يوميــــــــــات دوريـ المرور ــة ( تفضل حط موقفك )

والله سواليفكم فلة واللي حاط الموضوع فلة :cool:

أنا ما لي سواليف مغامرات مثلكم بس هذي سالفتي صايرة أمس العصر

وأنا راجع من الجامعة ksu على طريق الامام ( مخرج 9 ) نازل على الدايري الشرقي
الا اشوف المرور السري الكامري مديور مع المخرج
وكلنا نازلين على الدايري الشرقي
شوي الا اشوف الرجال يمشى معي :d واشوف يأشر بيده : وقف :mad:
<<< أخوكم مكتم ال 5 قزازات واللي قدام حاطها 0 - 0 بس تبين انها مظللة يعني باختصار ما يشوفني :d
واوقف له قال : وش كل هالتظاليل :mad: ؟ << طبعا بعد الرخصة والاستمارة
قلت : عشان الشمس :d
طالع السماء وقال : ما فيه شمس :eek: << أمس كان الجو غريب كل شوي تجي الشمس وتروح تجي وتروح
قلت : وش فيك لابس نظارات شمسية ؟ :p
قعد يضحك وقال فكها :)
جلست أفك تظليلة السواق وأراقبه بعيني الثانية ;) ادور الدفتر الاصفر عشان اقول له مانيب فاكها عطني مخالفة لأنه بيكون كاتبها كاتبها :d

فكيت تظليلة السواق وعطاني اوراقي وبسسسسسسسسسسس وسلمنا من المخالفة

وعلي مخالفة تظليلة من العطلة الصيفية على طريق الملك عبدالله :d

وبسسس

هذا موقف حصل معي قبل شهرين تقريبا
كنت افر الخميس الصباح يمكن الساعة 6 بتوقيت الرياض :d
و اجي مع شارع طويل شوي وفاضي الا راعي دورية جاي مع الاتجاه الثاني
يعني رايح عكسي طبعا انا كنت مولع الزنون في الكشافات والقصير وكاتم السيارة كلها من الى
شفته قاعد يناظر فيني قلت بس بيوقفني وازيد سرعتي شوي الين شفته ديور واديور انا بعد
المهم واصير عكسه واكرر نفس الحركة ثاني مرة وهو مسوي انه ما يبغى يولع السيفتي علشان ما انحاش :d
المهم بعد ما كررت الحركة للمرة الثالثة اخونا بالله مسوي ذكي وقف قمت انا وقفت على الجهة الثانية طبعا :d
شوي حقد ومشى وجا ديور قمت انا ديورت للمرة الخامسة هنا خلاااص طفش مني قالي بالمكرفون يااا راعي الاكورد بلا استهبال
قمت انا دعست ولفيت مع اقرب لفة وضيعته والى يومك ما شفت وجهه

هههههههههههههههههههههههههههههههههه

^^^^ وربي وناسه

وربي فطست ضحك

اقتباس:

---

المشاركة الأصلية كتبت بواسطة open window

هذا موقف حصل معي قبل شهرين تقريبا
كنت افر الخميس الصباح يمكن الساعة 6 بتوقيت الرياض :d
و اجي مع شارع طويل شوي وفاضي الا راعي دورية جاي مع الاتجاه الثاني
يعني رايح عكسي طبعا انا كنت مولع الزنون في الكشافات والقصير وكاتم السيارة كلها من الى
شفته قاعد يناظر فيني قلت بس بيوقفني وازيد سرعتي شوي الين شفته ديور واديور انا بعد
المهم واصير عكسه واكرر نفس الحركة ثاني مرة وهو مسوي انه ما يبغى يولع السيفتي علشان ما انحاش :d
المهم بعد ما كررت الحركة للمرة الثالثة اخونا بالله مسوي ذكي وقف قمت انا وقفت على الجهة الثانية طبعا :d
شوي حقد ومشى وجا ديور قمت انا ديورت للمرة الخامسة هنا خلاااص طفش مني قالي بالمكرفون يااا راعي الاكورد بلا استهبال
قمت انا دعست ولفيت مع اقرب لفة وضيعته والى يومك ما شفت وجهه

---

هههههههههههههههههههههههههههههههههههههههههههههههههه هههه

مروق عالصبح :d

^^^^^

هلا هلا بالشباب :d

يالله انت تحيييهم وتبقيهم :d
ما شاء الله نسيت الموضوع فترة وألقى كم هائل من المواقف < يا اللغه :d

يعـطيكم العافيه وما قصـرتوا ..

شباب انا توي اخدت قسيمه تظليل كم سعرها
يقولي ليه مظلل قلت له عشان الشمس وصكني بوحده وانا اضحك

لوول
اعتقد
100 او 150
اهو عطااك هاذي المخالفه يسمونها
شهاده حسن سيره وسلوك
:d

هههههههههههه

اطربونا بقصص طربيه

هلمو الى الطرب الاصيل

هووووووووووووووووع

انا صار لي موقف ماانساه كنت اتجاكر انا وسيارة الاشويه شافنا المرور السري

وقفني انا وخوي قال ماشالله مين طرح الثاني :d من يوم قالها انا ارتحتانو مايعطينا مخالفه

شكله شباب فلاوي قال المرة هذه سماح المرة ثانيه قسم بالله الحبس قلت له حاظر طال عمرك :d

والحمدالله عدت على خير

أنا والعياذ بالله من كلمة أنا

كنت مرة ادور بالحارة شوي قررت اروح للبيت ..

قبل الف مع الشارع .. الا الدورية بوجهي .. وقتها مضلل السيارة كلها دار مادار ..

وفاك اللوحة الامامية ..

واقفين .. انا اشوفهم وهم مايشوفوني .. شوي يكبس لي .. واطفي الزنون .,,.

شوي يطق لي اشارة .. واطفي السكن

شوي يشغل السفتي مدري وش اسمة .. وادق ريوس بخفيف ..

وامر من جنبه ويفتح الدريشة ..

وانا اكمل طريقي متجه للبيت .. قلت بمشي ع خفيف الين اوصل البيت وادخل السيارة واسحب عليهم ..

شوي الرجال وراي قاق قاق .. واصفط يمين .. وينزل قال الرخصة والاستمارة ..

قلت ليش .. قال تضليله وفك لوحه .. وعدم التجاوب مع الحكومة ..

واعطيه .. قال ركب اللوحة .. قلت بركبها داخل .. ويروح يسجل المخالفة .. واحرك السيارة وادخلها البيت ..

وارجع لهم .قال ليش ماركبت اللوحة .. قلت ياخوي بركبها داخل ..

قال طيب عطه ثلاث مخالفات تضليله ولوحه وعدم تجاوب مع الحكومة ..

قلت يارجال وش دعوة .. قال ليش ماوقفت .. قلت مادريت انكمم تبوني .. قال لا ياشيخ ..

قلت الغلط منك ماقلت لي شي .. قال طيب عطه تضليله ولوحه .. والعسكري ينفخ .. معصصصصصب :d

ههههههههههه

الحمدلله انها عدت على خير

انا عندي سالفتين الاولى يوم طلعت الرخصة
ادور التفتيش شوي وانا طالع مع حارتنا الا اشوف تفتيش على يساري واقوم واعكس الطريق واتعداهم واديور وارجعلهم احسبها بيقولي اوراقك تقاهم شي قالي انزل على الحجز <<<<<<<< انحش:confused:
وادق على ابوي عطاني كف قدامهم ومشوني >>>>>>>>>>>> هذي اخرة الزحف عشان لاتسوي فيها

السالفه الثانية قبل 3 سنين كنت اهجول على سيارة السواق
قدامي اشارة وصارت صفرة وانا ادعس ما دريت الا العسكري وراي
ولا كان معي لا اثبات ولا رخصة
قالي كلم ابوك وقلة انك بتروح الحجز قلتله ما عندي رصيد <<<<<<<< طولت ما هي سالفه قصه:o
شوي ناظر جواله n95 والظاهر حتى هو ما عنده رصيد ومشاني
بعدها بفترة صارلي حادث قبل العيد بيوم وجاني نفس العسكري وقال لابوي
وسحب ابوي مني السيارة شهر
وعطاني ددسن المزرعه موديل 83 وفيه شبك<<<<<<<<<<< ام الهجولة :cool:
ويعطيكم العافية

المواقف كثيره مع حبايبنا رجال المرور

انا مركب في خلفية السياره كلمة PLAY AWAY
المهم وقفتني الدوريه مره اخر الليل تدرون لييييه؟؟؟!!!

يسألني وش معنى PLAY AWAY بالعربي :confused:

يوم علمته قال توكل على الله واسفين على الازعاج

سلآم عليكم حبيت أشآرك بالموضوع ...

وأشآركم أغرب موقف مع المرور حصلي ..

يوم من الأيآم كنت أنا ووآحد من خويآي نلفلف بمكة ..

ودخلنآآ زي المخطط مظلم ومآعندك احد اللين تحسب في الخلآ جآلسين ...

والله والآفي الدورية ورآي ومطييير من بعييد ومشغل السفتي ...

طيب وقفني في الخلآ والدنيآ ظلآم وقعد يكشحلي يعني إنزلي خرجت يدي وأشرتله بيدي تعآل أنت المهم جآني وريحته لخششمي وآصلة ..

بيني وبينكم أظن ريحته حشيش لأنه كآن يترنح بمشيته جآآني يهرج من وسط خشمه رخصة وإستمآرة قلتله رخصة بالبيت وعطيته الإستمآرة ..

رجع لسيآرته قعد ربع سآعة تقريبآآ وبعدين كشحلي يعني تعآل قلت يآولد عيب كل شوي هو يجيني خلني أروح أشوف وش يبآآ ...

رحتله قلي الوآلد عنده قسيمة سرعة ( لآن السيآرة بإسم الوآلد ) والوآلد الله يحفظه له تسع سنين مآيسوق .. :d

قلتله شكلك غلطآآن يالحبيب الوآلد له تسع سنين مآيسوق قلي كلله بالجهآز مكتوب ..

إلا خويه يضحك بصوت عآآآآلي وفجأأة أنا انفجعت قلتله سلآمآت وش فيه قآل لآ أكيد اتذكر موقف مضحك قعدت أضحك من دون نفس خخـ :)

قلتله يالحبيب عطني القسيمة خلني أتكل قآآل مآآفي قسيمة ومآآفي إستمآآرة وش بتسوي ( قآآعد يكلمني وهو مسطول ) والله وسحبت الإستمآرة من يده ونآآ خآآيف يروح يسوي شي والله وزي مآأنآ وحطيت رجلي ..

الزبدة من الهرج ذآآ كله إنو مسكوني عسآكر منتهين التآنكي فلل عندهم ... الله يبعدنآآ عنهم بس

اما انا تجربتي مع المرور تجربه غبيه

كانت في رمضان اللي طاف وكان دوامي اخر ليل الوكاد اني صحيت من النوم :raged: على وقت الدوام بالظبط يعني حتى الفطور ما افطرت ذاك اليوم وما لكم بالطويله:aa_emghater: ويجيك ابو سعيد يسوي انتفاضه في الشقه :shock2: وهاتك دق سلف السياره وطبعا مشوار بعيد من حي الجسر الى ارمكوا الظهران وطبعا كنت متاخر عن الدوام اكثر من مره قبل كذا واربط الحزام ( اهم شي الحزام يا شباب :d) واجيك وبيدأ المسلسل من عند كوبري البحرين من تحت طبعا الدوريه على كلام العسكري ان كان خلفي مباشره ( وربي بلاني بواحد لحجي سطل:banned2:) ويسجل المخالفات وبدون اي مبالغه كالتالي:-

1. قطع اشاره
2. عكس سير
3. سرعه جنونيه( فوق ال 190 )
4. تجاوز غير نظامي.
5. تظليله
6. وتجاهل السلطات ( اول مره اسمع فيها )

وطبعا الرجال يطاردني من حي الجسر وانا ما انتبهة له الا عند المفرق الي يوديك الى الظهران او الخبر والراشد الي هو نهاية طريق الجزائر وطبعا ما وقفت الا عند محطة التسهيلات وبصراحه كانت هذا اول مخالفه بس كما قالت الشاعرهـ ( هي خاربه خاربه خلينا نعميها ) وطبعا كان فيها سجن وحجز سياره مبلغ المخالفات فوق 3600 ريال بس بعد الواسطه:secret: ولله الحمد خلوها حجز للسياره لمده يوم والمخافالت حطوها قيادة المركبه من غير لوحات والسرعه
كيف بس اصلح شاعر والا لا>>> مضيع :nerd:

وعلى فكره هذا طريق الشرقيه الرياض عجيب قسم بالله

عن نفسي اذا سرعتي 140 130 يعطوني مخالفه والله مره عطوني مخالفه على سرعه 132

وشر البليه ما يضحك اذا دعست 160-200 على طريق الشرقيه الرياض ما حد يصيدك من امن الطرق والى الحين على كثرة الروحات والجيات ما صادوني ولا مره وانا مسرع فوق 140 .


thanks

ضحكه مع مخالفه
هاي حكيتي
كنت نازل عند اهلي في وقت متاخر تقريبا 2 ونص اخر الليل
وصلت عند تفتيش محطه الاسمنت
قالي الرخصه والاستماره
قلته سم
كنت منزل السياره شوي
قال ليه منزل
حطتها في اخوي(تصريفه جاهزه)
وشكله كان زهقان وجلس انتو يا الشباب جيل مستهتر و جلس يلقى علي خطب ومحاضرات
مده المحاضره تقريبا نص ساعه وصار راسي اكبر من السياره
وانا بيني وبينكم انقهرت لطعني(خلاني اجلس عنده) ع الفاضي
وبعد طول انتظار قال بعطيك مخالفه
كان بجنبي ولد خالتي
سئلت العسكري كم قيمه المخالفه
قالي ما ادري الصباح رح المرور واستفسر عن قيمتها
رفعت فيه(صبغت فيه) وقلت له بحكم خبرتك وكثر ما تعطي مخلافات
اكييد عندك فكره كم قيمتها
قالي ما ادري يمكن 100 او 150
وانا مقهور ع لطعه
قلت له بس
انا قلت الحين بتقول
1000 او 2000
بس 150
وجلست اضحك وانا راجع السياره
والناس مستغربه معطينه مخالفه ويضحك

السلام عليكم

كيف الحال يا شباب


وش رأيكم فيهم عيونهم قويه بعد حتى لو انت ماشي صح


قبل كم يوم كنت أفر اخر الليل وشوي يطلع لي دوريه مرور ويلحق فيني ***** صفط على جنب *** أقول وش يبي ذا يا ليل أبو لمبه

مسوي احترامات قمت نزلت وسلمت قلت هلا آمر قال رخصه واستمااااره رجعت السياره وجبت الرخصه والاستماااره ,,, كالعاده &&& خليك في السياره

عسى خير

شوي ونزل قال شيل التظليل قلت سم قال شيل التظليل قلت عازل حراري مو تضليل قال معك كرت قلت ايه وفاتوره بعد باسمي وبلوحة السياره تعرفون وش ذي عاد

المهم عطيته الكرت فيه اسمي ولوحة السياره ونوعها قال ذا كرت ضمان ,,, قلت يعني اكذب عليك انا مركب عازل حراري ب 1800 ريال ومعاي كرت من نفس الشركه لو هو تظليله عاديه ابو 50 ريال من عيوني اشيلها


المهم يجي منا اسكر عليه لحد ما طفش وعطاني ارواقي وقال يالله روح لا عاد اشوفك مره ثانيه ,, رديت قلت أنا هنا 24 ساعه اذا بتستقعد لي بكيفك ,, ركب السياره ورااااح ,,, وانا فرفر !!!!!

انا حكايتي يوم ماطلعت السيارة من الوكالة ..استلمتها الصبح وفرفرة يا معلم اللين ما بتقول بس...المهم وحنا بنفرفر الوالد دق علي وقالي عندنا دفنية بعد صلاة الظهر ...قلت اوكي ما فيها مشكلة ..ورحنا المقبرة وخلصنا وطلعنا .. وانا طالع مني ملاقي السيارة و اروح لاقرب عسكري وابغه على السالفة الا وهو يقولي انو سيارتي توها ساحبينها من المقبرة ومودينها على الحجز....تخيلون في اول يوم تستلم فيها سيارتك وتروح الحجز بدل ما تروح حوش البيت..

وعندي موقف ثاني اذا ما اطلت عليكم .....وانا طالع من الدوام وراد على مكة عند نقطة تفتيش الشميسي و العسكري يوقفني ويقولي وهو مربوووش ((شكله دوبه متعين وهالكينه)): خوياتكم يالشباب يقصد ((هوياتكم يالشباب )) و افك ضحك عند عند التفتيش ومعطل السير كمان......واعذروني على الاطالة dom012 acc05