الموضوع: شوفوا السيل والمهايط وش يسوي

السلام عليكم : كيفكم شخباركم

في يوم الخميس 29/11/1429هـ

كان فيه واحد جاي من وادي الدواسر

وده يتفرج على السيول في صبخة القصب

اللي تجيك قبل القصب على اليسار وانت جاي من الرياض

.
.
.
.
..
.
.
.
.
.
.
.
.

المهم الرجال وقف سيارته على جال البحيره ونزل يتمشى

مادرى الا الماء وصل موتره
حاول يطلع لكن ما امداه

كفراته صارت تدور في الطين

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x533 وحجمها 301 كيلو بايت .

المهم ترك موتره يمرح يوم جا الصبح ويفزع له راعي حراثه
حاول يسحب الجيب لكن صارتهذي النتيجه

ومن جهة أخرى

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 781x500 وحجمها 329 كيلو بايت .

تلاحظون الزمزميه ؟؟
شكلهم وسعوا الصدر عند الحراثه

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x533 وحجمها 415 كيلو بايت .

مسيكينههالحراثه
راحت فيها

هالحينالحراثه تقول

طلعوووووني وش لقفني اجي فيذا

المهم أشروا لراعي سقس على الخط وجا يبي يسحب الحراثه
وكانت هذي النتيجه

وهذي صورة ثانيه ولاحظ قرب خط الزفلت
وعرفوا ان الموضوع يبي يطول والدليل ترمس المويه!!

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x527 وحجمها 326 كيلو بايت .

قالو مابدهاش لازم نجيب دركتل
لكن شوفووشصار
هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x533 وحجمها 351 كيلو بايت .

من شفت الطاسه اللي حاطها ورى واناغاسل يدي

قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده

المهم قالوالحل الأخير هو الاتصال بالدفاع المدني وقامو وزينواالشاهي بعد ما خلص الشا هي اللي في الزمزميه

وقعدو يتقهوون بالبريق اللي قدامكم
وفعلا جا الوايت علشان يسحب هاللي غاطسين

وشوفواوش صار

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x533 وحجمها 341 كيلو بايت .

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x540 وحجمها 433 كيلو بايت .

وتركو الجيب والحراثه والسقس والدركتل
وحاولوايطلعون الوايت

شكل السواق توهق وانواع الجزاءات بتطبق عليه

وحاولوا كثيراً بدون فايده

يوم انهم عجزوقالواما يفل الحديدالا الحديد

جيبواابو جنزير

ويجيك يتمخطر ويضحك على هاللي غاطسين

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x533 وحجمها 388 كيلو بايت .

لكن جاه ماجا ربعه

تعلق اخينا في الله وقال هذا مكاني

وجابواعمال البلدية يحفرون له وحطو له خشب يبونه يطلعلكن ما فاد

وبعد مااستفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد

ربطوا عدة وايرات في بعض وطلعو ابو جنزير ويقولون ان الدركتل اللي سحبه على الزفلت
هههههههه الصبخة ما يلعب معهاعلى الزفلت وعساك تسلم

ثم سحبو الدركتل

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x533 وحجمها 377 كيلو بايت .

والحمدلله على السلامه

هذي صورة للموقع من بعيد

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 800x533 وحجمها 311 كيلو بايت .

اللي يستفاد من الموضوع

1-عدم المهايط اذا شفت السيل
-2 حاول تستفيد من اللي توهقوا قبلك
-3 مهوب كل من اتصل بالدفاع المدني يبي يطلع

وفي الاخير شكراً لمن قام بالتصوير