السـَلام عليكم ورحمة الله وبركآآآتهْـ
كيف حالكم يا أعضائنا .. ؟!
بصراحه أنا لي فترة طويلة لم أكتب بهذا القسم و هو أحد أساسيات المنتدى ..
اليوم حبيت اناقشكم في موضوع مهم جداً ..
و هو متى آخر مرة جلست فيها مع أختك .. ؟!
في البداية .. خلونا نكون صريحين ..
هل جلست معها تقريباً نقول قبل اسبوع .. !
قبل شهر .. !
قبل سنة .. !
سنتين .. !
كل واحد يجاوب في نفسه هـ السؤال ..
س : هل مرة حاولت و طلعت مع أختك و تعشيت معها في مطعم .. يعني عزمتها .. ؟!
هل ممنوع أنك تطلع مع أختك .. ! أبوك وفر لك سيارة و مستعد يعطيك المال لهذا الشيء ..
و اذا ما عندك سيارة .. ان شاء الله والدك ما راح يقصر معك في هذا الأمر .. بالعكس راح يفرح و الله ..
ليش ما تتقرب من أختك و طبعاً أنا ما أعني كل الناس .. في ناس مخلي أخته ، صديقته و كاتـِمة اسراره ..
و بصراحه هذا النوع أحييه على هذا الفعل ..
لأن بــِدور ِ الفتاة تحتاج إلى الحنان .. تحتاج إلى الكلام الرائع التي تريد ان تسمعه من أخوها و ليس فقط من أبوها و أمها ..
و الوقت اللي لك و تقدمه لربعك و تطلع معهم .. ليش ما تقدمه لأهلك .. مثل ما للربع وقت .. لـ الأهل عليك حــَقْ ..
و لا تبي أختك تكلم واحد غريب عشان تسمع منه الكلام المعسول و الكلام العاطفي و يكذب عليها و هي تصدقه .. !
هل تريد أختك يكون حالها مثل كذا .. ؟!
لا تصرخ بقولك لا .. ! .. إذا كنت لا تريد أن يحدث ذلك .. فانطلق إليها و كن بقربها ..
و صدقني أختك راح تفرح كثير .. و لا تقول و الله هذا الشيء راح ينقص من قدري و هيبتي عندهم و أني لي هيبه في البيت ..
صدقني .. الهيبة مو بالضرب و اني أطقها و أني أقسي عليها عشان سوت خطأ .. !
كل شيء يكون بالمواساه و الكلام الطيب .. البنت ما تبي تسمع كلام يجرحها ..
بل تبي تسمع دووم كلام حلو و تبي حد يسمعها .. خلك بقربها و أعرف مشاكلها و إذا ما قدرت خل والدتك تكون معك , ما فيها مانع ..
بالتوفيق لكم أحبتي ..
انتظر نقاشكم ..
[ ملاحظه : لا أريد رد مشكور و انما نقاش .. ! ]
أخوكم ،،
مواقع النشر (المفضلة)