الموضوع: يوميــــــــــات دوريـ المرور ــة ( تفضل حط موقفك )

هلا والله .. اخباركم شباب؟

أنا مرة كنت اسولف مع خويي من دريشة لدريشة وكنا ما شين بسرعه 20 يمكن .. نمشي ونسولف وورانا سيارة .. المهم انا ما انتبهت الا يوم قال لي خويي ترى وراك سيارة .. المهم قلت له ادخل للحارة ودخل .. ويوم جيت بدخل ولا فيه دورية ويوقفني .. وخويي راح .. وقال لي وش عندك تسولف مع خويك وسط الشارع قلتله والله انا توي راجع من العليا وبروح اتعشى انا وياه بس كنا نتفق على مكان قال ايه بالعافية .. جب اثباتك والاستمارة .. قلت طيب .. وجبتها له .. قال انا اكره ما علي هذي الحركات .. لانك كذا تصير أناني (طبعا هو مطوع .. من المطاوعه اللي يحسبون انهم صح في كل شي) المهم قلت له ليش اصير اناني .. قال لانك موقف الشارع واللي وراك يمكن عنده اهل وزوجه ينتظرونه .. قلت لو انه عنده شي كان كبس لي ولا ضرب بوري .. المهم بعدين طلع دفتر المخالفات بيكتب مخالفة ... وطبعا كلكم تعرفون المثل اللي يقول (اذا بغيت شي من الكلب قله يا سيدي) المهم قلت له وش دعوة ان شاء الله ما تتكرر .. ومن هالهرج .. وقال اسامحك المرة الجاية مب الحين .. قال لي انت وين ساكن ؟؟ قلت هنا بالحارة . . . قال وش عندك طالع بنص الليل .. قلت له انا منب راعي دوران << انا اكثر واحد يدور بالعالم :D .. بس قلت لك بتعشى مع خويي .. المهم وبدا يكتب المخالفة .. وبعدين قال لي الرسول صلى الله عليه وسلم قال اعطوا الطريق حقه صح ولالا .. قلت له صح .. قال ليش طيب ما تسوي هالشي .. قلت له والله عاد فيه اشياء كثيرة يقولها الرسول وما تسويها لا انت ولا غيرك .. قال مثل وشو؟ . . . قلت انا ما اعرف عشان اقول لك نثل وشو .. بس الصحابة كانوا يخطون .. وانت جاي تقول لي انا ما اخطي .. وبعدين جا قال بس لكل مجتهد نصيب .. قلت له طيب انا اجتهدت واخطيت بالحركة اللي تو .. وانت اجتهدت واخأطت بحركات ثانية .. المهم جاء دورية ثانية وقف جنبه (نفس وقفتي انا وخويي لكن بطرف الشارع شوي << عشان اكون صادق) المهم وسأله خويه وش السالفة ؟ قال والله فيه ناس معرقلين السير ... وهو وقتها كان ماسك المخافلة والاستمارة بيده .. جيت سحبت المخالفة من ايده ومشيت .. ركبت السيارة وسفرت المطب اللي قدامه .. لكن والله قهرني هالمطوع النتفه !!!!!

المشاركة الأصلية كتبت بواسطة open window

تصدقون امس صار لي موقف رهيب
كنت راجع البيت بالليل جاي من العزيزية المهم فيه طريق مختصر سيد رايح وسيد جاي
انا امشي يمكن 140-150 جيت بتجاوز اكسنت اثره هو بعد يبي يتجاوز واتعداه مع الكتف (طبعا راعي الاكسنت كانت قدامه سيارة ولا يشوف وش قدامها)
وشوي مدريت الا واحد يكبس اثرها لومينا :d
يوم جا يبي يتجاوزني الا اشوف قدامي راعي جمس داااز بقوة واعطي راعي اللومينا اشاره يسار ويرجع بسرعة قسم بالله شطفه راعي الجمس شطفه خلته يشوف الموت المهم ويمشي وراي
الين خلصنا الطريق ودخلنا واحد ثاني الا ويولع السفتي :d
(كان قدام السيارة الي يبي يتجاوزها راعي الاكسنت يعني انه شافني يوم كتفته:d)
قلت بس والله اكلناااها ويمر من جنبي ويسلم ويعطيني تحية ويمشي :d
انا امس قلت بس سجن 5 ايام مع الجلد لاني خرقت عشر قوانين :d
لكن الحمد لله ربك ستر

هذا ردي في موضوع السوالف :d

Honda MR-V
تعيش وتأكل غيرها مع الحبايب :d
بس زين ما عطاك مخالفه بعد هالاجتهاد منك ههههههه


open window
ههههههههههههههه ربك ستر بس ..
اجل لا تعودها بس :d

اولا اشكر اخي طارح الموضوع ..

ثانيا بذكر لكم موضوع وموقف حصل لصاحبي بس لانه شديد حبيت اذكره ليكم ...

يقول لك الرجال جلس من النوم الليل الساعه 9 قام صلى تروش وصلى المغرب وطلع بيروح ياخد له شي ياكله من المطعم جا بيشغل السياره مالقاها مكانها ههههههههههههههه
تخيل تطلع ماتشوف سيارتك مكانها اتصل علي وينك قلت له بالبيت قال ماتدري مين اخد سيارتي قلت له ادري قال لي مين قلت له ابوي محتاج سياره وجا اخدها قال لي ما انكت وياك اتكلم جد سيارتي انسرقت قلت له طيب جاينك الحين ..
ورحت له ورحنا الشرطه المهم دخلنا الا نشوف السياره موقفه ..
طبعا كان ليلة خميس سألناهم ليش السياره موقفه قالو ماندري تعال راجع يوم السبت ...
راح صاحبي يوم السبت كل واحد يقول له روح للثاني لين وصل لواحد حوله على البحث الجنائي ..
دخل مكان التحقيق وقفلو الباب وسألوه ليش سارق السياره قال ليهم مو سارقنها سيارتي قالو له السياره عليها بلاغ انها مسروقه وين اثباتك واستماره السياره قال ليهم في السياره كل شي محفظتي واستمارة السياره قالو ليه طيب بنشوفهم وراحو جابوهم وتأكدو انها سيارته وقالو له روح ولا تعيدها <<< حلوه لا تعيدها ههههههه

اعطيكم سالفتي اول ما طلع نظام ممنوع تكلم جوال في السياره وانا كنت اكلم جوال صاحبي وجالس اخد واعطي معاه وكان اوصل التفتيش وانا ولا على بالي نزلت نافدتي وقلت السلام عليكم ما رد العسكري جلست شوي اكلم ولما سكرت الا يقول العسكري خلص المدير من المكالمه قلت له ايوه خلصت قال لي سمعت عن مخالفه مكالمة اثناء القياده قلت له لا والله قال الحين تشوفها وتاخدها مو بس تسمع عنها وتعلم الشباب عنها تراها جديده قلت له يعني لو انا سمعت عنها بكلم جوال قدام عيونك اكيد ما راح اسوي كدا ...
قال لي روح واخر مره تعيدها

وخدو دي السالفه كمان مره كنت طالع من البيت الصباح بروح الجامعه طلعت من البيت وطلعت على الشارع وللحين ما مريت على اي اشاره يعني ما صادفتني اشاره خير شر كان يوقفني راعي دوريه ويقول لي ليش قاطع اشاره كان اقول له اي اشاره الي قطعتها قال الاشاره الفلاني قلت له انا اصلا ما عبرت على الاشاره الفلاني لان بيتنا هنا وتوني طالع من البيت باروح الدوام كيف قطعت ديك الاشاره وانا ماعبرت عليها ..
قال لي طيب لحضه وراح جلس في السياره ربع ساعه وبعدين رجع لي قال لي روح ولا تعيدها ههههههههههههههههههه << حلوه لا تعيدها

ههههههههههههههههههههههه

شكرا على قصص لا تعيدها :d

lonly style

ههههههههههههههههههههههههه
موب صاحين :d
ولا تعيده مرة ثانية:d

مشكووورين عالموضوع الروعه

والحين جا دوري وانا معاي اكورد 2005 وعمري 17 يعني توني صغير وما معي حتى رخصه

المهم

السالفه الاولى
كنت مره مجنب بالسياره على جنب وكنا نتعشى انا وخويي المهم عاد يوم خلصنا عشا وجينا نمشي كانت الكيسه حقت الوسخ كبيره عاد فتحت النافذه وانا توني محرك واحذف الكيسه واللي وراي كانت دوريه وانا مو منتبه ولا تجي الكيسه الا بقزازه الدوريه ويكبس لي ويوقفني وجلس يفزع ومدري شنو ومخالفه ومشيت

السالفه الثانيه

مره كنت افتر باخر الليل عاد فيه تقاطع داخل حي وباخذ التقاطع والسياره اللي تمشي بالشارع الثانيه دوريه ومانبتهت لها لانه المكان اظلم وعاد اقطع عليه الشارع وعلى طول ولع السفتي الاصفر ولا وقفت وولع السفتي الازرق ولا وقفت وولع الفلشر وقام بالميكرفون جنب ياراعي الاكورد وجنبت عند باب بيت ونزلت وكانوا معاي خمسه من عمري وماحد منهم عنده اثبات المهم عاد انا نزلت وعلى طول نزل هو قالي الرخصه والاستماره ورحت بجيب الاستماره والاثبات حقي من السياره وناظر من الباب لانه السياره مظلله عازل في كول
المهم وقالي واثباتات اللي معاك كلهم
المهم جبت الاستماره وقالي الرخصه وينها قلت له ماعندي وقالي واثباتات اللي معاك قلت له ماعندهم قال ماشاءالله شرطه الجفر تستناكم
وقالي اركب سيارتك والحقني
* للمعلوميه الجفر منطقه عندنا وفيها مركز للمرور وانا من الاحساء
المهم اكمل لكم ورحت امشي وراه واشوفه يروح طريق غير طريق الجفر عاد انا ابي اكلم ابوي وامسك الجوال الا ومقفل
المهم مشيت ورواه والا اشوفه الا راح عند نقطه تفتيش كبيره تقريبا عشر دوريات هناك
المهم وضيعت العسكري اللي مسكني واجلس احول لحالي بالنقطه وما اشوف الا عسكري ينادي لي وركب الجيب المهم رحت له واللي بالجيب المعقب والعسكري اللي مسكني المهم وقام يهذر العسكري حمار درجه اولى والمعقب طيب والله قاله ايش فيه هذا قاله مظل كتم وقاطع الشارع وزنون و ولا لابس حزام امان عاد انا وقتها سبيته لانه كيف مظلل كتم ولا لابس حزام امان شدراه بس ماتكلمت
شوي وقالي المقعب روح فك التظليل قلت له ذا عازل بالكمبيوتر من في كول وعطيته الورقه وقالي في كول والا غيره الوزاره الداخليه مانعه التظليل المهم قلت له والحل قالي روح فكها وقلت له ماتنفك والعكسري الكلب على طول تليقف واخذ الموس وراح يبغى يفكها وراح وظل يحافص ومو جايه تنفك معاه واندق بدنه ورجع وركب الجيب وقلت له شفت ما تنفك قال مو صعب ماتنفك الحجر يخلونك تفكها وقال لي ناد للي وياك وخلهم يركبون الدوريه والسياره راح نوديها الحجز قلت له صبر صبر ليش كل ذا قلت له صبر خلني اكلم الوالد ويجي يتفاهم معاكم قال المعقب حق العسكري نسامحه هالمره قال العكسري شوف كيف يتكلم وتبغانا نسامحه لازم نأدبه المهم دقيت على ابوي كانت ليله خميس وهو يتعشى مع ربعه بالدوانيه واندق بدنه وعصب وقالي لخلصت عشى بجيلك قلت له بيودني المزكز وبدخلون السياره الحجز وانت تقول لخلصت عشى وقال اها هذا انا بجيك ويوم جا ابوي العكسري الكلب قلب ومسوي فيها ينصح ومدري شنو يقول السياره ابوك شراها للحاجه ماشراها للدواره ومدري شنو وقال حق ابوي بس لازم تفك التظليل قاله ابوي طيب كيف عاد ظل يشرح العكسري على محلات عشان يفكونها قاله ابوي ابشر وعاد مشوووني بعدها ولا فكيتها اصلا

وفيه سوالف زحمه بس ماعندي وقت الحين الجايات اكثر

هذا وانا عمري 17 وملفي اسود عند المرور

وفيه سوالف اقولها لكم وقت ثاني مع البحث ومع السريه الخ ..

يلا بما انه ماحد رد راح اقول قصصي الثانيه

السالفه الثالثه

مره كنت برجع الفريج باخر الليل كانت الساعه 2 كان داق علي ابوي ومسوي زحمه عاد كان معاي ولد جيرانا وكنت اسرع والجو بارد وهو يقولي سكر الدرايش عاد انا معند عاد هو عناد راح فتح الباب وانا امشي 120 وشوي الا اشوف وراي سياره حمره تكبس قوطي اللي هي هيونداي المهم وضل يكبس وماقفت الا بعد فتره ونزلت وانا حاط ببالي يمكن واحد قاطع عليه الشارع او زي كذا ولا اقرب الا ماسك البرقيه ويكلم الحكومه وعرفت انه البحث عاد انا قلبي وقف قالي اثباتك واثبات السياره ورحت وعطيته اثباتي واثبات السياره
المهم جبت له الاستماره واثباتي قال خل اللي معاك ينزل المهم نزل ولد الجيران ومن الخوف ساله قاله شفيك فاتح الباب عاد ولد جيرانا ماقصر قال له اقوله وقف ومو راضي قاله يعني مختطفك قلت له ولد جيرانا كيف اختطفه وسوى زحمه ساعه وابوي يدق وانا ساحب عليه وجالس اقدرن في البحث وقالي سيارتك على اكثر من بلاغ سرعه على طريق جواثا

طريق جواثا طريق طويل حق قومات وزي كذا عاد انا كله ادوس عليه اجيب 210 فيه
اقدرن = احاول فيه يسامحني

المهم


السالفه الرابع

توها ليلة الجمعه اللي راحت نفسه على طريق جواثا عاد جالس اتمشى في الليل الساعه 12 ونص ومعاي واحد من اصحابي ابوه نذل المهم دق ابوه ويبغاه يرجع البيت بسرعه المهم انا قمت اسرع لين 150 وامر عند ذاك الفورد الاسود المظلل كتم وقام يكبس لي عاد انا متوهق قلت لا ابوووه وازيد عالدعسه واشوف اقرب تقاطع وارجع وهو وراي وراي والله وصلت 200 وانا مطفي الانوار المهم واخش داخل مخطط واضيعه ورحت نزلت اللي معاي واروح اطير على خط قطر هناك بيت اهلي المهم عاد شوي ويدق صاحبي ويقولي انه واحد داق عليه قاله قول حق صاحبك سيارته عليها بلاغ وهو هارب من الحكومه طلع راعي الفورد بحث المهم وقاله قوله يغيب السياره لانهم راح يشلونها والبلاغ مسجل لانه متهور وهارب من الحكومه عاد انا توهقت المهم دقيت اللي البحث اللي ماسكني من قبل اللي سردت لكم سالفه ^^ فوق المهم وضليت اقردن فيه ابغاه يشوف لي حل قالي المشكله رفعنا الاوراق
قلت له شوف لك حل وزي كذا لين ما انحلت السالفه وشالوا البلاغ

المرور ومآ أدرآك ما المرور .... تسعمية وخمسة وسبعين الف واربعمية وثنين وعشرين دولار قصة مخالفة :d < وش دخل دولار في السالفة

المهـم بقولكم السوالف وحدة ورى الثانية اذا ما عندكم اي مانع << اكيد ياخي الموضوع ما حطوه الا عشان الأمور هذي

ادري اللي طرح الموضوع يبي سوالف السيارات المعدلة بس الى الآن ما سويت تعديل وانواع السوالف اجل مع التعديل اش رآح يصير

السـآلفة الأولى :

كنت في الريآض ومعي سيآرة ولد عمي كرآع سعيدة ( كرسيدا ) 95 اكس ال صدامات سود < احد يشتري وين الشريطية :d

المهم وآقف عند الاشارة وزيي زي الطيبين رابط الحزام ومؤدب :o المهم جنبي دورية فورد شكيت في الوضع ولا حتى التفت وطالعت فيه وقتها ما معي رخصة ولا هم يحزنون فكت الاشارة ولفيت يسار وأخينـآ في اللـه ورآك ورآك والزمن طويل المهم يكشح بالنور وخويكم معطيه اشكل نظيف حتى المراية ما طالعت فيها اخاف اطالع ويطلع راعي الدورية والرجآل الطيب من اول يكشح وانا ساحب عليه سيفووون آخر شيء يدق البوري حق الدوريآت طآآط طآآط ولا يزآل السيفون مسحووب الين نآدآني على جنب يا راعي الكرسيدا هنـآ ضاعت علوومي وطالعت في المراية الا مشغل السفتي ويكشح وزحمة وسفطت على جنب قال لي الرخصة والاستمارة طبعا رخصة مافيـه والاستمارة طلعت مطوفة لها 3 سنوات :d قلت يابن الحلال السيارة لولد عمي وانا كان عندي مشوار عائلي < ايه هين وبرجعها له قال طيب ويدخل رقم البطاقة في السيستم ما لقى ولا مخالفة قال حلو حلو ويصكني بذيك المخالفة الله لا يبارك فيه

السـآلفة الثآنيـة :

كنت في جدة جـآي من خليج سلمان وطبعا فيه تفتيش نشبة معروف هناك عند كبري مبنى الحجاج انوآع الاستقعاد بمعنى الكلمة المهم انا جآي امشي 200 :d فيني رجة مدري من وين جت المهم وآحد راعي لومينا متخبي ورى الصبات ويوم مريت من جنبه ما اشوف الا قوة تكشيح عشان يلقط اللوحة الا التفتيش قدامي وكل مسار عليه عسكري المهم كلهم يأشرون على الأكورد قلت بس رحنا فيها والعيال اللي معي قالو عز الله رحت فيها واثباتات ورخصة واستمارة ومدري ايش انا جالس في السيارة افكر إيش اقول المهم وازبط لهم ذاك المخرج اللي يحبه قلبك انت ويآهـ :d اسمعو كيف التصريف عشان اذا طحتو في مواقف صعبة زي كذ1 تتصرفون المهم قلت له ياخي انا ملفي نظيف وشيك عندك في السيستم مو راعي سرعة ولا شيء ( طبعا لأني داري ما راح يشيك ولا شيء قلتها له وعشان ابين له اني واثق ) بس اخوي مريض في البيت والوالدة كبيرة في السن وابوي مسافر وقالت تعال عشان تودي اخوك المستشفى حالته خطيرة وجيتك طيران الحين بس خلني اروح واول ما اخلص اجيك طبعا اللي ماسك النقطة رقيب مستقعد مو راضي قلت له ياخي عطني رقم الضابط حقك اكلمه اتفاهم معه قال انا اكلمه بالجهاز اللاسلكي ويكلمه وربع ساعة يلطعني وانا متبع المثل اللي يقول ( اذا كان لك عند الكلب حاجة قله يا سيدي وانتم بكرامة ) المهم فكني وقال تجي الساعة 2 للحجز اللي عندي اوايسيس مول قلت ولا يهمك قال استناك قلت له من عيني هذي قبل هذي بس خلني الحق على اخوي ... طبعا ما يجوز الواحد يتبلى على نفسه بس مالك الا كيذ1 ولا تنلطع في الحجز زي الحلوين وانا طابعا جاي جدة اربعة ايام وراجع يعني اتكي في الحجز الين يوم السبت وقتها كان يوم ربوع المهم واسحب على مندوبهم سيفون أليييييييييييم واكلم وآسطة من هنا وهناك الين جبت اثباتي واثبآت هنـآدي :o
فيه مواقف كثيرة لا تعد ولا تحصى ان كنتم ترغبون بالمزيد لا مانع .. اتصل نصل :d < من اي دعاية سارقها مدري؟!

^^^

up

up

عاجبني الموضوع

والله سواليفكم فلة واللي حاط الموضوع فلة

أنا ما لي سواليف مغامرات مثلكم بس هذي سالفتي صايرة أمس العصر

وأنا راجع من الجامعة ksu على طريق الامام ( مخرج 9 ) نازل على الدايري الشرقي
الا اشوف المرور السري الكامري مديور مع المخرج
وكلنا نازلين على الدايري الشرقي
شوي الا اشوف الرجال يمشى معي :d واشوف يأشر بيده : وقف
<<< أخوكم مكتم ال 5 قزازات واللي قدام حاطها 0 - 0 بس تبين انها مظللة يعني باختصار ما يشوفني :d
واوقف له قال : وش كل هالتظاليل ؟ << طبعا بعد الرخصة والاستمارة
قلت : عشان الشمس :d
طالع السماء وقال : ما فيه شمس << أمس كان الجو غريب كل شوي تجي الشمس وتروح تجي وتروح
قلت : وش فيك لابس نظارات شمسية ؟ :p
قعد يضحك وقال فكها
جلست أفك تظليلة السواق وأراقبه بعيني الثانية ;) ادور الدفتر الاصفر عشان اقول له مانيب فاكها عطني مخالفة لأنه بيكون كاتبها كاتبها :d

فكيت تظليلة السواق وعطاني اوراقي وبسسسسسسسسسسس وسلمنا من المخالفة

وعلي مخالفة تظليلة من العطلة الصيفية على طريق الملك عبدالله :d

وبسسس

هذا موقف حصل معي قبل شهرين تقريبا
كنت افر الخميس الصباح يمكن الساعة 6 بتوقيت الرياض :d
و اجي مع شارع طويل شوي وفاضي الا راعي دورية جاي مع الاتجاه الثاني
يعني رايح عكسي طبعا انا كنت مولع الزنون في الكشافات والقصير وكاتم السيارة كلها من الى
شفته قاعد يناظر فيني قلت بس بيوقفني وازيد سرعتي شوي الين شفته ديور واديور انا بعد
المهم واصير عكسه واكرر نفس الحركة ثاني مرة وهو مسوي انه ما يبغى يولع السيفتي علشان ما انحاش :d
المهم بعد ما كررت الحركة للمرة الثالثة اخونا بالله مسوي ذكي وقف قمت انا وقفت على الجهة الثانية طبعا :d
شوي حقد ومشى وجا ديور قمت انا ديورت للمرة الخامسة هنا خلاااص طفش مني قالي بالمكرفون يااا راعي الاكورد بلا استهبال
قمت انا دعست ولفيت مع اقرب لفة وضيعته والى يومك ما شفت وجهه

هههههههههههههههههههههههههههههههههه

^^^^ وربي وناسه

وربي فطست ضحك

المشاركة الأصلية كتبت بواسطة open window

هذا موقف حصل معي قبل شهرين تقريبا
كنت افر الخميس الصباح يمكن الساعة 6 بتوقيت الرياض :d
و اجي مع شارع طويل شوي وفاضي الا راعي دورية جاي مع الاتجاه الثاني
يعني رايح عكسي طبعا انا كنت مولع الزنون في الكشافات والقصير وكاتم السيارة كلها من الى
شفته قاعد يناظر فيني قلت بس بيوقفني وازيد سرعتي شوي الين شفته ديور واديور انا بعد
المهم واصير عكسه واكرر نفس الحركة ثاني مرة وهو مسوي انه ما يبغى يولع السيفتي علشان ما انحاش :d
المهم بعد ما كررت الحركة للمرة الثالثة اخونا بالله مسوي ذكي وقف قمت انا وقفت على الجهة الثانية طبعا :d
شوي حقد ومشى وجا ديور قمت انا ديورت للمرة الخامسة هنا خلاااص طفش مني قالي بالمكرفون يااا راعي الاكورد بلا استهبال
قمت انا دعست ولفيت مع اقرب لفة وضيعته والى يومك ما شفت وجهه

هههههههههههههههههههههههههههههههههههههههههههههههههه هههه

مروق عالصبح :d

^^^^^

هلا هلا بالشباب :d

يالله انت تحيييهم وتبقيهم :d
ما شاء الله نسيت الموضوع فترة وألقى كم هائل من المواقف < يا اللغه :d

يعـطيكم العافيه وما قصـرتوا ..

شباب انا توي اخدت قسيمه تظليل كم سعرها
يقولي ليه مظلل قلت له عشان الشمس وصكني بوحده وانا اضحك

لوول
اعتقد
100 او 150
اهو عطااك هاذي المخالفه يسمونها
شهاده حسن سيره وسلوك
:d

هههههههههههه

اطربونا بقصص طربيه

هلمو الى الطرب الاصيل

هووووووووووووووووع

انا صار لي موقف ماانساه كنت اتجاكر انا وسيارة الاشويه شافنا المرور السري

وقفني انا وخوي قال ماشالله مين طرح الثاني :d من يوم قالها انا ارتحتانو مايعطينا مخالفه

شكله شباب فلاوي قال المرة هذه سماح المرة ثانيه قسم بالله الحبس قلت له حاظر طال عمرك :d

والحمدالله عدت على خير