15 الف" أمنا على سيارتنا ….طبعا سيارتي راح الصدام الخلفي والاسطب والشاص اتعوج على خفيف وهذا اخطر مافي الموضوع ولعلي اكمل لاحقا … والسلام ختام
رد مع اقتباس
مواقع النشر (المفضلة)